رحلتى إلى سيناء ..

[حسام المصرى]

طبعا رحت من أسبوع او اكثر .. رحلة إلى سيناء وبجد كانت رحلة رائعة .. وحقا سيناء دى كنز من كنوز اللله فى أرضه .. وشفت عيون موسى اللى انفجرت عندما أمر الله موسى ان يضرب الأرض فانفجرت منها اثنى عشرة عينا ..

كمان شفنا النقط الحصينة اللى كان عملها اليهود أيام الاحتلال لسيناء .. ودخلنا الدشم .. والظابط حكالنا أن 360 جندى مصرى راحوا النقط الحصينة .. وما رجعش منهم غير 10 جنود بس .. وده لأن النقط طبعا متامنة كويس جدا وفيها منطقة ألغام رهيبة .. ومدافع على كل دشمة .. لكن الجنود الأبطال نجحوا فى طرد اليهود منها وهرب القائد لكن كان معاه خريطة الألغام ولحد دلوقتى للأسف المنطقة فيها ألغام ..


كمان رحنا شفنا حمامات فرعون وعن جد رائعة .. ودرجة الحرارة جوه كانت يمكن أكثر من 80 درجة مئوية ..
وصعدنا جبل .. ونزلنا البحر الأحمر الرائع والسمك كنا بنشوفه تحتنا ..



أترككم مع الصور ..


عيون موسى .. مع العلم لم يتبقى إلا عين واحدة وقيل أن اليهود دفنوا بقية العيون لمخالفة القرآن الكريم إلا أنه يوجد أماكن لها .. مردومة .. وكان إحساس جميل .. ان المكان اللى أنتا واقف فى المكان اللى كان واقف فيه سيدنا موسى ..



لحظة وصول الأتوبيسات لحمامات فرعون .. طبعا أتوبيسات من ايام الفراعنة


منظر للبحر من فوق الجبل



صور للنقط الحصينة .. وكان شئ جميل أوى انك تكون فى موقع حربى دافع عنه المصريين بدمائهم لاسترداد .. وكلنا حسينا أنه كل حبه رمل من أرض مصر .. الطاهرة وسيناء المقدسة تستحق دماء الملايين ..



إحدى الدشم وقد تم تدميرها من الداخل .. لأنه لا يمكن تدميرها بالطيران ..



مدخل لأحد الدشم التى ما زالت موجودة ..



خوذة لجندى إسرائيلى ..


رشاش آلى .. لجنود يهود



لاسلكى .. غريب


مدفع داخل احد الدشم من أيام الحرب .. المدفع ده كان بيضرب على هدفه اوتوماتيك .. بيمشى على قضيب .. بوابة بتتفتح .. ويبتدى يضرب .. كان بيعمل تشويش للجنود المصريين لانهم مكنوش يعرفوا الضرب بييجى منين .. لكن على مين .. أبطالنا .. دمرو كل المدافع اللى فى الدشم ..



وده منظار كان بيستخدمه الصهاينه فى المراقبة ..


جندى مصرى ..



مناظر للبحر من فوق الجبل ..









ده الجبل الى احنا تسلقناه .. صخرى ورملى .. وتسلقه صعب جدا .. ياخد أكتر من 3 سعات صعودا لكن هبوطا .. ميكملشى ربع ساعة ..

صورة من النت واضحة ..







دى جبال أخرى ..








وده تمثال .. طبعا الست هى مصر والجنود بيدافعوا عنها ..



دى بقى حمامات فرعون .. وبيقولك انهم سموها كده لأنه متوقع ان فرعون غرق فى مكان قريب جدا منها .. يمكن فى الشط اللى أنا كنت بعوم فيه .. طبعا واحنا داخلين الجبل كنا خايفين من لعنة الفراعنة ..


صورة من النت ..


طبعا الفتحة دى فى الجبل .. بتدخل منها ونتا موطى ومش هقولك هتحس أنك داخل مكان صعب جدا بسبب رائجحة الكبريت وارتفاع درجة الحرارة الرهيب .. غير أنك بتحس أنك بتتنفس بخار ميا ..

طبعا لازم تدخل موطى وبتفضل ماشى موطى يمكن 10 م .. ولازم يكون معاك كشاف لأن الدنيا جوه الجبل ظلام دامس .. وتمشى لحد لما توصل للعين اللى بتنبع من بطن الجبل وبتطلع ميه كبريتية تفيد فى علاج الروماتيزم والأمراض الجدلية وتقوية العظام وأشياء كثيرة وينصح الدكاترة بالذهاب إلى حمامات سيناء للعلاج الطبيعى .. طبعا انا اتعمل فيا فصل بايخ جدا ..

ظباط مخابرات كانوا موجودين جوه وانا بحسبهم صاحبى فضلوا يقولولى تعالى اتقدم وأنا مش شايف حاجة لحد لما وصلت للينبوع اللى بيطلع ماء مغلى والله .. ههههههههه .. رجلى كانت هتتسلخ .. بس قالولى مالك يا عم دى مفيدة ..




ودى صورة جماعية فيها معظم الناس ..



طبعا واحنا راجعين من نفق الشهيد تفتيش وبهدله .. وتم ظبط 15 كيلو بانجو فى أحد السيارات وكان فيه رجال صاعقة بقى وبهدله بس الحمد لله عدونا لما عرفوا اننا طلبة .. وروحنا البيت .تعبانين ..


