لإدارة ... أحبونا كما نحبكم

[almuhandes]

المشاركة الأصلية كتبت بواسطة اسد 22 بسم الله الرحمن الرحيم بأما اني وضعت كل ما املك من مواضيع مفيدة إلا اني وجدت اقبال القليل

عليها


أولاً اسمح لي اخي المهندس ان اضع يدي بيدكم من اجل نجاح المنتدى

اسمح لي ان اختصرها في نقاط ما يجب ان يكون في المنتدى من اجل النجاح بما اني لا احب ان اخفي في قلبي

شيئاً

أولاً لا بد ان يكون هناك اعضاء يتعاونوا مع الادارة والعكس صحيح من اجل تحقيق هدف الادارة وهو تنشيط المنتدى


وارضاء الاعضاء بما يرضي الله


ثانياً معاملة الاعضاء لبعضهم البعض دون تميز


ثالثاً محاولة الادارة والاعضاء او المشرفين الذين يعملون من اجلها كسب الاعضاء الجدد وذلك من خلال وسائل

مثل محاولة تقريبه منها واشعاره بأنه واحد من العائلة


رابعاً وجود مواضيع كثيرة ليس لها معنى ولا طعم ولا رائحة تجد عليها اقبال وتجد المواضيع المهمة مهملة


ارجوا من الادارة ان تضع قوانين لمنع مثل هذه المواضيع كما منعت الاعداد في قسم الاستراحة


خامساً الردود تزيد العطاء وليس شرطاً ان اجد الردود كما احب فرد واحد وردين فيها شكراً ربما من رد

مر على الموضوع ووجده طويلاً فلم يقرأه فرد شكراً أو انه اول مرة يقرأ هذه المعلومات فقال شكراً


لا بد ان ارى ارائكم في هذه النقاط

اعجبنا بقلمك اخي المهندس ودام ودمت لنا

عزيزي
للإنصاف وحتى ما اتعدى على أصحاب الحق في الرد
من إدارة وإشراف لأنهم أصحاب القرار بكتفي بالتعليق على نقطة في الموضوع
ولما الإدارة ترد بنتناقش معها في ردها وتعليقها

بخصوص ( وجود مواضيع كثيرة ليس لها معنى ولا طعم ولا رائحة تجد عليها اقبال وتجد المواضيع المهمة مهملة)

هاد شي مؤسف
وملاحظ
عنا اكبر موسوعة لمواضيع سجل حضورك ب (عمرك , حياتك,فريقك,دراستك,هواجسك,احلامك,قر فك......الخ)
مفروض يكون عليها رقابة
وترشيد في وجودها
أما عن المشتركين فيها
فهاي أذواق وما ممكن أنك تسحب واحد من ايده
وتقله هون الصح والفائدة وهناك عبثية وقلة قيمة
شغلة ثانية ما بدي اهملها العمر (في عنا أطفال ) فأكيد في منهم بتستهويه هاي المواضيع
والشغلة الثالثة في البعض بيستغل هيك مواضيع ليحوز على لقب
لأنه الترفيعات على عدد المشاركات

لي عودة مع نقاطك بعد رد الإدارة ودراستها والتعليق عليها
سعدت بك
وبقلبك
كن بخير

[اسد 22]

بوركت اخي الكبير والفاضل

المهندس


بأنتظار الادارة واراء الاعضاء ورأيك

على باقي النقاط

[مآهينآز]

اَلمُهندس
نعرف حُسن نواياك واللهِ ^^
وإنا شخصياً أعلم أنك ما كتبت هذا الموضوع إلَا لِمُعالجة أمر نحسبهُ جميعاً مُشكلة
وَهو كذلك فعلَاً ..!!

أما عنى ..
فكُل ما كآن يُمكن أن أقوله
يَصُب فى بوتقة واحدة ، ألَا وهى

المشاركة الأصلية كتبت بواسطة almuhandes التصافي حلو والصلح خير

وإن تعفوا أقرب لِلتقوى :)
وحابه أعتذر لِلجميع ان كُنت تسببت فى اى شيئ عن دون قصد



وَعلى غِرار الموضوع
إذا ما فى مانع حابه اعلق على بعض اقتراحات اسد

ثانياً معاملة الاعضاء لبعضهم البعض دون تميز

وَالله يا أسد هى نُقطة مُهمة جداً فى نجاح اى مكان ( اسلوب المعاملة بين الجميع )
لكن مش الكُل بيقدر يجبر نفسه انه يعامل الجميع بنفس الطريقة ، قد يكون أحد الاعضاء
بأسلوبه ومواضيعه او قلمه او شخصه حتى قريب لعضو اخر ، فـ لَا إرداى بتكون المُعاملة مُتميزة بينهم
كمان فى اعضاء بيفرضوا احترامهم على الجميع ، وفى العكس ..!!
لكن وإن جئت للحق إحنا يُفترض مِننا جميعاً إننا نعامل الجميع بلَا إستثناء افضل مُعاملة ^^
لَأنو ده يُحسب لشخصنا فى الَأول وفى الأخر

