سفر البنت لوحدها بالخارج

[مؤيد]

المشاركة الأصلية كتبت بواسطة جومانا اوكي اخي كلامك سليم بس هدا مو معناه انه كل البنات متل بعض

اصابع ايديك مو متل بعض اخي مؤيد حماس

يعني كتير بنات واثقين بانفسهم سافروا بره ورجعوا ولا كانه فيه شي وعلاماتهم عاليه

واحنا هون مش بصدد التعرض لهذا النوع من النقاش

النقاش مجرد انه هل البنت ممكن تسافر وحدها او لأ
واكيد لأ

خالص مودتي لكم

شكرا لردك الرائع ،،،

وأنا مش ضد إنو البنت تطلع بره ، تطلع بس مع حد من محارمها ، ولو بدها تلف كل الدنيا ما في مانع طالما إنو معاها قريب من أقربائها المقربين .

بعدين انا ما عممت على الكل إنو كل البنات الي بطلعو بسقطوا في كل المواد ، أنا ذكرت أن البعض فعلاً برجعوا ووضعهم بحزن ، يعني بعرف بنات طول عمرهم أوائل في التوجيهي ، وطلعو على الأردن الي هي الأردن جنبنا ورجعوا بدون جهادة ، رجعوا بأصفار جامعية و سمعتهم وقصصهم ملأت ألسن الناس ....... وبالمقابل في بنات طلعوا متفوقات ورجعوا متفوقات وبقو محافظين على أخلاقهم ، ليش لإنهم مربيات تربية صحيحة ، وما بنخدعوا بمسميات الحب وسرابه الخادع .

وكمان مرة بحكي ما حد يفهمني غلط .

[جومانا]

شكرا الك اخي الكريم

انت هيك حكيت انه السبب برجع للتربية كلام سليم ميه بالميه

واشي اكيد انه البنت ما لازم تطلع الا بمحرم

اشي ما فيه لا نقاش ولا جدال

تحياتي لك اخي الكريم

[gold_quest]

السلام عليكم ورحمة الله


اخواني فالله .

قد لا تعرفوا مخاطر سفر الفتاه وحيدة بغير محرم .........حتى تسافروا وتروا بانفسكم....


للاسف هناك امثله واقعيه نراها هنا في دول الغرب وحالة خواتنا المسلمات الواتي ياتي لتعلم في الخارج

بغير محرم شرعي وللاسف هذا من جهل اهلها وتخلفهم في الوقت الذي يضنون انهم يواكبون الحضاره

ساذكر بعض الامثله .........هناك فتيات ياتين من بعض الدول العربيه ومعضمه من عائلات ثريه

يرسلوا بناتهم لتعلم ...........زفتاتي الى هنا وترافق احد الشباب ويقوم الشاب بالارتباط بها وحين تحمل

لانه شاب جامعي لا يستطيع بالتكفل بها وبجنينها يتركها ......فتصبح الفتاه في متاه لا تستطيع العوده

لاهلها .......فتتزوج شاب مسيحي او كافر وبتالي تضيع هي وطفلها ........قليل منهن يتجن الى المساجد

ويجدن من يساعدهن ............

اما بنسبه للحكم الشرعي فلا يجوز الا بمحرم لها .......

اذا كان الشاب المسلم يتعرض الى محنات في الدول الغربيه وفتن لا يعلمها الا الله عز وجل فكيف الفتاه


وجزاكم الله خير لطرح الموضوع

[احلى رورو]

انا بصراحة ما عندي اي اعتراض ولا خوف ازا كانت البنت مربية و ما بنخاف عليها والبنت تكون اد حالها وما بقدر حد يضحك عليها اما ازا بنت كانت بنص عقل هههههه فما بظن انو راح يكون لمصلحتها لانو السفر للخارج مسؤلية كبيرة ولا زم تكون ادها ومش لعبه

يلاااااااااااااااا بستنا ردودكم

[الورده الحمراء]

مع احترامي لاراء الجميع..ولكن الرسول صلى الله عليه وسلم قال:اطلبوا العلم ولو بالصين..ولم يحدد ذكر او انثى...برأيي خروج البنت للدراسه وسفرها لوحدها بدون محرم ممكن..وبالنسبه للنقطه التي اشار لها مؤيد حماس أعقب عليها يوجد الكثير من البنات وقعوا بالرذيله والغلط رغم انهم يدرسوا في نفس البلد ولم يسافروا..موضوع وقوع البنت بالغلط مرتبط بتربيتها واخلاقها..وقد سمعنا كثيرا عن قصص الزواج العرفي بالمدارس الثانويه..اي بوقت البنت لسه ما خرجت للدراسه الجامعيه والسفر,,فهل الحل ان تمنع البنت من خروج المنزل نهائيا؟؟؟اذن موضوع وقوع البنت بالغلط لا يعود بسبب السفر للدراسه وحدها..عفوا للاطاله وتقبلوا مروري وشكرا لكي يا رورو على مواضيعك المميزه,,

[احلى رورو]

يسلموووووووو فجر الحياة على مرورك بس انا اصدي كمان على سفرها للدراسة مثلا

[قسامي غزة]

لا يجب ان تسافر البنت وحدها الي الخارج لان هذا ليس من تعاليم ديننا ولا يجب ان تكون وحدها وانما يجب ان يكون معها شخص رجل يعني لان البنت في الغالب ضعيفة وليست مثل الرجل

[احلى رورو]

يسلمووو قسامي غزة على ردك