بليز انصحوني

[RiNoXE]

الموضوع ناري تختلف فيه الاراء حسب التجارب والمشاهدات يعني كل واحد بيتكلم عن تجربه فالي كانت تجربته ناجحه بيحكي انه الحب على المسنجر ممكن والا تجربته فاشله بيحكي انه ما بينفع الحب على المسنجر ..
لكن رايي الشخصي وبعد تجربه حدثت معي انه حب المسنجر لعب في لعب وهبل فالشخص الي في المسنجر مش رح يكون نفسه في الواقع ( بل مستحيل يكون نفسه ) .
فإذا كانت معظم قصص الحب الواقعيه بتفشل فكيف بحب خيالي يعني شو بيمنع هذا الشخص يحكي خلص بطلت احب او كيف يمكن انك تعرف انه صادق بحبه الك ..

المسنجر عالم كبير يعني الي بيحكي معك بيحكي مع غيرك والي بيعجب فيك بيعجب في غبرك .

وانا مع اخي محمود بكل كلمه حكاها ..
مشكورين على الموضوع .

[محمود]

المشاركة الأصلية كتبت بواسطة نسرينا برأي بعد كلام الأخ محمود ما في كلام

الحب كلمه ومعنى كبير ... ما بكون الها مشاعر واحاسيس صحيحه وواقعيه من خلال الانترنت

وفي ناس بتقول فيه..بس هاد ما بكون حب هاد مجرد وهم المراهقين بعيشوه

وبصحو منو بعد فتره وبضحكو على حالهم فيه بس مش دايما النهايه ضحك

بالزات للبنت ..بتكون نهايه مأساويه ..لانو باعت نفسها لشخص ما بتعرفو وضاحك عليها..وممكن يستغلها

بالآخر ازا حاولت الهرب منو ..

وبالنسبه لموضوع انو في علاقات بتنجح في الواقع وبصير زواج ..

انا برأي هيك علاقات ما بتستمر لانو بضل كل من الطرفين يشك ببعض انو كانو قبل هيك في علاقات تانيه والى آخره من مشاكل ما رح تخلص بينهم...

يعني باختصار النت كزب بكزب وفي ناس ولاد حرااام كتير بستغلو البنات ليلعبو فيهم
ولازم كل بنت تحترس من هالموضوع ..وتعرف انو اهلها امنوها وخلوها تعقد على النت
ولازم ما تخون هيك امانه ..وتحاول دايما تخاف على حالها وما تضعف ابدا وتجري ورا مشاعرها
تفكر دايما انو الي ما برضا فيه اهلها ما تعملو ..وتفكر في المستقبل لو انكشف الموضوع

والله يستر على الجميع

كلام زين العقل وعجبني

شكرا الك نسرينا

[رولينا]

اول شي اللي بدو يحب يحب يعني بس بالطرقة المناسبة يعني هلأ خلصوا كل الناس الموجودين في الدنياااااااااااا وسبتوهم وجايين تحبوا عالنت ليش يعني ؟؟؟؟؟؟؟؟؟
اشي غريب
طيب في ناس واقعيين عايشين معكو ليه بتروحوا عالنت
يمكن تقولولي ليش هما الناس اللي في النت كزب لا موكزب انا ما حكيت هيك انتو فيكن تتعرفوا على ملايين الناس في النت بس موضوع الحب في النت كتيييييير صعب افهموها يعني
يعني الواحد بخاف ينضحك عليه وانا بعرف قصص صارت عالنت وطلعت فشنك يعني عنجد موضوع الحب في كتييير معقد يمكن تضبط قصة حب على النت وحدة بالمليووووووووووووووون بس مش دايما ناخد النت لهالمواضيع حب وما حب الواحد كمان لازم ينتبه على حالو ولا شو رأيكم انتو
النت عالم كبير فيو الخير وفيو الشر ونحنا لازم نتعلم منو كل شي ونقي الخير
وبعدين شغلة تانية يمكن في ناس بتعبر عن مشاعرها الخاصة بالنت بس في ناس ما بتظهر هالمشاعر يعني انا ما بحب اظهر مين انا طول ما انا في النت يعني شخصيتي الحقيقية كتيير بخفيها ما بخفيها بشكل كلي يعني بخفيها بشكل جزئي يمكن هاد شي صعب بس انا هيك بخاف اظهر اي مشاعر بتشكل شخصيتي في النت بس في الحياة الواقعية بظهر شخصيتي ومشاعري كلها لأنو بكون الي الحرية في اظهارها لأنو هاد واقع يعني انت شايف مع مين عم تحكي مش على الماشين بيختلف طبعا
وبتمنى تكون وجهة نظري وصلت
شكرا كتييير على الموضوع الحلو وانتبهوا على حالكم

