أم فلسطينية

[نادية الكرمي]

بسم الله الرحمن الرحيم


والصلاة والسلام على سيدنا محمد وعلى آله وصحبه أجمعين


أبنائي أعضاء المنتدى ( شباب وصبايا ) فلسطين الصامدة في وجه الحصار والاحتلال :


أنا أم فلسطينية أعيش في الشتات الفلسطيني الكبير في وطننا العربي ( الكبير )



عجبني كتير المنتدى ..ودلتني عليه بنتي ( عاشقة الوطن ) وحابة أشارك بآرائي ومواضيعي...


وياريت تعتبروني أماً لكم...



فهل لي مكان بينكم ؟



تحيتي لكم..

[عاشق الوطن]

اهلا وسهلا فيكي يا امنا الفلسطينيه

وانا اعتبريني واحد من ولادك

وبدي اعبرلك عن احترامي وفخري بكي وفي بنتك

يعني قليل ما بنشوف بنات بيقولو ل امهم عن الاشياء الي بعملوها على النت


او بخلوهم يشاركو معهم زي هيك

تحياتي الكم واهلا وسهلا فيكم

وبتمنى تفيديننا كلنا وتستفيدي منا

[نادية الكرمي]

بسم الله الرحمن الرحيم


الله يرضى عليك ( حبيبتي فلسطين ) على هالاستقبال الحلو....


وصدقني أنا ربيت ولادي على الصراحة وحب الوطن...وعلى فكرة أنا إلي ابن ( شهيد ) في حرب بيروت...لما راح طلع شوي شوي من البيت علشان ما أشوفه..بس أنا شفته ...وقلت له : ماراح أمنعك..بس احلف على المصحف إنك لو شاركت : ترجع إما منتصر !! أو الرصاصة بصدرك مو بظهرك ...ورجع شهيد ( حبيب قلبي ) ولهلا بقول ياريتني ودعتوا منيح و أخذتوا بحضني ....وبعد هيك القرآن اللي حلف عليه مافارقني....لأنه شي مقدس...ولأنه من ريحة الغالي ...


تحيتي لكم يا أبنائي...

( أم أحمد )

[عاشق الوطن]

امي نادية اسمحيلي ان ادعوكي بهذا الوصف

واجبنا نستقبلك ونرحب فيكي

و قصتك فخر لكي ولنا ولكل فلسطيني

واكثر الله من امثالك

فكم نتمنى ان تكون كل ام فلسطينيه مثلك تربي اولادها على حب الوطن والدين

ولكن للاسف قليل ما نجد مذل ذلك

امي

قصة مؤثرة حدثت وتحدث بين امهات فلسطين الصابرات في الوطن والشتات

ولكن انا اريد ان اهئنك على وجود ابن شهيد لكي

فلقد نال احسن ما يمكن ان ياخذه من هذه الحياة الزائله

وسوف يكون لكم شفيعا يوم القيامة

اللهم اجعلنا من عداد الشهداء في سبيلك وسبيل الوطن

تحياتي لكي يا امنا الصابرة ونتمنى ان لا تحرمينا من مشاركاتك

وان تعتبرينا كلنا ابنائك وبناتك وتربينا كما ربيتي ابنك

[o0o عاشق الشهادة o0o]

اهلا وسهلا بكي

أختي الغالية ام احمد

نحمد الله ان اكرمنا بام فلسطينية مجاهدة مثلك امنا الغالية

لك منا كل التحية

واهلا وسهلا بكي بين ابنائك واخوانك

واتحفينا لشذى قلمك الرائع

تحيتي الك

رفعت

[نسيم الشام]

اهلا وسهلا

احنا سعيدين كتير بوجودك

[محمود]

السلام عليكم ورحمه الله وبركاته

لنا الشرف والفخر ..

لنا العزة والكرامة ..

بأن تكون بين صفوفنا أم لنا ام الشهيد ..


فأهلا وسهلا وكل التراحيب ,, وأمل الوطن فيكم لن يخيب ..

وكلنا أمل بأن نكون عند حسن ظنـــــك بنا ..

[ريما الفلسطينيه]

اهلا و سهلا وميت مرحبااااا

نورتيناااااااااااااااااااااااا ااااا

والنا الشرف بانضمامك لمنتدانا الغالي

[نسرينا الفلسطينيه]

أهلا وسهال فيكي

وإلنا الفخر اتكوني بينااا

[محبة الأقصى]

اهلا وسهلا فيكي

يا ام الشهيد

نورتينا

وان شاء الله راح تنبسطي وتستفيدي كتير معانا

تحيتي لكي