ظاهِـرَة احتِـقاَر الـعُمـاَل؟؟

[شموخ انسان]

,

,

بسم الله الرحمن الرحيم

السلام عليكم

مسائكمصباحكم

اخواني اخواتي

اليوم بدي اطلع عن المعتاد والي بتتوقعوه مني من حس فكاهة

لانو للاسف المشكلة الي عنا بالمجتمع اكبر من ما بتتصورو وانا كمان وقعت ضحيتها

مشكلة احتقار العمال

لما العامل يكون هو عماد المجتمع !! كيف؟

انا بحكيلكم كيف..العامل شاب والشاب هو عماد المجتمع

لما الموظف (بدون ذكر اسماء او مراكز) يحتقر العامل ويعامله على اساس الفوقية والعلوية

يعامل العامل على اساس انو هو انضف منو واحسن واذكى,لانو هو درس وصحلو يتوظف اما العامل بظنو انو اهمل وما اهتم فهو احسن منو

بس بحب ابشر الشخص الي بفكر هيك انو غلطان,واكبر غلط كمان

لانو العامل مثلك مثلو,ما بعمل الا الي بريدو ربو

هاد حكمة ربنا

في ناس ربنا ميسر امورها وعلى مقدرة انها تكمل دراستها

وناس لا

في ناس مدللة وناس ميسرة وناس وقعت على كتافهم مسؤولية عائلات وافراد بسن صغير

في ناس سرقت وناس احترمت وناس كافحت وخسرت

ليش معظم الناس بحتقرو العمال؟؟

ليش لما انا اروح على الشغل بعد ما اروح من دراستي الناس بطلعو علي كأنسان فاشل؟

ليش ما بيقبلو يطرحو علي السلام؟

ليش,نجس يعني انا ؟

[§عاشقة غزة§]

الحمد لله الذي خلق الإنسان فأكرمه وأعزه وفضله على سائر مخلوقاته

ألم يأمرالله عز وجل الملائكة السجود لآدم؟؟..
فكيف لنا ان نحقر الناس
للاسف ابتعدنا عن ديننا وصارت تحكمنا
المضاهر والماديات
بمفهوم العامية معك قرش تسوى قرش
الانسان بأخلاقه وتربيته وعطاءه
لدينه ودنياه
هذا العامل الذي تحتقره انت
بحاجه ماسة اليه واتحداك تعمل عمله
فهو اولى بالاحترام والتقدير
من تواضع لله رفعه
آه هنا أتساءل..
من ابى واستكبر؟؟..
ابليس لعنة الله عليه
فهل نرضى لحالنا ان ننعت بصفة ابليس؟؟..


الله يهدي الجميع

موضوع يستحق النقاش
يعطيك العافية

[شموخ انسان]

الله يعافيكي خيتي

شكرا الك

ربنا يصلح النفوس

[القلب النابض]

هدول بكونو ناس مريضة يا شموخ بالعكس اصلا الواحد وانا شخصيا بس شوف طالب بشتغل وبكون بحالو وبعتمد على نفسو بكبر بعيني كتيير لانو الحياة بدها تعب وساعتها بكون انسان واعي وفهمان وبخلي الكل يحترمو غصب عنهم لانو بكون زلمة بمعنى الكلمة مركن على حالو ما بستنى حد يصرف عليه

هدلول بكونو عندهم نقص وشايفين حالهم على الفاضي

مو المهم المركز المهم الانسان نفسووو

موفق يارب

الله يهدي هالامة :)

[شموخ انسان]

تسلمي خيتي اريج

ربنا يوفقك يارب وينجحك

ربنا يهدي الجميع ياارب

[PaLeSt!Ne SouL]

راجعة

[حسام المصرى]

عن نفسى مش بشوف أنه فى احتقار للعمال غير من فئات قليلة ..

