الحب بين البنات ؟؟

[السيف عدي]

علاقة الصداقة بين الشباب بتاخد قالب محدود واخوي.. مهما كانو قراب .. بكون كلامهم عن الشغل

المصاري .. السيارات .. ونادرا ما بتكلمو عن الامور النفسية وهيك قصص .. لانهم شباب ..


في الجانب الاخر .. علاقة البنات .. بتكون عاطفية اكتر .. بشكو لبعض .. بحنحنو ع بعض هيك شغلات

لانو طبيعة البنت عاطفية ورقيقة .. لهون الامور عادية !! ..


احيانا بتتحول علاقة الصداقة بين البنات لعلاقة حب .. حب رسمي .. يعني عاطفة مركزة وهدايا وقلوب ..

وازا البنت حكت مع بنت تانية بتصير خيانة !! .. يعني كل طقوس واشكال الحب المتعارف عليها دوليا !! ..


النقاش بدور عن اسباب هاد الحب العجيب .. وليه البنت بتلجأ انها تحب بنت تانية .. هل لملىء الفراغ

العاطفي ؟؟ وليه البنت لما تتزوج ما بتهتم في هاي القصص ؟ ..

[هادي]

.. يسلمو سيف ..
هلأ فكرتك رائعه .. بس إللي ملاحظه ..
(ممكن تكون العلاقة هي صداقة مميزه، وفي الصداقة ممكن يكون في غيره..) وزي ما حكيت إنت بحكم نزعتهم العاطفيه بيحبو الرومانسيه حتى بين بعضهم..
*****
أرق القلوب: قلبٌ يخشع لله
وأعذب الكلام: ذكر الله
وأطهر الحب: حبٌ في الله

[احلى غرام]

طرحك في غاية الروعة
هوة البنت لما تحب بنت
بكون السبب من اهلها
لانهم بعتبرو الحب حراام لا اذا
لزوجها هاد من وجهة نظري
تقبل مرووري المتواضع

[§عاشقة غزة§]

أخ عدي ها الشي مثل ما يصير بين البنات ممكن يصير بين الشباب..
ما في استثناء الصراحة..
اولا سلوك دخيل على مجتمعاتنا العربية الاسلامية..
وذلك بايادي خفية..
ثانيا المفهوم الغلط لمعنى الحب..
ثالثا الجانب النفسي اله مخلفاته..
رابعا..والسبب الذي ممكن يستغرب له الكثيرون..
الخلل في وضائف بعض الهرمونات..
واخيرا وليس اخرا..
عدم الوعي الكافي ووضع الحب في قالبه الصحيح..
زيادة على ثقافة العيب..ما بعرف شو بيسموها في ها الحالة..
بالفرنسي بنقول tabou
حين نقول عيب واستحي ما بينحكى او يناقش هيك مواضيع..
يعني كل ما يتعلق بالحياة الاجتماعية..
وان شاء الله الي موضوع بها المجال ..
يعطيك العافية عدي ع الموضوع الحساس ..
الي نادرا ما يقبل النقاش فيه
شكرا لك
[IMG][/IMG]

[أم الوليد]

هاي مشكلة عصيبة واجهتني اكتر من مرة انو بتجي صبية صغنونة 15 سنة وفوق وردات حمر ورسايل حب وحكي غييييييييييرشكل قلب مجروح واغاني كاظم يعني ماتحكي الاعشيقتها...وبس تحكي معها ياحبيبتي ياعيني انا صحبتك اه اختك اه بس غيرو لا...بتزعل وبتكتاب وحالتها حالة ...بظن انو الكبت والتربية هي السبب...ومنهم متزوجات وعندهم ولاد ولسه بتقدم لي وردات وقلوب وقصص هبله ..

[Maram .. ~]

مم موضوع حـلو ,,

عنآ هاد الشي كتير منتشـر بالمدآرس :s

بعتقد انو السبب هو الكبت العاطفـي , يعني مش لائيهـ شب لتحبو راآحتـ حبتـ بنتـ :s

و أعتقد بكون فـي غلط بالتربيهـ :s

اللهـ يعيـنهـم هآدول البنآت , !!

,

يسلمو كتير حســآم :)

[مآهينآز]

ممم موضوع حلو ^^

بس ما بعرف اذا انا فاهمة فكرة الموضوع صح او غلط ..!

لحد رد أمجد ..’’ مشي الحال ..’’

بعد كده ..’’ ما بعرف بصراحة .. حاسة انو اختلط الأمر

::

على كل حال مِن بعد أذنك بدى احكى وجهة نظرى بالموضوع

برأيي الشخصى انو العلاقات الانسانية بتختلف من شخص لشخص

فى إطار الصداقة على سبيل المثال - سواء بين شباب وشباب / او فتايات وفتايات

فلا يوجد قاعدة مُعينة تُحجمها سوى الدين و الاخلاق السائِدة فى المجتمع

وطالما ان الامر لم يتجاوز حدود الاخلاقيات والدين - فلا بأس - بل مُرحب بهِ جداً دينياً

الصداقة مُمكن تطور بِرابط اقوى بعض الشيئ

اياً كان المُسمى - حب او صداقة -

مع مراعاة ان الحب فى تلك الحالة - اسمه الحب فى الله -

وعنه صلى الله عليه وسلم ( سبعة يظلهم الله في ظله يوم لا ظل إلا ظله ..)

