لمحبي لغة الضآد .. أعــرب ما يلـي ~

[لالا-فلسطين 48]

المشاركة الأصلية كتبت بواسطة ليـــــــــــــال موضوع روعه بس لحزة

|:

وآآآآآع

شكلي نسيت الإعراب :shababsmile223:

كنت فايته الطم متل لالا فلسطين لما شفت إعراب ماهيناز :shababsmile223:

بس الله سترني من الفضيحه ^,^:shababsmile221:

::

بتصور إعراب النساء بيكون خبر

وأي الاستفهاميه مرفوعة بالإبتداء

محاوله وبس:shababsmile250:

ليال...

وحياتك طمنتيني..

وضعي منيح، لقي حدا زيي!!!!!!!


بس الله سترك من الفضيحة اه؟!

اكيد رح يسترك مهي الدقة اجت فيي انا، انت شو طالك منها!

اما بالنسبة لاعرابك، أي صح انها مبتدأ مرفوع بس النساء زي ما حكت زهرة مضاف اليه لانو كل اشي بعد أي بيجي مضاف اليه. وخيرُ هي الخبر المرفوع!



موضوع زي هاد منيح ليكشف فضايحنا!

(الله يسامحك شهيد..!)




ماهيناز...

ازا علانتحار انا لغة الضاد زمااااااااااااااااااااااااااااااان انتحرت وخلصت على إيديِّ...!!!!!




زهرة...

الاعراب صح، لانو زي ما تعلمنا بكورسات الاعراب، انو كل اشي بيجي بعد أيّ مضاف اليه!

(هاي متزكرها منيح ومتأكدة منها كمان!)





يللا شباب حدا يتبرع ويحط جملة جديدة، لتكتمل الفضايح!

[الفتاة المشرقة]

: )

بالتوفيق

[زهرة الحياة الدنيا]

المشاركة الأصلية كتبت بواسطة ليـــــــــــــال بتصور إعراب النساء بيكون خبر

وأي الاستفهاميه مرفوعة بالإبتداء

محاوله وبس

لا

أي: خبر مقدم (اجت خبر مش مبتدأ لأنو اجا بعدها اسم موقعه من الاعراب مبتدأ اللي هو "خير"

وكمان مستحيل تكون النساء خبر لأنو الجملة ما بتكتمل من حيث المعنى

يعني لما نقول "أي النساء" مالهن؟؟ في اشي ناقص عشان هيك اجت كلمة "خير"

ومثل ما قالت هديل بعد "أي" دائما بيجي مضاف اليه

ويمكن كمان تعرفي اعراب الكلمة عن طريق الجواب على السؤال

يعني الجواب لسؤال "أي النساء خير؟"

بكون: "خيرُ النساءِ التي تسره اذا نظر....."

واعراب النساء بالجواب بكون "مضاف اليه مجرور" وهيك نفس الشي بكون بالسؤال اعراب.

واعراب "اي النساء خير" هو:

اي: خبر مقدم وهو مضاف

النساء: مضاف اليه مجرور

خير: مبتدأ مؤخر

[مدريدية]

اوك الي بعرف يعرب هاي الجملة بكون عبقري

"ليس الله بظلام للعبيد"

اجاني مرة سؤال بامتحان العربي وجاوبتها كلها صح ولا عمري بنساها
وعلى فكرة انا شاطرة بالاعراب
وروني شاطرتكم

[زهرة الحياة الدنيا]

المشاركة الأصلية كتبت بواسطة مدريدية اوك الي بعرف يعرب هاي الجملة بكون عبقري

"ليس الله بظلام للعبيد"

اجاني مرة سؤال بامتحان العربي وجاوبتها كلها صح ولا عمري بنساها
وعلى فكرة انا شاطرة بالاعراب
وروني شاطرتكم

ليس: فعل ماضي ناقص وجامد من اخوات كان مبني على الفتح الظاهر على اخره

الله: لفظ الجلالة اسم ليس مرفوع وعلامة مرفعة الضمة الظاهرة على اخره

بظلام: - الباء حرف جر زائد مبني على الكسر الظاهر لا محل له من الاعراب
- ظلام: خبر ليس منصوب وعلامه نصبه الفتحة المقدرة على اخره منع من ظهورها اشتغال المحل بحركة حرف الجر الزائد (ممكن نقول منصوب محلا مجرور لفظا). وظلام صيغة مبالغة تعمل عمل فعلها، وفاعلها ضمير مستتر تقديره هو يعود على لفظ الجلالة الله.

للعبيد: - اللام حرف جر مبني على الكسر الظاهر لا محل له من الاعراب
- العبيد: اسم مجرور باللام وعلامة جره الكسرة الظاهرة على اخره
وشبه الجملة من الجار والمجرور في محل نصب مفعول به لصيغة المبالغة ظلام


ها اعربت الجملة صح والا لع؟؟!

[شهيد]

طيب :

أَلَمْ تَرَ كَيْفَ ضَرَبَ اللَّهُ مَثَلا كَلِمَةً طَيِّبَةً كَشَجَرَةٍ طَيِّبَةٍ أَصْلُهَا ثَابِتٌ وَفَرْعُهَا فِي السَّمَاءِ

؟

[زهرة الحياة الدنيا]

المشاركة الأصلية كتبت بواسطة شهـيد طيب :

أَلَمْ تَرَ كَيْفَ ضَرَبَ اللَّهُ مَثَلا كَلِمَةً طَيِّبَةً كَشَجَرَةٍ طَيِّبَةٍ أَصْلُهَا ثَابِتٌ وَفَرْعُهَا فِي السَّمَاءِ

؟

أصلها: مبتدأ مرفوع وعلامة رفعه الضمة الظاهرة على اخره وهو مضاف، وها: ضمير متصل مبني على الفتح المقدر في محل جر بالاضافة.

ثابت: خبر مرفوع وعلامة رفعه تنوين الضم الظاهر على اخره.

والجملة الاسمية الصغرى "أصلها ثابت" في محل جر نعت لـِ "شجرة"

[نابلسية كححح]

انا بحب الاعراب ,,

رح أبدأ معكم

^_^

[شهيد]

المشاركة الأصلية كتبت بواسطة زهرة الحياة الدنيا أصلها: مبتدأ مرفوع وعلامة رفعه الضمة الظاهرة على اخره وهو مضاف، وها: ضمير متصل مبني على الفتح المقدر في محل جر بالاضافة.

ثابت: خبر مرفوع وعلامة رفعه تنوين الضم الظاهر على اخره.

والجملة الاسمية الصغرى "أصلها ثابت" في محل جر نعت لـِ "شجرة"

جملتك ؟

[زهرة الحياة الدنيا]

إنا لقوم أبت أخلاقنا شرفًا أن نبتدي بالأذى من ليس يؤذينا