هل ياتى يوما يكون فيه اصدقائك عبئا عليك

[ميس مسلمه]

هل فكرت يوما بان يصبح اصدقائك عبئا عليك لما لهم عليك من واجبات فى الوقوف لجانبهم وقت المحن والاستماع اليهم وقت الضيق . لتستبدلهم باصدقاء النت لانهم اصدقاء بلا التزامات .

[sofy]

أمممممممممم

والله ما خطر عبالي هيك شي ...

إممم

عنجد مو عارفة شو أحكي

تفاجئت بحكيك .. ( ما بعرف ليش )

إمممم

طبعا لأ ومستحيل بس يعني أصحاب النت مو متل أصحاب الي بتشوفيهم شخصي وصحبتك معهم سنوات مع بعض يعني

face to face

مو عارفة شو أحكي

خلصت رح أنسحب

مش عارفة أعبر .. بلاش أنجلط وأنا عم عبرلك ...

مو عالرفة وصلك الفكرة حبيبتي

يعطيكي العافية يا عسل

[ميس مسلمه]

يسلموا صوفيا تشرفت كتير بمرورك

[اجمل احساس]

بالنسبة ايلي اكيد لا ما حيكونوا عبئ عليا ابدا بالعكس بكون كتير مبسوطة وانا بساعدهم

اصدقاء النت مهما كان بحس انو ما في مصداقية بالحكي يمكن انا طبيعتي اني ما برتاح لحدا بسرعة مو غرور والله بس خلص هيك ازبط

وانتي ميس شو رأيك بالموضوع ؟ ممكن يمونوا عبئ عليكي ؟؟

يعطيكي العافية حبيبتي لا تحرمينا هالأسئلة الواقعية ،،

[ميس مسلمه]

لا اكيد الصديق الحقيقى ما بيكون عبءء بالعكس راى انه بيكون عون وقت الحاجه لكن صديق النت اكيد ما بيكون قريب منا وقت اللى بنحتاجه . شكرا لمرورك اختى الله يعطيكى العافيه

[غرام^^]

اكيد لا ما رح يكونو بيوم من الايام عبئ علي بالعكس .....وبالنسبة لاصدقاء النت كتير عند صحبات تعرفت عليهم عن طرق النت وشفتهم وجها لوجه وبنات بحكي معهم بس شفت صورهم .....فانو اصدقاء النت ممكن يكونو متل الواقع ...عادي


ميرسي لموضوعك الحلو

[متيمة الأقصى]

برأيي أنه الصديق الحقيقي عمره ما رح يكون عبء علي ، بالعكس بحس براحة لما أوقف معه و أساعده بحل مشاكله وخصوصا لما أتذكر انه كما تدين تدان ويمكن يجي يوم أكون بموقفة ومحتاجة حدا يوقف معي ....
ويسلمو عهالسؤال الروعععععععععععة

[.:.!دموع الرحيل!.:.]

الصديق الحسن الصادق .. ما بكون عبء ابدا ..

لأنه يوم هي بتحتاج الي .. ويوم انا بحتاج الها ..

والتنين بكملو بعض ..

..

بس برأيي الصديق ممكن يكون عبء بحالة وحده

لمـآ يكون غبي !!!

وممكن تصير كتير ..

صديقة صالحة وصادقة ومحبة ومساعدة ..

لكن غبية !

هاي فعلا ممكن توصلي لوقت تصير عبء عليك ِ ..

.....

ما ننحرم ميس حبيبتي :)

[حسام المصرى]

لا طبعا مستحيل ... أصدقائى الحقيقيون صداقتنا بتفرض عليا انى يكون ليا حقوق وعليا واجبات .. وأنا لازم أحترمها ...

حكاية أصدقاء النت دى مجرد ترفيه او تسلية لكن عمرهم طبعا ما هيوصلوا لربع مكانة أصدقائى على الواقع ...

[دموع الغربة واشواق العودة]

لا بصراحة صحباتي مابتعوضو ..
مع انو عندي صديقات ع النت ..بس الصداقة ع الحقيقة غير ..
وعمري مافكرت انهم كانو عبء علي ..بالعكس ..بكون كتير مرتاحة لمن اوقف معهم واساندهم ..وافرح لفحهم وازعل لزعلهم ..اه ولا لشو اسمنا اصدقاء ..
بس المفروض يكونو هما زيي
شكرررااا ميسو يعطيكي الف عافية يارب
..^.^..