مع عودة كرسي الاعتراف .......نستضيف المدير العام محمود

[ريما الفلسطينيه]

شكـــــــــــــــــــــــــــــــــ ــــــــــــــــــــرا

يا مدير عالتفرقه العنصريه بين اعضاءك ^_*

[صدى الصمت]

والله ماني عارفة شو احكي
يا برج ليكني ما ذكر اسمي بالمرة بس برضو يمكن اللي ماذكر اسمائهم يكونو مقصرين معو <<< ( ما بعتقد )
بس عاادي والله
صحيح اني تضايقت شوي و ولا كأني موجودة بهالمنتدى بس يلااا عااادي تيك ات ايزي برج
وبليييز ما تعصبي وتندفعي بكلامك لانو عنجد الحكي اللي حكيتيه لهيلين بيجرح وبيجرح كتييير
والله يكبر لك عقلك نحنا مو على كل صغيرة وكبيرة منا نزعل وبليييز محمود راضيها الله يرضى عليك
بس يا ريت تفكر بجوابك قبل لا تجاوب
والكو كل التحية والله يديمكو ويعزكو يا رب
وما منا حدا يزعل خلص بكفي بكفي بكفي

[أنين]

أنا ماراح أطول أكتير بس سوأل واحد...... ما هو هدفك من أنشاء منتدى شباب فلسطين؟؟؟ مع الشكر لك أخي على هذا المنتدى الرائع

[نهال]

مالكم يا جماعة قلبتوها هم وغم
وشو المشكلة لو ما ذكر اسماؤكم
يعني بصراحة محمود مش معقول رح يذكر كل اسماء الاعضاء
ده غير انه بيحكي باللي حاسس بيه وشايفه من وجهة نظره هو
يعني مش قصده يفرق بين اعضاء واعضاء
وانتم بتعرفوا انه كل انسان بيحب وبيميز اشخاص عن اشخاص
وسوري اني تدخلت في الموضوع

بس يا ريت تحترموا اجوبة محمود

[gold_quest]

السلام عليكم ورحمة الله

اول اختي شهد ما حد يقدر ينكر فضلك واكيد اخي محمود ما قصد هذا الشيء بامكانك مراحعة موضوع اعضاء اسمائهم مخلده في المنتدى

الشيء الثاني انتي ليش ما صبرتي لنهاية جلوس على المنتدى


وانا برجع اكمل اسالتي ................


من هي العضوا التي تصتحق لقب سفيرة الامل في المنتدى ؟؟؟؟؟؟؟؟؟؟



هناك اعضاء قمة انت بطلب الاشراف منهم برغم ان كثير قاموا بطلب الاشراف لماذا اخترت هذه الاعضاء ؟؟؟؟؟؟؟؟؟؟؟

المنتدى العام احد اهم المنتديات في المنتدى ..................مع هذا اخترت ليكون عليه مشرفات لايعشن او من غير اصحابك بالبلد ؟؟؟؟؟؟؟؟؟؟؟؟؟؟؟


وفي نهايه هل يحدد مقدار شخص بذكر اسمه ام هناك اشخاص قدرهم اكبر بان يذكر بجمه على سطر قد يهمش في المنتدى ؟؟؟؟؟؟؟؟؟؟



طبعا هذا اخر سؤال حسالك اياه خليك ترتاح مني ههههههههههههههههه



انت بما انك مدير على منتدى شباب فلسطين................كيف وجدة مسؤولية القائد او الرئيس ؟؟؟؟؟؟؟


وانا بشكرك اكثير اخي محمود وان شاء الله ما اكون تعبتك معي


اما ارجع لحديثي للمشرفين والاعضاء


اخواني اخواتي قمة باعادة اخي محمود الى كرسي الاعتراف مش عشان اتناقشوا مشاكلكم الشخصيه معوا

وانا بعتذر من اخي محمود على هذا الي صار لا يعبر عن كشباب واعين ومتفهمين لازم اتكون عقولكم اكبر من هيك

كلنا بيغلط وكلنا بشر حد فيكم ما بنسى ؟؟؟؟؟؟؟

كم واحد منكم نسي اعيد على ام او ابوه او اخوه في البيت ولكن كم مناسبه نسي محمود اهنيكم او ينزل الكم تصميم ؟؟

كم توقيع صمم لاجلكم و كم مشكله واجهتوه فيها واتجاهلها ؟؟؟؟؟؟؟؟؟؟

اذا نسي او ما انتبه لسبب بسيط .........

