مِينْ قَالْ الرَّشْوة حَرَامْ ..؟؟؟ ..يآشوقي

[دموع الغربة واشواق العودة]

بسم الله الرحمن الرحيم ..

السلامُ عَليكُمْ ..

كِيفْ الحَالْ .. نُشْكُرْ ألله ..

................................... ...........................

(مِينْ قَالْ الرَّشْوة حَرَامْ ..؟؟؟)

وبعدين يا دمُوعْ الغُرْبة ..إنْتِي كُل شْوية بتطلعي بـِ مَوضُوع شِكل ..

مَرَّة هَل الدين ضِد الرُّومَانسِية ..ومَرَّة مِين قال الرَّشْوة حَرام ..

هوا إحْنا كُل شْوية بِدْنَا نهزئك ونِعْمِلَّكْ مَحْضَرْ ونفهمك أَصول الدين .. هههه

أكيد كلكم رح تحكوا هيك ..

إصبروا وكَملوا لـ نِهاية المَوضوعْ ولا تُحكموا عَليه من عِنْوانو ..

................................... ...................................

يَاجماعة الخير ..إحترت في أمري فـ لجأتُ إليكم .. هههه

قبل فترة في المدرسة كان عنا إختبار في مادة التوحيد ..( مادة دين ) ..

ولـ سُوءْ حَظي جبت فيه 9ونص من 10 ومِش من عَوايدي ( وبعدين يادموع حَتحكي قصة حياتكْ ) ..

رحت بكل براءة للمعلمة ..وحكيتلها بدي أعيد عشان أجيب الدَّرجة الكاملة ..وما رضيت حضرة جَنابها ..ومِن هُون لـ هُون ..لـ حتَّى رِضيت بسْ بِشَرطْ

أروح ع المَكتبة وأْدفع فلوس وأشتريلها مُجسْم للكرة الأرْضية ( مُجسْم كُرة أرْضية لْمعلمة دين !! ) ..الآن هاي شُو بتسموها ..رشوة ولا لأ ..

مع العلم.. إنو إعادة الإختبار مش ممنوع في النظام التعليمي عنا في المدرسة ..

هل هآي بتستحق إنو يُطلق عليها إسم معلمة دين .. ولا حتَّى معلمة ..؟؟

................................... ................................... ...........

طيب سيبوكوا منها ..

لما تدخل معلمة الكيميا ع الفصل او الصَّف ..وتبدأ تشرح كالعادة درس جديد ..( عادي وين الغريب)

وإحنآ مش فآهمين إشي ..وكل وحدة منا فوق رآسها مرسوم عشر علامات إستفهام ؟؟؟؟؟؟؟؟؟؟؟

وفي نهاية الحصة ..خلص باقي دقيقة ويرن الجرس ..بتسألنا المعلمة ..إنتو سنة كم ؟؟ ( بكل غباء) ..

إحنا في البداية ضحكنا .. فكرناها بتمزح .. عصَّبت منا ورجعت كررت السؤال ( وإحنا !!!!!!)

حكينالها ثالث ثانوي ..قآمت جري ع السَّبورة ومسحت كل الشَّرح المكتوب .

.وقالت سوري هادا الدَّرس مش إلكم لـ سنة أول ثانوي ..(!!!!!!!!!)

تخيلوا حصة كاملة خمسة وأربعين دقيقة ضاعت ع الفاضي وهي بتشرح بدرس للصف اول ثانوي ..

................................... ................................... ..................................

طيب

لما معلمة عربي بتدخل تشرح درس وبتقول ..

سوفَ نشوف اليوم كيف نُعرب إسم الفاعل ..

سوف نشوف ..سوف نشوف .. رحمتكْ يارب .. في معلمة عربي.. عربي يآجماعة الخير ..

بتحكي هيك ..لا إله إلا الله ..

لا وبعدين بيسألوا ليش لحد الآن بعرفش اعرب جملة زغيرة ..لإني تأسست ع إيدي معلمات فاشلات زي هيك ..

................................... ................................... .................................

مرة أنا وصلت ع المدرسة بدري( بكير ) قبل يمكن نص ساعة من موعد الحُضور ..

وقعدت أنا وصاحباتي في الفصل نسولف ونحكي ..

ورن الجرس ..جهزنا حالنا لـ حتى ننزل ع الطابور ..ونستمع للإذاعة الصَّباحية ..كـ العادة ..

إجت معلمة مسؤولة إنْها تنزل الطالبات من الفصول ع السَّاحة (الحوشْ) في الصُبح لـ حتى يسمعوا الإذاعة ..

كنا إحنا مطفيين النُور أو الضَّو ..أجت وقالت :

( كمان مقفلين اللمبة ..مو كفاية عمى عقول ..كمان عمى عيون ..!!!!) ...اللمبة = ضو أو نور

يمكن حتحكوا ..يادموع يمكن إنتي وصاحباتك عاملين شغلة غلط ..

وأنا بحكي إنو المفترض أنا وصاحباتي شِبْه معروفين ومشهورين في المدرسة إنو إحنا ناس محترمين ومتفوقين ..

ليش هيك ..شو عملنالها إحنا ..ليش بيفكرونا أعدائهم ..ليش بدل ما تحكي صباح الخير لو سمحتوا إنزلو بتقل أدبها .. ..ههههههه

................................... ................................... ..................................

في معلمة (حاسب) فيلسوووفة ع الآآخر ..وبتحب دايمن تحكي عن حالها وولادها وجوزها ..

بتحب تبين حالها صح وإحنا الغلط ..

قعدت تحكيلنا عن ظاهرة الي هي إنو في بعض البنات لما بدهم يـبينـوا حالهم إنهم رآقيين بيدخلوا بعض الألفاظ الإنجليزية ع اللغة العربية ..قال يعني بيعرفوا يحكي بالإنجليزي ..

زي ( هاي قيرلز ..كيف كانت السكول تو داي ..بتمنالكم قوود ويك إند ..)

وقعدت تحكي كيف كانت اللغة العربية زمان وكيف كان الرجل الغربي المُثقف يفتخر إنو عندو كتاب باللغة العربية ..والكل كان يحكي بالعربية الفُصْحَى ..

( طيب يادموع المعلمة لحد الآن ما حكت إشي غلط ..كل كلامها صح )

كل كلامها صح ..طيب ..حضرتها بِـتْلِفْ ع البنات وبتشوف حل الواجب

ومابتسمعيها غير بتحكي ..

اوكِ حلك سوو نايس ..يآ هدى .. فري قود يا سعاد ..نوت باد يا سميرة ..

نعم يختي !! ..

وين اللغة العربية كانت أجمل لغة ..والرجل ...........................إلخ ..

مُحاَضرة من أول الحِصَّة ..وكلام ع الفاضي وفي النهاية ..

تحطييم ..تكسيير ..مافي أمل ..

................................... ................................... ............

ولما معلمة تحكي .. يا بنات بكرة إختبار ..

أهلاً وسهلاً ..ويعني ..عآدي .. ( حاضر يا أبلة ) أبلة = معلمة ..

أدرسوا كويس ..( حاضر يا أبلة ) ..

(حرام عليكي يادموع المعلمة بتحبكم وبدها مصلحتكم بتحكيلكوا إدرسوا )

طيب ..قال بتحبنا قال .. إسمعوا شو حكت :

( بس يا خوووفي ما كلكم تجيبوا الدرجة الكاملة ..) !!!

نعم !! ترجمي آخر جملة لو سمحتي .. كيف يعني ..

ووين الغلط إنو كلنا نجيب الدرجة الكاملة ..ولا لازم نص الصف يجيب رسوب لحتى تفرح ..

مين حكالها إنو إحنا أعدائها ..ليش هيك ..

................................... ................................... ...................

ولا لمن معلمة الكيميا تحكيلنا إنو :

( الإنسان يذوب عند درجة حرارة 60 ويتحول من من مادة جامدة إلى سائلة ) هههههههههه:ShababSm ile237:

................................... ................................... .............................

طيب يا دموع الغربة ..وأشواق العودة ..صالِرك من البداية بِتْــنِمِّيفي المعلمات

وهاي حكت ..وهاي ساوت ..وهاي .. وهاي ..ما أكتر كلامك ..شو المطلوب ..

أنا فكرت ..

هل شوقي كان غَلْطَانْ لما حكا ..((كَادَ المُعَلِّم أنْ يَكُونَ رَسُولاً ))

مو أي معلم بيكون رسول ..لإنو مو كل معلم بيستحق ..

وبعدين حكيت ..ليش أنا هيك مُتَسَرِّعَة ..ما سدقت رميت الغلط ع شوقي ..

ليش هدول معلمات؟؟.. هل بيستحقوا إنو يطلق عليهم إسم معلم ..؟؟

سؤال ..

شو رأيكم ..

أتحفوني ببعض الصور من مدرستكم ..

حتحكوا ..ولسا ما شفتي إشي في الجامعة بيسير أكتر ..( والله بعرف)

بس هـ الاكتر مو صح ..ليش موجود أصلا ..وهل وجودو يرضيكم ..

ليش وليش وليش ..

[اسد 22]

اه وطيب؟!



لازم نعمل قسم للفضايح


نحطوا فيه
الموضوع

يا حجتنا

صيري معلمة وقدمي احسن منهم


عيب نقلل من شأنهم عارف ان المعلمين اساس العلم بس ربنا فضل بعضهم على بعض ممكن


اختيارهم للتخصص خارج عن رغبتهم وشغلات كتير فبسير هيك

وممكن الي معلمة الي دخلت ومحت اللوح عقلها مش معها زيي يعني هههههه

ليش الاحراج ما ضاعت شبابنا إلا من ورى الجهل حتى العلم بطل اله اثر على المتعلم إلا من رحم


ربي

[دموع الغربة واشواق العودة]

اه وطيب؟!

يعني ... !؟
^^

لازم نعمل قسم للفضايح


نحطوا فيه
الموضوع

يا حجتنا

واللهِ أنا موافقة ..ماعِنْدي مَانِع أبَدَاً ..^^
خلي العالم تفووش ..

صيري معلمة وقدمي احسن منهم

مش هون القصة ..
أسير معلمة ولا مهندسة ولا حتى دكتورة ..
المهم إني أكون مخلصة بعملي ..وين الإخلاص بالعمل ..
إن شاء الله رح اكون مخلصة بعملي أكتر منهم ..وأقدم للأجيال القادمة إشي أحسن من الي شفناه ..
مش أنا إتخصصت مثلا كيميا ..وتخرجت من الجامعة بـ شهادة كيميا ..
ومافي أي مجال عمل إلي غير التعليم فـ صرت معلمة ..
مع إني أُعاني من الزهايمر وحالتي حالة وصوتي واطي ومابفهم بإشي ..
التعليم مش بس إلقاءْ معلومات ..التعليم إسلوب ..

عيب نقلل من شأنهم عارف ان المعلمين اساس العلم بس ربنا فضل بعضهم على بعض ممكن

هل إنتا شايف إني قللت من قيمة حدآ ..بعد كل إشي حكيتوا ..
لما معلمة دين بتحاول تاخد رشوة ..ومعلمة كيميا بتشرح درس مش إلنا ..
ولما ...ولما ..ولما .. يآ أسد هدول مربيات أجيال ..من تحت إيديهم بنتخرج إحنا
ولو إحنا كان فينا غلط ..الكون كلو حيكون غلط بسببهم ..