[محمود]

اول شي اللي بدو يحب يحب يعني بس بالطرقة المناسبة يعني هلأ خلصوا كل الناس الموجودين في الدنياااااااااااا وسبتوهم وجايين تحبوا عالنت ليش يعني ؟؟؟؟؟؟؟؟؟

لانه الانسان على الانترنت بكون ملاك زمانه

خالي من العيوب ، فلازم ينحب الانسان على الانترنت

ولكن بفضل هنا انو كمان يتم الزواج على الانترنت

حتى ما يتفاجأوا بحقيقة بعض على ارض الواقع

----

رولينا كمان الحب على ارض الواقع ^_* بحدود يعني كمان في شروط لازم الانسان ياخدها بالحسبان

وانا برائي انو يحبوا بعض لما يزهقوا بعد الخطوبه او الزواج ... وما في داعي لعدم العقلانية ما دون ذلك ..

ولك خالص الشكر

[jikoo]

الحب ع النت كلام فاضي

لان ما واحد منهم شاف التاني

وبسير اشيا كتير بضر المجتمع

[سيدرا الاموره]

شكرا كتير لتفعالكم معي واعذروني ما ادرت اتواصلم معكم لضروف خاصه ويسلمو كتيلاا علا النصيحه

[ابن الانتفاضة]

مع احترامي االشديد لكل اللي سبقوني وعقبوا على موضوعك لكن رايي بيخالف كتير منهم ، لانه الانسان بقلبة اول شي مش بشكله ولا بطريقة لبسه ، ما بظن انه ممكن شي يعبر عن الانسان اكتر من لسان وكلماته وحروفه اللي بطبعها عالكمبيوتر ، اكيد ممكن الانسان يحب عن طريق الانترنت وممكن تنجح العلاقة وممكن تفشل ، واغلب اسباب الفشل بتكون الظروف ، خصوصا اذا كان الشاب ببلد والبنت ببلد ، وما شالله علينا دولنا العربية بتقل بجنسية وبترفض جنسية اخرى عربية ، وهاد سبب ممكن يمنع اكتمال العلاقة ، اما بالنسبة للي حكته نسرينا ، انه ممكن يشكو ببعض او لا ، اوك يعني هاد شي مو كتير مهم ، لانه على ارض الواقع ممكن الشك يصير ، انه والله لو تعرفو من خلال الجامعه وهيك ممكن اذا في مجال للشك انه يكون ممكن حكت مع شاب غيري او العكس من طرف البنت ، بس بالاخر هاد الشك موجود عند اللي مش واثق من نفسه ولا من اللي قباله كتير وخصوصا اذا الغيرة زادت كتير ، لكن يا سيدرا حب الانترنت موجود واحيان بيكون اقوى من اللقاء وجها لوجه ، خصوصا انه التنين ما شافو بعض على ارض الواقع ولا شي ، بس بيضل انه نتاكد من مشاعرنا ومشاعر غيرنا هون بس اللي لازم تفكري فيو ، انه اكيد بيحبني واكيد بحبه ؟؟ والا مجرد انه تعودنا على لقاء بعض في ساعه معينه وهيك اشيا .
بتمنى تكون فكرتي وصلت