شباب فلسطين

Banbon · 03-23-2007, 06:55 PM

بالأمس مساءا قبل العاشرة بدقائق كنت أتابع SpaceToon قناة شباب المستقبل

على فكرة SpaceToon من الفضائيات النادرة و التي تستطيع متابعتها بكل اطمئنان أنت و كل الأسرة دون الخوف من لقطة هنا أو منظر هناك أو كلمة ما تندس بين السطور

المهم يا الربع

كان مسلسل الرسوم المتحركة " مش عارف اسمه " فيه أخوان أحدهما شرير و الآخر طيب و على نياته

تابعت الحلقة من منتصفها تقريبا

كان المشهد كالتالي

أحد الأطفال في مدرسة يعرض صورة لامرأة " طبعا الصورة كاريكاتورية بس محتشمة

و يقول لطفلة معه في المدرسة انظري إلى هذه الصورة انها للمصور " ابصر مين "

نظرت الفتاة للصورة وقالت : و ماذا خسرت الفتاة في الصورة ؟ لقد خسرت نفسها و احترامها و تقاليدها و عاداتها " مع ان الصورة مش مبينة أصلا "

بعد مدة حضر المصور الخطير الذي سيصور صورا رائعة للأطفال

اها نسيت ان اقول ...

قبل ذلك كان هنالك مشهد لأحد الأخوين " الأخ الشرير "

استيقظ من النوم ليجد ان القذى " يعني العمص بالعامية " قد أغلق عينيه و لا يستطيع الرؤية

فارتدى ملابسه بطريقة عجيبة

و ارتدى الـ UnderWare على ذراعه و ذهب إلى المدرسة

المصور " المحترف" اعجب بـ " بساطة " و " طبيعية " الأخ الشرير و أصبح مثالا يحتذى !!!

و بدأ يلتقط الصور له في ملابسه العجيبة

حتى أصبح أشهر من صلاح لمعة أبو ضو

طلاب المدرسة انبهروا بالأخ الشرير و صار لباسه " موضة " و أصبح التلاميذ يرتدون الـ "UnderWare" على ذراعهم و عجبوووووو على حالهم !!!

و بس

هلأ انا شــــــــو بدي بالضبط ؟؟؟؟

هذه الحادثة حصلت فعلا مع قريب لنا

هذا القريب " الله يهديه " مهتم بمتابعة كل صرعات الموضة حتى و إن كان منظره فيما يرتدي كالمهرجين .. وأبناء عمومته " الله يهديهم كمان " يعتبرونه قدوة لهم و يقلدون كل ما يفعله دونما تفكير " لأنه زلمة بيفهم في الموضة "

هذا الأخ في يوم من الأيام علق طرف الجينز الذي يرتديه في مسمار بنهاية خشبة

اصيب الجينز بشق عند الركبة تقريبا

فأمسك هذا القريب " ولاعة سجائر " و احرق أطراف الجينز الممزقة حتى لا تبقى الخيوط متناثرة

و بعد مدة

كان اثنان على الأقل من أبناء عمومته يمتلكون جينز بفتحة أطرافها محروقة

و بس

على فكــــــره ... الموضوع م ن ق و ل ^_*

حورية الحريّة · 03-23-2007, 10:10 PM

ههههههههههه
مش حكتلك الناس صارو امّعة و مقلدين لبعض
لا حول ولا قوة الا بالله
بتعرف شغلة.......انا سافرت لدولة غربية عدة مرات و كل مرة بشوف صرعة بتصرع الواحد و بتخلي مجنون أكتر من الي قبلها
نزلت مرة موضة لأشخاص الشعر الخشن من الشباب بشكل خاص انهم بنفشو شعرهم و يتركو فيه مشط بعد التمشيط.......يعني كأنهم لسا جايين من النوم........
و موضة للبنات انهم يلبسوا الساعة على اجريهم بدل ايديهم....شوف التخلف
و العرب ما شاء الله وراك وراك يا غرب بالموضة و الزمن الطويل اما الأشياء المنيحة انسا ولا تفكر حتى انهم حيقلدوها
لا حول ولا قوة الا بالله
يسلموو

قسامي غزة · 03-24-2007, 08:53 AM

انا قصة الكرتون ما فهمت قصدك
كنت بحكي في بالي وانا اقرا الموضوع شو هالكلام هاد
بس لما قريت عن قريبك فهمت الموضوع
هههههههههههههههه
الله يهدي الجميع
صار اللبس فاضح وقال اسمه موضه
الله يقطعها من موضة
بس يا حوية جد هاد موضوة عندكم (و موضة للبنات انهم يلبسوا الساعة على اجريهم بدل ايديهم)
انا لسا ما وصلت النا هاد الموضوة طبعا علي حد علمي
ما شفت حد لابس الساعة برجله

Banbon · 03-24-2007, 02:17 PM

حورية الحريه .......... قسامي غزه

شكراً كتيييييييييير عالردود الحلوه ....نورتوا الصفحه ....

و الله يهدي امة المسلمين كلها ^_^

وردة حماه · 03-24-2007, 02:24 PM

فقرنا و صرنا نلبس تياب مشققة و محروقة ..خخخخخخخخخخ ولك آآآآآآآآخ الله يهدينا كلنا
يسلموا ع الموضوع الحلو ...

أحلى مايا · 03-24-2007, 07:41 PM

يا اخي خدو شغلة البنطلون الممزوع من باب الايجابي يعني هلا مثلا البنطلون انشئ وهادا البنطلون اشتريتو وكان غالي ومستخسر تكبو خلص هيك بتوفر على حالك مشترات بنطلون وبضل عندك هادا البنطلون خخخخخخخخخخخخخخخخ لا تسدئو مجرد مسخرة معلش كل شي غريب موجود بهالعالم مرة وانا ماشي بالحديقة لئيت واحد لابس حزام حاطط رقمو عليه وماشي والرقم بتحرك تئول لافتت محل
يسلمو الك

ملكة الإحساس · 03-25-2007, 01:55 PM

الله يهدي الجميع ..
والله ما عندنا انفرق مين البنت ومين الولد

do3aa · 03-25-2007, 02:36 PM

هههههههههه

الله يقطع شرهم ما أهبلهـــــــــم

الله يكون بالعون
يسلمو أختي الكريمة

عبوووش · 03-25-2007, 02:44 PM

الله يفرجها
بس لو انا بنقلد الغرب بعلمهم وصناعاتهم
وتطورهم
الله يهدينا ويهدهي العرب والمسلمين كلهم
تحياتي عبووش

Banbon · 03-26-2007, 04:09 PM

عبـــــوش.... وردة حماة ..... أ حلى مايا .... دعـــــاء ...... ملكة الاحساس

شكــــراً عالردود الحلوه ...و مشاركاتكم زينت الموضوع .... يسلمو ايديكم ..

شبــــاااااب ......
والله انه اللبس اللي عالموضه زيااااده مو حلوه ... يعني ما بضل حدا بالشارع الا يعلق و يتعجب من اللبس من بشاعته .... يعني لشو الواحد يشرشح حالو قدام الناس و العالم ..
لا تنسوا انو انتوا من أمة الاسلام من أمة محمد ..... يعني لو ييجي الرسول عهالزمان ليتبرى منا ...
أصلاً منظرنا قدام الاجانب و احنا نسخ عنهم شي بخزي ...... و الكلام للبنات كمان ...لانه كمان بعضهم مش مقصرات بالمره ... للأسف ..
حلو الواحد يهتم بحالو .... و يلبس عالموضه ...بـــــس مو كل شي بينلبس و كل شي لايق علينا أحلى من انه نلبس شي مو لالنا

وآسفه عالاطاله ..... ^_^

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء