♪..مــــــآيــــك المــنــتــدى مـــع ~ شـهيـــد غ ـزة ~..♪

[.. ليآل ~]

امبارح عملت مئلب غبي بماما

ست الحبايب تعبانه شوي ئلت بمزح معها هالمزحه بلكي بروح عنها

وياريتني ما مزحتها ،، طلع مزحي تئيل

مسكت هالمكنسه وبدي نضف البيت

وبدل ما اشبكها بفولت 110 حطيتها بفولت 220


وعينكم ماتشوف الا النور ،، طلع صوت هيك بيشبه الإنفجار وانفصلت الكهربا

لحد هون ماكنت مفكره بالمئلب

بس سمعت صوت ماما بتئرب خطر ببالي

عفكره انا مابحب الضلام بالمره ،، بحس حالي مخنوئه

لهيك غمضت عيوني

سمعت صوت ماما بتادي علي بصوت واطي وصوتها ياحرام عم يرجف من الخوف

" ليـــآل ،، إحكي شي ياماما ،، وينك ولي "

وبس صارت جنبي بالزبط احزروا شو حكيت

















ما حزرتوا مو ؟؟









حكيت" أشهد ان لا اله الا الله "

ماما هون انفجعت من الخوف فكرتني بموت وصارت تئول اسم الله عليكي ياماما

وانا صرت اضحك

طبعا سيل من الشتائم نزل علي بسبب هالتخويفه لإمي

بس حلفت يمين انها تردلي ياها ،، وبعلمكم انا بكره المئالب

الله يستر

مع اني تأسفت وبوست التوبه بس مائبلت






بي رايت باك

[.. ليآل ~]

