سفر البنت لوحدها بالخارج

[ريما الفلسطينيه]

انا ضد انو البنت تدرس ببلد ما بتعرف فيه حد ....اقل شي يكون عندها قرايب او ناس بتعرفهم لانو هيي رح تتعذب هناك و يمكن ما تعرف تمشي امورها...

و يعطيكم العافيه

[مؤيد]

اسمحو لي أحيي الأخوة وخاصة الأخوات على آرائهم .
والحمد لله إنو التلفزيونات العربية الخبثة ما أثرت على أفكاركم .

والبنت الي بتحمل أفكار غربية عن الحرية والتحرر هذه فتاة لا يحترمها أحد من الشباب .



إنتو هيك تستحقوا منا كل الاحترام والتقدير ..

[Bent Palestine]

اول شي يسلمو ع هاد الموضوع الحلو
وانا مو مع ولا ضد ان البنت تسافر لحالها سياحة
لان لو كان الها قرايب بالبلد اللي رايحه الها سياحة فـ عادي تسافر لان قرايبها ماحيسيبوها
اما ازا لاء فـ شي برجع لأهلها ..

[منار إبراهيم]

الفكره ان الواحده احيانا بتتضر للسفر لوحدها
الاهل اللى بيرفضوا بيكون ليه يا تري بسبب عدم الثقه فى بنتهم مثلا ؟

اخى مؤيد حماس مش كل الافكار الغربيه سيئه للغايه زي ما حضرتك بتقول وبالعكس فى عادات وتقاليد عندنا العرب اكثر تخلف وجاهليه

انا اطالب بأن ناخذ امورنا بديننا ولا بعادتنا وتقاليدنا الباليه ,,

[السفيرة]

اذا كان هناك هدف تطمح الفتاة الى تحقيقه وتسعى من خلاله الى ترسيخ قدميها في الحياة فما الذي يمنع سفرها؟ قد تضطر كثير من الفتيات احيانا الى ترك بيتها او وطنها بحثا عن تحسين وضعها وتحقيق احلامها خصوصا عندما لا يكون لها سند
لكن اذا لم يكن لسفرها مسوغ حقيقي فانا لا اوافق على سفرها وخلاصة القول ان الامر مردود على ظروف الفتاة وشكرا كتيرعلى هالموضوع يا احلى رورو ويعطيك الف عافية

[samar]

اول شي يسلمو ع الموضوع
تاني شي بجوز للبنت تسافر لحالها عادي يعني ازا بدها تسافر تدرس برة بدها تاخد العيلة و تروح يعني ؟؟؟
وبعدين انا سافرت لحالي ع الاردن بس في عنا قرايب بس وكمان السنة الجاية رح اسافر ادرس هناك يعني عادي وبالنسبة للمحرم فانا بصراحة سافرت مع خالتي الصغيرة و ابن خالي وبس بصراحة انا مو شايفة الشغلة عيب...

[بنت الشرق]

موضوع سفر البنت لوحدها هذا يعتمد بالدرجة الاولى على شخصية البنت
فاذا كانت البنت على قد حالها وما بينخاف عليها تستطيع السفر لهدف محدد مثل الدراسة
مثلا...ولكن ..عندما فرض الله سبحانه وتعالى وجود المحرم مع اي امرأة أو فتاة في حال السفر
فهذا لم يخلق عبثا .. ففي الموضوع حكمة وسبب وجيه جدا اذا فكرتوا فيه جيدا ,حيث أن الفتاة
خلقت ضعيفة ,وأقول ضعيفة جسديا وكذلك عاطفيا ...بمعنى آخر ممكن ينضحك عليها بسهولة
من البعض الذي يصطاد في المياه العكرة ويتحين الفرص عند أي لحظة ضعف قد تمر بها الفتاة..
ولو انه عندما أوجب الشرع وجود المحرم كان الزمان يختلف كليا ,حيث صعوبة التنقل وانتشار قطاع الطرق وما الى ذلك من ظروف ذاك الوقت ..صحيح الوضع تغير وأصبح أمن أكثر وسهولة تنقل أكثر
ولكن دائما يفضل وجود محرم كما أقر الشرع وبالذات في حالة سفر الفسحة وشمة الهوا,حيث تكون الفتاة
في حالة فراغ وتحتاج من يملأ هذا الفراغ وقد تقع في المحظور..لذلك وجب اتقاء الشبهات

[جومانا]

بدايه احب اشكرك اختي لانه الموضوع فيه نقطة جدل

انا ما بأيد هالشي
لانه لازم البنت يكون معها محرم وما بنفع تسافر لوحدها
والاهل بمنعوا بنتهم مش قصة انه ثقة او لأ
كتير اهل واثقين من بناتهم وما بخلوهم يسافروا وحدهم
لانهم بكونوا عارفين انه هالشي خطأ وما بقبلوه

بتشكرك كتير على طرحك للموضوع

دمتِ بكل ود

[مؤيد]

يعني بفهم من كلام البعض إنو إزا البنت واثقة من حالها ، فمش مشكلة تطنش قوانين الإسلام !!!!

يا ناس يا عالم القصة قصة دين ، مش قصة هاي شخصيتها قوية وهاي شخصيتها ضعيفة .

ويا بنات ياالي واثقات بأنفسكن ، ياما بنات كانوا من أتقل البنات ومن أكثرهم التزاما ً وراحو ضحية الذئاب من الشباب الحقيرين الي ما عندهم ذمة ولا ضمير " تحت بند مراهنة الشباب لبعضهم على الي بدو يطبق تلك أو يسقطها بشباكه " .

وبكفي القصص الي بتصير في جامعات الأردن ، وانا بعرف قصص بنات فلسطينيات في جامعات الأردن رجعوا حوامل لأهلهم وساقطين بكل المواد ، مع إنو كانت شخصياتهم قوية .

لذلك الدين دين ، مش إنو حسب الشخص ، كل واحد بياخد من الدين على هوى شخصيته ، شو هي الشغلة جرعة كبيرة وصغيرة ، وما بصح نطبق الدين على حد وننسى التانيين ، وحرام ناخذ جزء من الدين ونترك الباقي .

[جومانا]

اوكي اخي كلامك سليم بس هدا مو معناه انه كل البنات متل بعض

اصابع ايديك مو متل بعض اخي مؤيد حماس

يعني كتير بنات واثقين بانفسهم سافروا بره ورجعوا ولا كانه فيه شي وعلاماتهم عاليه

واحنا هون مش بصدد التعرض لهذا النوع من النقاش

النقاش مجرد انه هل البنت ممكن تسافر وحدها او لأ
واكيد لأ

خالص مودتي لكم