موضوع خطير جدا يحتاج للمناقشة

[فتــ(الجليد)ـــــاة]

مشكوووووووووووور عن جد موضوع رائع ومحتاج للنقاش وتطبيق النتائج فيما بعد
لانو الحكي وحدو مابنهي هاي الظاهرة
انا حابة احكي قصة صارت معي
مرة وانا قاعده في الجامعه على الكراسي كان قدامنا شباب بتمازحو فشكلو واحد منهم تقل العيار شوي قلبت لمقاتلة
ففواحد منهم كفر وماخلا فانا بصوت عالي شوي حكيتلو لاحول ولا قوة الا بالله
ماعجبتو وصار بدو يقاتلني

فاذا الشب نفسو ماكان عامل قيمة لحكيو واذا كان متساهل بكل شي حتى التكفير فما حدا بقدر يغير شي
وبصراحة انا بحس انو في بعض شباب بس يكفرو او يحكو كلام بذيق بكون مكيفين على حالهم انهم رجال وصارو يحكو
وانا عن نفسي اذا قدرت اساهم بحد هاي الظاهرة مارح ابخل باي مجهود



سوووووووووووووووووري طولت عليكم بس حبيت ابدي راي


تحياااااااااااااااااااااااااااااااا ااااااااتي

[قسامي غزة]

لا والله كلامك جميل يا بنت الجليد وبارك الله فيكي
وكمان بدي احكي للاخ عامر اكيد هاي الظاهرة موجودة عندنا في فلسطين بس كمان عند معظم العرب وللاسف يعني اشئ مخجل صراحة
وبدي احكيلكم شو الي خلاني اكتب هاد الموضوع صارت قصة الكلام هاد قبل سنتين يمكن وتزكرتها اليوم فقررت اني اكتب عن هاي الظاهرة
مرة صارت مشكلة عند جيرانا وانت عارف كيف عيشة المخيمات البيوت جمب بعض وبعدين المهم اجا الراجل الكبير صار يكفر بصورة شديدة جدا مع انه بكون اول واحد بصلاة الفجر وعامل حاله بعرف ربنا المهم صار كفر ما عمري سمعت افظع من هيك سبحان الله بتفنن وهوا بكفر كلام والعياذ بالله
والله يا اخوة اني خرجت من الدار ورحت علي شب صاحبي تعرفوا ليش يمكن تستغربوا ليش عملت هيك والله العظيم اني خفت ربنا ينزل عليهم مثل الطير الاابابيل او يسخط الراجل من كتر ما سب فرحت بعيد عن الدار خوفا من عقاب الله
تصوروا الجهل والبعد عن الدين شو بيعمل
ونسال الله لنا ولكم الغفران
وبعتذر اذا طولت في كلامي بس حبيت احكيلكم هاد القصة

[قسامي غزة]

يلا يا جماعة ما حد يقصر الكل يكتب الحلول الي يشوفها صح علشان نطلع بنتيجة لها الموضوع