خليلي فلاح/ ماذا فعل ليكون الترحيب به هو عزله من المنتدى؟

[فلسطيني فلاح]

السلام عليكم ورمضان كريم اخواني واخواتي مشرفين واعضاء وزوار

انا قضيتي بتتلخص اني سجلت بالمنتدى الرائع بكل فخر وسرور باسم (خليلي_فلاح) وعندي كل الحماس والرغبه الجامحه لاكون عضو متميز وكاخ فلسطيني لكم اشارككم افراحكم واحزانكم واشارك في دعم هذا المنتدى الفلسطيني كمان من باب الوطنيه والانتماء لفلسطين.
بعد ما سجلت بيوم وشاركت بكل بساطه كعضو جديد بمنتدى التعارف والصداقه وبكمان اقسام تانيه.
تفاجئت اني كل ما بحاول ادخل لمشاركاتي ما بقدر افوت وحت لما اشارك باي قسم تاني ما بقدر افوت؟؟
ليش يعني وشو كان السبب وشو عملت او غلطت بحق حدا عشان يكون الترحيب فيي هو عزلي من المنتدى وحجب باقي الخدمات عني مع اني بعثت رساله للمسؤولين والمشرفين على المنتدى وانصدمت هلا انو حسابي بطل يشتغل بالمره فسجلت كمان مره وانا مصر على المشاركه وبنفس الوقت حبيت اعرف شو حقيقة اللي صار؟؟؟ لاني كمان مره بغلاوة الشهر الفضيل ما لحقت افرح بعضوية المنتدى عشان الاقي الترحيب هو ؟؟؟ ما بعرف شو اللي صار بالزبط
بتمنى انو حدا من الاخوه والاخوات المشرفين يوضحولي السبب
نسيت اعرفكم على نفسي اخوكم
خليلي فلاح
26 سنه
بني نعيم / الخليل
مقيم بالعين/ الامارات

اسف على الاطاله بس دايما المثل الفلسطيني بقول : العتب على قد المحبه
والشكر للجميع

[شـهيد]

هلا فيك اخي....

انا طبعا ما بقدر افيدك بهاد الموضوع بس حبيت ارحب فيك ..و اكيد في حدا من المشرفين الموجودين راح يساعدوك....

تــ ح ــياتي.....

[فلسطيني فلاح]

الك كل الحب والاحترام يا شيهد غالي وكلك زوق يا ابن الاصول منور دايما

[ريما الفلسطينيه]

اهــــــــــــــــــــــلا وسهــــــــــــــــلا فيك اخي

اكيد صاااااار في خلل ..فيك تسال الاداره..

و بالعكس انت منور المنتدى...




ريما

[Eagle of Palestine]

يا هلا

[فلسطيني فلاح]

يسلمووو اختي ريما الفلسطينيه على زوقك وترحيبك واكيد المنتدى منور بالناس الرائعين مثلك والك كل الاحترام.
انا ما بحكي شي فعلا يمكن صار خلل لانها جايه من خليلي ههههه بس انا كلمت الاداره وبعثتلهم رسالة من خلال قسم الدعم الفني والشكاوي بس ما حدا بصراحه ردلي خبر ولاحظت انو هاد القسم تحول لخاص ليش؟؟
تحياتي

[ريما الفلسطينيه]

اخي قسم الدعم الفني والشكوى بكون بين الاداره و العضو يلي طارح مشكلتو.....يعيني بين الاداره و عضويتك القديمه.....فيك هلأ تكتب مشكلتك بهالقسم بالعضويه الجديده واكيد رك يردو عليك اول ما اي حد يفوت من الاداره...

[عاشق البندقية]

له يا راجل انت بس قللي اللي حجبلك العضويه وانا بدي اطخطخلك عليه.
هههههههههههههه
طبعا اهين ومية الف مرحبا..
وبالنسبه للي صار اكيد في شي غلط...
بعينك الله ...عند محمود ركاد..

[خليلي_فلاح]

تسلم يا عاشق البندقيه ههههه وانا متاكد انو في خلل لانو اشتغل معي الحساب الحين بس غريب اللي صار من قبل؟
وياسيدي بكفي انك منور بوجودك هالمنتدى واكيد وقت الشدايد زلمه.
اختي ريما الفلسطينيه شكرا على التوضيح وجهودك ما بتقصري.
تحياتي

[محمود]

أهلا وسهلا اخوي

نورت الموضوع ^^

وسامحنا ،، بس لسا توه بشوف الموضوع ..

والحمد لله انو اشتغل الحساب ..

دمت بخير