أنا شيعية ..ليش بتكرهوني

[عين الصقر]

انا فاهم من الاول يا اختي وكلامك كان يحتاج كل هالتوضيحات حتى لا يكون هناك لبس,
المهم سبحان الله اليوم لقيت هالموضوع الجديد عنهم شوفوا هالتصريح,


مسؤولان في الخارجية الإيرانية: العرب "بدو وهمج الصحراء" ونحترم إسرائيل


المسؤول في الخارجية الإيرانية مهدي صفري
أوسلو - العربية.نت
وصف مسؤولان رفيعا المستوى في الخارجية الإيرانية العربَ بـ"البدو وهمج الصحراء"، وقالا إن حضارة العرب طارئة ومرتبطة باكتشاف النفط في دول عربية كقطر والبحرين، مفتخرين بحضارة الفرس التي تعود -بحسب قولهما- لآلاف السنين، رافضَين بشدة ربطَ الفرس بالعرب.

وعرضا 6 آلاف خارطة باسم "الخليج الفارسي"، وأكدا احترامهما وتعاطفهما مع إسرائيل، وأن الخطاب الإيراني المعادي لها ما هو إلا فقاعات لكسب تأييد العالم العربي وإلإسلامي.

وأشار المسؤولان الإيرانيان محمد رضائي ومهدي صفري إلى الصلة العرقية للفرس بالشعوب الآرية الأوروبية، مستدلين على ذلك باللغة الفارسية التي تُعتبر خليطاً من لغة هندية وأخرى أوروبية قريبة من الألمانية.

صورة من التقرير على موقع الصحيفة
يُشار إلى أن هناك ظاهرةً تنتشر في إيران تؤكد انبهار الإيرانيين بالشعوب الآرية واستماتتهم في تأكيد الصلة العرقية بينهم، وهي عمليات تجميل الأنوف لتصبح أكثر تطابقاً مع الأنوف الآرية.

ويُذكر أيضاً أن كتاب "كفاحي" للزعيم النازي أدولف هتلر يحظى بانتشار واسع في الأوساط الإيرانية، لما يتضمنه من روح عنصرية تؤكد تفوق العرق الآري.

ويعتبر النرويجيون والسويديون والدنماركيون أنفسهم أيضا من الشعوب الآرية، ولذلك تعاون بعضهم خلال الحرب العالمية الثانية مع جيش أدولف هتلر.

تصريحات المسؤولين الإيرانيين للصحيفة الدانمركية "ويك ايند" التي نقلتها عنها صحيفة "داغ بلادت" النرويجية، تأتي في إطار سعي النظام الإيراني لتحسين صورته أمام الغرب، خاصة دولَ الاتحاد الأوروبي، لفك العزلة التي يعانيها، وذلك بإظهار حقيقة دعمه للفصائل المقاومة في الدول العربية، وأن هذا الدعم لا يُقصد منه مناوأة الغرب أو الرغبة التي يدندن بها الرئيسُ الإيراني دائماً في تدمير إسرائيل، التي أكد المسؤولان الإيرانيان تعاطفهما معها واحترامهما لها بعكس العرب الذين يكرهون اليهود منذ القدم، بحسب قولهما.

وأماط المسؤولان اللثام عن حقيقة التصريحات المعادية لإسرائيل والغرب من قبل المسؤولين الإيرانيين، وأكدا أن إيران مضطرَّة لبثّ مثل تلك التصريحات الفقاعية لكسب ثقة الشعوب الإسلامية، وتحقيق حلم الثورة الخمينية عام 1979م بأن تصبح إيران قائدة العالم الإسلامي، وتجدد الحلم بعد سقوط نظام صدام حسين الذي وقف في وجه الحلم الفارسي.

مهدي صفري نائبُ وزير الخارجية الإيراني وأحدُ المسؤولَين، نصح الغربَ بأن يتوقف عن الاستماع لإسرائيل عندما يتعلّق الأمر - فقط- ببرنامج إيران النووي، وطمأن صفري الغربَ وإسرائيلَ بأن إيران لا ترمي من وراء امتلاك القوة النووية إلا إلى كسب احترام العالم لها خاصة العالم الغربي.

وعرض المسؤولان الإيرانيان خرائط قديمة تبلغ نحو ستة آلاف خريطة، تشير
-بحسبهما- إلى الخليج العربي باسم "الخليج الفارسي"، واتهما الدولَ العربية خاصة الخليجيةَ منها برشوة الإعلام الغربي لكي يُتبِع كلمةَ "الخليج" بصفة "العربي"، وأكدا أن هذه المحاولات من الدول العربية لن تنجح في ذلك.



وانا برد عليهم مثل ما رد عليهم احد الأخوة:

البدو العرب هؤلاء كسرو امبراطوريتك في عزها في يوم ذي قار كسرو امبراطوريتك في القادسية واجنادين العرب البدو نشروا اليكم الأسلام و الا الأسلام منكم براء

[دموع الغربة واشواق العودة]

...يعني مابعرف هدول الناس كيف ممكن ينرد عليهم ..
ههههه
بجد كلامهم كلام ناس مش واعيين ومش عايشين في
القرن الواحد والعشرين ..
بعتقد أنو الأرض من الشرق إلى الغرب ..
بتعرف الحضارة والتطور الأخلاقي والحضاري والإقتصادي يلي وصلنالو
منذ بداية نشر الإسلام على يد أفضل البشر ..
عليه الصلاة والسلام ..
أحنا مش بحاجة لنثبتلهم ..
العالم كلو بيعرف شو فضل
الأسلام والمسلمين ..عليهم كلهم ..
لولاه لما وصلت أي دولة للي وصلولو اليوم ..
كفاية انو
هو الي حددلهم الأسس السليمة
لبناء مجتمعات راقية ..
ههه بعدين هما ناسيين أنو
في شيعة كتير عرب ..
هدول ناس مابيستحقو ينرد عليهم أصلاً ..
....مع انو مش هادا موضوعي ....
شكراً إلك لتفهمك ومتابعتك الموضوع ..
..^.^..

[حنين04]

بسم الله ...

بدي أحكيلكم شو صار معي ...
أنا كنت بموت ع شي إسمه شيعه ... بجد .. كان مثلي الأعلى بالحياه " حسن نصر الله " وكنت مهووسه بقناة المنار وحافظه كل شي فيها ... كنت حافظه أسماء النواب والوزراء المحسوبين ع حزب الله وبالمقابل إسم رئيس الوزراء الأردني ما كنت أعرفه وأنا عايشه بالأردن ...

كان الكل يتمسخر علي ... ما علينا ... لما دخلت الجامعه كان عنّا ماده بتنزل حره بكلية الشريعه لكل طلاب الجامعه بس ما كان حد ينزلها لأنهم بنزلوا مواد أسهل .. وغير هيك " ماده بالشريعه " .. لهيك كنت الوحيده انا وشب اللي بناخدها من بره كلية الشريعه ...
هاي الماده إسمها " الفرق الإسلاميه " .. أنا ما نزلتها مشان العلامات بس نزلتها مشان أعرف حقيقة اللي بيحكولي إياه الناس عن الشيعه ...

المهم أخدنا الماده وأخدنا عن كتير فرق مقرفه موجوده بيناتنا وفي منها بتوصل درجة الكفر متل البهائيين ... المهم وصلنا لعند الشيعه .. طلب منا الدكتور نجيب كتاب إسمه لله ثم للتاريخ لواحد كان شيعي وما عجبه مذهبه وفضح الشيعه بهالكتاب فراحوا أصدروا فتوى بقتله وفعلاً قتلوه هو ومرته وولاده بالسكاكين ... هالحكي صار في العراق ...
وطلب منّا شريط في مقتطفات من حكي " علماء " شيعه كبار ... ونص حكيهم في هاي الأشرطه كفر بشكل غير مباشر...
المهم أنا بعد ما خلصت الفصل وجبت بالماده 98 غيرت فكرتي عن الشيعه ...


بس شغله مهمه أنا ما قدرت أتجرأ وأعمل متل هالناس الجاهله وما قدرت أكفر الشيعه ... أصلاً الدكتور اللي أعطاني الماده ما بحب الشيعه وما بطيقهم ومع هيك .. وهو حامل دكتوراه في الشريعه ما كفرهم ..

فمين أنا ومين نحنا لحتى نكفرهم ؟؟؟؟!!!!
نسينا قصة أسامه بن زيد لما قتل المشركين .. اللي من الخوف قالوا لا إله إلاّ الله ومش من قلبهم " والله أعلم " وبس عرف الرسول قاله : وماذا تفعل بلا إله إلاّ الله ؟؟
ونحنا بنكفر الشيعه وماذا نفعل بلا إله إلاّ الله ؟؟؟ ونحنا بنتناسى إنه صار التكفير عنا نحنا السنّه وسب الرب والدين متل قولة مرحبا.

وماذا نفعل بالصلاه اللي بصلوها ؟؟؟
ونحنا الجامع عنّا ما بيتعبّى عنّا غير يوم الجمعه بصلاة الظهر وبس .. ونحنا عنّا الصلاه بدها تصير ممنوعه واللي بصلي بالجامع كل الصلوات بتصير عليه نقطه سودا بملفه الأمني ....
وماذا نفعل بالصيام اللي بصوموه ؟؟؟
ونحنا السنّه من كم سنه صار عنّا الصيام فرض كفايه كم واحد بصوموا والإفطار صار جهاراً بالشوارع ....
وماذا نفعل بالجهاد اللي بجاهدوه ؟؟؟؟ ونحنا السنّه اللي بعنا فلسطين وفاوضنا اليهود .. وسلمنا القدس وغيرها لليهود .. ويا ويله اللي بطلع بعمليه إستشهاديه ... لينخرب بيته منّا قبل اليهود ... ولنسميه عنّا حقير بدل ما كان إسمه شهيد ...

يعني ليش إيران بتدعم حزب الله وحماس ؟؟؟؟ لازم نهاجم الشيعه ... إدعموا أهل غزه إنتو وتتحملوش جميلة الشيعه اللي بنظركم كفّار ...

عند الشيعه بيكفي يطلع شيخ ولا سيّد منهم وينادي ... لما حسن نصر الله طلع ودعا الناس يطلعوا نزل ربع مليون ع الشارع بس لأنه بدي يلقي فيهم خطبه ...
وعنّا نحنا السنه علمائنا ما بنحترمهم ولو يطلع علينا شيخ يحكي بالدين كلنا رح نهاجمه ...
أنا ما بحكي الشيعه ملائكه ولا أنبياء... هم فرقه ضاله بس لا أنا ولا 1000 واحد غيري بنقدر نكفرهم ... لأنه التكفير مش بهاي السهوله اللي بتتوقعوها ...


أنا بطلت أحب الشيعه بس ما بقدر أكرههم لأنهم إلهم فضل عليّ بشغله " في الوقت اللي كنت فيه ضايعه وبتابع الأفلام والمسلسلات والأغاني أيام زمان عقنوات تلفزيونيه سنّيه ... ولما بلشت تيجي عنّا قناة المنار عالأرضي وبلشت أتابع برامجهم هم اللي وعّوني عالدين وخلوني أرجع لربنا وأصلي ... وخلوني أعرف شو قيمة فلسطين ... ف بقلهم ... شكراً ...


وقول للسنّه إتّقوا الله وروحوا حاربوا اليهود والأمريكان وبس تحرروا بلادكم وتصيروا أحرار وشفتو إيران إلها تهديد عليكم حاربوها ..

[PaLeSt!Ne SouL]

حنين أنا مثلك برده

أخدت مواد عن الشيعة بالجامعة و اللي اعطاني اياها نائب عن حماس بالحكومة

و قال انه ما لجأنا لايران باخد السلاح و الدعم الدولي إلا لانه اهل السنة ما ساندونا

و حتى عملنا يوم دراسي عنهم و فيه كتير فيدوهات عن علماءهم و كتباتهم

و نحنا ما بنكفر على كيفنا هذه النقطة بدي اوضحها

انه الشيعة فرق و العلماء السنيين كفروا بعضهم و بعضهم لا حسب فساد عقيدتهم

عين الصقر وضح انه بعضهم بيقولوا انه الوحي اخطا لما نزل على محمد عليه السلام و الاولى انه ينزل على علي رضي الله عنه

عندهم عقائد كتيرة بتدل انه فرق منهم ما بتآمن بلا إله إلا الله محمد رسول الله

و بالردود اللي قبل نقل الأخ آراء لعلماء مثل الشافعي و ابن تيمية و حكمهم على الشيعة ..


.....................


دموع فهمت عليكي

انه ما بتكره الشخص انتي بتكرهي العقيدة الفاسدة اللي مزروعة بعقولهم

و طالما هم زيك زيهم ليش ما تحاولي تحكي معهم و تبيني كيف أخلاقنا ب

أما سلوك المعلمات بجد سئ كون هدول طالبات يعني لو المعلمة حاولت تغير من فكرها افضل بكتير

ممكن باسلوبها السئ تنفرها منا و تزيد الطين بلة


الله يهديهم و يهدينا .

[دموع الغربة واشواق العودة]

أنا ما بحكي الشيعه ملائكه ولا أنبياء... هم فرقه ضاله بس لا أنا ولا 1000 واحد غيري بنقدر نكفرهم ... لأنه التكفير مش بهاي السهوله اللي بتتوقعوها ...


والله هالجملة بالذات عجبتني ..
ياريت كل الناس يعرفوها ويفكرو زيك منيح
والله فرحتيني
نفسي ناس كتير تفكر زيك ..
زي ماعنا أحنا سنيين ضايعين وأسمهم سنيين بالأسم
هما الشيعة هيك
شكراً إلك
منوورة
..^.^..
شكراً

[دموع الغربة واشواق العودة]

آآآآآآآآآخ يادمعة
وأخيراً فهمتي علي
أنا هادا يلي بدي أوصلو ..
ليش هيك ..
أحنا عايشين بعصر التواصل ..والثقافة ..والحوار ..
تيجي معلمة مربية أجيال تحكي هيك ..
هيا هيك بتنفر البنت منا ..
ليش في ناس تفكيرهم بدائي لهدرجة
..الله يهديها ..
شكراً إلك
كتييييييييييييييييييييييييير
..^.^..

[إيمـان]

كلللللللللللللللويش فهمو :p

[دموع الغربة واشواق العودة]

..^.^..

[حسام المصرى]

المشاركة الأصلية كتبت بواسطة دموع الغربة واشواق العودة

شكراً إلك
أنا بوفقك بكل
آرائك
شو المانع انو احنا نتعاون معهم ونستفيد منهم ..
ومع هيك احنا مابنصفح ..عن يلي بيهينونا ..
وهيك مابنكون خسرنا أشي
..^.^.^.

ده اللى قلته بالاول ..

برده مينفعشى تعامل الشيعة وحش أو تنظرلهم نظرة وحشة وتشتمهم لأن الإسلام مأمركشى بكده خالص ..
ولكنى أتذكر قول الرسول فيما معناه أننا نبش فى وجوه وقلوبنا تكرههم ..

ايه المانع أنك تضحك معهم تناقشهم فى دينك بدل ما تكفرهم وخلاص ..

يا عالم يمكن الهداية تكون ليهم على يدك بفضل الله

هذا هو فكر المسلم الحق ..

[نداء الفلسطينية]

اختي حبيبتي نحن لانكره الشيعة بالنهاية جميعنا مسلمون
نحن ننتقد تصرفاتهم ومعتقداتهم التي لاتمت الى الاسلام بصلة
لامن قريب ولا من بعيد ومنها احلالهم لزواج المتعة وهو منهي عنه
في الاسلام وكثير يرونه شكل من اشكال الزنا والعياذ بالله
وعودة للجاهلية
نحن لانكرههم ولكن نكره معتقداتهم وتصرفاتهم الباطلة
شكرا لك