مـا بعرف لـيـش عملت هـيـك .. !

[أنين]

السلام عليكم

رجعنالكم بمواضيع جديده

موضوعنا اليوم

" مابعرف ليش عملت هيك ! "

اكيد كلنا حكينا هـ الكلمه

سواء نتيجه

لـ كلمه حكينها

او تصرف اتصرفناه

وماكان قصدنا انو نجرح انسان انو نخرب روما بهـ الشغله الي عملناها

يعني

بتكون قاعد انت وصحابك

بتزتلك شي كلمه زي الشسمو

وبعدين بتندم عليها

او انتي بتكون قاعده بين الاهل بتقومي

بتعملي شغله ما كان ئلها داعي

شو رأيك بهـ التصرفات

شو سببها .. هل لازم الواحد منا يراجع حاله ألف مره قبل مايعمل شي

ولا هـ الحكي مش منطقي والدنيا مابتمشي بهـ الطريقه

واحكولنا عن مواقف مريتوا فيها

وسلامتكم

[عاشقة فلسطين..]

موضوعك حلووو كتير أنين
رآجعة

يسلموو

[ابن الخليل]

اممممممممممممم


مرة عصبت لدرجة كبيرة وكسرت باب البيت


بعدين قلت

ليش عملت هيك

والله المستعان

[أســـآمـة]

.

.

عجبـتني الـفكـرة أنيـن :)

يعـطيـكِ الـعافيـة . .

مـآ فـي بـبالـي مـوقـف معـين هالـوقـت . .

إن شـاء الله رآجـع^^

[PaLeSt!Ne SouL]

كنت معصبة كتير و صرخت ع اخي الصغير و ضربته بس لانه حكى معي

كنت معصبة من شئ و كان اول متنفس الي

و ما لقيت غيره لاطلع غضبي فيه

بس صرت ابكي معه :(

[إيمـان]

ليـش عملــت هيــك ....؟

قبـل يوميــن كنا عم نتناقش في موضوع عنجد نرفزني وحده سعوديــه بتحكي الرسول سعودي

فاحكيت كم كلمه قويه جرحتها حسيت بعد شوي اجريت شفط بوستين ورضيتها

بس عنجد حكيت ليش عملت هيك الله يهدينا :(

[.:.!دموع الرحيل!.:.]

.

/


كتير صارت معـي

وأكيد حتضل تصير ..

.

.

انا لمآ عصّب .. ممكن اتهوّر بالحكي

واحكي حكي ما من قلبي

ودايق ناس غاليين عليي

..

وفجأة كأني بصحى .. وبكتشف

إني خربت الدنيآ ..

بس هالدنيآ نفسهآ ,, هي الي بتكون

طلعـت الواحد ع طوره ..

يعني طبيعي الانسـان

يتصرف تصرفآت هو مآ رضيآن عنها

بدون قصد .. وبدون دراية كامله

..

بس هالشي ما معنآهآ أنه مآ نحاول قدر الامكـان

نتجنب هيك مواقف

بتحطتنا نحن بالدرجة الاولى بمواقف ما حلوة

والناس التانيين .. والي بنحبهم ..!

بس .. سبحـان الله ،، هالشي مستحيل يكون 100%

وإلا لكنّآ ريبوت .. بيمشي عكـبسآت الزرآر ..

بالخطوة .. والأرقام !

سبحـان الله!

..

اللهم كمآ حسنت خلقَنآ .. فـ حسّن خُلُقنآ

..

ما ننحرم أنينو :)

[عزة نفسي]

لشرح الموضوع لي طرحتيه مش بحاجة انو نذكر موقف معين حصل

لكن مفهوم موضوعك بتعلق باي تصرف بتصرفو اي انسان احيانا بدون وعي او حتى بكون بحالة عصبية او فاقد السيطرة على نفسو

بهالحالة عصبيتو او حالة اللاوعي ما بتخليه تدرك الصواب او الخطأ باللحضة لي هو ارتكب الخطأ

الا انو بعد ما يهدى ويرجع لصوابو بستدرك انو اخطا فبحكي ليش عملت هيك

اشكرك على الطرح المميز

[shereey]

الانسان منا لما يعصب ما بيعرف شو بيحكي او شو بيعمل،أحيانا ممكن تسيطري على حالك في بعض مواقف
لكن مواقف تانيه عبثاا ما بتقدر!، وبنخطأ سواء بكلمه او فعل
بس أنا ما بحكي ما بعرف ليش هيك عملت ! ،، أنا بحكي: " يا الله ليش هيك عملت" في فرق :)
هاي الحركه لتبتسمو مو اكتر:)
تحياتي لصاحبه الموضوع وللمشاركين

[haya-jor]

اخ من العصبيه والتسرع والتهور ...
الشخص لما ما يمتلك غضبو وما يقدر يحتوي الموقف .... رح يكون في ندم كبير على اي تصرف او اي كلمه
وكثير انا خسرت ناس بسبب العصبيه والكلام الي بطلع مني مع انو انا نفسي ما بتذكروا بعد ما تخلص المشكله
والمأساه الاكبر انو بتطور معي الامور من كلام ولسان طويل لشغلات اكبر يعني ممكن اكسر الدنيا
وهاد عيب وغلط كبير ما في حدا بتحمل ولا بنسى الكلام .. فا الانسان لازم يكون عنده كنترول على اعصابه وعلى تصرفاته
لانه اصعب شي انك تكسر بخاطر حد ...

شكرا انين على هالموضوع الرائع .. ويعطيكي الف عافيه وما يحرمنا منك يا الغاليه