| الإهداءات |
|
|||||||
 |
|
|
أدوات الموضوع | انواع عرض الموضوع |
06-19-2006, 11:26 PM
|
#1 | |
|
قوة السمعة: 7
 |
تهاليل وأغاني شعبية فلسطينية
نني يما نني يا عصفورة الجنة
نني يما نني يا عصفورة الجنة يا عين حاجه بكى يا عين حاجه نوح لطلوع الحبايب يما اصعب من طلوع الروح يا عين حاجه بكى عيني ظلمتي أخذت الجبايب يا عين ما اعلمتيني صبحت كني جمال أسرك على نابي ميمون يا جملي لثقلتك حمالي من ثقل الحمول بتورك على جناي مجروح يا يما جرح الكت والجرح جنابي لا التبر يبرى والجمال يدرى صبحت يا ميمون كني جمال وأسرك على سني والجرح جرح التب يما يا ميمون بالتبر ما بعتك بالتين بعتوني بالبحر ما فتكوا يما بالبر فتوني حبابي حبابي يا يما شيلوا وانا جمل ما لي شدوا يا يما على خيولهم وانا شديت على حالي عيني يا يما طرفها الهوى واصبحت انا بلاعين نادوا ع طبيب الهوى بلك تطيب العين ثلاث حمامات يا يما ع باب الهوى باتوا واجت نسمة هوى واتكعفلوا وماتوا وحياه تربه نبيى في مقامات فراق لحبايب يا يما أصعب ما اللي ماتوا اغنية بعد حمام الطفل ما احلى الشمه والضمه تسوى الخالة والعمه وبتسوى فدان فلاحه وكل الرجال اللي بالساحة ريته يسلملي ها طول والخضر الك نطور ومريم بنت عمران بترشلك البخور يا ستي الستوته يا ستي الستوتي الله ريتك ما تموتي ويموتوا عدوينك وتضلك لامك وابوك هيه وهيه وهليه يا جمال العربيه كل من واقع في الشده ينده للحلوين ولي ع التشه التشه التشه ستك عجوز ونغشة ابوك شيخ الدحدح يرقص فيك ويفرح هيه وهيه وهيليه ما احلى يوم اجيت كانت ليالي الفرح صارت ليالي عيدي هيه وهيه وهيلينا عندك معجن عيريبا نغسل ثياب الحلوين وننشرهن ع الياسمينا مالك مالك مالك مالك مال الشروال والدكة ابوك من بر الشام وامك سودة من مكة مالك مالك مالك شنتيانك من دون دكة شنتيانك من سوق الشام خياطينو من مكة دخلك دخلك دخلك شروالك بال دكة شروالك سبع امتار من حلب لمكة صباح الخير صباح الخير خيري صبح ع الذقن الصغيرة صباح الخير كلها لغير ميمون ما بقلها زقفولو تيرقص ريت عيمرو ما ينقص ريت عميرو بالشجرة والشجرة تنبت رنجس زقف زقف نينه يا بابا جيب حنينه تنحنيلو دياته والباقي لجرياته هودبه هودبه يا ام الغالي هودبه هزي عالي هودبه هزي شوي شوي هودبه ليقع بالي هودبه يا ام احمد هودبه قولي لا حمد هودبه يربط كلبه هودبه ليعرشني هودبه دمي غالي هودبه على خوالي هودبه يا كركاره خلي حسن خلي جباره خلي (فلانه) بالحاره تزق لا بوها حجاره تيبني هالعليه يقعد هو والشلبيه هودبه يا هودبه جابت العنزه جدي حطته بالخابيه طلع قرون زلابيه كل من هو قرين قرين الا ميمون كحل العين هودبه هزيتيه هودبه بكيتي هودبه تعب الغالي هودبه نام الغالي هودبه نوم الغزلان وارتاحت ام الغالي هودبه يا كركاره هودبه خلي حسن خلي جباره خلي ميمون بالحاره يجيب لامه طراره تيبنيله ها لعليه يقعد هو والسريه والسريه بنت السلطان هيه يا شيخ ويا مطران هاتوا المبخره والكاس تنبخر مار الياس مار الياس يا جارنا يا الي هامي صغارنا دقي اجرك دقيها دقي اجرك دقيها عين العزابي فيها انت حلوه وجوزك شب ونفسك ليش تدينها شدي اجرك شديها ادعسي الارض وافنحتيها انت صيه وجوزك شب نفسك ليش تدنيها قنفذ قنفذ قنفذ يخنق الحيط وينفد يا جاره خبي بنتك لا تقولي ما أعلمتك هذا الولد عين زايفه بكره بخطفلك بنتك البنت من زينها البنت من زينها سمره بتكحل عينها بتليق لابن عمها للغريب يا حينها والبنت من بناها والباشا بستناها يا باشا خبي بنتك (فلان) كبر واعلمتك بكره بيوخدلك اياها بكره بيوخدلك اياها ***************************** (فلانه) يا نخلتي وانا برييها والميه ع عروقها والتمر حاوليها و(فلانه) لما كبرت زينت ابن