اعزائي الاعضاء الحلوين

[قمر الخليل]

السلام عليكم ورحمة الله وبركاته

كيكم وشو اخباركم والله منورين

انا مارح اطول عليكم بس عندي طلب زغير من كل عضو بدخل هون

انا لاحظت كتير انو منتدى القصص فيه كتير قصص حلوة وبلاقي المشاهدات عددها كبير بس الردود تكاد تكون معدومة

اولا هادا بجيب احباط كتير للي بحطو قصص ومواضيع

وتانيا بعطي للزوار فكرة انو المنتدى نايم مع انو العكس

عشان هيك انا بطلب من كل عضو بدخل هون بترك ولو لمسة زغيرة اثر وراه

شارك ولو بكلمة يعني مش شرط قصص او مواضيع

ياريت اشوف منكم ردود على المواضيع الي بتنحط هون وياريت اشوف تفاعل كبير منكم عشان يتنشط هالمنتدى اكتر واكتر

وتقبلو فائق الشكر والاحترام مني

اختكم قمر الخليل

[محبة الأقصى]

مع حق قمر في كتير مواهب في هادا المنتدى
بس .... زي ما قلتي الردود قليلة
وما في تشجيع

انا عن نفسي راح اسير اشارك في المنتدى مع اني كنت اشارك من قبل
بس هلء راح يزيدو ان شالله

شكرا كتير قمر عالتنبيه

[قمر الخليل]

تسلمي عاشقة الاقصى على مرورك

ويارب الكل يشارك ويزيد النشاط

[بشوش]

الأخت الفاضلة/ قمر الخليل،
بداية أشكرك على مواضيعك الجميلة اللي منتشرة في جميع أرجاء المنتدى.

أما بالنسبة لكلامك بخصوص عدم الرد على القصص والروايات فمعك حق 100% لكن بتوقع ما حدا بيقرأ القصص بسبب ان بعض الأعضاء لما يشوف موضوع طوييييييييييييييييييييييييل ما بيفكر يقرأه أصلا بسبب ضيق الوقت (وأنا من هؤلاء ) لا شك أننا بحاجة أن ندعم الأدباء وكتاب القصة ولكن أنصحهم بالتسلسل في كتابة القصة على شكل حلقات وتكبير الخط وحسن التنسيق ورح يشوفوا الفرق بعينيهم لأن نحن في عصر السرعة .

تحياتي لكم ودمتم أنقياء
بشوش

[محمود]

والله انا معك يا اختي قمر الخليل ..

ان شاء الله ما يصير الا كل خير ...

[قمر الخليل]

المشاركة الأصلية كتبت بواسطة بشوش

الأخت الفاضلة/ قمر الخليل،
بداية أشكرك على مواضيعك الجميلة اللي منتشرة في جميع أرجاء المنتدى.

أما بالنسبة لكلامك بخصوص عدم الرد على القصص والروايات فمعك حق 100% لكن بتوقع ما حدا بيقرأ القصص بسبب ان بعض الأعضاء لما يشوف موضوع طوييييييييييييييييييييييييل ما بيفكر يقرأه أصلا بسبب ضيق الوقت (وأنا من هؤلاء ) لا شك أننا بحاجة أن ندعم الأدباء وكتاب القصة ولكن أنصحهم بالتسلسل في كتابة القصة على شكل حلقات وتكبير الخط وحسن التنسيق ورح يشوفوا الفرق بعينيهم لأن نحن في عصر السرعة .

تحياتي لكم ودمتم أنقياء
بشوش

معك حق اخ بشوش وانا بوافقك عشان هيك انا بطلب من كل الاعضاء وضع المشاركات بشكل متسلسل وكمان الالتزام بقوانين المنتدى وعدم وضع اكتر من موضوع واحد خلال اليوم الواحد بكل منتدى لانو هيك بحرم الاعضاء التانين من انو مواضيعهم تكون بالصفحة الاولى

وشكرا كتير على تعقيبك الحلو

شكرا محمود على المرور

[ابن جباليا الصمود]

معك حق في كل كلامك يا قمر وان شاء الله بصير خير

[عاشق البندقية]

وانتي التانيه ايش بدك هاااااااا؟؟؟؟؟
..ممممممممممم...
والله قمره معك حق لاني صرت ازا ما حد بدخل موضوعي بسير .....ااااااااااا اصيح يعني..... بس ولا يهمك وانشالله بسير كل خيييييير ..
ومشكوره عالتنبيييه يا اميره .

[قمر الخليل]

يسلمو تورنيدو وابن جباليا عالمرور

والله انكم الواحد ما بستغني عنك وعن ردودكم الحلوة

[فلســـ جريح ـــطين]

معك حق اختي
الي بقرى بتشنج بقرى وبطلع
ههههههههههه