| الإهداءات |
|
|||||||
 |
|
|
أدوات الموضوع | انواع عرض الموضوع |
12-22-2006, 03:26 PM
|
#1 | |
|
I ♥ AQSA
قوة السمعة: 8
 |
الأردن أولا!! ههه الجزء الاول
ابتسم فأنت في الأردن إذا مشيت بالشارع يوم من الأيام ... وشفت سياره تكسي صفرا من جوا ضو أزرق ... وسي دي معلق على المراي ... وجواتها شب مربي سكسوكه ولابس بنطلون كونز ومعبي السيارة من برا تعليقات وملصقات ... فأنت تسير في شوارع الأردن إذا كنت واقف على الإشارة ولما تصير صفرا بتسمع سبعين واحد بيزمرو وراك .... فأنت في الأردن إذا كنت ماشي وعلى بعد 200 متر إشارة خضرا .. وشفت كل السيارات بتتجاوز عنك عن اليمين .. عن الشمال ... مش فارقه .. المهم يلحقوا الإشارة خضرا .... بتكون في الأردن إذا دخلت أي دائرة حكومية وشفت الموظف قاعد ماد بوزه ومكشر ووجهه فلتبتسم لانك في إحدى الدوائر الحكومية في الأردن اذا سمعت الحوار التالي - ألو - ألو - مرحبا - هلا .. هلا - كيف الحال - والله الحمد لله ... انت شو أخبارك - تمام الله يسلمك - شو فيه ما فيه - والله صافيه وافيه .. مين معي - انت الطالب .. مين حضرتك - مش تليفون ابو غازي - لا يا خوي النمره غلط - آه ... حقك علي يابه - ولا يهمك .. كسبنا سماع هالصوت - يا سيدي الله يحي اصلك .. من وين انت - انا من الملاطشه - هاظا احنا قرايب، شو بكونلك مزعل الملاطشة. - والله ما بعرف، اكيد من هالعيلة، عدم مؤاخذه الملاطشة كثار، هو شو بشتغل مزعل. - خابرة لواء بالدائرة. - اهههههههه هاظ بكون ابن عم ابوي الخي البي، وامبارح سهر عنا - يا سيدي حياك الله ... مع السلامه - هلا .. هلا .. الله معك طبعا اذا سمعت مثل كل هذا الحوار ... والنمره غلط ... فأنت أكيد في الاردن اذا كنت تتحدث مع شخص عن أسعار الاراضي ... وقالك انه الارض الفلانيه اللي بعبدون كانت لجده وكان يزرع فيها بندوره وفقوس .. وباعها بثلاثمية ليره بالستينات ... فأنت اكيد في الاردن اذا كنت ماشي بالشارع ... وشفت واحد بيجح بخلقتك .. هيك بدون سبب ... لا هو مسلِم .. ولا هو مبتسم لك ... بس بيجح كانك قاتل ابوه .... فانت ماشي في الاردن اذا رن عليك واحد مش شايفه صار لك عشرطعشر سنه ... وساعه وهو يسلم عليك ويمدح فيك وآخر اشي سألك : بالله وين محول راتبك .... اكيد بتكون بالاردن اذا كنت قاعد بمكان عام ... وكل اللي حواليك ماسكين موبايلاتهم وسمعت .. " بالله شغل البلوتوث .. بدي أبعث لك شغله طقع " ... بتكون بالاردن اذا سمعت كلمة صافيه وافيه ... وهي لا صافيه ولا وافيه .. بتكون بالاردن اذا شفت بكم ديانا موديل الف وتسعميه وخشبه محمل بندوره والشوفير شاد الشماغ على راسه ومش شايف لا شمال ولا يمين .. ويا أرض اشتدي ما عليكي أدي .. بدي أسبق كل التكاسي .. بتكون بالاردن اذا الدنيا رشت شوية بَرَد ...ووزارة التربية علَقت الدراسه .. والحكومة اعلنت عطلة رسمية بسبب خوفها من الثلج الغادر .. والتلفزيون بث مسرحية العيال كبرت .... معناته انت كمان بالاردن اذا شفت الجو ..هَه .. برشرش ثلج والناس بتقدر تركظ عالخبز والكاز بس ما بتقدر تروح تداوم ... برضه بتكون بالاردن اذا سمعت هالحوار في اي بيت........فانت بالتاكيد في الاردن الأب :يا فلان الابن و بكل براءة :نعم الأب:نعامة ترفصك تعال الابن:ليش شو سويت؟ الأب: سواك ضريب يخلع رقبتك الابن:شو فيه؟ الام :شاوي يشوي عضمك رد على ابوك زي العالم لمحترمه الابن :هوه انا حكيت شي؟ الأب:حكحكوا جنابك بالعصايه اوقف عدل يا حيوان الابن : حاضر الأم:يحضروا على قبرك لما ابوك يحكي انت بتخرس الابن:أخرس؟ الأب:ايوه ان شالله خرسه الابن:ماشي الأم:اجاك مشش بركبك ما تقوم منه الابن :شو هاد مشش؟؟ الأب:اما انك قليل حيا و بترد بتم امك هات العصاي و تعال الابن:انا رديت على امي؟ماما احكي كلمه الأم:موا يمزعك ماما ...حكيتلك اخرس الابن هون غلب على امره و سكت الأب:أما جيل قليل حيا...لحكي ولك مالك انخرست انشالله خرسه بابااه الابن:شو احكي؟ اذا حكيت بتشوفوا كلامي غلط الأب:ليش عمي شايفنا و لا حول؟ الابن:لا اله الا الله الأم : الله ياخدك ماما يا ريتني خلفت ابن جيراننا و لا خلفتك الأب:انا مش عارف هاد الولد متى بده يصير رجال في القعده دايما فاضحني وين ما أروح الابن:طيب شو اعمل هلأ مشان تشوفني رجال؟ الأب:ان شالله ما تطيب اخرس الابن:يا ربيييييييييي خلاص عاد ممكن اروح على غرفتي؟ ليش ناديتوني؟ الأم:اه صحيح انت ليش ناديت عالولد؟ الأب :بتصدقي....نسيت مش عارف...... خلص انخم، وروح انقلع عغرفتك. وبالرغم من كل اللي بالاردن بنضل نحكي .... ومن قلوبنا ... قال شو... الأردن أولا!!! مع تحيات المارد المجروح |
|
| اقتباس المشاركة |
|
12-22-2006, 06:51 PM
|
#2 | |
|
I ♥ PALESTINE
قوة السمعة: 83
|
رد: الأردن أولا!! ههه الجزء الاول
ههههههههههههه
عن جد رائع وبيضحك يسلمووووووووو |
|
|
||
| اقتباس المشاركة |
|
12-22-2006, 07:33 PM
|
#3 | |
|
قوة السمعة: 25
|
رد: الأردن أولا!! ههه الجزء الاول
هعهعهعهعهع
|
|
|
|
||
| اقتباس المشاركة |
|
12-22-2006, 10:28 PM
|
#4 | |
|
قوة السمعة: 0
|
رد: الأردن أولا!! ههه الجزء الاول
ههههههههههههههه عنجد روعه احلى مارح زودنا في اجديد حبيبي
|
|
| اقتباس المشاركة |
|
12-23-2006, 01:45 PM
|
#5 | |
|
I ♥ AQSA
قوة السمعة: 8
|
رد: الأردن أولا!! ههه الجزء الاول
لسا في الجزء الثاني والثالث
وان شاء الله يعجبكم تحياااتي |
|
|
|
||
| اقتباس المشاركة |
|
12-23-2006, 05:29 PM
|
#6 | |
|
I ♥ PALESTINE
قوة السمعة: 83
|
رد: الأردن أولا!! ههه الجزء الاول
الله يقويك يا المارد
موضوعك عن جد بيضحك وواقعي هههههههههههههه |
|
|
|
||
| اقتباس المشاركة |
|
12-23-2006, 06:20 PM
|
#7 | |
|
I ♥ AQSA
قوة السمعة: 8
|
رد: الأردن أولا!! ههه الجزء الاول
شكرا على المشاركات
|
|
|
|
||
| اقتباس المشاركة |
|
12-23-2006, 07:10 PM
|
#8 | |
|
قوة السمعة: 136
 |
رد: الأردن أولا!! ههه الجزء الاول
اه ولااااااااااااا
هههههههههههههه |
|
|
|
||
| اقتباس المشاركة |
|
12-25-2006, 04:28 PM
|
#9 | |
|
I ♥ AQSA
قوة السمعة: 8
|
رد: الأردن أولا!! ههه الجزء الاول
هههههههههههههه
هلا والله شكرا على المشاركة |
|
|
|
||
| اقتباس المشاركة |
|
12-25-2006, 08:07 PM
|
#10 | |
|
I ♥ PALESTINE
قوة السمعة: 160
|
رد: الأردن أولا!! ههه الجزء الاول
في اشياء من اللي انذكرت واقعية ...
بس بتظل الاردن اولا شعار جلالة سيدنا الله يحميه و شعار كل اردني ... مشكور يا " المارد المجروح " |
|
|
|
||
| اقتباس المشاركة |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
.gif "S (43)")
العرض العادي
