هل تعيش في الذكريات ؟

[السيف عدي]

الذكريات .. ذلك الجانب الاخر من حياتنا ..

فيه تختزل يومياتنا وتلك التجارب والمواقف اليومية التي لها حنين خاص ..

نحتفظ بها كي نعود لها .. في لحظة من اللحظات .. ونعود لنشتم رائحتها وعبقها في ذلك اليوم ..

أنت .. هل تهتم بالذكريات في حياتك ..


هل تعيش في الذكريات وتطيل من استرجاعك لها .. وتذكرها ؟


يسعدني مروركم العطر ..

[أم الوليد]

يمكن اه بحن الها ساعتها...بس حس بضعف او حزن كبير...بحاول اتخطاه بذكريات حلوة مريت فيها ..وبمر ادامي شريط سريع لأحداث حلوة بحياتي...واحيان بعطيني امل انو الجاي احسن...
نقاشك خفيف وبخلي الواحد فعلا يستدعي ذكريات حلوة هلا..

[السيف عدي]

المشاركة الأصلية كتبت بواسطة أم الوليد يمكن اه بحن الها ساعتها...بس حس بضعف او حزن كبير...بحاول اتخطاه بذكريات حلوة مريت فيها ..وبمر ادامي شريط سريع لأحداث حلوة بحياتي...واحيان بعطيني امل انو الجاي احسن...
نقاشك خفيف وبخلي الواحد فعلا يستدعي ذكريات حلوة هلا..

الذكريات جزء مهم في حياتنا .. واحيانا بنتذكر امور صعب انو ننساها ..

تسلمي ملك ع المرور الحلو .. منورة دايما ..

الله يحميكي ..

[ميس مسلمه]

اه طبعا بحن لذكريات الطفوله وانا محتفظه باشياء كتير وصور تفكرنى بيها واى اغانى من اللى كنت بسمعها وانا طفله بترجعنى تانى للحظات دى . لدرجة والله يا حسام انى استرجعت بعضها وانا بكتب دلوقت يا ريت ايام الطفوله ترجع . واقدر امحى من الذكريات كل اللحظات الصعبه اللى عشتها. دمت بالخير دايما اخى

[PaLeStiNe FlOwEr]

أكييد الذكريات لا تنسى خصوصا الأيام الحلوة

حتى الأيام الصعبة الواحد بتذكرها بس بحاول اني انساها

موضوع حلو أخي شكرا

[PaLeSt!Ne SouL]

أنا كتير بعيش بالماضي لما أتدايف

و ع قولة مام بطل من المتحف( الخزانة ) ذكرياتي

و ببكي ع الأطلال

صور و لا العاب حتى فساتيني و أنا صغيرة لسه عندي

أنا محتفظة بالأشياء اللي بتزكرني بالحظات الحلوة بس


مشكور حسام^^

[اجمل احساس]

همم اكيد طبعا بهتم كتير بالذكريات واصلا لاشعوري بيصير الواحد يتذكر شغلات صارت معو ما بيقدر ينساها ابدا حتى لو حاول ينساها بس عالفاضي

بحس انو الذكريات جزء من شخصيتي خاصة انو انا ذاكرتي قوية كتير هيك بيحكولي

الذكرى فيها حنين لايام راحت بس بصراحة باخد وقت لغاية ما اتأقلم على وضع جديد

يعطيك العافية حسام دايما متميز بمواضيعك

[§عاشقة غزة§]

أنت .. هل تهتم بالذكريات في حياتك ..

أحيانا نعتقد اننا نسينا كل شئ..
لكن تدعون الذكريات للحلم من جديد..
هل تعيش في الذكريات وتطيل من استرجاعك لها .. وتذكرها ؟
احيانا نحن الى ذكرياتنا الجميلة..
ونود لو يعود الزمن الى الوراء..
لكن الحياة سيل نحو المستقبل..
لهذا الغد اكثر اهمية من الامس..
فلا نضع انفسنا وراء قضبان الماضي والذكريات..
ونضيع على انفسنا فرصة الحياة
موضوعك مميز أخ عدي..
لك مني اجمل تحية

[عين فلسطين]

اكيد الذكريات هي جزء ما بيتجزا منا
وبنظري الذكريات والماضي تبعنا هو اللي بيرسم النا مستقبلنا

[نسمة دفا]

احيانا الذكريات كتير بتكون حلوة فبنتمى لو ترجع بس مستحيل

فعشان هيك بحسها حتى لو كانت حلو بضل مؤلمة لانها مستحلي ترجع

وطبعا كتير بئعد مع حالي وبتزكر اشياء كتير كانت تسير وبطلت :'(

يسلمو كتير اخي حسام ع الطرح المميز ما ننحرم يا رب ^^