العمال تقريبا بيشكلوا نسبة كبيرة من المجتمع وهم أساس الصناعة وتقدم الأمم ولازم يكون فيه اهتمام ..

والعمل ما بيتم إلا من غير العمال ..

وفى الأول والآخر الدنيا عبارة عن حلقة تواصل لو خرج من الحلقة دى شئ .. ما بتكمل وبتوظ ..

مشان هيك كل واحد له دور ميسر له خلقه الله ..

ولا فرق ..

يمكن بس الفرق بيكون فى المرتبات ..
يعنى لأن العمال عددهم كبير ومعظمهم تعليمه من الناحية الأكاديمية قليل ..

[انس 1988]

الله عليك حطيت ايدك عالوجع ......انا بلشت شغل من جديد ..مهندس صيانة ...وبالصيانة في 5 فنيين ..ومدير الكراج اللي مو متعلم بس خبرته 25 سنة ومدير القسم اللي هو مهندس كمان بس ع خبرة 7 سنين .
طبعا هاذ اول شغل الي كمهندس جديد ...المهم انو المدير وصاني اني اتعامل ع المكانيكي والفنين عاساس اني مهندس ..اعلى منهم ..يعني ما اشتغل معهم بكل الشغلات ...وأتأمر عليهم بس عالخفيف ..مشرف عليهم يعني ..بس كمان اشتغل بايدي معهم ..حكا بالزبط ..خلي اطار ((مهندس )) حوليك .
بس ..انا ما بحب اتعامل معهم بتكبر وكاني احسن منهم ... وعنجد صعبة علي اني اطلب منهم بصيغة الامر انهم يعملو شغلة او ينظفو تحت الالية اللي اشتغلوها .. مع العلم انه 2 اكبر مني بكثير ..ومن جيل والدي ..واثنين من جيلي بس اكبر مني كمان ...واصغرر واحد اصغر مني ..وهاذ مو مشكلة ... والمصيبة ما في مهندس معي بشتغل بقسم الصيانة عشان اتعلم كيف بتعامل معهم عاساس مهندس واعلى منهم بس بنفس الوقت يحافظ عاحترام الو واطارمهندس انو اعلى منهم ..وهاي عنجد صعوبة عملاقة بالنسبة الي فمش عارف كيف اتعامل معهم بحزم ..بس دون تكبر
فحد عنه نصيحة الي

[اسد 22]

عادي يا زلمة تستغربش طول ما عالم الشر مسيطر وحاكم تستغربش انا بشتغل عند حرامية وساكت لما الاقي شغل تاني بروح عليه معاشتنا بسرقوا منها وقعت اسوبع وجبتلهم اصابة عمل ولا اعطوني عليها ولا شيكل شفير

رفع قضية ترضوه انا ليش ارفع قضية وقصة بنصبر حتى نلاق احسن والله يحب الصابرين


شو بدك تسوي العنصرية موجودة في كل مكان

[شموخ انسان]

المشاركة الأصلية كتبت بواسطة حسام المصرى عن نفسى مش بشوف أنه فى احتقار للعمال غير من فئات قليلة ..

العمال تقريبا بيشكلوا نسبة كبيرة من المجتمع وهم أساس الصناعة وتقدم الأمم ولازم يكون فيه اهتمام ..

والعمل ما بيتم إلا من غير العمال ..

وفى الأول والآخر الدنيا عبارة عن حلقة تواصل لو خرج من الحلقة دى شئ .. ما بتكمل وبتوظ ..

مشان هيك كل واحد له دور ميسر له خلقه الله ..

ولا فرق ..

يمكن بس الفرق بيكون فى المرتبات ..
يعنى لأن العمال عددهم كبير ومعظمهم تعليمه من الناحية الأكاديمية قليل ..

معك حق اخي حسام

يعني الواحد فيهم يطلع ع ابو او جدو

بيلقى عامل

وبنفس الوقت بشوف حال

الله يصلح النفوس يارب

شكرا الك