[ وحيـدة الـقـمـر ] ضيفُ لَـيالِي شـباب فـلسطِيـن و ثـرثـرةٌ حُـرة

[بسملة]

تـآبعنـآ لكـن لم ننتهي..
فلـنآ عودة بإذن الله : )

[Maram .. ~]

أيـوش :)

كيفك ؟

جُمعـة مُبـآركة :)

* احكيلنـآ عن يومكـ ؟ كيف بتئضيـه ؟

* أمآكِن بتحبي تروحيهآ دايماً ؟ و ليـش ؟

* ليش خترتي اسمـ [ وحيدة كالقمـر ] ؟

* بتتمنـي تعيشي بمكآن غير لبنآن ؟ ويـن و ليـش ؟

* و السؤآل الي بسألهـ للكـل :p ، رآيكـ و نصيحتكـ لـ مرآم ؟

و إلي رجعآات إن شآلله ~

يعطيكِ العاآفية يآ عسل ^^

[إيمـان]

وحيــدة .. ^^


أحكيلنـا شـوي ع طفـولتك ..!



شو آكتـر فلم كرتـوني بتحبيــه ..؟



مــوقف مأبتنسيــه مهمـا رآح الزمـن ..؟




بــدكِ تعــزمينـي ع عــرسك ..؟



آجمـل مرحلــه عمــريــه ..؟



هل انتِ مزاجي ، قياديه
عاطفي ، عصبي ، إنطوااائي
حيوي ، خيالي ، او غير ذلك !!



عندك 3 رصاصات فلمن تهديهآ .!!


مـثـلك الأعلى في الحياة .!!


3:ما هي امـنياتـك .!!


شخصية تحب أن تكون مثلها .!!


انسان تعتزي به وترجع له في
استشارته في الشئ الذي يخصك .!!



شو رأيك بفشــفوشـه ..؟ ونصيحـه الي

[رماد الحب]

منورة وحيدة القمر

[عاشقة فلسطين..]

يا أهلآ وسهلآ بكِ غآليتي
ستكون ليالِ راائعة باستضافتك
أنرتينا~.

[أمل]

ايوش

بدي اسمع رأيك بحسن نصر و حزبو بما إنك مقيمة بلبنان

و كما تعودنا نسمع منو شعارات شو رياك باخر شعاراتو المدندنة بخصوص المحكمة الدولية بلبنان


/

و بدي اسمع رأيك كمان بأمل

[PaLeStiNe FlOwEr]

ايوش منورة


رأيك فيني

واديش بتحبيني :$

شو الصفات الي بتكرهيها فيني

وبحبك وبس :$

[sadness eyes]

+/+

مرحبا

تسلمي ايوش وانا بحبك فـ الله

عجبوني اجوبتك وفيي كتير من شخصيتك متلي ^^

الـ كوسشن :

التخصص اللي بتدرسي هو اللي كنت بدك اياه ؟

عمرك زرت فلسطين ؟ ووين ازا اه ؟

اديش صرلك بالمنتدى هاد ومين اول شخص اتعرفت عليي هون ؟

شو رأيك فيي أنا ؟ وبدي نصيحه :)

امممم بس ازا خطرلي كمان برد برجع اسألك

يعطيكي العافيه

^.^

[~][وحيدة القمر][~]

بسملة أهلا وسهلا فيكِ

أنرتي حبيبتي :) وبانتظار عودتك *^

..

.



Maгam

أيـوش :)
كيفك ؟

جُمعـة مُبـآركة :)

الحمد لله تمام حبيبة قلبي ,, إن شاء الله إنتي تمام غاليتي ؟

جمعة مباركة عليكي وعلينا إن شاء الله

* احكيلنـآ عن يومكـ ؟ كيف بتئضيـه ؟

يعني ساعات بشتغل ببحت الماجستير وساعات ما بيكون إلي مزاج أكتب .. بفتح الانترنت

وساعات بزور زوجة أخي صحبة معها كتير .. من عمري .. وبنروح سوا أو بنتغدا سوا وهيك ..

بنتظر الوظيفة من مدة ليست بالقليلة .. لكن الحمد لله .. لسى ما صار شي جديد .. دعواتكم

أمآكِن بتحبي تروحيهآ دايماً ؟ و ليـش ؟

بحب روح على الروشة .. مكان كتيــــــــر روعة .. وله ذكريات كتيرة .. منها مع ننوش ومنها مع صديقات تانية عزيزين على قلبي

بحب روح مطاعم كتير .. مش بس عشان الأكل لكن عنجد بحس حالي مبسوطة بالمطعم ^^
وإجمالا أي مكان بروحه مع صديقاتي اللي بحبهم بنظري حلو ..

* ليش خترتي اسمـ [ وحيدة كالقمـر ] ؟

وقت اخترت هالاسم .. كانت اختي اللي أكبر مني بسنة مخطوبة جديد .. وبتعرفي هي صديقة واخت بنفس الوقت .. نروح مع بعض .. نتسوّق وهيك ..

فأحسست بفراغ كبير بعد ارتباطها .. ودايما ضل لحالي .. ووقتها صرت اسهر كتير ع النت .. حسيت اني وحيدة رغم التفاف اهلي حولي كما القمر وحيد رغم التفاف الكواكب حوله

لما اتسجلت بالمنتدى دوّرت على اسم حلو وأحس حالي فيه .. لقيت وحيدة القمر .. اخترته عشان كان مناسب حالتي .. منه إني وحيدة ومنه إني كنت أسهر لحالي .. وكمان القمر مخلوق يلفت انتباهي ويجذبني من صغري

* بتتمنـي تعيشي بمكآن غير لبنآن ؟ ويـن و ليـش ؟

والله لبنان من اجمل البلدان .. ما بحس اني رح كون مبسوطة إذا عشت بغيره

ممكن زور بلدان إي .. متل فلسطين ومصر والسعودية من البلدان العربية .. أما اجنبية فأنا مش كتير بتحمّس للفكرة .. لأن كتير بنزعج من اختلاف البيئة والمعيشة والمحيط .. بطوّل لحتى أتأقلم مع الوضع الجديد

وإن صار وخيّروني بلد اجنبي .. ممكن فرنسا :)

* و السؤآل الي بسألهـ للكـل :p ، رآيكـ و نصيحتكـ لـ مرآم ؟

مرام بنت كتير خلوقة .. رايقة ومحترمة .. ما بتزعّل حدا .. ومرحة

بالنسبة لنصيحتي لك .. مع إني لم أرَ شيئاً سيئاً منك بل رايت كل خير .. لذا سوف أقول لي ولكِ .. (الدنيا ساعة .. فلنجعلها طاعة :) )

و إلي رجعآات إن شآلله ~

يعطيكِ العاآفية يآ عسل ^^

أكيد بنتظرك متشوّقة ^*

الله يعافيكِ يا رب .. أسئلتك لزيزة مرمر

[~][وحيدة القمر][~]

farfoOosha

وحيــدة .. ^^

أيوة حبيبتي

أحكيلنـا شـوي ع طفـولتك ..!

طفولتي كانت نكدية نوعاً ما .. يعني إذا بدي غرض أبكي وأنئ .. وضل بشجار مع اختي الأكبر مني .. لكن كنت هادية ورايقة .. وكنت أحب اللعب كتيراً .. أما عن التلفاز فكان لا يعني لي الكثير

وبما إني آخر العنقود فكانوا مدلعيني .. ولهلأ كمان ^^

شو آكتـر فلم كرتـوني بتحبيــه ..؟

توم وجيري

مــوقف مأبتنسيــه مهمـا رآح الزمـن ..؟

موقف مؤلم ما بيروح من ذهني .. دايما هيك بشوف مشاهد منه .. لكن الله لا يترك حق أحد !
مش رح نكّد عليكم هلأ

بــدكِ تعــزمينـي ع عــرسك ..؟

هههههههههه طبعاً .. أساساً أنا معتمدي عليكِ تفرفشيلي العرس ها !!
يا عيني والله بتمنى كلكم تجوا واتعرّف عليكم وتصير الفرحة فرحتين

آجمـل مرحلــه عمــريــه ..؟

ممكن نقول مرحلة الطفولة .. لأن بمرحلة المراهقة عانيت معاناة كتير من التمرّد على أهلي وهيك

وكمان .. كل ما الإنسان يكبر ويصير يفكّر بعقله أكتر بتصير الحياة اصعب .. ومسؤوليات أكتر .. كلمة مسؤوليات مش مجرد كلمة تُقال .. اللي بيحس فيها فقط بيعرف معناها

أما بالطفولة فكانت أكبر مشاكلي لعبتي ؟ يا سلام ما أحلاها من مشاكل ههه نسبةً لبعض تعقيدات الحياة .. الحمد لله كله خير وبركة .. مركبة وبدها تمشي =)

هل انتِ مزاجي ، قياديه
عاطفي ، عصبي ، إنطوااائي
حيوي ، خيالي ، او غير ذلك !!

مزاجية .. عقلانية ..

عندك 3 رصاصات فلمن تهديهآ .!!

واحدة ليهودي
وواحدة لظالم
والتالتة خليها بجيبتي ,, قد يحوجني الزمن لها

مـثـلك الأعلى في الحياة .!!

بالمكافحة والمثابرة والكبرياء .. أبي
بالحنية .. أمي
بالتفهّم .. صديقتاي نانا وخلود

3:ما هي امـنياتـك .!!

الاقي وظيفة منيحة .. عشان والله صعب لما تحس انك معاك مؤهلات اكتر من غيرك .. ومش قاعد بمكانك المناسب
التانية انو الله يسعدني ويعوّض صبري .. وبيعد كل الآلام والأحزان
ويطيل بعمر ابي وامي واحبابي
ويحقق امنياتي وامنيات كل المسلمين
ويغفر لنا ويدخلنا جنته دار القرار ..

شخصية تحب أن تكون مثلها .!!

أنثى بشخصية سيدنا عمر بن الخطاب رضي الله عنه .. الصارم قائل الحق الفاروق ..

انسان تعتزي به وترجع له في
استشارته في الشئ الذي يخصك .!!

خلود

شو رأيك بفشــفوشـه ..؟ ونصيحـه الي

فتوشة انتي لزيزة كتير وقلب صااااافي وما عندك حقد ومتواضعة جداً
بنصحك ضلّي متل ما انتي .. وعيشي عمرك وخلّيكي مرحة
أنا بحب جداا الشخصية المرحة وكثيرة الحركة

أسئلتك توووووووحفة ودقيقة وممتعة :)

شكرا لسؤالك حُبّي ^*