المهم الله يهديكم والشي الاهم في المنتدى اشي اسموا الدعم الفني بامكانكم اتضيفوا مشاكلكم من غير ما حدى اشوفها

لانو النصيح في السر مش بالعلان واذا كانت بالعلان بتكون فضح مش نصيح ......

وكمان انا حبب احكي انوا انا اضفت الموضوع لنتعلم من بعض ونفهم بعض اكثر ونتعارف على بعض

معضم الاساله الي سالتها لاخي محمود بعرف جوابها لاني انا كمان صارلي قروابة سنه في المنتدى
والحمد لله بحكي اكتير مع اخي محمود على الماسنجر ولما بكون عندي سؤال بسالوا اياه

بس حبيت اسالوا لتعرفوه انتوا وقصدي الاعضاء الجدد


واشكركم كلكم وجزاكم الله خير


واما كلمتي للاعضاء الي بتدخل بتسب وبتشتم هذا يعبر عن مدى ادبكم واخلاقكم واشكركم
على تقديم هذه الصوره الحلوه لاهلكم


وسلام

[شهد الحياة]

المشاركة الأصلية كتبت بواسطة صدى الصمت والله يكبر لك عقلك

جميعا ان شاء الله

المشاركة الأصلية كتبت بواسطة نهال يعني مش قصده يفرق بين اعضاء واعضاء

المشاركة الأصلية كتبت بواسطة gold_quest واما كلمتي للاعضاء الي بتدخل بتسب وبتشتم هذا يعبر عن مدى ادبكم واخلاقكم واشكركم
على تقديم هذه الصوره الحلوه لاهلكم

مشكور اخوي جولد ع كلامك الحلو



مشكورين على آراءكم

[gold_quest]

اختي انا ما قصدتك في هاي الكلمه انا بتكلم بصفه عامه


اما انا بعرف مقدارك وبحترمك اكتير اختي

انا قصدت الي بشاركوا وانتوا شفتوهم الايام الماضيه


وانا ما قصدت الاعضاء المحترمين وكان مفروض تعرفوا مين بقصد


وانا اسف اكتير والله يا اختي ماحدى بينكر فضلك بالمنتدى

[شهد الحياة]

اوك ،،

[شذى الياسمين]

يؤ يؤ يؤ يؤ

ولكم حراام عليكم هريتوو محمود

خمسة وخميسة عليك محمود رقيتك من عيون الحساد

هيك تاركينك وااقف ولا حاطينلك صوورة يجبروو بخااطرك

صدق ما الك غير شذى الياسمين اتفضل ارتااح اتفضل الك صدر الدار اتفضلوا يا جماعة

ليش واقفين معقوولة يعني <<<< رح تتعبو وانتو واقفين




انا اتهلكت وانا بقرا بردوك على اسئلة الاعضاء

الله يكون بعونك يا رب

كيف هلا محمود اكيد مرتاح وبتقدر تغفى كماان متل ما بدك

المهم <<<< اكيد كل هالدلال مش لوجه الله

انا جاية وبجعبتي كتير اشياء احكيلك اياها وتحكيها

ولو بدي امدحك شهادتي فيك مجرووحة فخير الكلام ما قل ودل

انا فخورة جدا بمعرفتك يا اخي العزيز

حابة اسئلك كم سؤالل بس يا رب ما ازعجك

من هم الذين باعتقادك الذين ساهموا في إعلاء المنتدى وإبقاءه على ما هو من زخر ؟؟

ما هي التحديات التي واجهتها لكي يعلو هذا الصرح من ناحية تقنية ومن ناحية المعادين؟؟

من بعد إنشائك لمنتدى شباب فلسطين أكيد اكتسبت أصدقاء جدد وفقدت أصدقاء ...
صف لنا حالتك النفسية في كل منهاا ؟؟


عندما تضيق الأرض بشخص يكون الله ملاذنا جميعا .... ولكن من هو الشخص الذي اذا ضاقت بك الدنيا إلتجأت له ؟؟

هل شعرت بالندم يوما ؟؟؟ ومتى ؟؟


ماذا تعني لك غزةوجباليا تحديدا؟؟ ومتى تفكر أن تفارقها؟؟؟


عندما تجلس لتصمم شيء غير معروف... ما هو أول شيء يخطر ببالك؟؟؟

الورود ...السماء ...الارض ... البحر ، ماذا يعني لك كل منهما ؟

كيف تعرف الغرور والثقة بالنفس؟؟ وبصراحة أيهما تجد في نفسك أكثر؟؟ هل وصلت ثقتك بنفسك لدرجة الغرور؟؟

كيف هي علاقتك مع والدك وماذا ترى فيه؟؟؟


ما هو الشيء الذي يجعل محمود يعتز بنفسه؟؟؟


ما رأيك وبكل صراحة بعيدا عن المجاملات بشذى الياسمين ؟ وبماذا تنصحها ؟
نصيحة من اخ لاختة؟وهل تريد توجيهة اي انتقاد لها؟

محمود لو خيرت بين فتاتين الأولى مسلمة محجبة مثقفة غير فلسطينية والثانية فلسطينية مستورة (يعني حجاب عادي) غير مثقفة من تختار؟

كلمة تمنيت أن تقال لك ولم تقال حتى الآن؟

محمود لو لم يكن فلسطيني ما الجنسية التي كنت تتمنى أن تنتمي إليها؟


محمود اسم جميل .. بس لو خيروك تغيرو شو بتسمي حالك وليش؟؟؟


بالنسبة إلى محمود... متى تعتقد أن الإنسان يوقع في الحب؟؟؟ وما هي التغيرات التي تفضحه؟؟؟

متى ينهي محمود علاقته بصديقه؟؟ ومتى يستطيع أن يعيد ثقته فيه؟؟؟

وبالنهاية تفضل مني هذه الباقة
وبتمنى اكون ماتقلت عليك بالاسئلة
سامحني :)

[محمود]

راح أرد بالأول على برج العرب ,،،

أختي برج العرب .. انا ما ذكرت اسمك لانو لحد الان الصفة تعتك ما انذكرت :)

بعد هيك يا اخت برج العرب .. تجاهلك للموضوع وعدم وضع اسألة يدل على عدم الاهتمام في محمود

هذا لو بدي أفكر نفس تفكيرك ، لكن انا برر الموقف انو برج العرب عارفة محمود ومش محتاجه تسأله ..

فما في داعي اني اكتب شو بتكون صفة برج العرب ..

لاني بأكتر من محل وبأكتر من موقف ذكرت اسمك ..

لكن الظاهر انو الاعضاء عم تتحسس من هاد الشي ..

على الرغم من انو في اعضاء انا ما ذكرت اسماءها وهي تستاهل اكتر من هيك ..

فمحمود مش مقياس لتقيم الفرد ولا يعتبر رده كشئ مقدس ..

انما هو رأئي شخصي لمحمود لا يعبر عن المنتدى ..

وما بعرف ، اذا استمراري للموضوع راح يزعل الاعضاء مني .. ما رح اكملـــه ..

لأنو الصراحة هذه الأيام بتزعـــل ،،

ويا برج العرب .. كان فيكي تفوتي الموضوع وتكتبي شو رايك في برج العرب أو شهد الحياة ..

كان فيي ارد عليك .. ويابرج العرب اذا انا في يوم قصرت معك فيه احكي :|

وراح اتابع المشاركة والردود على الموضوع ...