شباب فلسطين

.. ليآل ~ · 12-22-2009, 06:57 PM

الذين يشاهدون محتوى الموضوع الآن : 2 ( الأعضاء 2 والزوار 0)
‏ليـــــــــــــال, ‏εïз ملآكـ

منوره يائمـــر ^^

.. ليآل ~ · 12-22-2009, 07:00 PM

اليوم عملت حالي ست بيت

وعملت كيك بالشوكولا

طلعت مابتنبلع

هو مش انو مابتنبلع بالمره

بس في صعوبه بالبلع

اجيبلكم تدوئوا منها

مع اني ما بنصحكم

انا شخصيا ما جربتها

ولا راح جربها

.. ليآل ~ · 12-22-2009, 07:01 PM

الذين يشاهدون محتوى الموضوع الآن : 2 ( الأعضاء 2 والزوار 0)
‏ليـــــــــــــال, ‏*أمل*+

منوره حبيبتي ^^

.. ليآل ~ · 12-22-2009, 07:11 PM

مممممم

طيب راح احكيلكم هلأ كيف تعرفت على المنتدى وسجلت فيه

وازا اتزكرت اي شي حابه احكيلكم ياه ،، بعمل فاصل وبحكيه

اتفئنــآ !!

يلا

بيوم من الأيام كنت بدور على شي بيخص العادات الفلسطينيه

فتحت عمو جوجل وضليت دور لحد مالئيت ضالتي هون

لفت نزري المنتدى

حسيتو هيك معجوئ ونشيط كتير

حطيتوا بالمفضله عندي

وصرت كل فتره فوت واتفرج

كل يوم عن يوم كان يعجبني اكتر

ضليت فتره طويله انا افوت كزائر

وبيوم من الأيام قررت انو اسجل

وبالفعل هيك صار وسجلت

الفتره الي سجلت انا فيها بتصور كانت فتره رائعه

ويمكن كانت من احسن الأوئات الي مرأ فيها المنتدى

من ناحيه النشاط وطبيعه الأعضاء

حتى المشاكل الي كانت تصير بين الأعضاء الفتحاويه والحمساويه انتهت بس انا اجيت

ئال يعني وشي حلو عليكم

::

مابعرف ازا في حدا بيحس متلي

انا بحس بالوحده لما يغيبوا الأعضاء الي كانوا موجودين اول ماسجلت

الأعضاء الي رحبوا فيني ،، وشجعوني ببداياتي ،، وتابعوا مواضيعي ،، وخلوني حب هالمطرح اكتر حتى ضل هون

لهيك اسمحولي هون ازكر اسماءهم ،، واطلب منهم مايغيبوا كتير

وهم

{ حوريه فلسطين ، ورده الأقصى ، ليمار ، عيون الوجد ، محمد ، اياد ، حسام ، مؤيد ، اسمراني ،روان فلسطين ، بنت الشام ، دانيه الشام ، ورده الخريف ، ميرا ، القلب الطيب ، اسراء ، ملاك ، بينك ، الزعيم ، نابلسيه ، ارابيان ،وجاره ودموع الحنين وصدى الحب وكتار غيرهم }

طبعا ازا بتلاحزوا اغلبهم مختفين

الله يرجعهم بالسلامه يارب

.. ليآل ~ · 12-22-2009, 07:48 PM

ممممممم

مش متزكره انو حصل مواقف غريبه بالمنتدى

ما عمري اتخانئت انا وحدا

او زعلت حدا ،، هيك بتصور ،، وان شاء الله مايكون حدا زعلان مني

والله لايجيب الزعل بيني وبينكم

المهم

بعد ماسجلت بشهرين تقريباً انعرض علي الإشراف ورفضت

لأنو كنت ملتزمه بمطرح تاني ومئصره فيه

ولأنو كانت آخر سنه الي بالجامعه ومابدي التهي بشي

بعد ما اتخرجت لئيت دموع باعتلي رساله بتحكيلي عرفنا انو تركتي هداك المنتدى

وبدنا ياكي تصير مشرفه عنا

ماهان علي اكسفها مره تانيه

لانو ساعتها راح صير طمبيئه رسمي

المهم وافئت

ومسكت قسم الشعر والئصص

مبسوطه فيهم وبحبهم كتير

وبحب وجودكم فيهم

الله يسهل عليها انثى كانت ماسكه الاشراف معي

وانا جيت من هون وهي راحت من هون

ازا حضرت الشياطين هربت الملائكه

::

بس الي بدي اعرفوا ،، كيف الإداره عرفت انو تركت هداك المنتدى

مخابرات وماني عارفه

::

برب

.. ليآل ~ · 12-22-2009, 07:57 PM

الذين يشاهدون محتوى الموضوع الآن : 4 ( الأعضاء 3 والزوار 1)
‏ليـــــــــــــال, ‏εïз ملآكـ εïз, ‏جاآرة الوادي’’

تؤبشوني يارب

.. ليآل ~ · 12-22-2009, 11:16 PM

برق ورعد وتلج وريح الدني برا مجنونه

مطر كتير عم ينزل

الحمد لله يارب

سقيا رحمه لا سقيا عذاب يالله

ئبل ساعه نزلت من السطح

كل ماينزل مطر لازم اطلع اتنطط متل الزغار بالمطر

بحبب اتبلل وانئط بالمي

ماما بتحكيلي بدي ائص ايدي ازا انتي راح تكبري

.. ليآل ~ · 12-22-2009, 11:44 PM

الذين يشاهدون محتوى الموضوع الآن : 3 ( الأعضاء 2 والزوار 1)
‏ليـــــــــــــال, ‏♥Farfo0osha♥+

هلا

منورة زيتونتي

كيفك مع المطر !!

ومنورين الزوار كمان ،، اتفضلوا ياعيب الشوم منكم (:

.. ليآل ~ · 12-23-2009, 01:14 AM

اتزكرت شي

انا بموت خوف من كل شي اسمو حيوانات حشرات طيور

وخص نص الئطط

يا ويلي ،، بموت رعب منهم

بعيد ميلادي الـ 20 قرروا صاحباتي يعملولي حفله بالجامعه

المهم جابو التورته والشمع وغنولي وكل شي تمام

وجابوا كرتون كبير كتير ،، وحكولي هون الهديه ونحنا التلاته مشتركين فيها [ بيداء ، كنانه ، منار ]

المهم انا فرحت طبعا وئعدت افتح بالكرتون الكبير

وطلعلي جواتو كرتون ازغر شوي

وهمي يحكولي يلا احزري شو ممكن يكون في جوا

وياخدو ويعطوا معي بالحكي

المهم فتحت اكتر من اربع كراتين جوات بعض

والصراحه بلشت اشك

حكيت لبيداء هي تفتح آخر علبه بس مارضيت حكتلي لأ هادي هديتك ولآزم انتي تفتحيها

وضلوا التلاته يشجعوني لحتى فتحتها ،، وياريتني ما فتحتها

طلع في جواتها ئطه زغيره ،، بمجرد ما انفتح الكرتون نطت بوشي

صرخت يومها صرآآخ مش طبيعي والئطه ئعدت تركض هون وهون

وانا وئفت فوئ الكرسي وميته خوف

الله يسامحهم

هادا وهم بيعرفوا اني بخاف من الئطط

والله ئلبي ئرب يوئف يومها

وطبعاً ما ئبلت الهديه

وتاني يوم صحيت مسخنه وحرارتي مرتفعه من كتر الخوف

::

وسبحان الله ،، الي بخاف من شغله بتضل تطلعلوا

يعني كتير حصلتلي مواقف مع الئطط الطمبيئات

بالشارع وبالجامعه وآخر مره بواحد من المولات

وجــــــع

::

ومع هيك ماما بتحكيلي غريبه كيف اتغيرتي

وانتي زغيره ما كنت هيك

حتى انها حكتلي اني كنت اجمع نوع من الحشرات

هههههههههههههههههههه:ShababSmile222 :

مابعرف شو بتسموه ،، بس نحنا كنا نحكيلها ام سعود

هيك زغيره ولونها احمر وأسود

هي صورتها

ماما بتحكيلي كنتي تموتي عليها

حتى اخوانك كانوا يجمعولك منها

ياللعار

اعملوا حالكم ماشفتوا هالجزء طيب !!

.. ليآل ~ · 12-23-2009, 04:49 PM

مــــرحبــآ ؛؛

هلأ راح بلش أحكي عن الأعضـــاء

لأنو بصراحه خلص ماعاد عندي شي أحكيه

وبكل الأحوال ازا اتزكرت بعمل فاصل

::

عفكره ،، أنا اتعمدت أخد راحتي بالمايك

خلوني أحكيلكم ئبل ما تسألوني ليش !!

لأنو المايك موضوع كتير مميز

الطابع تبعو غير

وحظوا حلو الي بيصلحوا يمسكوا ويحكي فيه اي شي بيطلع عبالو

يعني انا بعرف انو في اعضاء كانوا موجودين بالمنتدى ئبلي ولسه ماصحلهم يمسكوه

لهيك انا مستعده اخلصوا

بس بشرط

وئت ما احكي لألحان وحوريه يعطوني ياه تاني مره يعطوني ياه فوراً

بلكي كان طالع عبالي احكيلكم شي او اصرخ

بعدين ماحدا بينكر انو مسكتي للمايك مميزة وشيك

مادح حالو بيسلم عليكم

::

يئطع اليهود صرت احب الحكي زي هالحدآ

::

يلا راجعه

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء