الـمـصـآلـحـة الـوطـنـيـة !~

[أبو يقين]

مع أخوك .. أبن جيرآنك .. أبن عمك

أبن منطقتك .. أبن هآلوطن

قلوا . . .



شو فايدهـ الموضوع من أساسه

لكن ليعلم

اننا تربينا على حب الوطن وعلى حب القضية

تربينا على نغمــــات وأجراس العودهـ

فعندما يفهـــم بالسياسة أو يفهم بأسلوب الحوار الجيد والمحترم والهادف

بنيجي احنا نحكي هوووووون


كل يلي قلناهـ

قلناه على أساس حوار محترم

ويوجد بيننا اختلاف في وجهااات النظر

[أبومجاهد]

بطاااطااا بطاااطاا

بقلك البطاطا احتمال ترخص ع هوا الجو ..!!

يا عمي اسمعو كلام عمكو القذافي

حكالكو حماس وفتح خطين متوازيين زي الي في الحساب

قد ما بمشو ولا عمرهم بلتقو

كل واحد فكرو بختلف عن التاني

فش ولا نقطة وحدة مشتركة بينهم

كيف حيتفقو .. !!

والمصالحة مش حتصير حتى لو البطاطا رجعت غليت

برضو مش حتصير المصالحة

[PaLeSt!Ne SouL]

مع أخوك .. أبن جيرآنك .. أبن عمك

أبن منطقتك .. أبن هآلوطن

و لو كان عميل و خاين اتصالح معه كمان ..!!

لو كان اخي من امي و ابي و زي الطرف التاني بقتلوا بايدي و بريح الشعب منه

...


لكن سؤال في موضوع بين كم شخص بس ما توصلنا لشئ

تتوقعوا انه في امل لمصالحة تعم كل البلد ...!!


ما اظن


يا رب ان كانت خير و فيها عزة النا و للاسلام تعجل فيها

و إلا فخذ الخائنين أخذ عزيز مقتدر

[وَطنْ~♥]

بس معقول كل ولآد جيرآنكم جوآسيس !!

وكلهم خونة ~ هون السؤآل ..

والسؤآل يلي طرحتيه هو أسآس طرحي

وللأسف في رفض كبير ~ الله يصلح هآلحآل

.
.
منور يآ حج بطآطآ :)

[PaLeSt!Ne SouL]

يا عم جيرانا متصالحين معهم و ما في أحلى من هيك

اكل متفق ع المصالحة ازا هيك معناها عندك

بس سؤالك مصالحة وطنية يعني مع قادة حماس و قادة فتح صح ؟
لما يكون طرف منهم تحت بساطير اليهود و متنازل عن حق العودة و المقاومة عبثية برده نتصالح معه !

اللي مو عميل منهم بنتصالح بس اللي خربان على مزابل التاريخ

[وَطنْ~♥]

له يآ شيخ الجيرآن متصآلحين !!!

متأكده إنتي بغزة ~ كل يلي بصير والنآس متصآلحه مع بعض

أحسن .. وشو حآل لو مش متصآلحين كآن إنقلبنآ فوق مآ

إحنآ مقلوبين .. لآ إله إلآ الله .. طيب والنآس يلي رآحت والدم يلي إنهدر

هسآ كل وآحد رآحله ولد في الإنقسآم

إسأليه بحكي إحنآ عآرفين مين قتل إبنآ

واليوم وله بكرآ بنطوله >> يآ عآلم هي قصدي هون المشكلة

حتي لو تصآلحوآ القآدة العآئلآت شو يلي رح يرضيهآ !!

وبكفي تحكوآ عمآلة وهآلكلآم المسموم لآ تعمموآ

[مُـحَـمَّـدٍ]

المشاركة الأصلية كتبت بواسطة أبومجاهد

بطاااطااا بطاااطاا

بقلك البطاطا احتمال ترخص ع هوا الجو ..!!

يا عمي اسمعو كلام عمكو القذافي

حكالكو حماس وفتح خطين متوازيين زي الي في الحساب

قد ما بمشو ولا عمرهم بلتقو

كل واحد فكرو بختلف عن التاني

فش ولا نقطة وحدة مشتركة بينهم

كيف حيتفقو .. !!

والمصالحة مش حتصير حتى لو البطاطا رجعت غليت

برضو مش حتصير المصالحة

ههههههههههههههه
حبيبى يا ابو البطاطا انت
تحيا الطاطا
تعيش البطاطا
تغلى البطاطا:ShababSmile237:

[مُـحَـمَّـدٍ]

ابو يقين

أوعا تزعل ولا

مش علشان فتح وحماس والجبهة تضيع صحبتنا

احنا بنتحاور لا أكتر ولا أقل

تحياتى الك يا محمد
منور والله على هالصبح

[.:.!دموع الرحيل!.:.]

.

/

كلامك مردود عليك يا أخ ناجي ..

بدليـل . أن الكتآب المفتوح ..

أوضح ما يكون للقارئ عندمآ يبعده عن عينيه وينظر بتجرد ..

ويشوبه الغباش .. وتعمى عيناه عن قرائته جيدآ

عندما يقرر أن يلصقهما لصقاً - بدون استحضار للتفكير العقلاني - في صفحآته :)



.


.

وهذا حالنا وحالكم ..

وبالنهآي .. الي برجع بردده.. لو انا جوا شو رح اشوف ؟

أخطاء حماس .. عادي .. ربنا يغفر زلاتهم ويثبتهم ع ( نهجهم )

الي هو الاساس أنه ما يكون مشوب بالخطأ .. ومحفوف بتعاليم الإسلام !

وشو رخ اشوف ؟ ..

نهج فتح .. نهج الشعبية .. كل هول الي بتعاليم علمانية !

فـ سواء كنت قريبة ولا بعيدة .. انا ضدهم ^^

..

غير أنه انا صحيح برا فلسطين . . ولكني مش مبعدة عن الجـو كتير

عنا بـ لبنان .. في حماس .. وفي فتح ..

وهي صورة مصغرة عن حالكم في الداخل ..

فلآ كتير تعتمد على هالجزئية .. ما بحكي من فراغ نهائي :)

..

ولما إبن عمي .. وأخـوي .. بدو يقبل يعيش تحت

سيطرة العدو .. ويقبل بالتنازل عن ارضنا

ويحارب المجاهدين ..

فـ لآ هـو أخي .. ولا بشرفني يكون أخي..

بكل بساطة :)

المسألة أكبر من كونها عواطف ..

..

انت بتحكي العائلات .. حاقدة على بعضها؟

هالشي موجود بالحسم .. وبدون الحسم !

قبل الحسم .. كمان كان في موّال الأخذ بالثار

بسبب النظام الي وضعه ياسر عرفات !

ايام الحسم .. كمان كـان في كتير من ابناء العائلات

راحت بدم بارد ..

وكتير منهم تم العفو عنهم .. بواسطات من قيادات حماس ..!

يعني .. مش هـون المسألة الكبرى ..

هالشي حاصل بحسم وغيره

بس النقطة .. هل الاسلام حاضر أم لا ؟

وعلى هالأساس .. يا بتعمر يا بتخرب

ولولا هيك .. لما سامحت بعض العائلات الحمساوية ..

من قتلوآ ابنائهم قبل الحسم ..

وبسبب هالتصرف .. التحق البعض من الفتحاويه بحمآس !

بس على الله يكون الإسلام حاضر عند الجميع وبقلوب الجميع !

..

بالنهآي .. متل ما حكى ابو مجآهد .. هالفريقين ..

كالخطين المتوازيين ..

مستحيل يتلاقوآ .. طالما التوجهات متباعدة

بالشكل الي هي عليه هلأ !

المسأله صعبه كتير .. ربنا يكون بالعـون

ويجمع هالأمة على ما يرضيه عنا

ويطهرها من كل خبث ..

[كبرياء..~]

أخطاء حماس .. عادي .. ربنا يغفر زلاتهم ويثبتهم ع ( نهجهم )


!!!!???

كلام غريب والله

أختى مع خالص احترامى الك ..

ربنا بيغر كل الذنوب الا ان يشرك به مزبوط ولا لأ ..

عندى كلام كثير انا ما بكره حماس ولا بكره حدا

انا الى بدى اياه نكون تحت راية لا اله الا الله عارفينها .؟؟؟

وهاليوم جاى بإذن الله

على ايد حماس على ايد غيرهم جاى جاى ..

وبقلك شغلة حماس بالوقت الحالى ماشية على نهج فتح بالسابق ..

تاعين فتح عملاء على حسب كلامك لانهم ماشين على اجندة امريكية ..

والى ماشين على اجندة ايرانية ..!!

المفروض انو المعنى بهالشعب يمشى على اجندة فلسطينية مية بالمية

الله يصلح الجميع ..

وع فكرة ربنا بيغفر حتى للعميل :)

ما فيه شى كبير على ربك لانه غفور رحيم

الله يفغر النا ويصلح حالنا للأحسن ..

واذا كان الخير على ايد حماس الله يوفقهم وينصرهم .. بس على الى هم فيه ما بظن .!

واسف على الاطالة .

تحيتى