اختيارهم للتخصص خارج عن رغبتهم وشغلات كتير فبسير هيك

إختيارهم للتخصص خارج عن رغبتهم ..وبالتالي الأخطاء المُمِيتة الي بيرتكبوها ..خارجة عن رغبتهم ..
ولما معلمة دين تطلب رشوة خارج عن رغبتها ..ولما معلمة تعتبرنا اعدائها ..خارج عن رغبتها ..
والله مافهمت ..

وممكن الي معلمة الي دخلت ومحت اللوح :shababsmile108:عقلها مش معها زيي يعني هههههه

هههههههه ليش إنتا مُعَلِّم ..؟؟

ليش الاحراج ما ضاعت شبابنا إلا من ورى الجهل حتى العلم بطل اله اثر على المتعلم إلا من رحم


ربي

صح مَعَكْ حَقْ ..

انا هون مش بس بنتقد المعلمات وبضحك عليهم وع أخطائهم أنا بدي أعرف شو سبب إنو في معلمات بـ هالإسلوب وهـ العدم مسؤولية لساتهم موجودين ..وبيساعدوا بتحطيمنا هيكْ ..بس يعني أنا ما بنتقص من قيمة المُعَلِّم لإنهم مستحيل يكونوا معلمات ..
شُكراً ع المُرور ..
^^
^^

[اسد 22]

شو بدي احكي او نحكي غير الله يهديهم ويصلحهم ويصلح حال الامة


طبعاً حب الدنيا وجعل اكبر همهم بطونهم وفرجوهم هذا السبب الي خلاهم هيك


ولازن يكون اخلاص زي ما قلتي


معرفة الخالق سبحانه تؤدي إلى حسن عبادته والاخلاص الاعمال من اجل الله


كيف نطلب منم اناس لم يتعرفوا على الله ليخلصوا اعمالهم؟

[جورية القسام]

وقالت سوري هادا الدَّرس مش إلكم لـ سنة أول ثانوي

هههههه

زي هيك الصراحه لسه ما صار عنا

لا وبعدين بيسألوا ليش لحد الآن بعرفش اعرب جملة زغيرة ..لإني تأسست ع إيدي معلمات فاشلات زي هيك ..

معك حق في هيك

لما نكون غلطانين بيعتبوا علينا

ولا بيعتبو ولا بيطلعوا ع المدرسااات اللي هم الاساس

اشي طبيعي اصلا

ازا كانت المدرسـ ـة محترمـ ـة وبترح منيح .. واهم اشي شكلها محترم

راح ندرس منيح بالماده ,, وننجح فيها اوتوماتيكي . تلقاائي يعني

يعني العتب اغلب الاحيان ع المدرسة .. الا في بعض الاستثناءات في الطلبه

ليش هيك ..شو عملنالها إحنا ..ليش بيفكرونا أعدائهم ..ليش بدل ما تحكي صباح الخير لو سمحتوا إنزلو بتقل أدبها .. ..ههههههه

دايما والله

ولا لما تيجي المديرة تبهدل ع الصبح فينا

وتحكيلنا اي وحده بتقعد في الفصل وقت الفسحه بتجيب لنفسها الشبهة

يعني هو بالفعل في حركات لا يمكن تصورها في المدرسة بتصير بين البنات

بس انها اولا بتصير على عينك يا تاجر .. وما بيعملوا اشي

وتانيا مفرووض يكون في اسلووب

مش انها تمسك المايك وتصرح وتبهدل وممكن تسب كمان على صبااحيه ربنا

وغير هيك يكون في اسلووب ذووق بين الابلات والطالبات .. نادرا ما نراه

ودايما ما بيقولو بانو البنات مو محترمات

ووين الغلط إنو كلنا نجيب الدرجة الكاملة ..ولا لازم نص الصف يجيب رسوب لحتى تفرح ..

زكرتيني بأبله الـe لما وعدتنا انو في بنات رايح يرسبو في الماده

لانهم ازعجووها مش اكتر

وعملتها قبل هيك كمان

مُحاَضرة من أول الحِصَّة ..وكلام ع الفاضي وفي النهاية ..

