نكت جامدة جدااااااااااااااااااا

[غيورة على وطنها]

انا جبتلكم شوية نكت ياريت تعجبكم بس اعتذر مقدما للمصريين

و هي النكت جاتني من صديقة مصرية


الرئيس حسني مبارك بالطيارة قرر يرمي 100 جنيه
يفرح بها عائلة مصرية
قالت زوجته: خليهم خمسينتين وفرح عايلتين
قال ابنه: خليهم 25 وفرح أربع عوايل
قال كابتن الطيارة: يا عم أرم نفسك وفرح 70 مليون مصري.
------------------------------------------------------------------
علاء مبارك شارك في من سيربح المليون ......
وصل لآخر سؤال، السؤال: من هو أكبر حرامي في مصر ؟
طلب مساعدة صديق واتصل بأخوه جمال وقاله السؤال
رد عليه أخوه: انسحب باللي كسبتوا وما تخسرش أبوك!!

------------= ------------------------------------------------

مره حسنى مبارك راح مدرسه ابتدائى فلما جت فتره الاسئله ولد رفع ايده
مبارك ساله اسمك ايه فقاله رامى فقاله ايه سؤالك يا رامى ؟
رامى : انا عندى اربع أسئلة

1. ليه انت رئيس بقالك 25 سنه ؟

2. لسه معينتش نائب ؟

3. ليه ولادك ماسكين كل حاجه فى البلد ؟

4. ليه مصر حالتها الاقتصاديه زفت و انت مبتعملش حاجه؟


ساعتها بالضبط رن جرس الراحه وبعد الراحه رجع مبارك وقال احنا كنا فين بقى؟
مين عنده سؤال؟
ولد صغير تانى رفع ايده فمبارك سأله اسمك ايه قاله تامر فقاله سؤالك ايه يا تامر ؟
تامر : انا عندى 6 اسئله

1. ليه انت رئيس بقالك 25 سنه ؟

2. لسه معينتش نائب ؟

3. ليه ولادك ماسكين كل حاجه فى البلد ؟

4. ليه مصر حالتها الاقتصاديه زفت و انت مبتعملش حاجه ؟

5. ليه جرس الراحه رن ربع ساعه بدري ؟

6.. وبعدين فين رامى ؟؟؟؟؟؟ !!!!!


--------------------------------------------------------------------------------------------------------

مبارك : عارف يا ابليس ياخويا, انا عاوز اعمل في الشعب المصري حركه تطلع من نافوخهم
أبليس : طب هات ودنك وخد الفكره دي .....وش وش وش وش
مبارك : لالا يا ابليس الفكره دي مش نافعه , عاوز حاجه أشد
أبليس : طب خد دي ...... وش وش وش وش
مبارك : لالا , برضه مش نافعه , ايه يا ابليس انت بقيت خرع كده ليه , هات بقه ودنك وانا اقولك انا نويت اعمل فيهم ايه
وش وش وش وش وش
ابليس : لا يا راجل حرام عليك

-------------------------------------------------------------

واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله : الرئيس حسنى مبارك خطفوه و الفدية 5 مليون $ دولار
و لو الفدية ماتدفعتش .. الخاطفين هددوا يدلقوا عليه بنزين و يولعوا فيه
و احنا بنجمع تبرعات .. تحب تشارك ؟
الرجل سأل : " و في المتوسط الناس بتتبرع بكام"
الرجل الثاني : " من 5 الى 10 لتر بنزين .


---------------------------------------------------------------------------------------------------

مرة سيادة الريس مد إيده في جيبه لقي 5 مليون جنيه !!
فزعل قوي وخاف وقال: إيه الفلوس دي الفلوس دي حرام؟
فسأل أحد مساعديه فدله على طريق الشيخ طنطاوي
رئيس الأزهر الفاضل وقال له: اسأل الشيخ وهو يقول لك الحل .
ما كدبش خبر وجري على طنطاوي وحكا له القصة فرد:
5 مليون بس .. إيه النزاهة دي؟
دي بسيطة خالص يا ريس ما تزعلش نفسك؟
كل اللي هتعمله حتروح تمشي بالأحياء الفقيره ، كل ما تمشي 1 كيلو تتبرع بألف جنيه عن كل مليون جنيه وخلاص .
الريس راح يمشي ، وهو بيمشي قام لقي عمنا صفوت الشريف بيمشي بنفس المكان فقال له : أنت بتعمل إيه هنا؟ أنت حتمشي كام؟

صفوت قاله 78 كيلو يا ريس.
الريس: يخرب بيتك؟ ده أنت خربت البلد !!
صفوت: أنت جاي علي أنا وتحاسبني؟ روح شوف علاء ابنك جايب موتوسيكل وبقاله 3 أيام بيمشي فيه


----------------------------------------------------------------------------------------------------


كان حسني مبارك فى سرير المرض حينما أخذ يلقى بوصاياه الأخيرة لوزيره احمد نظيف :
- وصيتك الحكم من بعدى يا احمد ...
- فى رقبتى يا ريس .. كله تمام والسلطة هياخدها جمال ...
- ثم راح فى غيبوبة .. أفاق منها بعد قليل ...
- وصيتك الشعب من بعدى يا احمد .
- ما تخافش يا ريس .. الشعب ياكل الزلط ...
- ثم راح فى غيبوبة .. أفاق منها بعد قليل ...
- احمد ...
- نعم يا ريس؟
- بس ماتنساش .. توكيل الزلط لعلاء


-----------------------------------------------------------------------------------------------------


------------------------------------------------------------------------

بيقولك واحد تانى لقى الفانوس السحرى ودعكه طلعله العفريت
و قالــــــه: شبيك لبيك تطلب أيه ؟
قاله الراجل : أنا عايز كوبرى بين القاهره و أسوان
العفريت قاله : دى صعبه قوى .. نقى حاجه تانيه
الراجل قاله : خلاص خلى حسنى مبارك يسيب الحكم
العفريت قاله : أنت عايز الكوبرى رايح جاى ولا رايح بس
------------ ---- --------- --------- --------- --------- --------- --------- -------------

بيقولك جورج بوش قبل الانتخابات اتصل بمبارك و قاله عاوزك تبعتلي شوية ناس من عندك عشان يسيحولي في الانتخابات و اكسبها في الآخر
راح باعتله شوية من أعضاء الحزب الوطني و بعديها بكام يوم لقى جورج بوش قام متصل بيه و قاله لله يخر بيتك و قام قافل السكة في وشه و بعديها بشوية لقى كونداليزا رايس بتتصل بيه و بتقوله الله يخرب بـيتك و قفلت السكة في وشه و بعديها بيل كلينتون اتصل و قاله لله يخربيتك و قفل السكة في وشه برضه
الراجل هيـتـجنن و بيقول هوا فيه إيه
شوية كمان لقى بتوع الحزب الوطني بيتصلو بيه من امريكا و بيقولوا مبروك يا ريس انتا كسبت الانتخابات الأمريكية

------------ --------- --------- ------------------ --------- --------- --------- ---------



مرة واحد مسيحي راح للريس,
قاله يا ريس هو ممكن واحد مسيحي يبقى رئيس جمهورية؟
قاله و لا مسلم يا روح امك

------------ --------- --------- --------- --------- --------- --------- --------- --------- ----

انجازات حكام مصر
نجح السيد الرئيس عبد الناصر فى اخراج الانجليز من مصر

وقد نجح السيد الرئيس محمد انور السادات فى اخراج اليهود من مصر

وقد نجح السيد الرئيس محمد حسنى مبارك اطال الله فى عمره في اخراج المصرين من مصر
وفقه الله ومنحة الصحـة والخير واليمن والبركات



و انا اعتذر من حد ازعجتوا النكت