عمها ذباح كبش الغنم ولا عاش مين ذمها حوده حوده يا حوده نزلوا العرب ع الوادي حملوها زواده طعموها للكلابه ججه حجيجه بيت الله دبس وعسل بالجره نقعد احنا (وفلانه) ونرمي العدو لبره يا ستي يا ستي يا ستي اولادك خمسه سته يلحقوك ع الطابون كل واحد يا ياخذ فته فته حبوني حبوني انا وبس مثل النعنع والخس واللي راسه بوجعه يوخذ بوسه وبس يا رب تشتي يا رب تشتي ونروح عند ستي تعملنا فطيره ع قد الحصيره ع رف الحمام نوكلها ونام خالتي صبحيه وارده ع المي لا فوها شباب اثنين من اولاد حسين واحد اسمه سلامه ع خذه علامه راح ع اسطنبول تبناله طابون حط اسواره ع سواره دار يرقص بالحاره يا رب تشتيلنا تنغسل غسلينا غسلينا بالجوره قرجته حيه عوره طنبر طنبر طنبر مزيكه هاي (فلانه) الانتيكه طنبر طنبر يا اولاد ربانا شيخ الشباب يا الي عيونه سود سود مكحلات براس العود واحنا اولادك يا ريس شعرنا شعر كويس وجوات الذهب فضه مكره بقره قلي سيدي عد للعشره 1-10 دادي دادي حطه بطه دادي مسي القطه دادي يا ما شاء الله دادي يحميه الله دادي دادي دادي سبقوك الاولادي دادي حطه بطه دادي يا الله يا الله دادي كبشه كبشه دادي صار يمشي طيري وهدي طيري وهدي يا وزه ع بلاد غزه يا وزه قصوا جناحك يا وزه ع عرق التينه يا وزه وخلوك حزينه قصف العنب بالسله متوطوف طوط بالسله يا (فلان) وليدات يا لا لا يا معطارات يا لا لا يا ام الخندقه يا لا لا شعرك منقه يا لا لا يا الدردبه يا لا لا دقت الكبه يا لا لا افرش حصيره يا لا لا لها القصيره يا لا لا بنت الاصيله يا لا لا بنت الاصيله يا لا لا كبيه الحجه كل كبيه هالقده قد كبيبات الحجه يا حجه حطيلي زيت يا بقعد لك بالبيت كل كبيه هالطوله قد كبيبات الغوله كل كبيه كبوها حصه ميمون خلوها حطي زيت يا حجه تنقلي قرص العجه حطي زيت يا جاره تنقلي هالكواره حطي زيت يا ملكي تنقلي هالسمكه حطي زيت يا خالي تنقلي زلالبي ولكم كل تحياتي اختكم الاء |
|
|
||
| اقتباس المشاركة |
|
06-20-2006, 08:37 AM
|
#2 | |
|
I ♥ ISLAM
قوة السمعة: 17
|
رد: تهاليل وأغاني شعبية فلسطينية
نامي نامي يا صغيره نامي على حاصيره والاطفال بيحبوكي بأيداهم يطعموكي لو مره شفتي الفار وقدامي جو الدار بمسك و بركض فيه وبلاعبه مثل العصفوره
يسلمو خيتا على الموضع |
|
|
|
||
| اقتباس المشاركة |
|
06-20-2006, 09:51 AM
|
#3 | |
|
I ♥ PALESTINE
قوة السمعة: 78
 |
رد: تهاليل وأغاني شعبية فلسطينية
يسلمو يا حلو.....ذكرتني بستي ((( تيتا ))
|
|
|
|
||
| اقتباس المشاركة |
|
06-20-2006, 05:24 PM
|
#4 | |
|
قوة السمعة: 24
|
رد: تهاليل وأغاني شعبية فلسطينية
يسلمووووووووووووو
|
|
|
|
||
| اقتباس المشاركة |
|
06-20-2006, 05:37 PM
|
#5 | |
|
Hakuna Matata
قوة السمعة: 50
|
رد: تهاليل وأغاني شعبية فلسطينية
ههههههههههههههه ،، صدقي ما فهمت ولا كلمة من هالكلام ..!!
بس يسلمـــــو |
|
|
|
||
| اقتباس المشاركة |
|
06-20-2006, 05:53 PM
|
#6 | |||||
|
..{ مديـــرة عــــامة }..
»• عبق فلسطيني اصيل •« 
قوة السمعة: 50
|
رد: تهاليل وأغاني شعبية فلسطينية
اغنية بعد حمام الطفل هادي عجبتني كتير وتاعيت دادي كمان حسيت حالي عايشة بعالم من البراءة شكرا الك يعطيك العافيه |
|||||
|
|
||||||
| اقتباس المشاركة |
|
06-20-2006, 07:44 PM
|
#7 | |
|
I ♥ ISLAM
قوة السمعة: 20
|
رد: تهاليل وأغاني شعبية فلسطينية
ههههههههههههههههههههه
مشكورة اختي بعض الكلمات ما فهمتها |
|
|
|
||
| اقتباس المشاركة |
|
06-20-2006, 08:24 PM
|
#8 | |
|
I ♥ AQSA
قوة السمعة: 8
|
رد: تهاليل وأغاني شعبية فلسطينية
يسلموووووووو
|
|
|
|
||
| اقتباس المشاركة |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
