ارجو الرد على سؤالى

[ميس مسلمه]

انا اسفه للكلام اللى هقوله لكن انا حاسه ان الجميع متضايق من مصر كتير ولكمالحق طبعا لكن مصر بالنهايه دوله مش ممكن نحسبها انما العتب واللوم على حكامها . وبما انى واحده من شعب مصر اللى ممكن تكونوا متضايقين منه فبجد والله لو مضايقكم وجودى انا على استعداد انسحب من المنتدى وبدون حرج مفيهاش حاجه لانى عارفه ان من حقكم تزعلوا ز ده طلب جاد جدا والله وانا فى انتظار ردكم

[sofy]

صلي عنبي حبيبتي أنا ما إلي فترة هون بالمنتدى بس والله الناس الي فيه طيبين كتير وما بعتئد إنو يكونوا عاملين تميز بس إحنا بنعرف إنو العتب على الحكام مو المواطن والشعب وبعدين أنا كعضوة بسيطة بهالمنتدى بحكيلك حياكي الله في المنتدى لأنو منتدى بيحوى ناس طيبين بدون عنصرية وتقبلي مروري وشيلي هالتفكير من بالك ممكن في ناس يفكروا بعنصرية شوي بس والله إزا إنفتحت مواضيع من الأساس بتتعلق بمصر وفلسطين هاد الي بخلف المشاكل والعنصرية بتمنى منك ورجاء مني لإلك لو ما نطرح مواضيع متل هيك أفضل وأنسب والله وتحياتي لألك ..

[قسامي غزة]

شو هالكلام يا سارة
مين جاب سيرتك يا بنت الحلال انتي واعضاء المنتدي
احنا لما بنعتب بنعتب علي النظام
مش علي الشعب
كلنا هوون اخوة وما في شي بيفرقنا
بلاش منوا هاد الكلام احسن

[شهيد]

له شو هالكلام !

شيلي القصة من مخك ع السريع ،

الشعب المصري اصيل ، لكن حكومته خائنة ومتواطئة مع الاحتلال

فشو ذنب الشعب ؟ وشو ذنبك انت ؟

لا يا اختي اهلا وسهلا فيك دايما ^^..

[PaLeSt!Ne SouL]

السلام عليكم و رحمة الله و بركاته

اللهم صل و سلم ع سيدنا محمد

شوفي حبيبتي مصرييين او فلسطينين كلنا إخوة

و متل ما حكيتي الحكومة غير الشعب

و وجودك بمنتدانا بيشرفنا و بيسعدنا كتير انتي و أخوكي شبل مصر

و كل المصريين

أبدا وجودك ما بيدايقنا و ما تفكري ابدا أنو ممكن يزعلنا

الله يرضى عنك يا رب

[§عاشقة غزة§]

صلي على المصطفى الهادي حبيبتي
شو ها الحكي..نحنا كلنا اخوان واخوات هون ..
وما في فرق بيناتنا..
اذا كان في عتب او لوم..
فهو على حكوماتنا الي خدلتنا..
بس اصلا نحنا ليش هون؟؟..
لانه يجمعنا قلب واحد هو حب فلسطين
ونبض واحد هو فك الحصار عن غزة
وانتي اكثر وحدة نددت بها الشي في مواضيعك..
يلا غاليتي في انتضار مواضيعك الحلوة وابداعاتك
ايه شو سارة نحنا مشتاقين الك وانتي بدك تتخلي عنا؟؟..
وهاي بوكي ورد لعيونك

[limar]

حبيبتي متل ما حكولك الشباب والبنات
اهلا وسهلا بالجميع بغض النزر عن الحكومات
احنا عرب وبس هون

[الحان الحرية]

شو هالحكي =(

متل ما قالولك الشباب و الصبايا ..

صدقيني الكل مقدر انه مش الحق ع الشعب نفسو ..

بس ما يكون حدا داايقك بشي =(

[أم الوليد]

ال تترك ال..

حبيبتي احنا هون اخوان مافي جنسيات انسي..العتب مش عليكي..شيلي هالحكي من راسك..وانسيه

[نسيم الخلد]

المشاركة الأصلية كتبت بواسطة ساره زيده

انا اسفه للكلام اللى هقوله لكن انا حاسه ان الجميع متضايق من مصر كتير ولكمالحق طبعا لكن مصر بالنهايه دوله مش ممكن نحسبها انما العتب واللوم على حكامها . وبما انى واحده من شعب مصر اللى ممكن تكونوا متضايقين منه فبجد والله لو مضايقكم وجودى انا على استعداد انسحب من المنتدى وبدون حرج مفيهاش حاجه لانى عارفه ان من حقكم تزعلوا ز ده طلب جاد جدا والله وانا فى انتظار ردكم

بالنسبة لي
انا مضايق جدا جدا منك
بسبب هذا الكلام الذي بدر منك

أما كونك مصرية بيننا أقول لك

لا يمكن ان نشعر بأي ضيق تجاهكم
بالعكس فكونك هنا هذا دليل على حبكم لنا
ونحن سعداء جدا بتواجدكم هنا بيننا
ولن الشرف بأن يكون بيننا مصريون
نحن نحبكم اختي الكريمة ونبادلكم نفس شعوركم تجاهنا
بل وأكثر والله يشهد

اما عن حكومتكم^_^
بحبها كثير لدرجة اني نفسي انتقم منها ^_^