ّ::..نقاش:: الضرائب التي تفرضها حكومة غزة :: شرعيتها ..واقعيها ::

[الفلسـطيني]

دمــع ـة اسى
عودي باطلالة رايك
دمتي
::::::

[عاشقة فلسطين..]

رأيي من العدل انه تكون الضرائب نسبية حسب مدخول الافراد ..

لي عودة أخي الفاضل..

[قسامي غزة]

يعطيك العافية أخي الفلسطيني
موضوع فيه كثير من الإختلافات
أنا من رأيي إنوا الضرائب هاد حق الدولة
بس الضرائب تكون معقولة شوية
يعني أنا مش شايف أي مشكلة بضرائب علي السجائر
حتي لو تصير العليبة ب 50 شيكل بكون أحسن
خلي المدخنيين يقللوا التدخين هههههههه
وأنا مع فرض الضرائب بس تكون بالمعقوووول
وضريبة السولار طبيعية جداً
وأنا مش شايف ضرائب بكم كبير
بس الناس دائمة التذمر والشكوي
ويعطيك العافية علي موضوعك
ومتابع معكم

[.:.!دموع الرحيل!.:.]

ما بعرف طبيعة الضرائب المفروضة بقطاع غزة ,,,

أنآ معهآ طالما هيه ضمن حدود المعقول

وطالما هيه عمبتعود بالنفع على المواطنين ..

وأكيد مستحيل بلد بدون ضرائب !

لكن الأهم انه يتم مرآعآة الحالات المادية لكل مواطن

وما أظن حكومة ابو العبد تغفل عن هيك شي ..

نسأل الله أن يلهمهم ما فيه الصواب ..

بس في شغله الحقيقة

بتعرف من موضوعك عرفت

أنه انفرضت الضرائب على بضائع تانية غير الدخـان ؟!

قامت الدنيا وقعدت .. مشـان الضريبة على الدخـان لدرجة اني فكرت

انه ما في ضريبة إلا على الدخـان !

واحتار مين بدو يصطاد بالمي العكرة ويحكي ...

الي كانو يحرمو الدخـان مبارح صارو يعتاشو منهآ

لأن القلوب السوداء ما فرجتهم إلا الأسود في كل شيء ..

وتناست انه الحكومة بهيك خطـوة

عمبتحاول تقلل من هالوباء المتفشي بهالطريقة ..

المهم ..

الضريبة أمر طبيعي .. بس المهم ما يتخطى المعقول

ويعـود بالنفع المطلوب على البلد وأهله ..

ربنا يلهمهم الي فيه الخير

بارك الله فيك أخـي

[أبومجاهد]

يا عمي نص الكلام للي منتشر في البلد نصب في نصب

مرة بقلك للي بدو يروح ع مستشفى الشفاء بدفع 2 شيكل ضريبة

والحين مطلعين كمان للي بدو يروح ع البحر ،،

والله نار هههههههههههههههه

مش كل شي بنسمعو بنصدقو

بس بنفس الوقت في ضرائب انفرضت جديد

ونسبتها معقولة بعض الشئ يعني مش مبالغ فيها زي ما الكل بتصور

لكن الكل بعرف انو في هجمة مسعورة على الحكومة في نشر الاشاعات والاكاذيب المبالغ فيها

ولو تيجي تقارن الضرائب للي بتفرضها حكومة غزة

بالنسبة للضرائب للي بتفرضها حكومة رام الله ستجد فروق كبيرة

يعطيك العافيـــة

^^

[الفلسـطيني]

نبدا من البداية
طرحت الاخت عاشقة نقطة ان تكون الضرائب نسبية
هذا جميل
لكن هل بالفعل الضرائب نسبية
يعني محل ربحه من 800 ل 1200 شهريا يحطو عليه ضريبة نسبية 1000
مش منطق ولا توزيع نسبي
طبعا هادا مجرد مثال

لكن ما ننسى انه حكومة غزة محتاجة للدعم المادي لانه بعيدا عنالامور السياسية هيا قامت بعملية بناء تحتي جبارة
رصفت شوارع باتت مغلقة من زمن غيره وغيره
لكن.....

[الفلسـطيني]

اخي قسام غزة
بيطلعلك تحكي منتو مع الحكومة:p:p
بمزح اخي نور الموضوع
طبعا ضريبة الدخان هادي بتجيب مصدر دخل كبيير للحكومة
لانه نسبة المدخنين ما شاء الله
لو كان الهدف انه الناس تخففها
تعال اتذكر معي لما وصلت حق السيجارة الواحدة نفل 2 شيكل او اكتر
اما بالنسبة لضرائب الممحروقات فهي طبيعية وقد لا تكون كذلك لكن ما في صوت عنها لانه احنا زمان كان عن اللتر باكثر من ضعف الثمن فيمكن هادا خلى الناس مش كتير متطلعة لزيادة السعر في المحروقات
دمت اخي
في حدا بطل ؟
الي ما معو ياكل كانت يتداين السيجارة وينذل عشانها
فانا اشك بقدرتهم على حد الناس من التخدين
وامر اخر الدخان حرام وهادا متفق عليه
فكيف الحكومة تاخد ربح من ورا اشي حرام

[الفلسـطيني]

اختي دموع الرحيل اشرقتي برايك لكن ادعوكي بكل احترام ان تقراي ردودي على الاخوة فهي تتناول نقاشي معك حول الموضوع وردي على رايك الفاضل ولنتحاور كما تريدين

[الفلسـطيني]

اخي ابو مجاهد
طرحك رائع كما انت
نقطة مميزة انه كتير من المواضيع بتكون اشاعات
والي بيجري وراها بس بيكون مستني غلطة
لكن لا تستطيع ان تقارن بين حكومة غزة وحكومة رام الله
لانه وضع غزة غير عن رام الله المادي
وايضا حكومة غزة اسلامية يعني المفروض تطبق الشريعة
الضرائب غير واردة في شريعتنا حتى وان كانت الدولة في امس الحاجة
وكما قلت لالاخ قسامي غزة كيف تاخد الحكومة ضريبة على السجائر التي هي بالاصل حرام

دمت اخي مجاهد وفي انتظار مناقشتك

[نور الهدى]

كيف يعني الضرائب غير واردة في الشريعة الاسلامية ؟؟

ما في شي بمنع انه تكون في ضرائب نسبية ..

//

حتى يكون لانظام الاقتصادي اسلامي يجب انه يكون في تغيير جذري في المجتمع .. و مش هاد اللي حاصل اصلا ..

في عندك ناس بتعطي الزكاة و ناس لأ .. ليش لانه الفكر مش موحد

بعدين مال الزكاة اله وظيفة خاصة .. مش رح يستعمل في المصاريف العامة ..

و مش كل الناس بيبلغ مالهم النصاب .. شو يعني ؟؟ مش رح يدفعوا ضريبة ؟؟

أكيد لازم يساهموا .. لكن حسب مدخولهم

العصر تغير و الانظمة كمان .. و نحن في فترة انتقال بين فكر و فكر آخر .. فالشغلة مش رح تتغير بين ليلة و ضحاها ..