لنبأ صفحة جديدة مع منتدانا الرائع !

[Eagle of Palestine]

من أجل مناشدة الأخ محمود و من أجل منتدى نظيف رائع خال من العيوب و السخافات اناشد :

و الله الأخ محمودكان معا كل الحق لما اضاف موضوع المناشدة لإفاقة الأعضاء من تلك السخافت و لكن بلا اي و لكن النتيجة كانت بدون اي تجاوب من معظم الأعضاء ! ، المنتدى بطل ينطاق من كتر السخافات و المواضيع الباهتة ياللي ما الها اي قيمة او فائدة ، و المصيبة الأكبر من كل الأعضاء ( و ما بستثني حالي ) بيزورها و بملوها ردود مع انها ما بتستاهل حتى الزيارة !

انا الي في منتدى المواضيع التعليمية و الاسلامية حوالي من 10 الى 19 موضوع و أتطلع لإضافة المزيد و لكن ليس هناك من مشجعات تدفعني لذلك لأنني سوف اضيفها و لن يستفيد منها الا القلة القليلة و ما بلاقي فيها غير من 3 الى 6 ردود بالكتير ! طيب ليش لهدرجة حضرات الاعضاء عباقرة ، خاتمين العلم ، نوابغ ، في غنى عن العلم و العلماء ................................... ...............!

و الله حالة المنتدى يرثى لها و الأعضاء ما في وراهم هم سوى اضافة المواضيع التي تستهوي الغير و بدون اية فائدة تذكر ! ، و الله لو انني كنت من مسؤولي المنتدى و من ادارة هذه المنتديات لقمت بحذف و الغاء كل المواضيع التي تمنح الأعضاء فرضة كبيرة لإضاعة الوقت و ملء هذه الموضوعات بالسخافات و الكلام الذي لا يغني و لا يسمن من جوع مثل ما قال الأخ محمود !

انا بصراحة اقول رايي بالمنتدى : المنتدى مكان رائع سبق و تعرفت عليه من زمان بس ما كنت امارس المشاركات بشكل مستمر و لكن بعد ان ررايت بعض المواضيع المفيدة و الرائعة من خلال نشرة المنتدى على الايميل أحببت ان اشارك و انفع غيري مثلما ينفعني غيري و يحرص على افادتي بكل ما هو مفيد!

و لذا اكرر مناشدة اخي محمود للاعضاء ( افيقو فلن تنفعكم السخافات شيئا و لن تعطيكم مستقبلا او عملا ، افيقو لنغير المنتدى و لنبدأ به صفحة جديدة مبنية على اساس الفائدة و تبادل الآراء و الأدوار ، كل منا مسؤول عن عمله و سيحاسب عليه و على وقته فيما قضاه ، سواء في الوقت الحالي او يوم الحساب ) !

و الله ولي التوفيق!

[zooro]

حتى هذا الموضوع لم يرى اي رد ! وكلامك على العين والراس ! وانا شخصيا صار زياراتي ومشاركاتي تقل ! ما في تشجيع للاشي مفيد ! بس لو نشوف اكثر زيارة لموضوع بتلاقيه على لعبة الي بوصل 5 بحلق راس التاني !

[بيســان]

كلام سليم أخي

ونحن صدقاً بحاجة لعقول منفتحة تبحث عن الجميل والمفيد وليس على الالعاب والتفاهات

بتمنى الجميع يشاهد هالموضوع .. وان شالله بنلمس التغير والتطور قريباً

سلمت يداك أخي

دمت بود

[Abu Shadi]

تلعب معي شده اخي ترنيب شو قلت
اخي كلامك بالهوا كلو لسا تحكي لحيطه افضلك يمكن تسمع
ولكن اعذرني فانني لا ارغب بالكلام سوى بما اقدمه
واخي زورو احسن سلوكك وغير هيك اخي ما تكزب كثير عشان الكل يرد عليك

[.:.!دموع الرحيل!.:.]

يا جماعه في شغله لازم تنتبهو الها
أنو اغلب الأعضاء صار عندهم مدارس
ودخلتهم خفت
يعني مش قصة تقصير بالمواضيع المفيده وبس
هو دخول النت بشكل عام خف عند الأعضاء
ما كتير تكبروا الفكرة براسكم
الأعضاء الي عنا بالمنتدى كلهم ناس بتفتش
عالي تستفيد منو
وما منقدر نجمل الكل عشان كم شخصية
وبالنهاية اي عضو خلص شغلو من الأقسام المفيده وراح الألعاب وين الغلط
محمود هداك المرة نزل الموضوع
واغلب الأعضاء تجاوبوا وما حدا قدر ينكر هالشي
وصار تغير ملحوظ
كل انسان وعندو هفوة
كان لا بد من الملاحظه من الأخ محمود
واكل حاول يرجع يجلس
بس الي صار انو اجت المدارس
وهاي ما فينا نحكي عندها شي
دراسة ومستقبل الكل قبل اي شي

يعني القصة مش قصة تقصير بلا سبب
في سبب مهم وكبير عند أغلب الأعضاء
الشغل علينا نحن الي مندخل هلأ وقادرين ندخل
انو نبقى دايرين بالنا عالمنتدى ومتابعين رسالتنا
وما نتأثر
لا بتخف زياراتنا ولا بتقل مشاركاتنا
لسى كل شي على حاله
الهدف لسى موجود ورسالتنا متابعين فيها بإذن الله
ريثما يفضوا الأعضاء الباقيين ويرجعو معنا

ان شاء الله

واخي صقر فلسطين
ما شاء الله عليك
الله يحميك
ويا ريت كل الشباب الي بعمرك
عندهم تحمل للمسؤولية زيك
الله يقويك أخي
ودمت بخير

[Eagle of Palestine]

شكرا عالتجاوب ................ ، يا ريت و الله نشوف منتدى شباب فلسطين بحق نظيف خال من العيوب و مع انو المسؤولية عالعضاء بس الادارة الها الجزء الأكبر من المسؤولية في هالشغلات !

شكرا خيو زورو ، اختي بيسان اخي ابن ......... ، خيتو دموع ........ !

و يا ريت نلاقي هالشي على ارض المنتدى ( ارض الواقع )!

و الله ولي التوفيق !

[محمود]

شكرا لك اخوي الكريم ..

ربنا يحفظك كلام جميل جدا ..

والله يهدي الجميع ،،

بالنسبة للادارة والمشرفين ربنا يكون بعونهــم..

اذا بتحذف رد او موضوع بتلاقي العضو استنفر وزعـــل ..

والحمد لله على كل شئ ..

[الورده الحمراء]

يسلمو ايجل على طرح الموضوع الراقي...ولكن بالطبع ما بتقدر تحاسب المنتدى ككل ...لانه فيه اعضاء من مختلف الاعمار ومختلف الافكار...وما بتقدر توحد الجميع بمستوى فكري واحد..حتى نفس الشخص من وقت لوقت بيحتاج لفتره راحه من المعلومات والمناقشات الحاده...والحاجه لبعض الراحه مع المواضيع المرحه والخفيفه...فلا تلم الجميع كلنا بشر وخطاؤون...والكمال لله..دمت بالف خير وتقبل تحياتي..

[Eagle of Palestine]

العفو اخي محمود و الله معاك كل الحق الله يعين الادارة على هيك اعضاء ( مش الكل طبعا انتو عارفين قصدي ) !

تسلمي اختي وردة عالرد الجميل ( تعرفي اعتبرتو تكملة الموضوع ) فعلا لكل عضو مستوى فكري معين بتميز في و انت ما شاء الله عليك !

و الله ولي التوفيق !