اه عنا متل هاي كمان

بس اللي عنا اسوء بكتير كمان

بتعملنا محاضرة انو هي طيبه .. وعادله .. ومو ظالمه

وانها بتطلع من الفصل وهي ناسيه كل اشي صار

وبتحكي : اعووذ بالله من ان أظلم فتاة

وبالنهايه .. عشان ابتسامه طلعت بيني وبين صحبيبتي

راحت حقدت علينا .. وبتتطلع علينا نظرات احتقار ..

وما بتطلعنا لما نشارك مع انا احنا اكتر تنتين بنشارك


وبالاخير راحت نقصت صحبيبتي بالمشااركة

هاي اللي ما بتظلم ..

هل شوقي كان غَلْطَانْ لما حكا ..((كَادَ المُعَلِّم أنْ يَكُونَ رَسُولاً ))

اه غلطان

وما حدا قالو يتفلسف ويحكي هيك

كان مفرووض يشوف المعلمات اللي عنا .. بعدين يتفلسف

* أظن انو ابراهيم طوقان رد عليه بقيصده طويله عريضه

عشان حدا هيك


::

شكرا دموع

وسووري طولت :$

[دموع الغربة واشواق العودة]

شو بدي احكي او نحكي غير الله يهديهم ويصلحهم ويصلح حال الامة

مَعَكْ حَقْ ..إِحْنَا المُشْكِلة إنو ما بنقدرْ غِيرْ نِحْكي الله يهديهم ويصلح حالهُمْ ..
هون المُشْكِلة .. مش فَاهْمَة مِتِى رحْ يجي اليوم الي المَسْؤولينْ يوعُوا ع حَالهُمْ ومُجْتَمعاتهم ..
الله يهدي الجميع ويصلح حالْ الأُمة ويهديهم يـ ربْ ..

طبعاً حب الدنيا وجعل اكبر همهم بطونهم وفرجوهم هذا السبب الي خلاهم هيك


ولازن يكون اخلاص زي ما قلتي


معرفة الخالق سبحانه تؤدي إلى حسن عبادته والاخلاص الاعمال من اجل الله


كيف نطلب منم اناس لم يتعرفوا على الله ليخلصوا اعمالهم؟

مَعَكْ حَقْ ..والمُصِيبةَ الأكْبَرْ إنو في نَاسْ بتْفكِّرْ حالهَا بتعْرَفْ ربها منيح ..
وتَدعِي العَدِل والإنْصَافْ والأخْلاصْ والأمَانَة ..
الله يهدي الجميع ..حولوا المَدْرَسة إلى جَحِيمْ ..
شُكْرَاً أخْ أسَدْ
^^

[Hlaa Alrouh]

ههههه مش عارفة شو احكى بس الله يعينا والله يهديهم
بحسهم احيانا بنتقموا منا مو بساعدونا وبحملونا جميلة على المعلومات وكأنهم بدرسونا ببلاش
بس كمان فى ناس بيشتغلوا بضمير وممتازين
.....
ذكرتينى بس كانت بنت سحبت مادة يعنى مو منزلاها ولما طلعوا العلامات طلعت علامتها بهالمادة ونجحت كمان ههه شو يعنى هادا؟؟؟؟

الله هديهم والله بنشوف قصص كتيرة لسه رح تشوفى اكتر بالجامعة .......


تقبلى مرورى

[دموع الغربة واشواق العودة]

هههههه

زي هيك الصراحه لسه ما صار عنا

وإنْ شَاءْ الله ما يصِيرْ عندكُمْ .. لإنُّو لو صَارْ ..يعني مَا بضْمَنْلكْ .. *.*

معك حق في هيك

لما نكون غلطانين بيعتبوا علينا

ولا بيعتبو ولا بيطلعوا ع المدرسااات اللي هم الاساس

سَدْقِينِي مُعْظَمْ الأخْطَاءْ الي فِينَا ..كُلو بسببهُمْ ..التَّقْصِيرْ في البِدَاية كَانْ منهُمْ ..
والمُشْكِلة إنو لمَّا نِشْتِكي ع معلْمَة ..بيكُونْ ورَاهَا وَاسْطَة قَوية ..ومدعُومَة ..
ومابيسْمَعُولنَا .. :(

