مع عودة كرسي الاعتراف .......نستضيف المدير العام محمود

[محمود]

انا عندي كم سؤال يامحمود اللي هم أأولا: ليش الواحد بيتحاسب بذنوب غيره يعني لو انا غلطت بتروح تحاسب وحده من صحباتي مع انك انته تعرف هالاسلوب غلط ؟؟

الواحد ما بعاقب حدا على خطأ انسان تاني ..

لكن طالما انو صاحبه يعني فيه يمنعه من الخطأ او ينصحه ..

فيكون العتاب لعدم النصح ومنع الخطأ وما يبدر من صديقه ..

لأن المرء على دين خليله فلينظر المرء من يخالل

تانيا:: انا مقصره في شي يامحمود لأني شفت في كل أجوبتك في هذا الموضوع لاغي وجودي ولا كأني موجوده في المنتدى مع اني مشرفه على هالقسم ودائمة التواجد في المنتدى (راجع اجوبتك اللي جاوبت عليها فوق كم مره ذكرت برج العرب = شهد )؟؟

اخت شهد الحياة .. انا مو لاغي وجودك في المنتدى ..

لأني ذكرت اسمك في اكتر من محل بغير هيك موضوع ..

وذكر اسمك هون او عدمه ما بأخر بقيمتك في المنتدى ولا بقدم ..

لو كنتي تحبي تعرفي رائي فيك ،، كان ممكن سؤال شو رايك بشهد الحياة .

كبقية الاعضاء ..

صراحه انا احس نفسي عضوه داخله من شهر ماكأني راح اكمل سنه عشان هذا صراحه وبتمنى تشيل عني الاشراف لأني راح اطلع من المنتدى ..

والله يا شهد الحياة ،، انا ما بحـــس هاد الشعور تجاهك ..

يمكن هاد شعور خاص فيك .. بس كان نفسي تقفي مع حالك 5 دقائق وتذكري

المنتدى بمواقفه قبل ما تكتبي هاد الرد ..

انا صراحه استانست مع انه المنتدى فلسطيني اندمجت معاكم وحبيتكم وبتمنى تسامحوني اذا غلطت بأي شي.. اشوفك على خير يااحلى اعضاء وبس .. ســــــــــــــــــــــلام

طبعــا احنا تشرفنا فيك اكتر .. ودمت لنا بخير ..

بــرج العــــــــــــرب (شهد)

اهلا وسهلا .. نورتي الموضوع برج العرب ..

[محمود]

شكـــــــــــــــــــــــــــــــــ ــــــــــــــــــــرا

يا مدير عالتفرقه العنصريه بين اعضاءك ^_*

ربنا يرضى عنك ياريما الفلسطينية ،، الله يوفقك في حياتك : )

[محمود]

والله ماني عارفة شو احكي
يا برج ليكني ما ذكر اسمي بالمرة بس برضو يمكن اللي ماذكر اسمائهم يكونو مقصرين معو <<< ( ما بعتقد )
بس عاادي والله
صحيح اني تضايقت شوي و ولا كأني موجودة بهالمنتدى بس يلااا عااادي تيك ات ايزي برج
وبليييز ما تعصبي وتندفعي بكلامك لانو عنجد الحكي اللي حكيتيه لهيلين بيجرح وبيجرح كتييير
والله يكبر لك عقلك نحنا مو على كل صغيرة وكبيرة منا نزعل وبليييز محمود راضيها الله يرضى عليك
بس يا ريت تفكر بجوابك قبل لا تجاوب
والكو كل التحية والله يديمكو ويعزكو يا رب
وما منا حدا يزعل خلص بكفي بكفي بكفي

اختي صدى الصمت حياك الله على فعل الخير ..

بصراحة انا شفت ردك بعد ما رديت على الاخت برج العرب ،، سامحينا ان كنت قصرت

وصدقوني انا بحترمكم كلكم .. واساسا انا حكيت لعاشق الحور اني ما بحب هااي الأسئلة

بالمرة وبدايقني تواجدها .. لكن مو حابب أحرج كاتب السؤال واقلـــه ما رح اجاوب ..