بحب هادي الخاطره كتير لــ [ وديــ ع سعـــآده ؛؛

بعنوآآن // جمال الغائب //








العابرون سريعًا جميلون. لا يتركون ثقلَ ظلّ. ربما غبارًا قليلاً، سرعان ما يختفي.
الأكثر جمالاً بيننا، المتخلّي عن حضوره. التارك فسحةً نظيفة بشغور مقعده. جمالاً في الهواء بغياب صوته. صفاءً في التراب بمساحته غير المزروعة. الأكثر جمالاً بيننا: الغائب.
قاطعُ المكان وقاطع الوقت بخفَّةٍ لا تترك للمكان أن يسبيه ولا للوقت ان يذرّيه. مُذَرٍّ نفسه في الهبوب السريع غير تارك تبنًا ليبدره ولا قمحًا لحقل سواه. المنسحب من شرط المشي للوصول. المنسحب من الوصول.
العابر سريعًا كملاكٍ مهاجر. غير تارك إقامة قد تكون مكانًا لخطيئة. غير مقترف خطيئة، غير مقترف إقامة.
سريعًا تحت شمس لا تمسُّه، تحت مطر لا يبلّله، فوق تراب لا يبقى منه أثر عليه. سريعًا بلا أثر ولا إرث ولا ميراث.
لم يُقم كفايةً كي يتعلَّم لغة. لم يُقم كي يتشرَّب عادات. لا لغة له ولا عادات ولا معلمين ولا تلاميذ. عابرٌ فوق اللغة، فوق العادات، فوق المراتب والأسماء والاقتداء.
بلا اسم، فوق النداء والمناداة.
وفوق الإيماءات، إلا إيماءة العبور.
وبلا صوت، لأن الصوت ثقلٌ في الهواء.
لأن الصوت قد يرتطم بآخر. قد يسحق صوتًا آخر في الفضاء. قد يزعج النسمات.
وبلا رغبة. لأن الرغبة إقامة، ثبات.
العابرون سريعًا جميلون. لا يقيمون في مكان كي يتركوا فيه بشاعة. لا يبقون وقتًا يكفي لترك بقعة في ذاكرة المقيمين.
الذين أقاموا طويلاً معنا تركوا بقعًا على قماش ذاكرتنا لا نعرف كيف نمحوها.
بقعٌ مؤلمة، أينما كان على المقاعد، بحيث لم يعد يمكننا الجلوس.
المقيمون طويلاً يسلبون مقاعدنا. يحوّلون أثاث بيوتنا إلى قِطعٍ منهم. بحيث نجلس، إذا جلسنا، على ضلوعهم، على عظامهم.
يسحق المقيمون المقيمين. أما العابرون فلا يسحقون أحدًا ولا أحد يسحقهم. لا يطأون على كائنات ولا يُثقلون خطوًا على أرض. حتى الهواء لا يلمحهم غير لحظة.
بلا قلق ولا ندم ولا آلهة ولا أتباع. إيمانٌ واحد لهم: العبور.
المتخلّون عن الأمكنة والأوطان والآباء والبنين. كاسرو القيد. مخرّبو المشنقة المصنوعة من حديد المكان والزمان والانتماء.
إنهم يتساقطون، الواحد تلو الآخر، المتشبثون بالإقامة. يتساقطون بأوطانهم التي صارت وهمًا. بانتماءاتهم التي صارت كذبًا. بأبوَّتهم التي صارت عبئًا. بايماناتهم التي تقتلنا، وتقتلهم، وتقتل الحياة.
العابرون لا ضحايا لهم. هل لذلك بات علينا، كي نمجّد الحياة، أن نمجّد عبورها بسرعة، أن نمجّد الانتحار؟
بخفَّةِ خفقة الطير وانفتاح النسمة للجناح. بخفة انفتاح هواء العبور واندمال هواء الانطلاق.
عابرون سريعًا، كلحظة انقصاف.
لهم من العصفور صوت، من الغصن نظرة، من الزهرة شميمٌ خاطف.
عصافيرهم للغناء والرحيل، لا للسجن في أقفاص أو تأبيدها محنَّطةً في واجهات. طيورهم الروح المسافرة، لا الريش المقيم.
وزهورهم العبق الشارد خارج الإناء.
سوى المرتحلين، واللامبالين، والعابثين بالإقامة، والممسوسين، والموتى، مَن كان سيكتشف جمال العبور؟
وأيّةُ لحظة تكتشف الحياةَ أكثر من لحظة الغياب عنها؟
هل لذلك تجب مصادقةُ الرحيل أكثر من مصادقة الإقامة؟
وهل، لذلك، على حياتنا أن تكون، فقط، تمرينًا على جمال الرحيل؟
أجملنا الراحلون. أجملنا المنتحرون. الذين لم يريدوا شيئًا ولم يستأثر بهم شيء. الذين خطوا خطوةً واحدة في النهر كانت كافية لاكتشاف المياه.
أجملنا الذين ليسوا بيننا. الذين غادرونا خفيفين، تاركين، بتواضع، مقاعدهم لناس قد يأتون الآن، إلى هذه الحفلة.
حفلةٌ سخيفة، ورغم ذلك لا يترك المتشبثون بالإقامة مقعدًا!
لكن لِمَ المقاعد، ما دام المحتفلون يبدأون ضيوفًا وينتهون أعداء؟
لنمضِ إذن، بخفَّة، قبل أن تلتهمنا الخناجر، قبل أن نصير طبَقَ الوليمة.
لحظةُ الوصول إلى الاحتفال هي كلُّ جمال الاحتفال. وبعدها، سريعًا، يصير الجمالُ هو المغادَرة.
الخطوة المغادِرة، هي الأجمل دائمًا.
الراحلون يمتزجون بالنسيم. وإذ نقف نحن، لتشييعهم، فلنشيّعْ معهم ذكراهم أيضًا. لأن الذكرى تعيق رحيلهم، تعيدهم إلى مكانهم، تجعلهم جمادًا.
الذاكرة تعيق الراغبين في الموت. وتجعل الراغبين في الحياة موتى.
فلندفنها إذن.
لندفن الذاكرة ونحن نغنّي.
إنها حفلة سخيفة في إية حال، ولكن بما أننا وصلنا، فلنغنِّ ونرقص.
ثوانٍ، قد نكون فيها جميلين.
لكن أجملنا سيبقى: الغائب.

[.. ليآل ~]

أنا بحب الشعر كتير ،، وخاصةً الشعر الجاهلي

بحب أقرأ لطرفه بن العبد / بشـآر بن برد / الحطيئه / قيس بن الملوح

وبحب كمان أقرأ للمتنبي وللشافعي ونزار قباني

من فتره مش بعيده كتير ، كنت أكتب خواطر بس ما احتفظ فيها

أحس انو كلام سخيف مابيستاهل احتفظ فيه عندي

اروح أئطع الورئه أو احرئها

كتير ندمانه اني كنت اعمل هيك

بس هلأ اي خربوشه بخربشها بحتفظ فيها


::


بسنه تانيه جامعه ،، قررت جامعتنا تعمل مجله تصدر بشكل شهري

نكتب فيها عن نشاطات الجامعه والمؤتمرات الي بتصير فيها وهالشغلات

وكانت المجله مقسمه لتلات اجزاء جزء ثقافي وجزء ادبي وجزء عملي

وطلبوا من اي وحده بتحب تشارك تئدم طلب

انا بعد تردد كبير قررت ائدم طلب بحكم اني بعرف الى حد ما اكتب

وعبيت طلب وئدمتو،، تاني يوم اجاني اتصال من مدير تحرير المجله والي هوي دكتور عنا بالجامعه اسمو استاز طارق

حكالي اروح لعندو على المكتب حتى يختبر قدرتي على الكتابه

تاني يوم لما رحت لعندو طلب مني اكتب موضوع عن حب الوطن وعن الشوق لله عز وجل وعن الحياه بدون أمل

طلب هالتلات مواضيع تكون جاهزة خلال تلات ساعات

طبعاً هالشي صعب كتير

بالنهايه انا راح اكتب خاطره مش مقال

كتبت الي عندي والي ئدرت عليه وتركتلوا الورق

تاني يوم اتصلوا علي وحكولي انو انئبلت وصار فيني اكتب بمجله الجامعه

فرحت كسيراً كسيراً

كنت كل شهر اكتب عن موضوع من اختياري ،، ويمرء هالموضوع على الإستاز طارق لحتى يعطي رأيو فيه

بس الله وكيلكم بحياتو ماجبر خاطري بكلمه

يمسك الورق ويطلع فيه هيك من فوق لفوق ويحكيلي ماشي الحال

يلا احكيلهم يطبعوه

بمره المرات انئهرت منو كتير ،، وسألتو بشويه تعصيب

طالما الي بكتبو مابيعجبك ،، ليش وافقت علي

اتطلع فيني وابتسم بسخريه وحكالي لأ مش هيك انتي بتعرفي تكتبي وعندك احساس منيح

بس ماعندك ابداع

وكتاباتك كلها تقليديه وبتشبه بعضها

وازا ضليتي هيك مش راح تتئدمي خطوه وحده لئدام

و ........ الخ

طلعت من عندو مسموم بدني

متل الي طالع من السجن بكفاله

وقررت انو خلص ماراح ارجع اكتب شي ونزلوا بالمجله

اجا موعد النشر وانا مابعتت شي ،، ويبعتولي ويزكروني وانا ولا انا هون

اخر شي اجا الإستاز طارق لحدي وحكالي انا بحب اتعامل مع المبدعين بفوقيه مشان مايصيبهم غرور

يلا بسرعه اكتبي شي من الي بتكتبيه خلينا ننشرو

الصراحه

الصراحه

اتمنيت ارزعوا كف ،، بس كتمتها بئلبي

ئال شو مشان مايصيبهم غرور

واجابةً على السؤال ،، طبعاً كتبت ،، هو انا أئدر

[.. ليآل ~]

صباح الخير


اليوم الخميس

آخر خميس بسنه الـ 1430

بكرة راح تبلش سنه جديده

الله يجعلها سنه خير علينا جميعاً ،، ونئضيها بطاعه ربنا وراحه البال

وكل عام وانتو بخير


::

كان ممكن يكون هادا اليوم يوم فاصل بحياتي

بس بشويه تمرد على الواقع بيمشي الحال

حلو انك تحاول لمره تساوي الي ببالك وتتحدى الكل

وماتسمح لحدا يتحكم بمصيرك

وتعطي نفسك الحق انك تحكي مابدي وبصوت عالي

إحساس حلو

الحمد لله كتير مبسوطه ومرتاحه

وئاعده بتفرج على توم وجيري

على ئد ما اكبر بضل احب هالكرتون كتير

اتسلوا معي



تم التعديل لخلل فني ^_^

مع تحيات حرحورة

[.. ليآل ~]

على سيره التمرد والمجازفه

احيانا بتخوض تجارب بس لمجرد انك تعاند وتجازف ،، وبتبئى متوقع الخساره

لكن النتيجه بتيجي عكس ما انت متوقع


::

بأول سنه بالجامعه ،، كان في عنا عرض ازياء لجلابيات مغربيه

ومطلوب بنات من سنه اولى وتاني يعملوا هالعرض بأحد الفنادق

وبعلمكم عارضات الأزياء الهم مواصفات معينه

خصوصاً بحكايه الطول

المهم وحده من رفئاتي اسمها بيداء

كانت بتعبي طلب وبدها تشترك ،،

عفكره بيداء حاصله على شهاده الأيزو بالطول يخزي العين عنها:ShababSmile221 :

المهم اتطلعت فيني هيك بنص عين

وحكتلي انتي مافيكي تشاركي

انا هون اخدتني العزة بالإثم

ونسيت كلام سيدنا عمر بن عبد العزيز [ رحم الله امرئ عرف قدر نفسه ]

ورحت بثقه جبت طلب وعبيتوا

وبعتت انا وياها الطلب بنفس الوئت

احزروا شو !!














بالزبط

انا انئبلت وهي لأ

كادت بيداء ان تنجلط لولا لطف ربي

شفتو كيف شويه ثقه بالنفس وعناد شو عملوا !!

