شكرا على قطع الكهربا, رب ضاره نافعه

[شذى الياسمين]

بسم الله الرحمن الرحيم

كنت اعتقد ان قطع الكهرباء عقاب جماعي لنا جميعا ولكني في لحظه من اللحظات اكتشفت ان هذا الامر قد عاد علينا بالنفع جميعا.

قد لا تتفقون معي في هذه النقطه .
ولكني عندما انقل لكم احساسا قد شعرت به, قد توافقوني الرأي .

فعلى المستوى الفردي :
كنت اعتقد ان الوقت يمضي واشغل نفسي باللانترنت او التلفازو كل شي ..ولم افكر لحظه واحده ان اجلس مع نفسي بهدوء.

ولكن مع قطع الكهرباء علمتني ان اجلس مع نفسي واتامل كل من حولي واعطي نفسي القدر الكافي من الهدوء واريح اعصابي من كل اله تتحرك .

وعلى المستوى الاسري :

فقد شاهدت عائلتي تجتمع بالمساء ونتحدث ياالهي لم نتحدث من سنوات .. ولم نجتمع بهذه الصوره الرائعه ونتحدث .
كنا نعتقد انه لايوجد وقت كافي لنجتمع .

وعلى المستوى الاجتماعي :

فرايت ابي وجارنا يتحدثون .
لقد رايت كل الحاره تجتمع بالمساء ويتحدثون ويتجاذبون اطراف الحديث ...ويقولون النكت واصواتهم تعلو ..وتاره يخوضون بالسياسه وتاره اخرى بالحوال الاقتصاديه


ان قطع الكهرباء قد اعاد لنا روابطنا الاجتماعيه ...
لقد ايقظنا فجاه وقال لنا اين حق الجار اين حق الاسره ..اين حق نفسك .
كم جميل ان نكتشف انه يوجد لنا وقت طويل جدا كافي لانجاز مهاماتنا ..
بعيدا عن كل اله تتحرك بدون مشاعر .

هل توافقوني الرأي ؟

بس على صعيد المنتدى
افتقدت كتيرر اعضاء
وفي كتير اعضاء ماعادو يفوتو عالمنتدى متل اول
متل محمود ... جريح فلسطين كتير افتقدتو وكمان فجر الحياة
بس الحمدلله على كل شي اكيد

[عاشق البندقية]

صحيح كلامك ميه بالميه اختي انا باجتياح نابلس الاول لاحظة هاد الشي كمان......
حتى انو الناس صارت اكتر تعاون مع بعضها ...
والله يعيمكم ويفرج الكرب عنكم....

[Abu Shadi]

اشككر اختي علي مضووعك فعلا احنا قد ما نعمل مشاكل بنظل اخوه
بنختلف عن الشعوب التانيه
تحيتي الك اختي شذى

[محمود]

والله يا اختي شذى الياسمين كلامك 100%

ريحنا عيونا شوية من الكمبيوتر ..

مع انو بنضل مدايقين كتير

وصدقي الواحد مش متحمل دقيقة بدون المنتدى ..

وشكرا الك مرة اخرى اختي

[شذى الياسمين]

ياهلا فيكم يا شباب :)
ممممم هوا كل شي الو منافع ومضار اكيد
نفعونا من جهة وهرونا من جهة تانية
بس بعين الله واكيد لازم نستحمل :)
بس اهم شي متل ماقلت يامحمود ريحنا عيونا من الكمبيوتر بجد
كنت بعاني من هالقصة بس هلأ الحمدلله
كتيررررر احسن
شكرا لتواجدكم

[نغم الفلسطينية]

انا معك اختي في كل شي قلتيه والله
بس جد في شي واحد مو حلو
انو ما في نت بس متل ما قالو بنريح عيوننا شوي

[ABU-NOUR]

كلامك شذى 100%
بس الدنيا بدون كهربا كل الطفل بدون امه

مشكورة شذي

[~ | Mazaj]

ههههههههههههههههههههههه ..

والله معك حق يا شذى ,, حتى صرت مرضية عند امي .. وبشتغللها الشغل وانا ساكتة .. غير لما تجتمع العيلة بالليل ياااااااه بنبسط كتير ..
اما ع صعيد المنتدى :: كنت مفكرااااااااااهم زعلانين ع بعدنا عن المنتدى .. بس اكتشفت انو ما حدا بيسأل ولا بيدور ،، كأنهم ما صدقو ..:)

بس يلا الدنيا تـــــلاهي !!

والله موضوعك جميل جدا شذى .. مشكوورة

[ملكة الرومانـسية]

صحيح كلامك اختي

شذى الياسمين

غير الصعيد الاجتماعي

قطع الكهرباء عن القطاع

جعلني اتقرب اكثر الى خالقي

بالدعاء والصلاة وتلاوة القران

كما لم اعهد من قبل

وجعل الاحاسيس والمشاعر

تتفجر بداخل كياني

لاعطي واعبر اكثر

صحيح انه حرمنا من اشياء نحبها

وتعودنا عليها

مثل التلفاز ..والانترنت

لكن كل شيء له مضار ومنافع



احترامي

[مجهول]

فائدة اخرى:

بتخليك تتفرغ لصلاتك وعبادك وطاعتك
الامور الدينية دائما منسية
يعني اتخيلو معي ...
لما يكون في كهرباء .. بتكون دائما مشغول حتى صلاتك بتأديها بسرعة ... دون خشوع ... وافكارك بتكون بالامور الدنيوية ..

اما بلا كهرباء .. ما بكون في شي شاغل مخك .. صلاتك بتكون على اكمل وجه بتجرب معنى الخشوع
.........
كلامي صحيح ولا لأ ؟