هل رجل النت من الممكن ان يكون زوج صالح ( دعوه للنقاش)

[نور اليقين]

السلام عليكم ورحمة الله وبركاته تحيه طيبه معطره باجمل الكلام واطهره الا وهو ذكر الله اليوم احبتى اطرح موضوع اريد ان اسمع ارائكم وتعليقاتكم عليه وهو ( هل ممكن ان يكون رجل النت زوج صالح ؟؟) واقصد برجل النت اى ذالك الرجل الذى يقضى معظم وقته على النت من مواقع الى منتديات الى دردشات فالنت ملىء باشياء كثيره .................. فهل اذا تقدم هذا الرجل لفتاه للزواج منها وعلمت انه لا يستطيع الاستغناء عن النت لانه اعتاد عليه والسبب فى اغلب الاحيان هو عمله المرتبط بالنت او لانه كان يقضى وقت فراغه واغلب ساعاته قبل ان يفكر فى الارتباط كانت على النت ..............!! الغرض من طرح الموضوع هو ان الفتاه كانت تقضى اوقات فراغها قبل ان تتزوج فى مشاهدة التفاز او النت واليوم بعد ان تزوجت فلا وقت لديها فاعمال المنزل كثيره وهى على مدار اليوم ولكن ...............!! الزوج يعود من عمله متعب ومرهق يتناول غدائه ويخلد للنوم وباقى اليوم لا يوجد فيه عمل اى ان الرجل بعد الزواج مازل لديه وقت فراغ ............ اذا فالنت مازل موجود وربما اذا حدثت اى خلافات بينه وبين زوجته لجاء الى الدردشه مع اشخاص اخرين ( فتايات ) وربما زادة الفجوه بينه وبين زوجته فيهملها ويعيش فى عالم النت . فهل لو انتى فتاه تقدم لكى مثل هذا الرجل ماهو رايك ؟؟ وانت لو من معتادى دخول النت ما هو ردك ؟؟؟ لان اكثر فى الكلام اترك لكم تكملة الموضوع بما تجود به كلاماتكم ........................ لكم منى التحيه ,,,

[روعة]

السلام عليكم

الموضوع اللي طرحتيه يا نور حساس جدا جدا و صراحة ما باعرف اذا مجرد رد رح يكفي او لا لانه بهالزمن صار النت هو الشغل الشاغل للكل

بالنسبة لالي ممكن اقبل بشب كان يحكي علي النت بشرط انه يبتعد عنه اما ان كان شغله مرتبط بالنت فالشرط راح يكون انو يبتعد عن الدردشة نهااااااااااااائيا ، بعدين ان صار و عرفت يوم انو بيحكي مع غيري ساعتها انا ممكن اسامح بعدين لو صارت مرة تانية فاستحالة من رابع المستحيلات يفلت منها

حبيبتي انا باسمع عن حالات كتير حب و زواج عن طريق النت و هادا مش عيب ولا حرام اما جانب الخيانة من احد الطرفين فهادا الاشي ما بينسكت عنه

ما باعرف يمكن ارجع احط كمان رد لانو الموضوع راااائع

يسلموووووووووووووووو نور

[مؤيد]

حسب المنتديات التي يشارك بها ، وحسب الدردشات التي يعملها ... حسب سلوكياته طبعا ً..

يعني كلامي واضح ،، إذا كان استعماله للنت وراء أهداف خير ، فهو رجل صالح ، بل ومثقف أكثر من الرجل العادي الذي لا يستخدم النت .

شكرا نور اليقين

[-|| تقى ||-]

ليش لا ؟

[احلى رورو]

عااادي اصلن احنا بال 2006 مش بال 1970

يعني اشي طبيعة يكون اغلب الناس من شباب وبنات دخلو نت او حبو وتعلقو فيه

بعدين النت مش بس دردشة ومنتديات النت عالم واسع

وبالعكس عادي عندي

ويسلمووووو عالموضوع

[العاشق الحزين]

مساء الورد نو ر اليقين

بدى اعلق على موضوعك نور فى أنة لو أنا مثلا كنت من مدمنين النت وهاى هوة اللفظ المناسب


فأنا لو مكان هاى الشب الى بدو يتزوج فإذا مقتنع انى راح أفضى وأترك النت أو أخفف القعود علية فمن اللمكن انى اتقدم للفتاة الى بدى ياها
اما لو ما مستعد اخف قعادى للنت ولو لساعة فهاى كلة دحك عحالى وأبطل أحسن رسمى لأنة الواحد أهم شى يكون صادق مع حالة ومن ثم مع شريكة حياتة

[خيـرَ أُمـة]

ما أظن انو في حدا ما بستعمل النت... بحكي عن جيلنا جيل الشباب... خصوصا المتعلمين..

يعني النت صار داخل بحياتنا.. نستغلو ونستعملو بالخير... مثل ما قال مؤيد هناك منتديات وساحات نقاش مفيدة .. مثل منتدى شباب فلسطين وغيره الكثير من المنتديات... اما الي بدور على اشياء سيئة على النت وحوارات نص كم وتعارف مع فلانة وعلانة اصلا خسارة في بنات الناس...

الاخت الي حكت عن الخيانة... الخيانة يا أختي مرفوضة بشتى الوسائل على النت او خارج النت... والي بدو يخون بخون هاد انسان سيء وما الو امان ... وكل هاد ببين فترة الخطبة :-) وغير هيك على الاهل السؤال منيح ومش ايا واحد يعطو بنتهم


سلامي للجميع....

[فراشة]

شوفووو الموضوع مفروغ منوو ما فى اى بنت بتتحمل انوو جوزها واو خطيبها يئعد على الشات او النت فتره كبيرة ويهملها
البنت منا بتحب تكون موضع اهتمام جوزها او خطيبها.....
اما موضوع الخيانة الزمن الى احنا فيه الخيانة مو على النت بس .... الى بده الخيانة فى كل مكان موجودة والمحترم محترم فى كل زمان ومكان...........

شكرا احمد على ثقتك برايي ولانك دعيتنى اتناقش معك.................... وشكرا

[هلــون]

يعني في منتديات حلوة واسلامية ما بتتقلل نت قيمة الرجل

بس لو الائي واحد 24 ساعه بالالعاب وبشارك وبتمسخر ..

وما بفيد ..


مستحيل اقبل فيه ..

اما واحد مثقف .. وبحط مواضيع مفيدة .. ومنتديات مفيدة .. بلعكس بكبر بنظري ,, بس ما يكون متلي 24 ساعه منتدا...


ويسلموووووو

[خيـرَ أُمـة]

على فكرة انا اسمعت عن حالة طلاق صارت لأنو الزوج مدمن انتر نت :-( ومهم زوجتو

الشغلة فعلا خطيرة...