الفرق بين الشباب والبنات.^ـ^

[اصدقاء خانو]

نبدا بالبنات:



بداية الحوار:



الأولى : الله!!!!!!!!!!!! ، قصيتي شعرك !! والله طالع بهبل !

الثانية: شايفة بالله ؟ بس حسيت لما شفت حالي بالمراية انه مكنفش!

الأولى : لا والله .. طالع بجنن ، وانا بدي نفس التسريحة بس بحس ان وجهي مليان شوي وما بتمشي معي هالتسريحة ، وبشوف انه ما بمشي مع هالسحنة إلا هالتسريحة اللي تشوفيني دايماً فيها .

الثانية : من كل عقلك بتحكي ؟؟!! أنا شايفة ان وجهك وجه مدوّر ، وبتمشي معه كل التسريحات وبتطلع لسه احلى ، مش زيي .. ما بقدر أختار إلّا تسريحات معينة تخلي الناس ينتبهوا لرقبتي اللي كأنها رقبة زرافة .

الأولى : شو هالحكي!!!.. والله رقبتك حلوة, لو رقبتي مثل رقبتك كان بتغطي عن كتافي اللي كأنها كتاف جمل .

الثانية : والله إنتي مش صاحية عحالك ، والله كل البنات اللي بعرفهم في الجامعة بتمنوا كتاف زي كتافك ، يعني ما بتتعبي لما تلبسي أواعي الجديدة .. يعني معلش .. شوفي إيدي قديش صغار!! .. لو إلي كتاف زي كتافك كان ما بتبهدل كل ما أشتري أواعي جديدة وبتطلع قياساتها مزبوطة !

انتهى الحوار

------------ --------- --------- -----

بالنسبة للشباب :


الأول : نعيماً ..

الثاني : الله ينعم عليك

[عاشقة أرض جنين]

هع هع هع هع هع هع

بس بصراحه معاك حق البنات كتاااااااااااار حكي والشباب بيختصروا زيااااااااادة

يعطيك العافية

[هدهد أوربا]

هههههههههههههههههههه

بدهن حلق على الصفر عشان نخلص من لسانهن

[عاشقة أرض جنين]

ههههههه


لأ مش لهاي الدرجة يعني


وبعدين أنا قلت وانتو بتختصرو زيادة

[انس 1988]

هههههه .....الحمد لله اني رجال ...الله يعين البنات شو بتعذبن عالحكي الفاضي
بس اهم شي يطلعو حلوات هههههه

[عاشقة أرض جنين]

أول شي احنا البنات حكينا مش ع الفاضي

تاني شي انتو مملين وبتزهقو على قد م حكيكم قليل

ههههههههههه والحمدلله اني بنت

[انس 1988]

خلص حقك علي عاشقة ارض جنين ...وانا اسف ...صح كلامك ...بس انا قصدي اهتمام البنات خير اهتماماتنا احنا الشباب ... بعدين البنات بهتمو بالتفصيل اهتمام كبير صح ...اما الشباب بنهتم ب المجمل والعموم ...سبحان الله ..عشان هيك الشباب والبنات بكملو بعض ...سبحان الله
وتحياتي لاهل جنين وقراها خصوصا عرابة ويعبد وبلدتي كفر راعي ....والله اشتقت لفلسطين واهلها وارضها وسماها ...يا رب تزبط معي بلكي انزل عالصيف عفلسطين ..يا رب

[انس 1988]

خلص حقك علي عاشقة ارض جنين ...وانا اسف ...صح كلامك ...بس انا قصدي اهتمام البنات خير اهتماماتنا احنا الشباب ... بعدين البنات بهتمو بالتفصيل اهتمام كبير صح ...اما الشباب بنهتم ب المجمل والعموم ...سبحان الله ..عشان هيك الشباب والبنات بكملو بعض ...سبحان الله
وتحياتي لاهل جنين وقراها خصوصا عرابة ويعبد وبلدتي كفر راعي ....والله اشتقت لفلسطين واهلها وارضها وسماها ...يا رب تزبط معي بلكي انزل عالصيف عفلسطين ..يا رب

[إيمـان]

صح الكلآم مش غلط :)

[عاشقة أرض جنين]

هههههههه يا زلمة والله اني بمزح

وبعدين انا من عراااااابة الغاااااالية ((رح أحسدك ازا رح تنزل ع الضفة حلمي أروح عليها))