وذكر مِن بينهم .. رجلان تحابا في الله اجتمعا عليه وتفرقا عليه .. )

وقس على ذلك فتاتين ’’ او امرأتين .. وهكذا - مع مراعاة الامور الدينية

اما أمور التعبير عن الحب بين الفتايات - فهو شيئ جميل بيزود الالفة والمودة

بل ايضاً انه مرغوب لِما فيه مِن زيادة اوصال الصلة بينهم

وعنه صلى الله عليه وسلم ايضاً

(.. إذا أحب أحدكم أخاه في الله فليعلمه ، فإنه أبقى في الألفة ، وأثبت في المودة .. )

اما الغيرة وخِلافه - فبرأيي هى طقوس عادية - ولا تقتصر على الفتايات فقط

لرُبما تجد شابين اصدقاء جداً ..’’ وكلاهم أو أحدهم يغير على الاخر -

ليس الا - مثلاً خوفاً عليه ، او خشية من ان يفقد صداقته تدريجياً

هى شيئ سيكولوجى بحت - بتختلف من شخص لشخص

برأيي ان الحب او الصداقة او اياً ما كان المُسمى بين البنات

لا يعتبر ملأ فراغ عاطفى ابداً - شتان بين حب ...’’ وحب !

اما بالنسبة لأنو البنت لم بتتزوج ما بتلجئ لهيك قصص

بظن والله اعلم - انو بردوو مش صحيح - او رُبما بتختلف من شخصية لأخرى

لكن بالنهاية اكيد الاهتمام بينهم كاصدقاء رُبما انه يفقد جزء للإنشغال بالبيت والاسرة

لكن رِباط الحب فى الله والصداقة - ان كان متين - فلن يفقد وجوده بالزواج ..’’ بل بالعكس

يظل الود قائم - طالما انه ليس لاغراض وقتية | مصالح يعنى :)

وبِالنهاية كل امور حياتنا محسومة باللجوء لكِتاب الله وسنة رسوله صلى الله عليه وسلم

على اعتبار انهم منهج كامل لحياة كاملة متزنة

وقد ذُكر - بغض النظر عن مدى صحة الحديث -

احب حبيبك هوناً ما ... عسى ان يكون حبيبك ,, عدوك يوماً ما

وأبغض عدوك هوناً ما .. عسى ان يكون عدوك ،، حبيبك يوماً ما

يعنى بالنهاية حتى الحب - لازم يكون بحذر

وطبعاً هى مُجرد وجهة نظر شخصية - لا أكثر ولا اقل

وكامل إحترامى للجميع :)

يسلموا ايديك يا حسام

يعطيك الف عافية اخى ^^

[إيمـان]

..المشكلة منشرهــ..في المدآآرس..كتير.
بتأدي الى الاعجآآب.البنآآت في بعض ..بعدين بعشقو بعض..وبتصير تحكي ( شفتي ححبتي اليوم). آي حبيبه وآي بطيخ..والله يثبتنآآ على العقل والدين بس..المشكله الاهل..والبنت برضوو تسلم عمو حسام

[PaLeStiNe FlOwEr]

يمكن فهمت قصدك بس لما شفت الردود حسيت اني تخربطت

أول شي اللي فهمتوا انوا حب بطريقة غلط مو صداقة واعجاب عادي متل ما ماهيناز فهمت

يمكن قصدك عن ( البويات ) هيك بقولولهم عنا،، ما بعرف ازا غلط احط الاسم


هلأ هو منتشر عنا بالمدارس بطريقة فظيعة

انوا البنت بتصاحب بنت وبحبوا بعض لدرجة العشق وبغيروا على بعض،، وهاد الشي غلط وما بصير

وازا البنت حكت مع بنت تانية بتصير خيانة !!

وأكتر من خيانة تعتبر

أساسا هما بكونوا يعاملوا بعض مو على أساس بنتين يعني بكون الحب بيناتهم كأنوا بنت وولد

ياما مر علينا قصص على هبلهم

الله يهديهم

طبعا السبب الأساسي بكون نقص عاطفة وحنان من الأهل

لأنوا ما شاء الله الأهل بكونوا راميين ولادهم للخدم ولا بسئلوا عليهم ولا شي


الله يهدي الجميع ويصلح أحوالهم

[دمعة قدسية]

عفوا أخي عدي قرأت الموضوع لكنني لم افهم اللهجة ولم أتمكن من فهم القضية المطروحة
على كل حال يعطيك العافية والأعضاء على سلامتهم قاموا بالواجب و ردوا على الموضوع
تقبل مروري