طفولة عضو من منتديات شباب فلسطين ~{دمع المطر }

[جاآرة الوادي’’]

يييي

تصدقوا اني نسيت الموضوع ,, عنجد كتيير اسفهـ

بدكوا تعذروني ,, والله مليون حاجهـ وحاجهـ دوشت راسي

ان شاء الله بكرا بتشوفوا طفولتي,,^^

نورتوا^^

[جاآرة الوادي’’]

ما أحلاهـ هالموضوع :$

عيونك الاحلى :p

[*أحلى رتآآج*]

منورة جارة..~

[جاآرة الوادي’’]

بوجودك ريتاجو ^^

[PaLeStiNe FlOwEr]

يييي

تصدقوا اني نسيت الموضوع ,, عنجد كتيير اسفهـ

بدكوا تعذروني ,, والله مليون حاجهـ وحاجهـ دوشت راسي

ان شاء الله بكرا بتشوفوا طفولتي,,^^

نورتوا^^

بالانتظار لا تتأخري

[PaLeSt!Ne SouL]

شكلها نسيت الموضوع كمان مرة !!!

[PaLeSt!Ne SouL]

نور عدوة الصبيان
و ماهيناز عدوة البحر
و فطوم عدوة العدث
يالله يا فطوم من كتر ما قلت هسه بمشاركتك

[قسامي غزة]

يا عيني همسة
كاينة مشاغية كتير وانتي صغيرة
هههههههههههههه
ما في حدا عاقل وهوا صغير
بس بدي اسال الاعضاء سؤال
والي يجاوبوا هيكون شطور
اكم مرة همسة حكت كلمة هسا ؟؟؟

[جاآرة الوادي’’]

اكم مرة همسة حكت كلمة هسا ؟؟؟

هههههههههههههههه


همسه بتضل تحكي هسا وقلناآ

دائماآ وهي تقرأ بسمعهاآ بتحكي قلناآ ,, قلناآ ,, قلناآ

والله بندور منهاآ

[جاآرة الوادي’’]

هيني إجيت ^^



هيني جيت .....

1-اوصف لنا طفولتك(بالتفصيل)؟

مم طفولتي كاآنت كتيير حلوة ,, وحبيتهاآ من كل قلبي وهي كماآن حبتني ,, شعور متبادل هع

طفولتي ,, صلوا ع النبي .. هاد يا اسيادي الاعزاء .. اناآ اصغر وحده بالبناآت بالبيت ,, اخر العنئود سكر معئود .. عشت طفولتي مع امي وابي واخواني ,, عشناآهاآ وكاآنت رووعهـ .. كنت مدلله نوعاً ماآ بماآ اني اخر العنقود بالبناآت بتزكر منها اشياء بس مو كتيرة ,, ومن اللي بتزكروا

انو وأناآ صغيرة رحت ع الاردن انا وابي واختي انبسطناآ كتير بهديك الرحله ورحنا ع الجبيهه وحدائق الملك عبد الله وفرينا الاردن كلهاآ ,,

بتزكر انو اول يوم وثلنا فيه ع الاردن ,, ع بيت عمي .. بيحكيلي ابي سلمي على اولاد عمك .. طبعا سلمت عليهم كلهم الا واحد اسمو مصطفى ما سلمت عليه لانو اصبعو كان مجروح وملفوف بشاش فأنا خفت منو وما سلمت عليه ,, واستمرت رحلتنا اسبوعين ,, كل الوقت كان مشاوير وماآ كنت اقعد بالبيت

قصة تانية , مرة كنت انا وخواتي قاعدات عند البيت واجى جارنا ولابس لبس غوريلا ,,,
واتخبالنا ورا سور وفع فينا ,, واحنا خفنا كتير يومها ,,,

واناآ كنت حاضرة يومها





وغيرو ,, انا بطبيعتي فضوليه وبحب اكتشف الاشياآء وكان حلم طفولتي اني أركب (حمآر) بعيد عنكم ,, او اركب فرس او معزة او هيك شي ههههههه

وهاد يا اسيدي الاعزاء بما انو هاد حلمي عزمت اني احققو ,, كنت مرة قاعده باب البيت انا وصديقه الطفوله ومرت من جنب البيت حمارة ,, (أجانا الفرج )

هاد انا واياها ما سدقنا وشفنا الحمارة ورحنا على طول ركبنا عليهاآ .. صاحب الحمارة راكب اول شي وانا التانية وصديقتي اخر شي ,, طبعاً الحمل صار تقيل والحمارة ما قدرت تتحمل ,, راحت رفعت رجليها الاماميات متل ما بيعمل الفرس يوم يصهل ,, وهاد صاحبيتي وقعت ع الارض وانا فوقها والحمارة كانت بدها توقع فوقنا لولا ستر الله

ومرة تانيه كنت رايحه ع المدرسة ,, كنت بالصف التاني ,, مرت عني سيارة حلوة كتير وانا مديت ايدي عليها وايدي لمستهاآ ,, كان ابن جيراننا اللي اكبر مني بسنه ماشي وراي بالشارع ,, ويوم شافني صبت السيارة ,, حكالي ليش صبتي السيارة ,, حكيتلو وانت شو جايك لا هي سيارتك ولا سيارة ابوك ,, هو ماآ هانلو اني ابهدلو رآح ركض ورآي لحد بيتناآ يمكن ركضناآ شي 200 م وكان بدو يضربني بس ماآ طاآلني




ومرة غيرهاآ كماآن ,, على حسب ما بيحكولي اهلي انو مرة اخواني حملوني وتركوني على سور البلكون ,, والسور عالي وبودي ع أرضناآ ,, تركوني ع السور وراآحو ,, وأجت بعدهاآ امي تدور علي ,, طبعاآ ما لقتني ,, احزروا وين لقتني ..؟ اكيد عرفتوا ,, طبعاً لقتني بالارض وآقعهـ ,, بس ربناآ لطف وماآ صار في شي



2-هل تتمنى ان تعود طفلا؟ ولماذا؟
اهاآ نوعاً ماآ

3. هل كنت مدللة من اهلك ؟.

اها بس مو اكتر من هموسهـ



4-هل ممرت بصعوبات خلال فترة طفولتك؟


اهاآ اناآ يوم انولدت انولدت ب 12 اصبع في الايدتين ,, في كل ايد 6 أصابع ,, (الاصابع الزياده كانن طفرة) لاآ جد كانلي في كل ايد 6 أصابع ,, وطبعاآ ما احلاني وانا كبرانه وضايلات الاصابع بإيدي ,, علشان هيكـ تم التقرير انو رآح ينعمللي عمليهـ استئصال الاصابع الزياده واجى الدكتور وشآف شغلو ,, ومتل ماآ بيحكوا انو انا يومهاآ ما نمت الليل من البكي



5-هل كنت طفلا هادئا ام خجولا ام مشاغبا؟

اكييد مشآغبهـ



6-اذكر لنا حادثا مر بك خلال طفولتك ولم تنساه للان؟

الموقف السابق تآع الاصاآبع ,, لانو مكاآن الاصابع لسى بآين
وموقف الحمآآآرة كمآن ,, هههههههههههههه



7-اين كنت تقضي معضم وقتك؟
في بيت جيراننا أو بالشارع




9-هل كنت طفلا اجتماعيا ام انطوائي ولا تحب اللعب والمخالطة؟
اجتماعيه لدرجهـ ,,!!!



10-لديك اصحاب من الطفولة؟وهل بقيت معهم ام باعدتكم الاقدار؟
اها عندي و ضلن صاحباتي




11-هل كنت تحب افلام الكارتون؟وما هو كارتونك المفضل؟

يووووووه كتير ,,باباي وسالي ومروكو الصغيرة وصاحب الظل الطويل وساندريلا والكابتن ماجد والكابتن رابح ونقار الخشب وسنو وايت


12-كيف كانت علاقتك باخوانك واخواتك؟
كانو يحبوني وماآ يرفضولي طلب .. كنت اخر العنئود بالبنات


13-ما هو اصعب موقف حدث لك في طفولتك ولم تستطع نسيانه؟

يوم توفت جدتي

مي تووو


14-هل هناك انسان معين غرت منه في طفولتك..ولماذا؟
مممم يمكن لاآ ’’!!



15-صف لنا موقفك اول يوم دخولك للمدرسة؟

أول يوم دخولي المدرسه كنت مبسوطه كتير ,, ونفسي اشوف ايش هي المدرسه اللي كانن خواتي مجنناتني فيها ,, طلعت ع المدرسه انا وبنات الحارة اللي من جيلي ,, كلنا فوج واآحد ,, يوم وصلنا المدرسه صفينا في الطابور الصباآحي ,, والمعلمه اجت ورتبتنا ع الصفوف ,, في البدايه حطوني بالشعبه (الفصل) ج وبعدهاآ نقلوني ع الشعبه د وانبسطت كتير ,,


16-شيء كنت تتمناه بطفولتك ولم تحصل عليه؟
ممم اني أركب على أي حصآن او حماآر لمده طويله


17-حلم الطفولة ما هو؟ وهل حققته؟
من صغري وانا احلم اسافر أو اروح ع المريخ اني اسافر اها حققتو بس اني اروح ع المريخ , ولا راح احققو ههههههههه


18-ما هي الكلمات التي كنت ترددها في طفولتك؟
مم يوم كاآن ييجي الاكل ويجهز كنت احكي ( أدا قُل ) يعني أجى الاكل ,,
وكنت احكي لفاطمه اختي ,, نونو ولاخي ثائر لالا

19-هل كنت مطيع لوالديك؟
اهاآ اكيد
ئال يعني










وهيك ,, بكون فنشت ^^

لا تضحكوا علي

.

.


يعطيني العافيهـ ,,


راآجعه اختار ان شاء الله