لانو انا بعرف كل انسان حابب يشوف رأئي محمود فيو كان مجرد انو يكتب تعليق هنا بهادا الصدد ..

ولك خالص الشكر اختي ..

[محمود]

اختي هيلين الله يجزيك كل خير ويبارك في عمرك يا أصيلة ..

[محمود]

أنا ماراح أطول أكتير بس سوأل واحد......

ما هو هدفك من أنشاء منتدى شباب فلسطين؟؟؟

مع الشكر لك أخي على هذا المنتدى الرائع

أهلا وسهلا اختي أنين ..

انا رديت مسبقا على هذا السؤال وهنا الرد ..

والله يا اخي .. أول شئ اهتمامي كبير جدا في هذا المجال ،، أحببت ان يكون لنا مكان

في هذا العالم ،، نرفع فيه صوت الحق .. صوت الاسلام ..

وأن نلــم شمل كل فلسطيني في بقاع الارض من الشتات والمهجر

غزة و الضفة واراضي الـ 48 وكافة الاراضي المحتـــلة ..

لنتشارك ونصنع عالمنا الفلسطيني الكامل هنــــا ونذوق طعمــــ الجماعه الفلسطينية ..

بحيث نصنع وطنا على عالم الانترنت كبداية حلمـــ محقق ان شاء الله على ارض الواقع ..

كنت أشاهد بعض المنتديات .. كلها كانت تتجه الى الغراميــات .. وما يغضب الله

من افلام واغاني وكذا .. فكانت الفكرة في انشاء منتدى فلسطين شامل ..

يرعى المصالح الشبابية والقضايا العامة :: يمثل كلمة الوحدة الفلسطينة ..

ودمت بود

[محمود]

مالكم يا جماعة قلبتوها هم وغم
وشو المشكلة لو ما ذكر اسماؤكم
يعني بصراحة محمود مش معقول رح يذكر كل اسماء الاعضاء
ده غير انه بيحكي باللي حاسس بيه وشايفه من وجهة نظره هو
يعني مش قصده يفرق بين اعضاء واعضاء
وانتم بتعرفوا انه كل انسان بيحب وبيميز اشخاص عن اشخاص
وسوري اني تدخلت في الموضوع

بس يا ريت تحترموا اجوبة محمود

الله يخليك اخت نهال ما قصرتي والله ..

دمت بخير وعافية ،

[عاشق الحور]

المشاركة الأصلية كتبت بواسطة محمود
وصدقوني انا بحترمكم كلكم .. واساسا انا حكيت لعاشق الحور اني ما بحب هااي الأسئلة

بالمرة وبدايقني تواجدها ..

صادق والله يا أخي ،،، وانا اعتذر عن الاعضاء لهذا الاحراج

بس والله أكيد أي شخص أيا كان راح يقصر في هيك موقف

وأكيد انتو بتقدروا ترجعو لكرسي الاعتراف لأي عضو وبتلاقيه قصر

وانا شخصيا قصرت مع اقرب الاعضاء بالنسبة لي ولم أذكرهم

أرجو من الجميع الأخذ بعين الاعتبار

بعدين الاخوة في المنتدى لا تعني الذكر بالاسم ،، ولكن بالتعامل

وما أظن الحج محمود بيقصر مع أي شخص ،، حتى لو هذا الشخص قصر معاه

وهذا الكلام أنا متأكد منو 100% لانو أنا معاه 24 ساعة ،،، واتحمل مسؤولية كلامي

فلي طلبان منكم

اولا الاسئلة المحرجة ممكن تتحنبوها

واللي شايف نفسو مو محمبوب يسأل الاعضاء ويشوف شو بدو يكون ردهم

بعدين يا أخت شهد الحياة تذكري قول الرسول محمد عندما قال في حديث - بما معناه -

" طوبى للرجال الذين ان غابوا لم يذكروا وان وجدوا لم يعرفوا "

واقرب مثال جليبيب رضي الله عنه عندما لم يكن معروفا بين الصحابة ،،

ولكنه الوحيد الذي افتقده الرسول بعد إحدى الغزوات ،،

فكان مستشهدا وقد صرع سبعة من المشركين ،،،،،، فدعا له رسول الله

[ريما الفلسطينيه]

ربنا يرضى عنك ياريما الفلسطينية ،، الله يوفقك في حياتك : )

شكرا كلك زوء ^^

ومع السلامه يا احلى اعضاء في المنتدى ......بالتوفيق للجميع

والدنيا هيك ...ناس بتتلاقى وناس بتتفرق

(وكل واحد بيعمل باصلو)

والله يهنيكم ....

سلام ^_*

[محمود]

السلام عليكم ورحمة الله

عليكم السلام ورحمه الله وبركاته

اول اختي شهد ما حد يقدر ينكر فضلك واكيد اخي محمود ما قصد هذا الشيء بامكانك مراحعة موضوع اعضاء اسمائهم مخلده في المنتدى

صح لسانك اخي جولد ،، تسلم والله انك ورد ..

الشيء الثاني انتي ليش ما صبرتي لنهاية جلوس على المنتدى

بسيطة ما بعرف شكلي مزعلها بشي وانا ما بعرف شو هوي ،، واتمنى ان اخطأت بحقها

تعذرني ..

وانا برجع اكمل اسالتي ................

اهلا وسهلا فيك اخي جولد نورت طبعا ..

من هي العضوا التي تصتحق لقب سفيرة الامل في المنتدى ؟؟؟؟؟؟؟؟؟؟

ان حكيت راح يزعلو مني ،، اعذرني : )

هناك اعضاء قمة انت بطلب الاشراف منهم برغم ان كثير قاموا بطلب الاشراف لماذا اخترت هذه الاعضاء ؟؟؟؟؟؟؟؟؟؟؟

كل انسان يبرز نفسه في المنتدى وبكون على علاقة طيبة مع الاعضاء ..

كان يستحق الاشراف .. لا يهم عدد المشاركات الكتير ..

لكن التواجد ،، واتمام الامور الادارية في المنتدى ..

امر مهم جدا ،، فقليل من تتوفر فيه هذه الخواص ..

المنتدى العام احد اهم المنتديات في المنتدى ..................مع هذا اخترت ليكون عليه مشرفات لايعشن او من غير اصحابك بالبلد ؟؟؟؟؟؟؟؟؟؟؟؟؟؟؟

والله يا اخي .. انا لما اعطيت المنتدى العام لمشرفتين .. كنت بعرف انو هاد القسم بالذات من المنتدى

بحتاج لمجهود كبير ،، وطبعا كانت الصدفة في هذا الموضوع تلعب دورها ..

ممكن كان لو وجدت انسان كفؤ من الداخل او الخارج كان يكون مرشح للاشراف ..

وفي نهايه هل يحدد مقدار شخص بذكر اسمه ام هناك اشخاص قدرهم اكبر بان يذكر بجمه على سطر قد يهمش في المنتدى ؟؟؟؟؟؟؟؟؟؟

والله يا اخي .. الشخص بذاته وليس بسطور تعد ..



طبعا هذا اخر سؤال حسالك اياه خليك ترتاح مني ههههههههههههههههه

انت بما انك مدير على منتدى شباب فلسطين................كيف وجدة مسؤولية القائد او الرئيس ؟؟؟؟؟؟؟

انت شوفت يا اخي جولد ،، ارضاء الجميع امر صعب جدا ..

كل ما تحاول انك ما تكون تقصر في حدا ، تلافي زعلان منك ..

متل قصة اليوم ،، مع انو ما كان قصدي اني اتجاهل حدا ..

لكن الاخت شهد الحياة تفهمت الموقف بشكل اخر ..

وبعذرها ،، لانو بعرف انو شهد من الناس الي بتعز محمود كتير ..

فكيف محمود نسيني يعني انا ما الي قيمة عند محمود ،،

هيك ممكن تكون فهمت الموقف .. لكن الله يسامحك ،،

لو الانسان بقدر يوصف ما في قلبه بكلمة ..

