[ وحيـدة الـقـمـر ] ضيفُ لَـيالِي شـباب فـلسطِيـن و ثـرثـرةٌ حُـرة

[~][وحيدة القمر][~]

منتظرتك سدنوووسة :)

...

بكرا بإذن الله تعالى بجاوب على اللي بدكم اياه .. عشان صايبني وجع راس قوي والحمد لله

=)

[Maram .. ~]

أيـووش منــورة والله

إلي رجعآت ~

عوآفيْ أسـآمة ~

[السهم الفلسطيني]

منورة أخت وحيدة ُ :)

[~][وحيدة القمر][~]

- كيفَ كان حالُكَ قبلَ دقائِق ؟

تمام .. شربت النسكافيه وعدلت مزاجي ..

وكنت منظرة صوفي الدبة رنّيتلها تجي تشاركني ما اجت ,, نايمة بالعسل يختي ؟

-مَا هُو شُعُورُكَ حينَ تتَجولُ فِي رئِيسيةِ شَبابِ فلسطِين وَ أقسَامِها؟ قُـلها و لا تخفْ ؟

ما بشبع من المنتدى .. لأن مواضيعه ما بتخلص ..

وحتى لو خلصوا المواضيع الجدد ببلش أنبش بملفات الأعضاء
بس طبعا بزعل لما شوف جمود .. ولكن هلأ الكل مشغول بدراسته .. والدراسة أوْلى .. الله يوفق الجميع

-[ وحيـدة الـقـمـر] فِي أَسطُر؟

ممممم ..

وحيدة القمر حساسة جداً لكن غالباً لا تُظهر زعلها من أحد ..

كتومة جداُ .. سرّي لا يطّلع عليه أحد إلا المقربون جدااا ( متل ننوش وزميلة الجامعة خلود وجمانة .. ننوش بتعرفهم ) ومش دايما بحكي تفاصيل .. إلا لما اكون مخنوقة ع الآخر

ما بحب اجرح احد ولا انتقده

أساير جميع العقول استطيع أن أمتص جميع الشخصيات وإن كانت الشخصية متناقضة لي .. لأنني أؤمن أن لكل منا آراءه وتفكيره الناتج عن بيئته ومحيطه المغاير عن بيئتي ومحيطي

طبعا في شخصيات لا أتحمّلها كالشخصية الباردة اللي جامدين بتصرفاتهم يعني يا لطيف شو مملين !

ما بنسى اللي بيعمل شي منيح معي .. وإذا جرحني جرح قوي ما بنسى كمان

إحساسي قوي (الحدس ) .. يعني إذا حد عم يكذب عليي بحس .. حد حزين ومخبّي مثلاً .. ولك حتى إذا حد عم يدق عالباب بحس مين

أحب المزح .. ارفع التكاليف بيني وبين المقربين .. أحب السهر .. أحب الشوكولااااااااا والشيبس .. أكتفي هنا

- حِكمَة ، مَوعِظة، أو بيتُ شِعر، تنطَبِق على شخصِك ، تُطبِقهَا فِي حَيَاتِك أو تُحبُ تردِيدها؟

دوام الحال من المحال

دايما بتذكرها .. يعني لما أكون زعلانة بقول حتى الزعل ما بيدوم .. بكرا الحياة بتتغيّر :)

- طُـمُوحاتُك و آهدافُكَ بينَ الحاضِر و المُستقبلْ ..حدثنَا عنهَا ؟

والله أنتظر وظيفة تعليم لمادة العربي والدين ,, في شوية مصاعب بسبب إني فلسطينية بلبنان وهيك فالأولوية مش لي .. الله ييسر ..

