الحـلقة الاولى .. مشـروع احيـاء أمة ... "صنــاعـة الـذات"

[خيـرَ أُمـة]

المشاركة الأصلية كتبت بواسطة فراشة سمعتها مبارح المحاضرة ورح اتناقش معكوو ...

كل انسان بمر بلحظات تعاسة واحباط بتأثر عليه وعنفسيتوو بس مين اللي بيستطيع وبيكون عندو ايمان وصبر على تخطيها ..
بالنسبة لموضوع اليأس والامل عندي صديقة كتير انطوائية ومحبطة دايما بسبب مشاكل مع اهلها ومش عارفة تتكيف معها .. ودائما تيجي تشكيلي ومرة كنا ماشيين عالطابئ التاني صارت تحكي بدي انتحر انا وكلماتها كانت جدية .. بتسالني فيي انتحر من دون ما اخد ذنب او ربنا يغضب علي ... انا ماعرفت ايش احكيلها حسيتها مريضة نفسيا مشيت وسبتها بس حسيت فيما بعد انو هادا اكبر غلط عملتوو ... وبعدها تصرفت تصرفات خاطئة وما عجبتني فتركتها بعد فترة عرفت عنها انها صارت مو منيحة ومنحرفة .. ولهلا ضميري بأنبني لانو كنت انا الوحيدة اللي بتسمعلها وحسيت اني لو ضليت وراها كنت عدلت شوي منها ... ف المفروض الانسان ما يترك حالو يوصل لهيك درجة من الياس والاحباط ولما يحاول يملى الفراغ او يفرغ الكبت ما يكون في اشياء مو منيحة او عحساب اخلاقو وقيموو ..
شكرا الك احمد كتير وانا كمان رح اضل مواصلة معكم طول الاسبوع ان شاء الله ...

التعاسة سببها البعد عن اللـه ..

وهاد الحكي مش من بنات أفكاري ولا من خيالي ولا حتى من مجرد تجربة .. لكنو من القران ((ومن يعرض عن ذكري فأن له معيشتا ضنكى)) صدق اللـه العظيم ..
لذلك لازم نقرب من ربنا ..

احيانا كثيرة بنمر بمراحل يأس لكن المسلم مش لازم يخلي اليأس يسيطر عليه ويتذكر قول اللـه ((ان مع العسر يسرا)) .. وقول الرسول صلى اللـه عليه وسلم "(عجبا لامر المؤمن, ان امره كله خير, ان اصابته ضراء صبر فكان خيرا له, وان اصابته سراء شكر فكان خيرا له"

ومثل ما حكينا قبل ومثل ما ذكر الدكتور انو الاصل نحول الفشل لتجربة وانها تقودنا للنجاح ..

قصة صاحبتك الي فكرة بالانتحار وان شاء الله من هلا انت ما رح تتركي صاحباتك بسهولة ورح توقفي معهن .. اللوم على الاهل .. هاي زرعتهم وبدهم يحصدو الي زرعو ..
ما قربوها من نفسهم ولا قربوها من ربنا .. لكن برضو احنا لازم نوقف بجنب ايا شخص بفكر بهيك طريقة .. والقصص كثيرة وأسبابها تفكك اسري واجتماعي ..

قبل ايام كان في بنت بدها تنتحر وضافتني على المسينجر واعترفتلي انها بدها تنتحر لكن الحكي تاعها كان بدل على انها بدها حدى ينقذها .. وانها رافضة هاد الاشي داخليا ..والحمد لله بكلمة طيبة الحمد لله اقتنعت انها تبطل وانها تهتم بحياتها ودراستها ومستقبلها ... والحمد لله هي بخير الان ..

ما بدنا نتخلى عن حدا وما بدنا نترك حدى احنا خلفاء في الارض والدعوة واجبة علينا الرسول قال بلغو عني ولو باية :)

[سارة]

بدك الصراحه انا اسمعتها وكانت رائعه

انا كنت عم فكر اترك الجامعه الفصل الجاي وارتاح للسنه البعدها

بس بعد ما اسمعتها غيرت رأي

[احلى رورو]

مشكور احمد كتير كتير كتير

والله اول مرا بحياتي بسمع محاضرة

وان شاء الله راح اضل امتابعة هادا المشروع

واضل اسمع المحاضرات لانو فعلا محاضرات مفيدة

وكل الدار استغربت يف اني بسمع محضرة وكمان محاضرة دينية

هههههههههههههههههه

بس يلا خلص ان شاء الله راح اضل اسمع هيك محاضرات

لانو هاي المحاضرة اثرت فيي كتير كتير

وبعد ما سمعتها فكرت فيها كتير

وبارك الله فيك

عمو

[خيـرَ أُمـة]

وبتمنى الكل انو يصبر ويضل مثابر ويحقق هدفوا ,, حتى اذا كانت كل الطرق بتأدي للفشل

هاد أملنـا هيلين بالشباب والصبايا ...
جيل منتج مش معتمد على غيرو .. وان شاءالله حنطلع بأمثلة مشرفة من المشروع وأمثلة ترفع الراس ..

