طفولة عضو من منتديات شباب فلسطين ~{دمع المطر }

[*أحلى رتآآج*]

بنستنا..~

[مآهينآز]

1-اوصف لنا طفولتك(بالتفصيل)؟

ممم أول خمس او ست سنين مِن عُمرى كانوا كلهم شقاوة ولعب ورفاهية ’’ وكل شيئ مُميز ،،

بعدين ظروفنا المادية اتحولت 180 درجة ، فده كان له تأثير سلبى على بابا وماما

لأنهم كانوا متعودين على مستوى حياة مُعين ’’ وبالتالى انعكس شعورهم بالتغيير علينا

ورحنا بلد تانية .. مُختلفة جداً عن اسكندرية - من حيث العادات والتقاليد ’’ وجو الطفولة وكل شيئ

قاعدنا هناك حوالى 6 سنين وبعدينا رجعنا تانى على اسكندرية ^^

بالفترة الأولى كانت طفولتى .. كلها حياوية وشغب ههههه

بالفترة التانية .. كانت طفولة هادية نوعاً ما

2-هل تتمنى ان تعود طفلا؟ولماذا؟

لا - عادى بحب اعيش كل فترة بحلوها ومرها ،،

انا حابه عمرى حالياً , وبعدين انا عشت الطفولة مرتين ههههههه

3-هل كنت طفلا مدللا؟

آآه ’’ جداً ^^

4-هل مررت بصعوبات خلال فترة طفولتك؟

آه ’’ التحول الإجتماعى من مستوى لمستوى - احياناً بيكون صعب

صحيح انا شخصياً متأثرتش بيه ، لكن أهلى اتأثروا كتير ، وبالتالى الوضع انعكس علينا

بيعنا البيت ، وسبينا البلد ، ورحنا بلد تانية ,, وطبعاً كل شيئ اتغير

بس كانت فترة مُميزة جداً حتى رغم كل الصعوبات ^^

5-هل كنت طفلا هادئا ام خجولا ام مشاغبا؟

فى اول عمرى ’’ كنت مُشاغبة

بعدين بقيت هادية إلى حد ما ^^

6-اذكر لنا حادثا مر بك خلال طفولتك ولم تنساه للان؟

ممم والله طفولتى مليانة احداث ههههه

طيب حادث على السريع :p

اول بيت سكنا فيه كان زى البيوت و القصور القديمة فى مصر ’’ مفيهوش سطح

كان دورين ، والدور الثالث سقف للدور الثانى كان شكله مُميز اوى لكن مينفعش حد يطلع على السقف ده

وانا وأخواتى كان نفسنا نطلع نشوفه من فوق ’’ لأنه كان فيه على الجِناب ورد وزخرفة وكأن فى عالم تانى فوق

فـ كان فيه باب فى المطبخ بيدخل على غرفة واسعة جداً منها للسما علطول [ زى حديقة - بس مش حديقة’’ ]

المهم ، مرة - ماما وبابا كانوا فى الشغل ’’ فأنا دخلت الغرفة ديه وفضلت اتسلق الباب بتاعها ههههههه

ووقفت على الباب وفضلت احفر فى الحيطة واشيل طوب وأتسلق الجدار ههههههههههههههه

لحد ما طلعت فوق :|

بس قد ما فرحت انى طلعت ، قد ما خفت انى مش عارفة انزل هههههههههههه

وفضلت قاعدة فوق فترة مش عارفة انزل ’’ لأن الطلوع مش زى النزول ههههه

بس رجعوا اخواتى من المدرسة قبل ماما وبابا ،، وعرفوا الطريقة ، وطلعوا فوق ..

وبعدين ماما لما جت ،، فضلت تدور علينا ، ويا عينى مش عارفة احنا فين ولا عارفة تعمل ايه

وإحنا فوق - مش حاسين باللى بيحصل - وبعدين نزلنا بصعوبة شوية ، بس نزلنا ، وتوتة توتة فركش الحدوتة

7-اين كنت تقضي معضم وقتك؟

فى البيت او فى المدرسة او على البحر

8-لعبتك المفضلة؟

كُنت بلعب بكل الألعاب :]

9-هل كنت طفلا اجتماعيا ام انطوائي ولا تحب اللعب والمخالطة؟

كنت إجتماعية جداً جداً

10-لديك اصحاب من الطفولة؟وهل بقيت معهم ام باعدتكم الاقدار؟

آآه كانوا اكتر من واحدة ، بس أقربهم ليَّ كانت ولاء و لما ماتت [ ولاء ] - غرقت فى البحر

راح كل شيئ معاها :(

11-هل كنت تحب افلام الكارتون؟وما هو كارتونك المفضل؟

ايوه طبعاً كنت بحبها ’’

كنت بموت على سندريلا ، وسنو وايت ، وكونان ، وكتير افلام ^^

12-كيف كانت علاقتك باخوانك واخواتك؟

ما عندى غير أخين ^^

وكانت علاقتى بيهم كتير حلوة ،

13-ما هو اصعب موقف حدث لك في طفولتك ولم تستطع نسيانه؟

والله أغلب طفولتى - [ الجزء التانى منها بالتحديد ههههه] على اعتبار انها مُسلسل من جزئين :p -

كان اغلبها مواقف صعبة ’’ بس مش فاكرة اى موقف - من كترهم هههههه

14-هل هناك انسان معين غرت منه في طفولتك..ولماذا؟

لا مفيش ^^

15-صف لنا موقفك اول يوم دخولك للمدرسة؟

انبسطت كتير ’’ لأنو المدرسة كانت قريبة جداً مِن البيت

وكنت بشوف الأطفال وهما رايحين عليها ’’ كل يوم ، وبتمنى اروح معاهم ^^

16-شيء كنت تتمناه بطفولتك ولم تحصل عليه؟

كان نفسى اكمل تمرينات السباحة ,, و ما كملتها لأنو سبنا إسكندرية ، وسافرنا بلد تانية

ولما رجعنا على إسكندرية - خُفت من البحر :(

17-حلم الطفولة ما هو؟ وهل حققته؟

بتذكر وانا صغيرة كانوا جيرانا عندهم بنوتة - امورة جداً ’’

ولما حصل حريقة ، وجهها اتشوه جداً ، وكل عمليات التجميل فشلت ،

فأتمنيت إنى أدخل طب وأتخصص فى جراحات التجميل ، علشانها ’’

،، وفعلاً ’’ دخلت علمى علوم .. وكل الخطوات كانت بإتجاه الحلم ههههه

بس سبحان الله - إختارت مجال مُختلف جداً ، جداً ..!

18-ما هي الكلمات التي كنت ترددها في طفولتك؟

والله مُش فاكرة ’’

بس أكيد - ماما وبابا ^^

19-هل كنت مطيع لوالديك؟

اه ’’ إلى حد كبير جِداً ,, !

وبعد انتهاء كل عضو يقوم بأختيار عضو ثاني

بختار بعدى ’’

همسة العشاق ~



::


وتسلميلى نور حبيبتى على إختيارى

الله يسعدك يارب :)

[شهيد]

^^

[قسامي غزة]

يا جماعة الموضوع هاد نظام استضافة للاعضاء
ولا كل عضو يحكي عن طفولتوا بدون استضافة

[مآهينآز]

منورين ^^

قسامى .. المفروض انو إستضافة

نور الهدى بدأت ، وبعدين اختارتنى

وانا اختارت همسة العشاق ~

إذا بينفع مِن بعد إذنك حطلنا اسمها بالعنوان ^^

ويعطيكم الف عافية جميعاً

[خـالـد]

الموضوع رائع جدا
مشكورة كتيير على الفكرة
ولو انه كل عضو بيدخل وبيحط حياته افضل من الاستضافة
لانه بياخد وقت كتيير

حياة الطفولة لدى الاعضاء حلوة
حبيت أقراها
وخاصة ماهيناز

[مآهينآز]

الله يسعدك يا خالد ^^

وربى يبارك فيك :)

[قسامي غزة]

حاضر مهيناز

[PaLeStiNe FlOwEr]

موضوع أكتر من رائع بانتظار همسة

[PaLeSt!Ne SouL]

ما شا الله عليكو صبايا

منورين ^^

بانتظار همسة