شو رايك

[أحلى غزوية]

مساء الخير و السعادة عليكم جميعا
حبيت اسمعك آراءكم عن موضوع يمكن اتكلم عنو الكثير من الناس
بس انا حابة اسمع رايكم في موضوع التعارف على الانترنت او ما يعرف بالشات
وهل الحب الذي يحصل فيه حقيقي ام وراؤه اهداف اخرة
و هل كل من يدخله يريد التعارف و المسخرة ام يمكن ان يكون له اسباب اخرى

اعذروني ان كانت كلماتي ليست باللغة العربية الفصحى
اختكم احلى غزوية
مع تمنياتي بالتوفيق للجميع

[rame]

اختي
الموضوع هادة الكلام فيه ما بيخلص
في ناس هيك وناس هيك
انتي لما تكوني على الانترنت
بتتعاملي مع بشر والبشر فيهم الكويس وفيهم العاطل وفيهم النذل والى اخره
بس لما تكوني على الانترنت الناس بتكون على حقيقتها من غير خوف
يعني ما بيحاول الانسان يزيف نفسو بيكون على حقيقتو اكتر
مما بيكون على الواقع

[!! أحـسـاس !!]

غـاليتي (( أحلى غزاويـه ))

قد يطول الكلام لان لهذا الموضوع ابواب كثيرهـ

لكن أسمحي لي بأن اكتب هذهـ العباراتـ وان كانت قليلهـ

عزيزتـي لكل منا هدفهـ بعالم الانترنت وخـاصه عندما يصبح اللقاء مباشر اي عن طريق الانترنت

الحب قد اصبح صعب بالواقع فكيف بعالم الانترنت .. ولكن لا أقول انه غير موجود

بل موجود ولكن عليكـِ ان تختاري القلب الصادق وتعرفي مع من تتحدثين أقول لكـِ

أني صدمت بأناس كثيـره كانو اصدقاء لي وتعرفت عليهم عن طريق الشـات ولكن المصيبه الكبرى ان

صدمتي كانت بالبنـات .. فتحدثي مع الشباب قليل ولكـن يبقى أن اقول لكـِ أحذري فالحذر واجب بكل شي فأن

كانت البنـات لهم خناجر الغدر والخيانه فكيف الشباب ؟!

وان تجدي انسان صادق ليس مستحيل ولكن صعب ..

أتمنى اني لم أطل الحديث ..

كوني بخير،،

!! أحساس !!

[جيفارا*نابلس]

والله مو غلط ازا كان ضمن حدود الادب والنيه الصادقه

[احلي ابتسامة فلسطينية]

اختي احلي الغزاوية

والله الحب علي النت وكل هاادا كلام فاضي وما في منو

ازا بدنا نحلل القصة هااااااي طبعا ما رح نخلص

بس خلينا نحكيها ببساطة

اي بنت بتقبل علي حالها تحكي مع شب علي النت وخصوصا هوون بمجتمعنا

شو الشب الفكرة الي بيكون ماخدها عنها

اول شي بيكون ماخد عنها فكرة مش منيحة وانها مش محترمة

طيب ليش البنت تقبل علي حالها تحكي مع شب ماخد عنها فكرة مش منيحة

وبعدين الشب مش هيحب البنت هااي بس بدو يتسلي ويقضي وقتو

لانو هيقول عنها مش محترمة

ووقت الجد رح يشرد

هاااااي وجه سلمي

يسلمووووووو احلي غزاوية علي الموضوع

سلاموووووووووووووووو

[أحلى غزوية]

يسلموووو كتير على مروركم الحلوووووووو
الله يوفقكم

[رأفت]

و الله الناس انواع ..

في هيك و في هيك ..

الموضوع في كثير اختلاف بوجهات النظر ..

لكن اصابع ايديكي مش واحد ..

تحياتي لكي ...

[**< the best >**]

مرحبا ... براي ازا صار في حب ممكن يصير عند الناس الي بتحي حكي مزبوط وصادقه اما الي بكزبو فما اتوقع انها تكون زابطه ....!
بس انا بايد انو في حب عالانترنت !!

[لطفي الياسيني]

انا شخصيا ضد هكذا علاقات لانها بالنهاية تؤدي الى انحلال الاخلاق والفساد

لان الكثيرين من الشبان والشابات في اغلب الاحيان كاذبون ومخادعون وكثيرا

ما وقفت على هكذا امور بحكم عملي كصحفي ومشترك في عدة منتديات وللحقيقة

اقول كلمات الاعجاب يبادرني بها الجنسان على حد سواء ظنا منهم بانني في مقتبل العمر

او مراهق والعياذ بالله فاليوم الفتيات يقعن ضحية الشباب الطائش غير المسؤول عن تصرفاته

الصبيانية فتقع الفتاه فريسة وضحية هذه العلاقات الغرامية فبدلا من هذه الخزعبلات انا بتقديري

ان تكون العلاقات مكشوفة اي يتوجه الشاب الى منزل من يريد العلاقة معها امام اهلها ويتباحثون

في الامور الحياتية بلا خداع او رئاء وكثيرا ما خدعت بنات الحجال والطهر والدلال في شباك

الشباب الخنع الذين لا خيرفيهم لانهم يستخدمون اساليب التوائية في الكذب والتضلل واخفاء المعلومات عن الطرف الاخر وعلى سبيل المثال لا الحصر ربما يكون هذا الشاب المراهق اللعوب به عاهة ما فتصدم البنت الضحية بعد فوات الاوان بعد لقائها الاول بمن كانت على علاقة غيرمبنية على اسس اخلاقية واجتماعية وهنا تكمن الماساة وبيت القصيد وبعدها لا ينفع الندم وكما قال الشاعر في معشر شباب الطيش


شباب خنع لا خير فيهم فبورك بالشباب الصالحينا


وايضا من ناحية الدين والشرع هذه العلاقات محرمة وشكرا لك يا اختاه على طرح هذا الموضوع القيم

[عبق الشهادة]

السلام عليكم ورحمة الله وبركاته

التعرف بين الجنسين بحدود فلا باس... ولكم حب؟؟؟؟؟ كيف بتجي هاي؟؟؟


أنا أري أنه لا يوجد حب قبل الزواج.. فكل هذه عواطف جياشة..

الحب هو بعد الزواج... ياتي مع المودة و رحمة بين الزوجين...

اما قبلوا فكلوا خرابيط .. وكلام فاضي...

والبنت الي بتسمح لحالها تتعرف علي شب وراء اهلها وتعمل معوا علاقة... فهي بتكون اكيد غير متمسكة بشرع الله... وحتي ولو صار نصيب.. فما راح اتكون فيه ثقه بين الطرفين..



هذا راي.. و الله اعلم..