اتمنى الصور تكون عجبتكم .. كان بدى أحط صور ليا بس طبعا لما اعدلها بالفوتشوب أوريكم اتصوت مع المدافع وفوق الجبل والتصوير كان رائع هناك ..

[شموخ انسان]

صور جميلة

والله شكلها رحلة روعة

اتهنا يحج

[§عاشقة غزة§]

تصوير رائع
خصوصا منظر البحر من فوق الجبل
والاماكن ساحرة
اكيد استمتعت كثير بالرحلة
فالرحلات متعة والافادة
تسلم ايديك

[حسام المصرى]

المشاركة الأصلية كتبت بواسطة شموخ انسان صور جميلة

والله شكلها رحلة روعة

اتهنا يحج

رحلة كانت رائعة فعلا ..
نفسى تتكرر والناس اللى فى المنتدى معايا ..

عشان أرمى الى ما بدى إياه من فوق الجبل أو اغرقه فى البحر ..

بمزح

[حسام المصرى]

المشاركة الأصلية كتبت بواسطة §عاشقة غزة§

تصوير رائع
خصوصا منظر البحر من فوق الجبل
والاماكن ساحرة
اكيد استمتعت كثير بالرحلة
فالرحلات متعة والافادة
تسلم ايديك

الحمد لله استمتعت فعلا واستفدت ..
كان الأكل كمان ممتاز وكان فيه مسابقات ثقافية وفنية وكل شئ .. الرحلة كان منظمها الإخوان المسلمون أصلا ..

كانوا شغالين أناشيد كتير حلوة وكنا بنغنى أنشودة الله الله لمشارى .. ونحن الذين بايعوا محمدا ..

البحر كان رائع والجبل أروع
اول مرة أتسلق جبل

[][ غـآدة ][ «]

::


/


مـآشاءالله // البحر جميـــــــــل ،، و المنظر اروع ::

يـآ ريت لو كان عنا هيك بحر ..

شكلهـآ كانت رحلة حلوة كتير ،،

نيــآلك يا حسام ..

تنســآش المنتدى مرة الجآي ،، والنبي هههههههههههههه

[حسام المصرى]

المشاركة الأصلية كتبت بواسطة ][ غـآدة ][ «

::


/


مـآشاءالله // البحر جميـــــــــل ،، و المنظر اروع ::

يـآ ريت لو كان عنا هيك بحر ..

شكلهـآ كانت رحلة حلوة كتير ،،

نيــآلك يا حسام ..

تنســآش المنتدى مرة الجآي ،، والنبي هههههههههههههه

البحر رائع بس مشكلته أن العيون السخنة اللى فى الجبل بتصب فيه الميا ..
عشان كده تلاقى الميا بتسخن مرة واحدة وسعات بتكون بارده جدا ..

منتم عندكم بحر فى غزة

رحلة رائعة كانت

المنتدى دنا أعمله أحسن رحلة .. بس كل واحد يجيب 100 دولار وانا أظبطكم ..
لما يعرفوا أنكم فلسطنيين الأتوبيس هيتفتش احلى تفتيش .. دحنا مصريين وزمان كان سينا لازم تدلخها بتصريح

أنا موافق أعملكم

[][ غـآدة ][ «]

ماشـآءالله .. اسم على مسمى ، العيون السخنة هههههههه

لآ ..انآ مش بغزة // انا بالدنمـآرك ..

و هون ما في بحر حلو ابداً .. ربنــآ بعين ..


::


ههههههههههههه .. وال100 دولار رح يجوآ من وين !!!

هآد غير اذآ على حسابك ~

.. انـآ يادوب معي حق عصير ..
خلص ،، خليهــآ عليك // انت كريم واحنـآ نستآهل ههههههههه

[حسام المصرى]

المشاركة الأصلية كتبت بواسطة ][ غـآدة ][ «

ماشـآءالله .. اسم على مسمى ، العيون السخنة هههههههه

لآ ..انآ مش بغزة // انا بالدنمـآرك ..

و هون ما في بحر حلو ابداً .. ربنــآ بعين ..


::


ههههههههههههه .. وال100 دولار رح يجوآ من وين !!!

هآد غير اذآ على حسابك ~

.. انـآ يادوب معي حق عصير ..
خلص ،، خليهــآ عليك // انت كريم واحنـآ نستآهل ههههههههه

أها فيه منتجعات رهيبة بالعين السخنة .. عشان فيها ينابيع سخنة ..
بالدنمارك .. وعايزة تيجى مصر ..

البحر عندنا حلو أها .. مصر تتشرف بقدومك .. وتستاهلوا والله كلكم فرد فرد .. انكم تزوروا مصر زنجة زنجه
ويا ستى فلوس إيه خليها علينا خالص ..

بس ما تنسى تعمليلى فيزا أسافر الدنمارك

[][ غـآدة ][ «]

مصر حلوة كتير :: و اي حدا بيتمنى يزورهــآ ،،

عنــآ في الدنمــآرك ما في شي حلو ،، الآ الخضــآر !!

غير هيك يا ريت في منـآظر حلوة هههه

تسلم // الشرف النــآ (:

زنجة زنجة ،، في كل مكــــآن ،/
نصيحة مني الك ، مصر احلى بكتير !! الي بالدنمارك حابين يرجعوآ على بلآدهم !،،

و انتوآ حابين تسـآفروآ ..