غبااااااااء فلسطيني

[بنت الرملة]

انا بصراحه بس عرفت انهم خطفوا صحافين بجد فاااااار دمي والله العظيم مش عمله وفي هيك وقت ..يعني الشعب الفلسطييني وبهاد الوقت بالزات محتاج انو كل العالم توقف معاه وتحس فيه وبهيك عمل حيخلي الناس مش توقف معاه بل بالعكس تمااااما ...لأنو انا الفلسطينيه ولعت منهم وبجد نقهرت فما بالكم إلي مش فلسطينين عنجد حيوخدوا فكره عنا إنو نحنا متخلفين وما بنفرق بين العدو وغيرو بس بدنا نعمل شغب وبس ....يعطيك ألف عافيه عاشق الوطن

[خيـرَ أُمـة]

المشاركة الأصلية كتبت بواسطة عاشق الوطن اخي العزيز احمد

اول شي انا ما بدور على الي معي لانو اغلب الردود كانت معي

وبعدين صحيح انو قضية فلسطين ما بتتقارن في قضية لبنان في بعض الاشياء

بس في اشياء تانيه غير

مثلا في جاليات لبنانيه في الخارج وفي جاليات فلسطينيه

ولو سئلتك اديش تاثير الجاليات الفلسطينيه وشو بتعمل لبلدها من الخارج بمقارنة الجاليات اللبنانيه بطلع ولا شي

ونت بتسئل شو ممكن يعملو الي بالخارج ؟؟

ممكن يتفرجو وينسو حتى اصلهم وبلدهم زي ما كتير ناس عاملين

وممكن يعملو من اجل بلدهم من برا هي الجاليات اللبنانيه عملو مظاهرات ليوم المظاهرات

بس ما بينو للعالم انهم ساكتين حتى الصحف الفرنسيه انتقدوها وقعدو قبال مقراتها مشان تغير دعمها ل الكيان الصهيوني في الحرب

وعملو حملات تبرعات وغيره وغيراته كتير

احكيلك شو ممكن نعمل

ممكن نخفف ن بلدنا

ممكن نتبرع لبلدنا

ممكن نوصل للعالم قضيتنا

ممكن كل واحد فينا يكون بذرة تحرير

واحكيلك مثال على الي بحكي فيه

خالد مشعل

رئيس مكتب حماس في دمشق مع انه في الغربه الا انه ضل صوت لفلسطين

ناجي العلي

رسام كاريكاتير وكل العالم بتشهد انو عمل لفلسطين اكتر من كتير ناس جواها

ميس شلش

منشدة فلسطينيه بارعة وكتير ناس صارو يحبو قضية فلسطين من صوتها واناشيدها

وفي غيرهم ولكن مع الاسف الاغلبيه نسيت والاغلبيه مش عامله شي

حتى في ناس نسيو اصلهم وشو بدك احسن من هيك شعب نسي بلده ليش العالم بدها تضحي بعلاقاتها مشانه

يا ريت تكون فهمت شو قصدي

وبعدين لا تقول مش ممكن تنغير الراي العام العالمي


وبرجع وبقول لبنان اكبر دليل

من ول الدنيا لاخر الدنيا مظاهرات وشعرات العرب ما قدرو يرفعوها

فا بتقدر تغير

بس بدك مين يغير

وشكرا الك على الرد

عزيزي عاشق الوطن بصراحة كلامك فند بعضو
لنت ذكرت ان فلسطيني الخارج لا يعملون من اجل قضيتهم وفي نفس الوقت ذكرت امثلة من الشعب الفلسطيني يعمل من اجل هذه القضية...... هل يجب ان انشهر وأطلع على التلفزيون عشان تصدق انو في عمل فلسطيني... مش معقول كل واحد بعمل لفلسطين انصورو ونبعتلك صورتو :)

بالنسبة للبنان والله لو الحرب مدتلها كمان شهر كان خفتت الاصوات وقلت المظاهرات واصبحت من الماضي وهذا ما حدث معنا في فلسطين فكلما حدث شيء عمت المظاهرات العالم العربي والاسلامي ثم ينتهي كل شيء وهذا ما حدث مع العراق وهذا ما كان سيحدث مع لبنان لو طالت الحرب هي مجرد ردود افعال تبدأ وتنتهي

اما بالنسبة للتبرع فيريت ان ييقن الجميع بأنه عندما اتاحت الفرصة كانت التبرعات بالمليارات وليس بالملايين وخصوصا من دول الخليج فلسطينين وغيرهم لكن للأسف اتضح انها تسرق في الاخر

وحتى الان التبرعات موجودة لكن قلت وبشكل غير رسمي وقبل فترة كانت زوجة الدكتور الشهيد عبد العزيزي الرنتيسي في احدى المدن العربية ولم تطلب التبرع الا ان شهامت فلسطيني الخارج كانت تعي ما يحدث في الداخل واذا بتحب اسألها عن كل دولة زارتها وكيف كان اقبال الناس

صحيح ان هناك من نسي لكنهم ليسو بكثرة من لم ينسى
وبرجع وبحكيلك قضيتنا غير عن لبنان وكمان مين حكالك انو فرنسا كانت مع ضربة لبنان
وبعدين شوية المظاهرات التي رايتها في فرنسا كانت من لبنانيين يحملون الجنسية الفرنسية وقد فرو من لبنان :) يعني على الاقل يخرجو بقليل من ماء الوجه بالمظاهرات


تحياتي

[عاشق الوطن]

يا حبيبي

طيب انا قلت انو في ناس بيضحو للوطن من الخارج واعطيتك كم مثال

يعني انو انا بناقض كلامي

انا قلتلك كمان انو هدول فئة قلييييييييييييييله جداااااااااا من الناس

وبعدين انت شايف وانا شايف الفلسطينيين والله حتى الفلسطينيني بينتقدو انفسهم خليها مستوره

فاهم علي كيف

ومين الي بيسرق هاي المليرات الي بتحكي عنها

برضو احنا

وكمان ازا الجاليات اللبنانيه الي في فرنسا ماخدين جنسيه فرنسيه فا عنا جاليه حلوه في الاردن ماخده جنسية اردنية بس شتان بين هدول وهدلاك فرق شاسع جدا



بس بنلوم العالم وما لازم نلوم غير حالنا

[خيـرَ أُمـة]

عزيزي عاشق الوطن

ما تقارن الأردن بفرنسا
فرنسا متوسط دخل الفرد فيها اكثر من عشرين ضعف متوسط دخل الفلسطيني في الأردن هاي واحد

ثانيا قبل 4 سنوات صارت مظاهرة في الأردن وشارك فيها ربع مليون بني ادم كان عمرك 16 سنة ايميها ما بعرف اذا كنت صاحي ولا لأ لكن الي بدي اوصلو انو في الأردن الناس مضغوط عليها عشان ما تفكر بسياسة او بقضية ومع هيك بفكرو

انا عشت في الضفة وكمان عشت في الأردن كذا سنة الامعاناة الي عاناها اهل الضفة من تعطيل للمقاومة والجهاد فترة السلام المزيف لا شيء مما يعانيه المقيمين في الأردن والمخابرات الأردنية والي كانت تعملو السلطة من سجن لكل واحد بجاهد فترة السلام لا شيء يذكر امام ما كانت تفعله المخابرات الأردنية وفرق البادية هناك

عزيزي عاشق فلسطين
المقارنة مش دايما صح وما حدث في لبنان ظرف طارئ وانتها اما ما حدث في فلسطين فهو عملية تهجير وتجويع وتضيق من قبل كل العالم

تعودو فلسطيني الخارج الي انت معتبرهم مقصرين ان يدعمو اخوانهم عن طريق البنوك وهايها البنوك منعت وجميعها خائفة من عقوبات عليها خصوصا بنوك الأردن لأنها اكثر البنوك التي كانت ترسل حوالات لأهلنا في الداخل طبعا الان سمحو لكن بمبالغ بسيطة وعندمى حاولت حماس ان تدخل الأمول عن طريق رفح وجهت بالتحقيق من قبل السلطة والكل يشهد على ذلك يعني والله لو من اليهود ما بنزعل لكنها كانت من السلطة السلكة الي بحسك خجلان تنتقدها فترة السلام ما ساهمت في اي تنمية الهم بس كزنو اريحا (سامحوني على هكذا ذكر في منتدى محترم) جميع الأموال التي كانت تأتي من الخليج والتحاد الوروبي والدول العربية صرفت في اشياء تافهة ومباني للسلطة وكلام فاضي واذا دققنا في الاقتصاد الفلسطيني لوجدنا ان داعمه الأساسي هو القطاع الخاص مثل الاتصالات الفلسطينية والجوال والكهرباء وغيرها من شركات القطاع الخاص يعني منيح ما كانت بيد السلطة ولا كان عيدت معنا
الي بدي اوصلو عزيزي انت ذكرت ان نلوم نفسنا قبل الغير طيب ممتاز لوم السلطة الي كانت موجودة على سذاجتها في صرف الأموال التي كانت من الخارج وجزئ كبير منها من الأردن الي انت متحامل على اهلنا الي فيها

وعلى فكرة انا كل ما انزل فلسطين بلاحظ تحامل شديد على فلسطيني الأردن والي بسمع بفكرهم عايشين برخاء وعز

يا اخوان صححو الصورة ولا تعممو كانت حماس مستضافة في الأردن واختلفت المصالح مع الحكومة الأردنية شو ذنب فلسطيني الأردن

تحياتي

[زهرةاللوتس]

يسلمووو لعى موضوعك اخي

وانا ضد عملية الخطف الي صارت ...... وسمعت كمان انهم اجبروهم على اعتناق الاسلام او يقتلوهم

واكيد هاد غباء جديد ..... لانو لا يجوز اجبارهم فهذه حرية عقيدة

وكمان انا ضد المطلب الي طلبوه كمان ....لانو بدهم اخراج كل المسلمين من السجون الامريكية

طيب كان الافضل انهم يطلبوا فتح المعبر او اخراج فلسطينيين من سجون اسرائيلية او او او او

في كتير مطالب احنا بحاجة ماسة الها ....

والله يهديهم يا رب لما فيه خير لنا في الدنيا والاخرة

دمت في رعاية الله

[بنت البحرين]

لا تــعــلــيــق

[حنين04]

كلامي مش رح يعجب حدا منكم انا متأكده لكن العالم زهق من قضيتنا وبدهم اسرائيل تذبحنا وهم اساسا عارفين قضيتنا وبدهم الاعلام يعرفهم وقفوا معنا ولا عمرهم لا يوقفوا بدنا نظل خايفين على سمعتنا ما بعرف انا بحكي الله لا يرد عن قلب الظالم شده ليش لما يذبحونا ما بخافوا صورتهم تتشوه