لمات القلب وبدلت القلوب أوراق ,,

واخي جولد ،، بحب اتعامل مع الاعضاء كأني عضو لاني بجد واحد منهم وفيهم

اذا لقب المدير العام بده يغير من شخصية محمود .. فانا متنازل عن هذا اللقب ..

وهناك سؤال يحيرني جدا جدا جدا ،،

وكنت سأطرحه في منتدى النقاشات الجادة ..

والسؤال ..

لو لم اكن مديرا عاما ماذا سيكون محمود بالنسبة لك ,, وما شعورك تجاهه..


لانو انا خايف انو الاعضاء عم تحترمني لأني المدير العام مو لأني محمود ..

وهاد شي كتير بزعلني ،، وبحز في نفسي جدا ،، بأن المدير العام هي من صنع محمود

لا أن محمود من صنع المدير العام ..

وبتمنى اني اكون اخ للجميع .. وما حدا يزعل مني ..

لأني انســــــــــــــــــــــــــــــــ ـــــــــــــــــــــــــــــــــــ ـــــــــان

وانا بشكرك اكثير اخي محمود وان شاء الله ما اكون تعبتك معي

الله يبارك فيك اخي جولد ..

اما ارجع لحديثي للمشرفين والاعضاء


اخواني اخواتي قمة باعادة اخي محمود الى كرسي الاعتراف مش عشان اتناقشوا مشاكلكم الشخصيه معوا

وانا بعتذر من اخي محمود على هذا الي صار لا يعبر عن كشباب واعين ومتفهمين لازم اتكون عقولكم اكبر من هيك

كلنا بيغلط وكلنا بشر حد فيكم ما بنسى ؟؟؟؟؟؟؟

كم واحد منكم نسي اعيد على ام او ابوه او اخوه في البيت ولكن كم مناسبه نسي محمود اهنيكم او ينزل الكم تصميم ؟؟

كم توقيع صمم لاجلكم و كم مشكله واجهتوه فيها واتجاهلها ؟؟؟؟؟؟؟؟؟؟

اذا نسي او ما انتبه لسبب بسيط .........

المهم الله يهديكم والشي الاهم في المنتدى اشي اسموا الدعم الفني بامكانكم اتضيفوا مشاكلكم من غير ما حدى اشوفها

لانو النصيح في السر مش بالعلان واذا كانت بالعلان بتكون فضح مش نصيح ......

وكمان انا حبب احكي انوا انا اضفت الموضوع لنتعلم من بعض ونفهم بعض اكثر ونتعارف على بعض

معضم الاساله الي سالتها لاخي محمود بعرف جوابها لاني انا كمان صارلي قروابة سنه في المنتدى
والحمد لله بحكي اكتير مع اخي محمود على الماسنجر ولما بكون عندي سؤال بسالوا اياه

بس حبيت اسالوا لتعرفوه انتوا وقصدي الاعضاء الجدد


واشكركم كلكم وجزاكم الله خير


واما كلمتي للاعضاء الي بتدخل بتسب وبتشتم هذا يعبر عن مدى ادبكم واخلاقكم واشكركم
على تقديم هذه الصوره الحلوه لاهلكم


وسلام

جزاك الله كل خير ،، صدقني لساتني مقصر ،، ولو شو ما اعملت للأعضاء الطيبين

راح اكون مقصر ..

[محمود]

شكرا كلك زوء ^^

ومع السلامه يا احلى اعضاء في المنتدى ......بالتوفيق للجميع

والدنيا هيك ...ناس بتتلاقى وناس بتتفرق

(وكل واحد بيعمل باصلو)

والله يهنيكم ....

سلام ^_*

لا تعليق ،، شكلك افهمتي انو لما ادعي الك انو الله يوفقك اني اغطلتت عليك : )

الله يسامحك ويهديك ..

(وكل واحد بيعمل باصلو)

اتمنى انو تركزي فيها هاي

ودمت بخير