كيف تستمر الصداقة؟

[اسد 22]

السلام عليكم ورحمة الله وبركاته


العنوان واضح





والصداقة سواء بين العائلة او المجتمع كيف بامكانهم ان يكونوا ويبقوا يداً واحدة





وما الذي يضعف توحدنا واذا توحدنا افترقنا؟



اسمعوني ارائكم

[.. ريتّـــا ..]

في أفلام الكرتون اللي كنّا نشوفها وإحنا صغار
شفت مرة صيّاد ، بيرمي صنّارته بهالبحر الواسع وبيستنى بيستنى
بالآخر بكون متشوّق ليعرف شو هيّ غنيمته بعد ما اكتشف إنو صنارته حملاله شي
" الغنيمة " التي اصطادها هي بمثابة أصدقائنا
ممكن هالغنيمة تكون من بّرة هالله هالله ومن جوّة يعلم الله ، ويطلع بالآخر طعمها مُقزّز ، أو حتى سام !
وممكن تطلع كنز من كنوز البحر ، أرسله الله لنا كـ معونة في حياتنا


بالنسبة لي كـ شخص عادي لا أؤمن بوجود مُسمّى " صداقة " في الحياة :)
وبحب كتير قول محمود درويش:
سقط القناع عن القناع
عن القناع سقط القناع
لا إخوة لك يا أخي
لا أصدقاء لك يا صديقي

لكن هالشي لا يعني أبداً إنو ما عنا رفقات
رفيقي هو الذي أرافقه ، نضحك سوياً ، نلعب سويّاً
بس وقت الجد جد ولا أظن في حدا صادق معك قدّك
لذلك الأهم ، هو أن نكون أصدقاء أنفسنا
أن نكون متصالحين مع أنفسنا
نعرف ماذا نريد ، وكيفية الحصول عليه .. حتى نستطيع العطاء بسخاء :)



اسمحلي أخ أسد ، ما حبّيت أتقيّد بأسئلتك لإنو بحس بهالطريقة كل الكلام بيهرب مني
حبيت أعبّر بطريقة عشوائية لأقدر أوصّل وجهة نظري بطريقة أفضل ..

شكراً لك


(f)


.

.

[اسد 22]

اها جميل جداً طريق اصال الفكرة جميلة


طبعاً انا كمان بامنش بوجود اصدقاء

لانه الدنيا مصالح


ولكني لاحظت في كل مناسبة بتجمع الحبايب لازم يسير فيها مشكلة


فقلت الشيطان اكيد بحيش الجمعة واكيد هي الي بتداويه


الجمعة على واجب من الوجبات فاول اعماله زر عالغضب في واحد منهم



والغضب من الشيطان فبتلاقي الشخص اسيتجاب للشيطان كل واحد بستنى التاني على نئرة

يعني ما في تسامح زي ما قلتي وهي هي المشكلة مع انه اللي بسامح كبير

انا براي الدين هو الي بجمعنا هو الي بوحدنا وهو الي بقوينا وهو الي برفعنا



من خلال تطبقيه وليس من خلال التقول بالشعارات

بوركتي على المرور المميز

[القلب النابض]

والله يا ابني يا اسد هاد شوف احكيلك لازم الصداقة تكون مبنيه على الاخلاص والوفا وتبعد عن الكذب والغدر ساعتها اكييد بدون وبعيد اكييد عن المصالح ونحب للطرف التاني زي ما بنحب لحالنا ونخاف عليه

واذا ما كانت مبنيه على حب الله صعب تستمر يما :)

وسانكس فور يو :)

[SHOROOQ]

السلام عليكم

التواصل اشي مهم بين الأصدقاء والأقارب أكيد لانه بقوي العلاقات
بصراحه أنا بنبسط لما يجيني اتصال من صديقاتي وقريباتي
كمان انهم يتفقوا على صلاة الضحى . الوتر . السنن وكمان قراءة القران اشي حلو كتير
يجتمعوا كل اسبوع
وعفكرا مش كل الصداقات مصالح لانَا مابنقدر نعمَم
والا مانلاقي ( صديق مخلص ) أهم اشي الواحد يتأنّى قبل مايعطي ثقته لحدى
وتكون الصداقه مبنيه على الحب في الله والخير

شكرا الك عالموضوع

[اسد 22]

المشاركة الأصلية كتبت بواسطة القلب النابض

والله يا ابني يا اسد هاد شوف احكيلك لازم الصداقة تكون مبنيه على الاخلاص والوفا وتبعد عن الكذب والغدر ساعتها اكييد بدون وبعيد اكييد عن المصالح ونحب للطرف التاني زي ما بنحب لحالنا ونخاف عليه

واذا ما كانت مبنيه على حب الله صعب تستمر يما :)

وسانكس فور يو :)

شكرا لك على المرور والرد
كلام سليم

[اسد 22]

المشاركة الأصلية كتبت بواسطة shorooq

السلام عليكم

التواصل اشي مهم بين الأصدقاء والأقارب أكيد لانه بقوي العلاقات
بصراحه أنا بنبسط لما يجيني اتصال من صديقاتي وقريباتي
كمان انهم يتفقوا على صلاة الضحى . الوتر . السنن وكمان قراءة القران اشي حلو كتير
يجتمعوا كل اسبوع
وعفكرا مش كل الصداقات مصالح لانَا مابنقدر نعمَم
والا مانلاقي ( صديق مخلص ) أهم اشي الواحد يتأنّى قبل مايعطي ثقته لحدى
وتكون الصداقه مبنيه على الحب في الله والخير

شكرا الك عالموضوع

رأيك جميل


وسليم
ولكن كله واحد بدور على مصلحته يعني ناس بتفكر في الدنيا ونالس بتفكر في الاخرة

بارك الله فيك اسعدت بتواجدك

[§عاشقة غزة§]

الصداقة إجمالا لا تخضع لقوانين اوقيود وشروط
والا ما راح نعرف معنى الصداقة وطعمها..
يكفي ان لا نخلط بين الامور ..
وان نعدم مصالحنا الشخصية
في معاملاتنا مع الاخرين
ان نحب لغيرنا ما نحبه لانفسنا
ان تكون قلوبنا على بعض
(انصر اخاك ظالما او مظلوما)
ان يضل حبل المودة موصول
وان شاء الله ما في شي يفرقنا
يعطيك العافية

[نور الهدى]

انا مؤمنة بالصداقة .. لكن اعتبره مبدأ مش الكل فاهمه

و مثل كثير من المبادئ تتفاوت نسبة الايمان و الاخلاص لها بين كل شخص و شخص

مثل ما في الدين درجات بالايمان .. بالمبادئ الاخرى كمان موجودة هذه الدرجات بما فيها الصداقة :)

ولا يمكن ابدا نلغي وجودها و صدقها .. لانه بكون تعميم مغلوط ..

[اسد 22]

المشاركة الأصلية كتبت بواسطة §عاشقة غزة§

الصداقة إجمالا لا تخضع لقوانين اوقيود وشروط

والا ما راح نعرف معنى الصداقة وطعمها..
يكفي ان لا نخلط بين الامور ..
وان نعدم مصالحنا الشخصية
في معاملاتنا مع الاخرين
ان نحب لغيرنا ما نحبه لانفسنا
ان تكون قلوبنا على بعض
(انصر اخاك ظالما او مظلوما)
ان يضل حبل المودة موصول
وان شاء الله ما في شي يفرقنا
يعطيك العافية

اها ان نحب لغيرنا ما نحبه لانفسنا كيف تفسرين هذا الحديث؟



ما رأيك بانسان يحب انسان فيقدم له كل ما يكلك حتى إن كان هذا الشخص المحبوب مخادع؟



ماذا تعني لك الصداقة؟