وأهلين بيكي هيلين وبقططك :)))

[خيـرَ أُمـة]

المشاركة الأصلية كتبت بواسطة سارة بدك الصراحه انا اسمعتها وكانت رائعه

انا كنت عم فكر اترك الجامعه الفصل الجاي وارتاح للسنه البعدها

بس بعد ما اسمعتها غيرت رأي

خبر رائع سارة .. واتأكدي اني انا وكل شباب وصبايا المنتدى فرحانين بهيك خبر ..

نجاحك نجاح النـا كلنـا .. وتفوقك وسام كلنا بنتشرف في .. لانو في النهاية بصب في رفعة ورقي المجتمع ..

اعملي على هدف عشان تحققي .. وخلي هدفك الاساسي مرضاة ربنا .. ما تخجلي من الكلام الي حكتي او من ايا تصرف غلط كنتي حتتصرفي واتأكدي ان الجميع مر بهيك مرحلة .. منا الي ربنا يسرلهم ناس توخد بايدهم والبعض الاخر وجد نفسو لوحالو في زحمة الدنيا .. واتأكدي انك مش لحالك وان الجميع هنا جنبك ..

والموضوع للنقاش .. بالمناسبة الي اثنين اخوة فكرو مثلك بس وقفنا معهم تا واحد كمل وخلص هندسة الحمد لله والثاني هلا سنة ثانية جامعة :)) وبتذكرو هديك الايام وبضحكو عليها .. صارت ذكرى من بعد أثر ..

[خيـرَ أُمـة]

والله اول مرا بحياتي بسمع محاضرة

وان شاء الله راح اضل امتابعة هادا المشروع

واضل اسمع المحاضرات لانو فعلا محاضرات مفيدة

وكل الدار استغربت يف اني بسمع محضرة وكمان محاضرة دينية

أحلى رورو يا بنت الئديــــــــس

متابعتك معنا اشي بشرفنا

للاسف اكثير بفكرو انها الحاضرات مملة .. لكن في شيوخ ودكاترة متخصصين بهاد النوع من المحاضرات ..

التنمية البشرية علم عالمي لكن علمائنا والدكاترة الي مثل الدكتور مريد حلولوها لطابع ديني لانو دينا بحثنا على هيك شيء ..

[نور اليقين]

اها
في عندي قصة تانية و بردو واقعية
كان فيه شاب طموحاتو كبيرة اوي
الشاب ده مغربي
زيو زي اي شاب بيحلم انو يكون اتسرة و يكون ليه دخل مادي حلو
ففكر انو يوح اليابان
اول شي قالولو اياه
يعني بعد الوتائق اللازمة و اللي حفي على ما جهزها
انو لازم يتعلم ياباني
طب ازاي يعني ؟
رفضو انو يسافر و قالولو ازاي تروح لبلد انت مش عارف لغة سكانها و كذا و كذا .............. ؟
المهم
الشاب اتعصب اوي
و في ضرف شهر
و الله العضيم شهر و يمكن اقل
اتعلم الياباني و صار يحكيها كتير منيح
رجعلهم
و قالهم اديني اتعلمت لغتكم
استغربو اوي
قالولو طب ازاي ؟
عملتها ازاي ؟
لا دنت نابغة
و يسرنا انك تسافر لبلدنا
و اكيد هنستفيد منك
و مش عارفه ايه
هنا ردو عجبني
قالهم
انا اللي رافض بلدكم دلوقتي
المغرب بلدي و اهلها اولى بيا ...........
يعني شوفو الارادة بتعمل في صاحبها ايه

[Twin]

اي والله كانت كل يوم تزن بدها تترك الجامعه وما بتحبها .. ياااا فرحتي والله هيك اقنعتلنا اياها هل عنيده ..

[براءة]

هيني بسمع فيها ...

ربنا يجزيك كـــل خير احمد في ميزان حسناتك ان شاء الله

ان شاء الله لي عــودة للمناقشة بإذنه تعالي

دمت

[خيـرَ أُمـة]

نور اليقين .. أنا بحترم كل شب مصل هاد الشب .. لانو الغرب ما بفكر فينا غير اذا كان الو مصلحة ..

توين ... سارة مش بس حتكمل .. هي حتكمل وحتتميز كمان وحتكون عضو فعال ..
ان شاء الله ..

انا متأمل لما نخلص نوصل لمرحلة نعمل مجموعات حسب الاختصاص ونعملهم مشروع يشتغلو عليه .. بس بدري على هيك حكي :))