بس طبعاً انا بآخر لحظه رفضت اروح لأنو اكتشفت انو راح يحضر العرض مجموعه من الرجال ومطلوب خلع الحجاب


الله يتوب علينا


بــ brb ــــربــــ {}

[.. ليآل ~]

كح كح

مليان غبره هون

شكلي من زمان مش حاكيه شي

يلا نكمل

بس مش عارفه شو أحكي







مممممممم

طيب


أنا بحب الأطفال كتير

وبالي طويل عليهم اكتر مايكون

الضجه الوحيده الي ممكن اتحملها نوعاً ما هي ضجتهم

وحتى الزغار بحبوني أأبش حالي

عطول بيجو ولاد خالي الزغار يلعبوا عندي

وياخدو مني حلويات وعلكه ومصاصات وكل شي

غرفتي متل الدكانه

مجهزة لألهم بما لذ وطاب

عندي ابن خال زغير عمرو 4 سنين

بموت عليه اسمو قصي

واحد تاني اكبر منو بسنتين اسمو صهيب

هدول عاملين متل توم وجيري

عطول بيتخانئوا وبيجوا يشكولي من بعضهم

وبئعد انا احل مشاكلهم

ماما بتحكيلي اخرتك راح تنتحري من مشاكلهم

لأنو دايماً قاضي الزغار بيشنق حالو

هههههههههه

وعطول قصي بيجبلي هدايا

بس ملا هدايا

بيجيبلي ورق من اوراق التقويم السنوي

وبيخربش عليها

وبحكيلي هيني كتبتلك رساله يلا اعطيني حلاوة

وانا بعطيه ريتو يؤبر ئلبي

وعطول انا وياه بنتخانئ ،، لأنو حاطط عينو على دبدوبي

وبيضل يتحايل علي حتى اعطيه ياه

وانا مش راضيه ،، هادا الدبدوب فتحت عيني على الدنيا وهو معي

مابئدر افرط فيه

حتى لو كان لقصي الزغطور









يلا راجعــ ـه

[.. ليآل ~]

مرئت ليالي ولليوم ما طليت

زعلان وصارك مدي

ئولك بدا هالئدي

ياخوفي ئسوة تكبر كل مالوئت يطول

بتعرف ياغالي من ليله الـ فليت

بشوفك ليلي حدي جاي وجايبلي وردة

بتكي براسي عكتفك وبغمض عيني وئول :

حبيبي ،، يا حبيبي ،، انا اشتئتلك ،، انا بحنلك ،، متل شمعه على غيابك انا عم دوب

سهر عيني بهون علي ازا بعرف انت راجع بعد الغروب


::

سدئ حبيبي بتنئوز عالحكي متل الطفله الشئيه الي بدا تسرئ خبريه واسمع عنك شي كلمه تطمني

ردلي الروح

حتى المطارح عم تسأل شو بكي وينو الي ئلك ياحبي ماحنعرف معنى الغربه ورحت وهيك تركتلي ئلبي عم يلم جروح


حبيبي ،، يا حبيبي ،، انا اشتئتلك ،، انا بحنلك ،، متل شمعه على غيابك انا عم دوب

سهر عيني بهون علي ازا بعرف انت راجع بعد الغروب

[.. ليآل ~]

ئبل فتره نزلت انين الاموره موضوع عن كتاب لكاتبه جزائريه إسمها أحلام متسغانمي

انا صراحه من عشاق كتاباتها

بس تقرألها بتحس انك انت المقصود

وكأنها بتعرف عنك كل شي

الكتاب مدهش بصراحه

بعنوان [ نسيان دوت كوم ]

انا بنصح كل صبيه تقرأوا

والشباب ممنوع حدا يقرأوا

حتى الكاتبه نفسها حاطه على الكتاب شعار [ يمنع البيع للرجال ]

[.. ليآل ~]

هلأ بدي اروح انام

وبشوفكم بكرا

وان شاء الله بالكتير هالاسبوع بخلص المايك

انتو بس صفوا نيتكم على ئوله حرحر

على سيره النوم

انا مابحب اسمع نفس وانا نايمه

لو نمله مشيت جنبي بصحى << هادي طبعاً صيغه مبالغه الي درسناها بالمدرسه

بس عن جد نومي كتير خفيف

لو انفتح الباب بصحى

لو ورئه من كتاب بتتطاير يمين وشمال بصحى

لهيك الله يسعدكم ولا صوت

بتتغطوا منيح ئبل النوم

وبتقرأو أيه الكرسي


ضلكم بخير

[.. ليآل ~]

الذين يشاهدون محتوى الموضوع الآن : 2 ( الأعضاء 2 والزوار 0)
‏ليـــــــــــــال, ‏إسراء الفلسطينية



منوره حبيبتي سروءه