شباب فلسطين

**< the best >** · 02-01-2007, 12:34 AM

مرحبا ... انا بدي احكي عن مجموعه بعزها
اولهم king of love : بعزو كتير وقلبو طيب وانسان حساس وكتير صادق وبحب اتعامل معو ... ( للعلم بكون اخوي الاصغر مني)
تانيا banbon : انسانه كتير اموره وبعزها عنجد ونعم الصديق ... ( وهي بتكون صاحبتي )
تالتا عسوله الاقصى : زميلتي بالجامعه وهي ما بتعرف انا مين ... بس هي انسانه محترمه وزكيه وبتحب الخير للجميع
رابعا ( رافت وجيفارا نابلس وهيلن ) بحس انهم ناس محترمين كتير وحلو التعامل معهم ... يعني عقلهم كبير ***
وشكرا .... بس حابه اعرف رايهم فيا ...

جيفارا*نابلس · 02-01-2007, 01:01 AM

the best

كتير طيوبه وخفيفه دم والحمد لله اخلاقها عاليه

رأفت

يدعي اني لم اذكره

وانا بحكيلو

وكيف انسى محبا ليس ينساني

ابنة الشتات · 02-01-2007, 01:48 AM

رح أبلش بالأخ الكريم جيفارا*نابلس لأنه تزكرني
شخصيته كتير مثيرة للفضول بس الله يهديه الو مستقبل باهر ان شاء الله بس لما هو يقرر شو بدو

وكمان ابن فلسطين لانو تذكرني برضو

بحب الناس كتير دمه خفيف مو وجه كسفات الله يهديه كمان بس هو بحاجة انو يفكر بالحياة باكثر من منظار وما تكون نظرته سوداوي بالناس

الخوة الاعداء (عاشق الحور ومؤيد حماس)
لما بدي أقرأ عن حماس مع شوية وحده وطنيه بدور على مواضيع مؤيد حماس
ولما بدي أقرأ عن حماس بتعصب وبتحليل معقد ومنطقي بدور على مواضيع عاشق الحور

محمود
صبور كتير وهادي الله يعينه

عاشقة الفيروز
بريئة بحسها متل الورود

ريما ...
بحسها عصبيه وما بتتهاون أبدا ابدا

أحلى روررو
بتعجبني مواضيعها بالنقاشات الجادة كتاير فيها منطق

السلممة
مسلمة بجد .... الله ينصر الاسلام والمسلمين

أحمد إكس
منطقي زيادة عن اللزوم بس الحلو انو مثابر وبحب يعرف أصل كل شي بالتفصيل الممل

رح اختتمها بدموع الرحيل
بصراحه انا بعرفها عالمسنجر بس ما بقدر ما احكي عنها
ماشاء الله عنها هالبنت كتير كتير أشياء أثرت علي فيها
وكتير أشياء بنتشابه فيه بالنسبة للوطن

موفقين يارب

المسلمممه · 02-01-2007, 12:40 PM

السلممة
مسلمة بجد .... الله ينصر الاسلام والمسلمين

والله العظيم انو اسمي..(((المسلمممه)) والله والله...

ايش بكوا ؟؟؟؟؟؟؟ هدا يقولي المسا مممه ...والتاني..الملممه ..والتالت ..السلمه ..

لهدرجه اسمي صعععب يعنييييي هاااا....على كل شكرا استشفاف شخصيتي ابنه الشتات...

ابنة الشتات · 02-02-2007, 12:22 AM

آسفه آسفه
والله يا مسلممة أنو خطأ املائي
يمكن ما انتبهت وانا بكتب بالكيبورد

لا تعصبي خوفتيني

رأفت · 02-03-2007, 04:20 PM

the best .......انا اكيد انك دائما الافضل و انشاء الله انك بتضلي هيك ... مواضيعها جميلة و رائعة ...

و انا دائما متابع مواضيعها .. و بنبسط بمرورها و ردودها المرحة ...