خامساً الردود تزيد العطاء وليس شرطاً ان اجد الردود كما احب فرد واحد وردين فيها شكراً ربما من رد
مر على الموضوع ووجده طويلاً فلم يقرأه فرد شكراً أو انه اول مرة يقرأ هذه المعلومات فقال شكراً

معاك فى رأيك .. وبشدة ^^
رغم إنى ضد يسلموا ، وشكراً ، ويعطيك العافية .. وخلَافه ..!!
بس مش كُل الناس عندها القدرة على كتابة رد مُميز ، او حتى مختلف
وَالَأعضاء الجُدد غالباً بالنسبالهم بيكون وجود اى رد ، افضل من لا رد ..!!

:

الله يبارك فيك يا اسد ويجازيك كل خير :)
وَالمُهندس .. والله إنك مكسب لشباب فلسطين :)

[أم الوليد]

اااااااااااااااااااااااااااااااخ فتحت الجرح الي بحاول ضمدو ومش راضي يسكر

خليني كون صريحة جدا جدا

هلا احنا بس نفوت لهون بعد فترة بنتعود عالمنتدى بنالف بعض وبنصير نحب الناس هون ..بس بتصير اشيا مابتخطر عبال حد..سوء فهم..رد..فكرة..تعليق..احساس..ومافيك تحكي مع كل حد لحالو..او بتنشر الي بصير!او بضل الشي بالالب وبخلي الاحساس يزيد..واحنا مش متل بعض..يعني في حد ممكن يزعل اذا حكيت فلان زعلني وبدي صفي نفسي معو..وفلان تاني برحب بهيك..

يعني عن نفسي مثلا..انا حد مابعرف شيل بالبي ..بدبحني هالاحساس انو ازعل من حد ومااحكي..بس من هون تعلمت بالمنتدى..لا ازعلي وطنشي واسكتي..ليييييييييييييييييييييييش!

ليش مايكون في جراة وصراحة ووضوح ونقاش!

ليش افكر اترك..لانو فلان مش حيئبل صراحتي..وعلان حيعتبرها عيبة بحئو..وفلانة حكسر خاطرها..

يعني بلاها المجاملات..وخلينا نصفي النفس ..مابعرف كيف ممكن حد يجرح حد وينام مرتاح..او يضيق صدرو ويشيل بنفسو ويضل عادي..

انا ماااااااااااااااااااااابعرف كون هيك..لهيك من هون..لاي حد زعل معي بشي..يجي يحكي..

والي صار معك مهندس اكبر دليل..بيوم كنت متدايئة جدا..صدفت انت حكيت كلمة..انا رديت عليها..وفهمتها غلط..صار سوء فهم..لولا حكيك وحكي..كان هلا انا ماخدة موقف منك..وانت مزعوج مني..لالالالالالالالالازم يصير مواجهة..بس هي مابترجع الي لحالي لانو انا طرف ..ودوم في طرف تاني..

لاتفكرو سهل عحد ياخد قرار يترك ..الا لو كان طفح كيلووووووووووووووووووووو..

كمان خليني خبركم شغلة ..دوم بغلط فيها..بتوقع الي ادامي يفهم علي..يعني لو نفرض انا بتابع مثلا مواضيعك مهندس..وبحسها قريبة مني او بتلمس في شي..خلص دغري بتوقع انو اي تصرف او كلمة رح اكتبها رح توصل متل ماانا اصدتها..وهاد بالظبط يلي صار معي بموضوعك..

بحس انو مافي حوار...في اشيا صغيرة بتصير..بكون بدها اخد ورد من طرفين..لكن اذا زاد الحكي بتعبر دردشة..مع انو هالدردشة ممكن تصلح موقف..او تزيل سوء فهم صار..

