لو في حد بيفهم ( بتقسير الأحلام) يا ريت يساعدني؟

[هادي]

بسم الله الرحمن الرحيم


خير اللهم اجعلو خير

شفت منام غريب .. ويا ريت لو كان في حد بيفهم بالتفسير .. يساعدني
مع العلم إني نادر جداً جداً لما بتزكر أحلامي .. وهالمره زبطت واتذكرتوا ..
فهل من مُفسر؟

[§عاشقة غزة§]

ان شاء الله خير أمجد
ممكن افيدك وممكن لا ..
لانه الحلم احيانا يكون حسب حياة الشخص ويمكن يدخل في الخصوصيات ..
الي المفسر ما يكون عارفها عنك ..
في ها الحالة ما يقدر يفيدك..
عاشقة عندها فكرة عن التفسير..بس نقول دايما الله اعلم
وكمان مرة ان شاء الله خير

[هادي]

طيب عاشقة .. بكل الأحوال تسلمي ..
رح احكي الحلمه ( خير إن شاء الله)، وشو بدك تسأليني بجاوب..
باختصار الوقت بعد الفجر .. حلمت إنو أنا وكمان صاحب إللي طلعنا على مأذنة مسجد ( مأذنه طويله) وتسلقنا حتى وصلنا فوق القبة، هلأ أنا طلعت أول، وهوه بعدي .. لما صرنا بدنا ننزل نزل هوه أبلي .. وفجأة انكسرت (السلمه الصغيره)،وحكالي: إرجع لفوء ما بنئدر ننزل ..

[§عاشقة غزة§]

أولا هو أكثر شي الحلم يكون اله ابعاد..
لما يكون قبل الفجر بشوي ..
او تستيقظ من الحلم ع الاذان..
رؤية المسجد في حد ذاته شي كويس..
صعود المأذنة..هاي رقي في أمورك الدينية
وممكن يكون الوصول الى هدف انت حاطه ببالك
وها الهدف اكيد يكون مبارك..
وجود الصديق هاي يفسر انك مدعوم يا بالرعاية الالاهية..يا بالرضى والمباركة..
وعند النزول قلت انه صديقك وجد السلمة مكسورة ونبهك..
هاي انه في شي بيحفظك ان شاء بمشوارك..
واكيد الحياة ما تخلو من عقبات لتوصل لمرادك..
اتيسر على الله اذا كنت مقبل على اي خطوة
والله اعلم

[بقـ..ــايـ..ـا إنسـ..ـانـ]

والله يا سيدي ما عندي فكرة بتفسير الاحلام ،،

ان شاء الله بتفيدك الاخت عاشقة ،،

[هادي]

تسلمي عاشقه .. ربنا يحميكي ويبارك فيكي ..
إن شاء الله خير


عاشقة بما انك شاطره هيك .. اعملي موضوع تفسير أحلام
ــــــــــــــــ
محمد .. تسلم يا رب

[§عاشقة غزة§]

يبارك فيك ويباركلك أمجد
مرسي ع الثقة..
بس موضوع زي هيك لازم يكون اله قوانينه
وممكن يدخل في خصوصيات الاشخاص..
وممكن يتسبب في احراجات او هيك شي..
كمان في ناس يكون عندها هوس من الاحلام..
مشان هيك اشوف انه تنزيل الموضوع صعب شوي
اكيد فاهم علي أخ امجد..
ولك مني اجمل تحية
والله يوفقك

[مآهينآز]

أٌلسّلآمُ عليكم ..’’ خير يا أمجد خير ^^

كل ما هو إسّلآمى فى المنام - درب من دروب الخير - إن شاء الله

على حسب معلوماتى البسيطة نوعاً ما - انو احياناً الحلم بيقع حسب تفسيره - والله اعلم -

رُبما من باب تفائلوا الخير ، وانا عند ظن عبدى بى

مسأل القدر والمستقبل وخلافه - بتخضع لتنظيم مُهم جداً عدم تخطيه :)

::

جميل يكون عندنا موضوع لتفسير الاحلام

لكن هيكثر اللغط ..’’ وخِلافه

طبعاً موضح من كلام الاخت عاشقة - انها ماشاء الله عليها - بتفهم بالاحلام وتأويلها

لكن كمان علم تفسير الاحلام إلى جانب ان يُعتبر منحة إلاهية ،، فهو علم لابد له من دراسة

::

طبعاً ولا نُزكى على الله احداً ..’’

محمد ابن سيرين البصرى .. من اكبر الائمة فى التفسير - والاحاديث والفقه ،

وكان عالماً بارعاً بتأويل الرؤى - واشتهر بالزهد والورع -

ومِن افضل ما كُتب عن تفسير الاحلام

كتاب تفسير الاحلام لأبن سيرين - كتاب زاخر بفن الرؤى وتفسير الاحلام -

لِتحميل الكتاب مِن الرابط التالى :

http://www.4shared.com/file/80679279/ae77134a/___.html

ومن الرابط التالى برنامج رائِع لتفسير الاحلام لابن سيرين :

http://www.4shared.com/file/15347858.../__-_____.html

::

ويعطيكم الف عافية جميعاً

إحترامى :)

[أم الوليد]

حتى بأحلامك مزعج يامتنمر...حلمك خير ان شاء الله

[هادي]

المشاركة الأصلية كتبت بواسطة §عاشقة غزة§

يبارك فيك ويباركلك أمجد
مرسي ع الثقة..
بس موضوع زي هيك لازم يكون اله قوانينه
وممكن يدخل في خصوصيات الاشخاص..
وممكن يتسبب في احراجات او هيك شي..
كمان في ناس يكون عندها هوس من الاحلام..
مشان هيك اشوف انه تنزيل الموضوع صعب شوي
اكيد فاهم علي أخ امجد..
ولك مني اجمل تحية
والله يوفقك

وكمان تسلمي عاشقه .. أكيد هو تأويل يحتمل الصواب والخطأ في النهاية، وللعلم عمري ما اهتميت بهاد الموضوع، لأني بكل بساطة بنسى أحلامي .. بس الغريب إني متزكر هادي الحلمه .. ومركز فيها بتفكيري!!
عاشقة .. إنتي المشكورة عالإهتمام@_@والمتابعة@_@.. ( وفكرة الموضوع لا تزال مطروحة)