هل تستطيع الاجابة على اسئلة بديهية في الاسلام ؟؟؟؟

[نور الهدى]

المشاركة الأصلية كتبت بواسطة سالي بنت فلسطين اه بجاوب عليهم فش مشكله

مثلا
هل صلاة الجماعة فرض؟؟
لا مش فرض

ممممممم

اختي صلاة الجماعة فرض عين على كل رجل

و ازا بدك الدليل عندي احاديث كتيرة صحيحة ... ازا بدك نتناقش فيها فش مشكلة ^_^

[ادهم اللداوي]

يا جماعة انا بعرف احاديث بتخليها فرض وبنفس الوقت باعرف احاديث برضه غير
شكرا لكم على المرور

[نور الهدى]

و عليكم السلام ^_^

نعم الصلاة في جماعة فرض على الرجال و ليس النساء

و ها هي الادلة من الكتاب و السنة :


قال الله تعالى:
{~يوم يكشف عن ساق و يدعون الى السجود فلا يستطيعون*خاشعة ابصارهم ترهقهم ذلة و قد كانوا يدعون الى السجود و هم سالمون~} سورة القلم الايتان 42-43.

قال ابراهيم التيمي : يعني الى الصلاة المكتوبة بالاذان و الاقامة.
و قال كعب الاحبار "و الله ما نزلت هذه الاية الا في الذين تخلفوا عن الجماعة".

و روى ابو داود عن ابي الدرداء قال :سمعت رسول الله صلى الله عليه و سلم يقول:
"(ما من ثلاثة في قرية و لا بدو لا تقام فيهم الصلاة الا قد استحوذ عليهم الشيطان فعليكم بالجماعة فإنما ياكل الذئب من الغنم القاصية)".

و روى الحاكم و ابو داود عن ابن عباس رضي الله عنهما ان رسول الله صلى الله عليه و سلم قال:
"( من سمع النداء فلم يمنعه من اتباعه عذر فلا صلاة له. قالوا : و ما العذر يا رسول الله، قال : خوف او مرض)".

و في رواية لابي داود و ابن خزيمة و ابن حبان عن عائشة رضي الله عنها قالت: قال رسول الله صلى الله عليه و سلم :
(" لا يزال قوم يتاخرون عن الصف الاول حتى يؤخرهم الله في النار)".

في رواية للشيخين "البخاري و مسلم" ان رسول الله صلى الله عليه و سلم قال
("لقد هممت ان آمر بالصلاة فتقام ثم آمر رجلا فيؤم الناس ثم انطلق برجال معهم حزم من حطب الى قوم لا يشهدون الصلاة في جماعة فاحرق بيوتهم عليهم بالنار").

وروى ابو داود عن عمرو بن ام مكتوم رضي الله عنه انه اتى النبي صلى الله عليه و سلم فقال : يا رسول الله ان المدينة كثيرة الهوام و السباع و انا ضرير البصر شاسع الدار و لي قائد لا يلائمني فهل لي رخصة ان اصلي في بيتي ؟
فقال: "هل تسمع النداء؟ " قلت :نعم. قال : "فأجب ، فاني لا اجد لك رخصة".

المصدر كتاب "كبائر الذنوب..مصادرها و مجالاتها و آثارها الدنيوية و الاخروية" من تاليف "السيد مبروك جرادة" المحاضر بكلية دار العلوم سابقا.

ها هي الادلة ... و ارجو انها واضحة و كافية

اختي انا ما قدرت ارد ع الرسالة لانه مجموع مشاركاتي ما بسمح

المعذرة

[ادهم اللداوي]

شكرا لكم عل المرور الذي يسعدني كثيرا

[أبـ ـو أسـ ـا مـ ـة]

السلام عليكم ورحمة الله وبركاته

اخواني الاحباء انا بدي احكي شغله .،،

ياريت اي واحد ما عنده علم ما يحكي بشي

يعني اذا في دليل حطوا الدليل واذا ما في ياريت ما احد يحكي

مثلا الي بيحكوا انه الصلاة في جماعه فرض ولا لا طيب الله اعلم اذا في دليل اعطونا الدليل

وما تخلو الناس تشك بهذا الشي لانه هذا دين مش شي سهل


ومن كلامك اخوي ادهم

يا جماعة انا بعرف احاديث بتخليها فرض وبنفس الوقت باعرف احاديث برضه غير
شكرا لكم على المرور

طيب اعطينا الاحاديث عشان نسال شيوخ ونعرف الاحاديث مدى صحتها وقوتها

وبرضو ا الاخت سالي بتقول انه الصلاة في جماعة مش فرض

طيب يا اختي من وين جبتي الحكي هذا ؟.؟؟؟؟

طيب اكيد الكل بيعرف عن قصة الاعمى الي جاء للرسول صلى الله عليه وسلم

من مفهوم القصه ومغزاها انه بده الرسول يأذنله عشان يصلي بالبيت

فقالو الرسول اتسمع النداء قاله نعم قاله فأجب يعني روح صلي جماعه

طيب على شو بيدل هذا .؟؟؟ طبعا الله اعمل بس اكيد بيدل على عظم شأن الصلاة في الجماعه