اشي طبيعي اصلا

ازا كانت المدرسـ ـة محترمـ ـة وبترح منيح .. واهم اشي شكلها محترم

راح ندرس منيح بالماده ,, وننجح فيها اوتوماتيكي . تلقاائي يعني

يعني العتب اغلب الاحيان ع المدرسة .. الا في بعض الاستثناءات في الطلبه

صَحْ والله ..كتِيرْ مرَّاتْ بـ تزِكَّر إني وأنَا زغيرَة ..
كُنْتْ أحِبْ مَادة بسبب أُسْلُوب المعلمة وطَرِيقة تَعَمُلْهَا ..
وأكِيدْ في بَعْضْ الإسْتِثْنئات ..

دايما والله

ولا لما تيجي المديرة تبهدل ع الصبح فينا

وتحكيلنا اي وحده بتقعد في الفصل وقت الفسحه بتجيب لنفسها الشبهة

يعني هو بالفعل في حركات لا يمكن تصورها في المدرسة بتصير بين البنات

بس انها اولا بتصير على عينك يا تاجر .. وما بيعملوا اشي

وتانيا مفرووض يكون في اسلووب

مش انها تمسك المايك وتصرح وتبهدل وممكن تسب كمان على صبااحيه ربنا

وغير هيك يكون في اسلووب ذووق بين الابلات والطالبات .. نادرا ما نراه

ودايما ما بيقولو بانو البنات مو محترمات

آه ..وبيعَاملوا كُلْ البَنَاتْ عَلى إنْهُمْ مُشْ مُحترماتْ ..قليلَات أَدَب ..ومش شَايفيِنْ حَالهُمْ ..
وبيعْتِبروا هادَا أُسْلوب ..والله بـ هالإسلوبْ غير إنعَانِدْ أكْتَرْ ..

زكرتيني بأبله الـe لما وعدتنا انو في بنات رايح يرسبو في الماده

لانهم ازعجووها مش اكتر

وعملتها قبل هيك كمان

كتييييرْ عَنَّا مِنْ هـ النَّماذِجْ .. عدي وإغْلَطِي .. :( للأسَفْ ..

اه عنا متل هاي كمان

بس اللي عنا اسوء بكتير كمان

بتعملنا محاضرة انو هي طيبه .. وعادله .. ومو ظالمه

وانها بتطلع من الفصل وهي ناسيه كل اشي صار

وبتحكي : اعووذ بالله من ان أظلم فتاة

وبالنهايه .. عشان ابتسامه طلعت بيني وبين صحبيبتي

راحت حقدت علينا .. وبتتطلع علينا نظرات احتقار ..

وما بتطلعنا لما نشارك مع انا احنا اكتر تنتين بنشارك


وبالاخير راحت نقصت صحبيبتي بالمشااركة

هاي اللي ما بتظلم ..

وعلى فكرة بتفكِّرْ حالها مُشْ عاملة إشي ..ومش ظالمة أحد ..
مش عارفة انا وين مُسْتَوى الظُلْمْ عِندهم ..

شكرا دموع

والله أنا الي بدي أحكي شُكْراً ..
واللهِ مُعاناة ..إحْنا البناتْ بينفْهَمْ ع بعَض ..
شكلكْ عَايشة في السعودية صح ؟
عَفواً

وسووري طولت :$

ولو خدي رَاحْتِكْ حبيبتي ..ع حسَابِكْ الموضوع ْ ..
قَالْ طولتي قَال ..
شُكْرَاً ع المُرُورْ ^^

[Dr.Yaso]