[almuhandes]

ملك الحمد لله على السلامة

اجمل شي انك هلا هون
معنا

ما راح علق على مشاركتك

أنا مبسوط أنك بينا

وبتمنى من الجميع يحموا الجميع

ما بدي رحب فيك
لأنه انت صاحبة البيت
والمرء لا يكرم في بيته

[شهيد]

لأنه الترفيعات على عدد المشاركات

هَل مِن تَوضِيح ؟

[almuhandes]

المشاركة الأصلية كتبت بواسطة شهـيد

هَل مِن تَوضِيح ؟

هلا حج شهيد

يسعد مساك

المقصود بالترفيعات يعني الألقاب

نشيط,متميز, مثالي وما الى ذلك من رتب

لم أقصد ما خطر ببالك

كن بخير

[شهيد]

هههههههههه لا فقط حبيت أتأكد :)

الله يكرمـك ..

فهذا نظآم تلقائي بالمنتدى ^^

[.:.!دموع الرحيل!.:.]

ما شاء الله عنكم

جد مش ملحقة عليكم

شوي .. شوي :s ..

بتم فيه مراجعة كل مشرف عن قسمه
والتجاوزات ان وجدت
واتخاذ قرار بالأغلبية

موجود يا أخي .. كيف مش موجود ..

دايما بتم مناقشة أمور المنتدى والأقسـام ..

وبالنسبة لقرار الأغلبية الحمدلله المشرفين ما بحوجونآ نسآوي قرار أغلبية


لأنه بمجرد ما نطلب منهم طلب مغاير لتصرف إداري منهم

بساووه بدون تردد لأنه بيعرفو انه الغاية مصلحة المنتدى !

.
.

[.:.!دموع الرحيل!.:.]

أولاً اسمح لي اخي المهندس ان اضع يدي بيدكم من اجل نجاح المنتدى

اسمح لي ان اختصرها في نقاط ما يجب ان يكون في المنتدى من اجل النجاح بما اني لا احب ان اخفي في قلبي

شيئاً

والله يا أسد انت بالذات .. جدرآن المنتدى بتعزّك ..

ما ننحرم منك يا رب

أولاً لا بد ان يكون هناك اعضاء يتعاونوا مع الادارة والعكس صحيح من اجل تحقيق هدف الادارة وهو تنشيط المنتدى

وارضاء الاعضاء بما يرضي الله

صحيح .. مووجود البعض الله يبآرك فيهم ..

وان شاء الله الكل بصيرو متعاونين معنآ .. لنقدر

نرتقي بهالمكـان

ثانياً معاملة الاعضاء لبعضهم البعض دون تميز

مم لا تعليق

ثالثاً محاولة الادارة والاعضاء او المشرفين الذين يعملون من اجلها كسب الاعضاء الجدد وذلك من خلال وسائل

مثل محاولة تقريبه منها واشعاره بأنه واحد من العائلة

أكيد وكلنا بنشتغل على هالـشي ..

بس الله يبآرك بأوقتآتنآ لنلحق نعبر للكل قديش وجودهم بيننآ

شي مهم وغالي علينا ..

رابعاً وجود مواضيع كثيرة ليس لها معنى ولا طعم ولا رائحة تجد عليها اقبال وتجد المواضيع المهمة مهملة


ارجوا من الادارة ان تضع قوانين لمنع مثل هذه المواضيع كما منعت الاعداد في قسم الاستراحة

الناس أذواق .. والي اليوم شارك بموضوع مش كتير مهم ..

وبقي معنآ / مع الوقـت رح يحب المواضيع المهمة ..

ويتحولو ميولو ..

اما اذا منعنآ كل شي وخصصنا مواضيع معينه ،،

ما رح يتواجد بيننآ الا فئة معينة من الناس ,, ونخسر الباقي ..

بس طبعا الموضوع المخالفة .. والي بتضر ولا تنفع اساسا ممنوعه !

خامساً الردود تزيد العطاء وليس شرطاً ان اجد الردود كما احب فرد واحد وردين فيها شكراً ربما من رد

مر على الموضوع ووجده طويلاً فلم يقرأه فرد شكراً أو انه اول مرة يقرأ هذه المعلومات فقال شكراً

100 %

بس انا عندي هـون تعليق بسيط ونصيحة ..

دائمآ المواضيع الي متجمعه فيها معلومـات بسطور طويلة جدا جدا

بكون الردود عليها قليلة

لأنه بطبعه الانسان عجول

اذا الموضوع اتعدى عدد اسطر معينه

من الاول مش رح يقرأ ..

الا القليل

لذلك دايما بفضل المووضوع يكون

بعدد متوسط من السطور .. بمعلومات أقل ..

تجذب القارئ ..

وبترسخ المعلومـة والتنين الخمسة في الذاكرة

أفضل من 30 معلومة لا تُقرأ .. أو تُنسى بعد 10 دقائق ..

لازم ناخد هالشي بعين الاعتبآر ..

.

.


الله يسعدك يا اسد ، ولا يحرمنآ منك