وانا صراحة اتمنى انه من اخوي ادهم مثل ما حطيت الاسئله يا غالي

ترد عليهم ^ ـ ^

عشان ما احد يشك وتصير مشاكل دينيه

وتحيه الف التحيه لاحلى اعضاء المنتدى

واتمنى ما احد يزعل من كلامي

اخوكم ابو اسامة

[سالي بنت فلسطين]

لا ولا يهمك عرفت انك ما قدرتي

بس معلش انا مش متخيله كيف هلء كل الزلام نادرا بصلوا جماعه بحكي عن اللي حولي اه وبصلو عادي كل واحد لحالو هلء الفرض انو ازا تركتيه تعاقبي عليه يعني يعاقبو وبدخلو النار عشان صلوا مش بجماعه انتا تخيليها عنا بالواقع يعني هلء ابوي بفيق ع الفجر بصلي وبنام يعاااقب يا عالم مش داخله مخي هاي

استغفر الله العظيم ازا في دليل بنفعش اناقش بس هلء يا عالم صح بحكي ولا لأ حدا يحكيلي

[صامدوووون]

هل صلاة الجماعة فرض؟؟
نعم
هل صلاة التراويح سنة؟؟
نعم
ما الفرق بين السنة المؤكدة والفرض؟؟؟؟
كلها واحد
وهل كل ما قاله الرسول يعتبر فرض؟؟؟
يثاب فاعلها ولا يعاقب تاركها

[نور الهدى]

المشاركة الأصلية كتبت بواسطة سالي بنت فلسطين لا ولا يهمك عرفت انك ما قدرتي

بس معلش انا مش متخيله كيف هلء كل الزلام نادرا بصلوا جماعه بحكي عن اللي حولي اه وبصلو عادي كل واحد لحالو هلء الفرض انو ازا تركتيه تعاقبي عليه يعني يعاقبو وبدخلو النار عشان صلوا مش بجماعه انتا تخيليها عنا بالواقع يعني هلء ابوي بفيق ع الفجر بصلي وبنام يعاااقب يا عالم مش داخله مخي هاي

استغفر الله العظيم ازا في دليل بنفعش اناقش بس هلء يا عالم صح بحكي ولا لأ حدا يحكيلي

اختي

شوفي هلا الناس ما بقدروا الصلاة في جماعة حق قدرها

و هذا اما عن الجهل بالحكم .. و اما عن تكاسل

اختي هلا مثلا انتي بتحكي انه كل هدول الي ما بصلوا في المسجد رح يتعاقبوا
الله اعلم

بس ما دام في دليل من السنة ما فينا نعارض

مثلا انتي خايفة على ابوكي .. و هادا شي جميل جدا .. احكيله عن الصلاة في جماعة و عن فضلها .. و انها واجبة و خليه يشوف الدليل .. و ان شاء الله يصير يصليها في المسجد

و بالنسبة للاخ الي حكى انه في ادلة انها مش واجبة .. اعتقد في السنة ما في تناقض .. كيف يكون فيه ادلة توجبها ... بعدين يكون في ادلة ما توجبها !!!

ازا في معك ادلة ورينا ايها .. حتى الناس ما تشكك و بارك الله فيك

تذكروا ... عندما ترى الصفوف للفجر كصفوف صلاة الجمعة ... حينها فقط ستنتصر الامة

بعدين سبحان الله .. المشاؤون في الظلم لهم نور يوم القيامة على الصراط .. و هون المشاؤون في الظلم هم الي بصلوا العشاء و الفجر في المسجد ..
الدين يسر و الله ... و لو كل واحد فينا يجتهد و يجاهد نفسه و الشيطان ما رح يرضى ابدا تفوته و لو تكبيرة الاحرام في جماعة ..
و احكولي .. ازا ما حدا صلى في المسجد .. مين الي رح يعمر مساجد الله ؟
احنا مش زي اليهود و النصارى .. بفتكروا كنائسهم مرة في الاسبوع ..

يا رب اهدي الامة

[أبـ ـو أسـ ـا مـ ـة]

المشاركة الأصلية كتبت بواسطة صامدوووون ما الفرق بين السنة المؤكدة والفرض؟؟؟؟
كلها واحد
وهل كل ما قاله الرسول يعتبر فرض؟؟؟
يثاب فاعلها ولا يعاقب تاركها

اخوي الفاضل

ياريت تثبتلي

تحيه طيبه

[نجمة الغروب]

الجماعه الصلاة مش فرض بس مستحبه

والتؤاويه لازم الناس تصليها طبعا سنه موكدة
وربنا بيعلم

ومش كل الى حكا الرسول بيعتبر فرض
فى منو سنه
طبعا

هدا الى قدرت عليه تحياتى

وربنا اعلم بكل شى