يعني بصراحة شو احكيلك؟!!! عنجد مش عارفة عيشي كتير بتشوفي كتير

احنا عنا الحمدلله نادر نادر نادر ما يصير هيك اشيا

مم مرة ام رفيئتي بتئول لبنتها انو عيب ما تحكي هيك ع الدكتور والدكتور مطلع عينا اصلا

فبتؤولها كاد المعلم ان يكون رسولا، واعدت تحكي انو احنا زمان كنا نرجف من المدرس

وكان وكنا وابصر شو

فأنا بحكيلها خالتو هادا الحكي ايام زمان، كنتو تحترمو المعلم لأنو كان معلم بمعنى الكلمة

هلأ المدرسين مش متل زمان والطلاب مش متل زمان

و شوئي ما كان غلطان بس شعرو مش قرآن مسلا ليكون صالح لكل زمان وكل مكان

هوي حكا عن اللي شافو،، دورنا نحكي عن اللي شوفناه

يعني دكتورنا تبع طب الاطفال دخللنا بأول محاضرة وهوي عارف سلفاً انو ما كتير بحبوه الطلاب

لأنو هندي ابصر شو ديانتو بعترض ع الآدان لما يتشغل بنص المحاضرة وكتير اشيا

فبؤولنا (شوفو انا هيك واللي ما عاجبو انا بحكيلو انو ازا راح شكاني حتى للعميد نفسو

انا بحكيلكو ما رح يطلع معكو شي العميد نفسءو انا اجا ترجاني عشان اترك المستشفى

وآجي ادرسكو فما في فايدة من هلأ بحكيلكو)



يعني واحد من اولها هيك جاي يحكي شو نرد عليه مسلا؟!!!

واحنا مش مدرسة زغار يعني،، احنا كان الوحدة فينا عمرا 21 22 سنة!!

يلا الله بعين حبيبتي ونو الجامعة تئريبا اهون شوي،، لأنو بالغالب بعاملوكو كـ كبار

غير انو نزام الجامعة نزام اعتمدي ع حالك والدكتور مش مسئول عن شي

درستي ما درستي آخر همو..

يلا عموما مدرسة الدين انا محلك ما بجبلها شي وتخبط راسا بالحيط وما بدي هالنص علامة!!!

انتي كمان بكفي دح ارحمي حالك شوي XD

[حسام المصرى]

لو كنتى اشترتلها أها طبعا يبقى حرام .. مدام فيه قانون بيقول أن فيكى تعيدى الامتحان ولو أنه قانون غريب جدا ..

بالنسبة لبقية الغباء اللى حكتيه صراحة حسه أوفر شوية اتصور مش معقول يكون هيك بيحصل يعنى ..

دنتى لو بتدرسى فى أديس أبابا مش هيحصل ده ..

أنا بصراحة مشفتش طوال حياتى التعليمية غباء بلاطريقة دى بالعكس مدرسينى كان ليهم الفضل عليا وكانوا كويسين جدا أى نعم بيبقى فيه منهم ناس بتحب تعيش شوية على الطلبة بس المادة العلمية بتبقى عندهم كويسة ..

وكعادة المدارس دلوقتى كل واحد بيحب يحكى عن نفسه وعن عياله والحورارات دى

بس بيى وبينك أنا بلنسبالى هيك أحسن .. ^^ ..
لأن معظم الطلبة بتاخد دروس وبتركز فيها وبتروح المدرسة ترفه .. ^^

أنا كان بالنسبالى الوضع ده أحيانا صعب خصوصا أنى مكنتش باخد دروس غير فى ثانوى بس .. لكن الحمد لله كنت بعرف أذاكر لوحدى

والمعلم فعلا ليه فضل كبير لأنه بيحمل رسالة ..

والعيب مش على المعلم العيب فى المجتمع كله .. يعنى الناس كلها عقولها صارت فاضية وصار كلامهم فارغ سواء الطلبة أو المدرسين أو العامة .. صارت الثقافة منحدرة جدا عند فئة كبير للأسف ..

لو المجتمع كله حاول ينهض رح يكون الوضع أحسن ..

عموما ربنا معاكى