مهلا … مهلا … يا من تفرحون لكأس العالم في قطر ؟؟!!!

[~][وحيدة القمر][~]

لو سمحتم .. خلّوا النقاش بشكل حضاري

إحترام الرأي الآخر من ( آداب الاختلاف )

نرجو الالتزام بحدود الموضوع المطروح .. وحدود الأدب في الكلام

[haya-jor]

انا برأي انو الموضوع تشتت جدا ...
البعض بشوف المشكله في استضافة قطر لكأس العالم بحد ذاتها .. يعني من خلال كلام الاخ ابو جهاد انه عندو اعتراض على الوضع الي ممكن يكون هناك وعلى انفاق ر للملاين على هالمشروع ...
والبعض الاخر معترض على فرحه الشعب القطري بالاخص او العربي بشكل عام يعني بشوفو انو فيها مبلاغه ...

طيب لو قطر انفقة الملاين على شيئ ايجابياته اكثر من سلبياته وين الغلط ووين المشكله ... هاذا الحدث اوكي بعد 11 سنه بس رح يكون فيه فايده رهيبه للمنطقه كامله رح ينعش اقتصاد البلد رقم واحد .. رح يرتفع اسمها يعني الي مابيعرفها رح يصير يعرفها ... انا لما كنت اسافر لبره لما يسألوني من وين واقلهم ما حدا بعرف بلد في العرب غير السعوديه او دبي !!! ما حدا بعرف اي بلد ثاني
والسعوديه لأنو بلد ارهابيه برأيهم ودبي لأنها بلد ......... عشان هيك معروفين
يعني قطر خلت الك ولأبنك ولولاد ولادك شي يفتخروا فيه لما يحكوا احنا عرب ... اه العرب بطل عندهم علم بطل عندهم الدين الصحيح بطل عندهم ثقافه بطل عندهم حضاره !! فا لما يكون في انجاز رياضي ممكن يتفرع منو انجازات اخرى فا ليش لأ ؟؟؟

فا قطر كا بلد منهجها صح بتفكر بالتطوير والاعمار والسمو بكل المجلات .. قطر بتختلف كثير عن دبي ياابو جهاد .. قطر فيها مدينة تعلميه بتحتوي على النخبه من كل الجمعات لكبيره .. فيها جامعة واينل كورنيل للطب وهاي الجامعه الام للطب في امريكا وفيها جامعة تكساس وجامعة كارنجي ملون وفيها جامعة فرجينيا وفيها وفيها ... هادي الجمعات ما بحياااتنا حلمنا تكون ي وطن عربي
فيها المتحف الاسلامي .. فيها اكبر مركز للتعريف بالاسلام ...
وما زلت لما ادخل قطر بشوف مباني عملاقه ولما اسأل هاد للثقافه وهاد اكبر مسجد وهاد هاد وهاد
المووضوع مش بس اعتراض ولا بس نبين انو قطر غلط ولا صح ... جنوب افريقا من افقر الدول واستضافو كأس العالم ورجع عليهم بأجابيااات رهيبه يعني وين السلبيات الي عانت منها البلد حد يقلي ... بلد فقير وقدر ينظم كأس العالم
وبالنسبه لأنو قطر فازت قدام امريكا واستراليا ... يكون بالعالم انو ملف قطر اقوى ملف والشيئ لوحيد إلا كان معلق الملف هو خوف اسرائيل من اللعب في قطر إلي ابصر بعد 11 سنه يلعبو ولا لأ ... ولي شاف تقديم الملف ما اعتقد يقدر يحكي كلمة وحده عن مأساة الشعب الفلسطيني وعدم الاحساس به ... لأنو برغم من كل شيئ إلا كان الاهتمام واضح من قبل الشيخه موزه ... والعراقي الي مشارك معهم في الملف وطلع تكلم وقال قصته وانو فقد والده في الحرب !!!! ايش بدكم اكثر من هيك
يعني كثر الله خيرهم الجماعه ... بكسروا وبجيبروا مش مثل غيرهم ...
اما بالنسبه للفرحه .. وانو في بعض مثل لخرفااان والخ الخ الخ
طيب شو المطلوب يا اخ ابو جهاد نتابع كأس المجاهدين وعدم الفرحه ؟؟
تكون ردة فعلنا (( اها اوكي قطر اخذتها )
وما نفرح ؟؟؟ يعني لو هذا المطلوب
فا بس بدي افهم شو المبرر
يعني مثلا لو في اي شي مباراة بين مصر والجزائر .. لا لحضه اوكي افرح بس لا تنسى انو في شعب بموت والخ الخ
لو انت مثلا ابو جهاد لو كان في اي مناسبه للأردن او فلسطين او الخ الخ الخ لا تفرح كثير لأنو تذكر انو في ناس بتموت والخ
يعني الواحد حتى يستكثر على نفسوو الفرحه ليش ؟؟ هي بس نكايه انو قطر دوله خليجيه اخذتها !!

والله بالاخر بحب اكي كلمة وحده صحيح انو انا اردنيه وطول عمري بتفخر بهاد الشي بس ولله بلدي ما عمرها عملت انجاز مثل دولة قطر إلي خلتني افتخر اني عربيه وانو هالبلد بنتمي إلها بعروبيتي واسلامي

[haya-jor]

المشاركة الأصلية كتبت بواسطة ابن الخليل ياريت انتي و زيد تفهموا قصدي هلقيت مش دول الخليج الاوضاع الاخلاقية فيها زي دبي و غيرها مش فيها جنسيات ملايانة روس وفليبينيين وغيرهم ومسموح الهم يعملو الي بدهم اياه انا الي قرايب هناك وبحكوالي كل القصص

وانا ما بنكر انو اهل اقطر من انظف الناس واحسنهم يا جماعة انا مش قصدي الشعب القطري الشعب القطري شعب مسلم ونسئل الله الهداية لكل افراده انا بوصف وضع ونظام قائم استوعبوا

قلتلك انت مش مفرق بين قطر ودبي .. اول شي ال روس هدول شغل دبي
وثاني شي مش كل واحد بعمل الي بدو ياااه في قطر في رقم تتصصل عليه لو لقيت اي شي مخل للأخلاق ووالله بجد قدام يعوني اجو شالو كم فلبنيه ... طيب في الاردن او مصرمثلا او اي بلد عربي في حد بيجي يشحط هالمناظر هاي ... روح جامعتنا وبس الباقي عندك

هي بالاخر بلد متفتح وفيها مقمين من بلاد بره كثير فا طبيعي تلاقي في تفتح في المجتمع لكن كل شي الو اصلو .. في المجمعات بقطر معلقين لائحات بعدم لبس اي لباس غير محتشم ... في ايام للعئلات قفط واشكال الزباله ما بتقدر تفوت وتأذي اي شخص بمناظرهم .. طيب تعال شووف بلدنا الي ما فيها روس ولا فلبنين كيف المطاعم او الجمعات او المجمعاات ...

انا بعرف انو مو قصدك على الشعب القطري .. بس صدقني انت بتوخد الكلام وبتمشي عليه ... لو رحت قطر او رحت دبي طبعا رح تشووف الفرق بين الثنتين دبي اصلن تجارتها قائمه على الروسيات .. يا زلمه روح امشي بدبي ما ببتلاقي شخص عربي كلهم اجانب وكل قرف وقلة ادب ...ورح تشوف قطر كيف ... كا نظام بحاول يكافح هالامور وبنفس الوقت بحاول يكون بلد متطور ومنفح ... يعني في توازن بالامور ..

[حسام المصرى]

المشاركة الأصلية كتبت بواسطة haya-jor جنوب افريقا من افقر الدول واستضافو كأس العالم ورجع عليهم بأجابيااات رهيبه يعني وين السلبيات الي عانت منها البلد حد يقلي ... بلد فقير وقدر ينظم كأس العالم

بجد الجملة دى استغربت منها أوى ..

يا آنسة جنوب أفريقيا هى أكثر الدول الأفريقية تقدما واغناها .. هى رقم 1 قى أفريقيا .. من حيث الاقتصاد والامكنايات الرهيبة .. والدليل هو تنظيمهم كأس العالم .. والامكانيات الرهيبة اللى ورتها للعالم ..

لا اعرف مصدرك لهذه المعلومة الغريبة ..

[.. ليآل ~]

مممممممم

ليش بطلنا نعرف نفرح ؟؟

بصراحه انا كتير فرحت

والايجابيات الي حتعود علينا من هيك حدث حتخلينا مانحكي عن السلبيات

قطر دولة عربيه شقيقة

ووئفت معنا بحزننا

اقل واجب نشاركهم فرحتهم

بس نحنا العرب للأسف لسه عنا عصبيه جاهلية

وبجد الله يكون بعونا من هون للـ 2022 شو راح تطلع مقالات تسم بدنا

ماعلينا ’’’

الف مبروك لقطر ،، والله يحينا لهداك الوئت يارب

ان شاء الله تكون دوره ناجحه بكل المقاييس وعلى جميع الأصعده

//

شكراً خيو على نقل المقال

عوافي

[حسام المصرى]

مشاركة خارج نطاق الموضوع

يرجى الالتزام بفحواه

_الإدارة _

[أنين]

مغلق لمراجعه الردود