جيفارا ولك انتا حبيبي انا ما قصدتك انتا .. انا قصدت الباقيين .. انا بعرف يا حب انك ذكرتني و انتا كمان داااااااااااايما على بالي و الله بعلم ..

يا مشرفين لا تعتبرو ها دردشة لاني بس حبيت ابرر لاخوي جفارا مع الشكر الجزيل لكم جميعا

ابنة الشتات ... ما تعاملت معها كثير .. لكن بحس انها محبطة شوي .. و انشاء الله يكون احساسي غلط ..

لولو البيناوية ... مشاكسة كثير .. بس دمها خفيف و بحب تفاعلها مع المواضيع اللي بتعجبها.... لا و جابت معاها العيلة بالليلة ..هههههههههه .. مزحة...... كلهم اكابر و الله .. و احنا محظوظين فيهم ..و شكرا الها على الموضوع اللي اكثر من رائع ..

نور اليقين ... رائعة من روائع المنتدى .. الله يحفظها و ينجحها ... و لا يحرمنا من مواضيعها الرائعة ..

و بنكمل بعدين ..

تحياتي لكم ..

نسرينا الفلسطينيه · 02-03-2007, 11:44 PM

رح أبلش بفجـــــــر الحياة

أول صبية اتعرفت عليها بالمنتدى،،وتشرفت فيها كتير

بحب ركازة عقلها،،وذكيه كتير،،اختي لصغيره الي بحبها كتير،،ومستحيل استغنى عنها

ولا بزعل منها لو شو ما عملت ،،كلو على قلبي زي العسل ^ ^

صح انا اكبر منها بس مرات بحس انا الي اختها لصغيره وبتعلم منها شغلات حلوي كتير،،

حساسه كتير وقلبها كبير وطيوبه وبتحب الكل ويتساعد الكل،،

ومديره على قد حالها،،وما بتخيل حدا مديرغيرها لشباب فلسطين..

لو حكيت من هون لبكره ما رح اوفيها حقها

بحبها كتير وإلها معزه خاصه بقلبي:)

يخلينا اياها هالعسوله،،

نسرينا الفلسطينيه · 02-04-2007, 03:20 AM

أنجيــــــلا

هاي حبيبة قلبي،،ما في بطيبة قلبها

أكتر وحدي اتعلقت فيها في كل المنتدى،،قريبه كتير مني،،لأنو بحسها نفس تفكيري

وقريبه من شخصيتي مشان هيك اندمجنا مع بعض بسرعه،،

خجوله كتير،،وبعزها كتير،،وما في منها تنين،،

لما أكون مدايقه بروح عندها ،،ودايما وهيي الي بتهديني وتروقني

ونفسي انزل على غزه مخصوص بس لأشوفها هيي واختها

يخليلي اياها العثــل

قسامي غزة · 02-04-2007, 11:23 AM

طيب انا رديت في اول الموضوع اني ما تعرفت علي الاعضاء بس هلا تعرفت عليهم لاني صار الي مدة في المنتدي
يلا اول حاجة انا بدي اسال سؤال لبعض الاعضاء الي حكوا عني او عرفوني
طبعا بدي ابدا بلولو اليبناوية شوفوا شو حكت عني

قسامي......بعمل حالو لئيم وهو مش لئيم....^^...صريح اشوي وبنفس الوقت غامض..سياسي+ونكتجي....بحب يقهر البنات...بس عن مزح

شمس العروبة حكت عني
قسامى غزة
احسة غامض وفى حالة ومش بيحب الهزار

اجا دور سارة

سارة
قسامي غزة: انسان غامض وصعب التعامل معاه بس بحس انه مثقف

وانا ان شاء الله هاكتب عن كل واحد تعرفت عليه
بس بدي اسالكم انتم ليش حكيتم عني غامض وما بحب الضحك
وهذا عكس شخصيتي
يلا احكولي شو الي خلاكم تحكوا عني هيك
انتظر اجاباتكم بفارغ الصبر

سارة · 02-04-2007, 11:26 AM

انا يا قسام هذا الي استشفيتو ما بعرف ليش؟؟؟

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء