كلمة شكرا

[وردة المحبه]

مرحبا حبيت اطرح عليكم هل موضوع وفكرت الموضوع كتير بسيطة وبتمني تعجبكم والي بوافق على الموضوع بقول انا موافق ومعكم في هذا الموضوع وهو عبارة عن كلمة شكرا كل واحد بقرا موضوع عجبوا أو ما عجبوا يكتب كلمة شكر حتي يحس صحاب الموضوع انو تعبوا ما راح على الفاضي وحتى نشجعوا على كتابة الموضوع ونزيد التواصل بينا ونخلي المنتدى ديما افضل وديما في جو وما نمل ونشجع الكل على طرح وحتى نستفيد ونفيد وهاد هو الموضوع ومتل ما قلت لموافق على الموضوع يحكي انو موافق ولمعارض للموضوع بنحترم رايو والكل واحد رايو والموافق على الموضوع يبدا بنفسو كل موضوع بقرؤا يرد عليه لو بكلمة شكر ونبدا بانفسنا عشان تنجح الفكره
دمتم بكل ود:

[إسلام]

شكرا

[الفتاة المشرقة]

اولا اهلا وسهلا فيكِ اختي

مو فاهمتك كتير

هالموضوع شو سببو؟؟

يعني بدك نرد ع المواضيع التانيه .. ولو بشكر

[~][وحيدة القمر][~]

مو فاهمتك كتير

هالموضوع شو سببو؟؟

يعني بدك نرد ع المواضيع التانيه .. ولو بشكر

وانا متل ما قالت الفتاة المشرقة

ما فهمت منيح

بس إذا قصدك إنو الرد على المواضيع التانية بشكرا .. حتى لو ما عجبنا .. فأنا رح أقولك رأيي بما انك قلتي

ولمعارض للموضوع بنحترم رايو والكل واحد رايو

عن نفسي .. بشكره .. ما في خلاف بالنسبة لهالنقطة وبقوله يعطيك ألف عافية كمان .. لكن مع ذلك بقوله الفكرة الفلانية أنا ضدّك فيها لسبب كذا وكذا وكذا ..

وإلا كيف بدها تتم الفائدة إن سكتنا عن شي نحنا ضدده .. يعني يمكن يكون الحق مع المنتقد مش مع الكاتب

ويمكن يكون في أمر باطل بالموضوع ما فينا نسكت عنه .. ما بعرف إذا هيك قصدتي أو أنك معي أم ضدّي ^^

طرحك للموضوع فكرة حلوة فينا نعتبره موضوع مهم للنقاش .. بالفعل هل يا ترى إذا ما عجبني الموضوع بينفع أقول شكرا بس؟ أو أن أبدي رأيي أفضل لي وللكاتب والقارئ أيضا !! .. يعطيكي العافية حبيبتي ~

[§عاشقة غزة§]

طبعا الشكر واجب غاليتي
حتى لو اختلفنا في الرأي عن فكرة الموضوع
طبعا لكل واحد رايه مع احترام راي الاخرين
لكن في نقطة بدي اشير الها
احيانا تكثر المواضيع بقسم واحد
وبهيك العضو ما يقدر يمر على كل المواضيع
وفي اقسام ثانية كمان الها علينا حق
وكل عضو وضروفه واحبانا ما يقدر يمر على كل المواضيع المطروحة
وشكرا لك غاليتي

[قسامي غزة]

محتوي الموضوع شوية غامض
بس أظن انوا قصدها
انوا نشكور الاعضاء علي مواضيعهم حتي نشجعهم
ونرتقي بمنتدانا ويكون فيه نشاط أكتر
وهاد كلام سليم 100 %

[حسام المصرى]

شكرا

[لالا-فلسطين 48]

مراحب..


أنا لا أؤيد هذه الفكرة بشكل مطلق..

فمن الواجب علينا البث في كل حالة، وتوزينها ان كان ما تدعينه بالفعل مناسب أم عكس ذلك..

أوافق ما تدعية "وحيدة كالقمر" في عدم موافقتي دائما على ما يُطرح في المواضيع..

ولكني أرمي إلى أبعد من ذلك..

فهنالك موضوعات بالفعل لا تحتمل كلمة شكر..

هنالك موضوعات إن لم يتم التعمق والتمعن في تفاصيلها فالاجدر بنا أن نمر بصمت ولا حتى التلفظ بالشكر، في حالة أن لم يكن لدينا تعليق أو أن الموضوع ليس في نطاق اهتماماتنا..

لان التوقعات ان تكون الردود ذات عمق وبعد أكبر من كلمة شكر مسطحة.. وعندما تمتلء الردود بكلمات الشكر، بالنسبة لي هذا بحد ذاته عدم تقدير الموضوع ومنحه الاهمية التي يجدر بنا منحه إياها....


هذا الوضع صحيح بشكل خاص في موضوعات النقاش والقضايا الشائكة التي تستحق الوقوف مطولا عليها..

كما واني لا اتصور من عضو اعد موضوع للنقاش أن ينتظر "شكرا" لجهوده بقدر ما ينتظر استقبال وجهات نظر وتعليقات بمعنى تقدير على ما تم طرحه...

وان لم تتوفر الاخيرة لفترة معينة "منعملش معروف" اذا قمنا بالرد بــِ "شكرا ويعطيك العافية..."..



وبالنهاية، يجب أن تتوفر لدينا نوعا من المرونة ووزن الرأي..

فيما اذا تصح بالفعل كلمات الشكر وحدها في موقف معين..

وما تعنيه كلمة شكر في موقف آخر..


فبنظري لا يمكننا في جميع المواقف حصر معنى ودلالات "شكرا" في غرض الامتنان لصاحب الموضوع وتقدير جهوده..

بل علينا أن نكون أكثر عمقا في الابعاد المخفية المنعكسة في نفوسنا نتيجة هذه الكلمة!


بالفعل موضوع يستحق النقاش.. وانا شخصيا هذه من وجهة نظري...



وشكرا لك وردة المحبة على لفتك..
لالا-فلسطين 48.

[دمع المطر]

شكرا بالعربي وثانكس بالانجليزي

[وردة المحبه]

مشكورين على مروركم وانا قصدي انو تردو على مواضيع الاعضاء مو على هادى الموضوع اي موضوع نرد عليه لو بشكر اذا ما عجبنا الموضوع نحكي راينا بصراحه انو مو عجبنا ونحكي شو هو الي مو عجبنا فيه وهادا بحد ذاته يعتبر رد واعطاء للموضوع قسمته والواحد بحس انو لقي نتجة تعبه والمعارضه اشي اساسي هيك قصدي بتمنى تفهمني واذا ما فهمت قصدي انا جاهزة لتوضيح وشكر على مروركم جميعا يا اخت لالا بحب اقلك كلمة شكر اكيد راح تفرح العضو وكلمة شكر مو سطحيه متل ما بتقلي كلمة شكر بلحقها كلام كتير وانا بقصد والهدف رئيسي انا لما ندخل على موضوع ونقرؤ بدل ما نطلع بدون رد نرد بكلمة شكر عشان المنتدى ما ينام وعشان ننعش الجو واذا الموضوع بطلب عمق ونقاش ناقش واذا ما بضمن نشكر الكاتب لانو تعب واكيد بنتظر ردة فعل هتعب واذا الواحد اتعود يشكر على كل موضوع بقراه اكيد راح يتعود على شكر ويتعود على نقاش قصة هل الموضوع يستحق نقاش او عدم نقاش المعارضه او الموافقه لكل واحد رايو وفي ناس كتير ما بحب يخوضو بنقاشات ويتعمقو فهدول بنقلهم لو قلتو كلمة شكر بتكفي منك والها معاني كتير بتمنى تكونوا فهمتو قصدي مزبوط واذا ما فهمتو مستعده اوضح