حابة أكمل الماجستير في علم النفس التربوي

حابّة إن شاء الله أكوّن أسرة كما علّمنا الله ورسوله بإذن الله

- لا بُد و أن لكَ هِواية ..دعنَا نستكشِفها معكْ؟

الظاهر بتنسوا كتير انتوا من يومين قلتلكم

والله بحب الانتزنت والكمبيوتر بجميع تفاصيله

بحب قيادة السيارة هيك بحس براحة نفسية خاصة إذا كانت الطريق فاضية وأنا داعسة ههه

بحب اتمشّى قبل غروب الشمس عندما تكون الشمس خفيفة

بحب كتير التفنّن .. بكل شي .. يعني إذا مسكت ورقة بخترع رسمة .. أي نعم بتطلع معي مش ولا بد ولكن بجرّب =)

- شَخصٌ أو جِهةٌ تخطُر فِي بالِكَ بِأولِ الفرَح و آخِر الحُزن؟

والله في بنتين نانا وخلود

- هلْ تنَاولتَ وَجبةَ إِفطاركَ وحيداً اليومْ ؟ أ مُعتاد عليها أم هِي حالَة طارِئة؟

ما أفطرت .. شربت نسكافيه .. إجمالا ما بفطر .. وحتى إن أفطرت بفطر لوحدي .. إلا إذا كان جاي عبالي أعمل سفرة .. بعمل .. وبلمّ الشمل P:

- مَا الذِي يدعُو حاجِبيْكَ للتقطِيبِ و العبس فجأة ؟

إذا سمعت خبر سيّء وأنصدم .. أو إذا عصبت

- متَى تغارُ بِشدةٍ وَ تُثيرُ القلقَ كفُوهة بُركان؟

انا بعترف إني بغار كتير .. يعني مثلا لما شريك حياتي يحكي بنت وياخد ويعطي بالكلام معها .. كتير بنزعج ومش بصمت كمان اقل شي بطخّه هههه

- نـمُرُ جَميعاً بِمواقف مُحزنة آومُفرحة آو مُضحكة ،، حدثـنَا عـنْ موقِف مرَ معـك ؟

أخخ شو بدو يحكي الواحد .. الحمد لله .. مرّيت بمواقف كتير مؤلمة بحياتي ..

إحساس بشع لما تحس حالك مظلوم .. إحساس بشع لما حد يكسر أحلامك وتحس إنه ما بقى بدك شي من الدنيا ..

أنا وصلت لهالإحساس ولكن تخطّيتها بفضل الله .. لكن الجرح بيعلّم بالقلب .. يعني ما بنسى بيضل الواحد يشوف مشاهد الأسى اللي مر فيها

مفرحة ومضحكة هلأ بعد ما نكّدتوا عليي بدي إحكيلكم شي مضحك؟ P: هههه إنسوا

- الموت ،، الحياة ،،النعيم ،، الجحيم ،، الوداع ،، اللقاء ،، الصداقة ،، الخيانة ..ماذا تعني لَكْ؟

الموت : راحة للمسلم وعذاب لغيره // وكمان راحة للي عنده مرض مزمن ومتألم فهو يشتهي الموت ويتمناه وهو يتوقعه في كل لحظة ( وقوع البلاء أهون من انتظاره)

الحياة : مرحلة قصيرة تحدد مصير أبدي أزلي .. فيها السعادة وفيها الشقاء .. لكن عندما نتذكر أنها فانية يخف الألم ..

النعيم : مصير الطائعين .. عدل الله في خلقه .. إثابة بعد طاعة واجتهاد .. ولو لم يكن هناك ثواب وعقاب لما أطاع اللهُ أحداً .. لأن النفس تهوى الميل إلى الأسهل (والجنة حُفّت بالمكاره والمتاعب) يا رب نكون كلنا من أهلها

الجحيم : كمان مصير العُصاة .. وعدل من الله .. عقاب لمن خالف الشرع .. ولولا الجحيم لعصى الناسُ اللهَ أبداً

الوداع : كلمة تمزّق القلب .. ناهيك عن وداع الأحبة في الدنيا وما يسببه من ألم
إلا أن الوجع الأكبر يكمن في توديع الأحباب توديعاُ أبدياً حيث يسرقهم الموت منا .. فهذا الوداع ألم لا يعادله ألم

اللقاء : فرحة لا يسعها القلب .. أمنية المشتاقون .. روح رُدّت إلى الجسد

الصداقة : لا تُعوّض ولا تقدّر بثمن .. الصداقة بالنسبة لي علاقة مقدّسة .. قد يكون الصديق أخ لم تلده أمك .. يفهمك دون أن تتكلم ,, يشعر بك عندما تتألم .. يمسح دمعتك .. يقاسمك فرحتك

الخيانة : طبع دوني .. أقذر صفة عرفها الإنسان .. مرض خبيث ليس بعضوي ولكنه نفسي .. قد يكون نيجة عقدة في وقت الطفولة .. أو بعد ذلك ..

- رُوح في شَباب فلسطين .. تُصغِي إليها باجتهاد و اهتمام ... تطلُب مِن حروفِها المزيد و المزيد..من يكون / تكون؟

والله كثيرون .. كل يوم يدخل إلى قائمة الأحباب أعضاء .. كثر والله
مين بدي عد ولّا مين .. إجمالا الكل بحبهم وغالين على قلبي .. كلهم روح المنتدى .. كل واحد فيهم روح للمنتدى .. إن غاب عن المنتدى ترك فجوة لا يستطيع ملأها سواه

متل ( شهيد ) مثلا .. تارك فراغ كبير وياسين ورعد .. وفي بنات كتـــــــــــــــتار بحبهم .. وبنتظر مشاركاتهم .. إذا بدي أقول أسماهم ما بخلص والله .. وأكيد بيعرفوا حالهم

إلا الحب .. هو الوحيد اللي مش بحاجة للسان حتى يوصل للمحبوبين .. يصل بطريقة المشاعر إلى قلب المُحب مباشرة

- تَوقيع عُضو من آعضاءِ شَباب فلسطين أعجبَكْ ..؟

والله كتار .. هلأ مثلا توقيع محمود المدير أعجبني جدا,, من ننوش .. وتواقيع كتيرة حلوة ..

- مِصباحُ عَلاءِ الدين بين يديَكْ ..إِمسح سطحَه و ابتسم ..و تمنَ شيئاً؟

:)
أتمنى من الله أن يسعدني ويعوّضني الأيام اللي فاتت .. ويسعد الجميع وما شوف حدا حزين ..

وشوف صوفي حتى أعرف مين هالبنت اللي حبيتها ع النت واخدت مكان كبير بالقلب ! .. وبنااات كتـــــــــــــــــــــــــــــتار واللهِ .. كلهم إجمالا .. كمان بدي أعرف هل شخصيتهم في المنتدى تشبه شخصيتهم خارجه؟!

- لديكَ ثلاثة كلمـآت وجههـآ لمَنْ شِئتَ مِنْ الآعضَاء.. ؟

صوفي .. انتي دايما ع البال .. نفسي شوفك .. ما بنساكِ بحياتي لو الزمن فرقنا

نانا مش بحاجة لكلام .. روحي على مدونتي بالصفحة التانية واقرئي ^*

والله اسمعوا شوي .. بدي اخلّص .. تعوا لأقولكم شغلة ..
امل .. دمعة اسى .. بلستسن فلور .. كول جيرل .. بنك روز .. نسمة جزائرية .. اسراء الفلسطينية .. فرفوشة .. ماهيناز .. مرام .. سادنس .. عاشقة فلسطين .. عاشقة غزّة .. سيرين .. انين .. بسملة .. بنت فلسطين المجروحة .. زينة .. كيوتي ساسو بنت اختي .. مين بعد !! ممم والله لسى في كتيـــــــــــــــــر.. اسمحولي أقلكم .. نقشتوا في ذهني وإحتليتوا مكان كبير في القلب .. وانتوا المقصودين فوق .. وقت كتبت بنات كتار

اعتقد في بنات ناسيتها .. سامحوني ها كلكم حبيباتي في الله :)

والشباب : شهيد .. ورعد .. وبلال .. وأسامة .. وياسين .. أبو يقين .. محمود المدير ..

غزيزون على قلبي .. اسعدكم الله

انتهى ^*

[a7la sereen]

أيـــة الحلـوة

متـابعه معـك ، بالاجابات واذا خطر ببالي سؤال بسألك . D:

[~][وحيدة القمر][~]

اهلا وسهلا ومرحبا بالجميع

راجعة أرد إن شاء الله :)

[إسراء الفلسطينية]

حبيبة قلبي أيوووش

لذيذة أجوبتك

متلك تماماً

الله يســعدك ..

وانا كمان بحبك والله ، والك مكانة غالية بقلبي

,,

رآجعة مع أكم سؤال بعدين

[PaLeSt!Ne SouL]

طبعا في شخصيات لا أتحمّلها كالشخصية الباردة اللي جامدين بتصرفاتهم يعني يا لطيف شو مملين !

الله يسعدك ايوش

[أمل]

أيوش نورتي المحل راجعتلك أكيد^^

[~][وحيدة القمر][~]

المشاركة الأصلية كتبت بواسطة دمعة أسى
رجعت :)

احكيلنا عن نانا شوي؟

نانا زميلة الجامعة .. كانت بسنة دراسية غير سنتي .. كان يلفت نظري هدوءها دايماً .. بعدين احتكينا ببعض وصرنا كتير صحاب

ليّنة بطبعها مش عنيدة ,, مش عصبية ( مع انها بتقول انها عصبية لكن ولا مرة شفتها معصبة ولا متخيّلتها معصبة )

محبوبة كتير .. قلبها كبير .. هي من الأشخاص اللي إذا شكيتلهم بيريحوكي .. وبيحفظوا سرّك .. متفهّمة إلى أبعد الحدود ..

قليلة الشكوى .. يعني ممكن تكون متضايقة وما تقول .. اغلب المرات انا اللي بحس عليها زعلانة بدون ما تحكي ..
ما بحب شوفها متضايقة .. بزعل كتير
أحب الخروج معها دائماً ,, مرحة ,, بتحب المزح ..

كل صفات الرّقة والحنية فيها

شغلة بتتمني تلاقيها بشباب فلسطين ؟

والله هو تمام هيك .. فيه حرية الرأي .. مع ذلك فيه تحجيم الكلام بين البنات والشباب .. الكل في قمة الأدب والاحترام

اللي بتمنى الاقيه ..

والله كان نفسي يكون في قسم تربوي بحت .. بحكم تخصصي بتلفت نظري هالأمور

يعني عن المراهقة .. عن البنت بهالعمر كيف تفكيرها والشاب كمان .. كيف تختار زوجها .. كيف يختار عروسته .. شو حقوقها وحقوقه .. واجباتها وواجباته .. هلأ لما يجو الاولاد كيف بتربيهم .. مثلا واحد بيغار من أخوه شو الحل .. التاني فاشل في المدرسة شو الحل
هيك .. قسم اجتماعي تربوي نفسي

لكن لما استشرت نانا قالتلي الأعضاء صبايا صغار

شو بتعني لك هالعبارة ؟
[ رب ْ صدفة خير ُ من ْ ألف ِ ميعآد ]

الصدفة قد تجمع انتين ببعض .. ما كانوا بحياتهم متوقعين انهم يلتقوا مع بعض
هيدي العبارة قلتها لـ صوفي

إنه سبحان الله .. هي ببلد وانا ببلد ,, وفي ملايين المواقع ع النت
صادفت تسجّل هي وانا بنفس الموقع ونلتقي

وهيك صار كمان وقت تعارفي عليكم .. كمان بالصدفة في المنتدى لقيتكم .. مع انه المنتديات كتار

ومثلاً ساعات بالصدفة بتنحل مشكلة معقّدة بعد مية محاولة لحلّها بالعقل

_________

أسئلتك حلوة أسوووم :) ومرورك أحلى أكييد :)

ما ننحرم من تواجدك المتألّق