هل للوحدة أيجابيات ؟

[السيف عدي]

المشاركة الأصلية كتبت بواسطة لالا-فلسطين 48 مرات بتلذذ من الوحدة ومرات بكتئب فيها!!!

يعني في مواقف عنجد بعوف حالي من كتر ما حولي ناس وبدي اقعد لحالي ومش عارفة خصوصا لما يزورونا ناس ومعهم اولاد زغار بقرقعوا، ما بصدق وهمي يروحوا لحتى يخلاللي الجو ويهدى!

بس مرات بطق من الوحدة وبدي اشوف ناس حولي بصير اتصل لصاحباتي وقراباتي المقربات مشان الله تعالوا عنا!

حلو انو الواحد يشتاق للوحدة بتلذذ فيها اكثر، ومن ايجابياتها التعرف على مكنونات الذات، النظر عنيقا الى داخل انفسنا والتعرف عليها، جلب الراحة والهدوء النفسي، الشعور بالاستقلالية والاكتفاءئ الذاتي، لاشعور باحساس مميز يطغى علينا!
ومن سلبياتها فقدان الثقة بمن حولنا واحيانا تصور ذاتي متدن لانفسنا، الاحباط والشعور بعدم الامان، الملل والوتينية.

بس كمان حلو انو الواحد يشتاق يشوف ناس حوليه، بنعم فيهم اكتر!

لانو ازا ضل الواحد عنفس الوتيرة طول الوقت بطق!!!

بس فش اصعب من الوضع اللي بيكون فيو حوليك ناس وبتشعر بالوحدة، بكون هاد توب في الاحباط!!!


يسلموو سيف عالموضوع العميق، شو كنك وحداني؟؟؟!!!


تحياتي..
لالا-فلسطين 48.

لا مش وحداني .. بس اجا ع بالي اناقش هالموضوع ..

كلامك واقعي ومتعمق كتير .. يسلمو ع الراي ..

ما ننحرم هالطلة ..

[السيف عدي]

المشاركة الأصلية كتبت بواسطة اسد 22 اخي بالنسبة للإنسان الذي يحشر نفسه في البيت يعاني بالاحباط وهي افضل وسيلة للانتحار سلبيات

ولما تكون في الحج برغم من وجود ناس تشعر بالوحدة لاشتياقك لرحمة الله سبحانه

ومغفرته وتبكي العين

وعندما تكون في السوق تتمنى أن لا تذهب لما تراه ترى وحوش

وعندما اكون في البيت اشعر بالوحدة لعدم فهمنا لبعض واني ليس بحزين لاني على صواب والحمد لله

اما العائلة تتحدث عن امور لا احبها ولا اطيقها وإن حدثتهم لا يسمعون

بالفعل اشعر اني وحيد بحاجة إلى صديق

هذه الشعور ليس جيد يجعلك تشعر باليأس

تسلم أسد ع المرور ... ما ننحرم هالطلة ..

[.. ليآل ~]

لا أبداً ،، مالها ولا ايجابيه وحده

الوحده احساس بشع وقاسي كتير

يمكن بعد فتره بيتحول هالإحساس لتعود او [حاله] صعب الواحد يطلع منها

وبيصير الواحد يحب يئعد لحالو ،،

ومتل ما انت حكيت اصعب شي بالفعل انك تكون حاسس بالوحده بين اهلك والناس الي بتحبهم وبحبوك

اما الوحده بحد ذاتها احساس بشع ومالو ايجابيات بالمره

بالعكس بيعلم الواحد يكون منطوي ،، وبيفقد الثقه بحالو ،، وببطل يعرف يتعامل مع الناس


::

إزا على محاسبه النفس ،، بيئدر الواحد يعملها كل يوم ئبل ماينام وخلص


::


موضوع حلو

شكرا حســـآم

[السيف عدي]

المشاركة الأصلية كتبت بواسطة الحان الحرية ع حسب شخصية الانسان ..

في ناس بيحبو يكونو لحالهم و شخصيتهم بتكون انطوائية او داخلية

و في ناس بينجنو لو قعدو لحالهم كتير وقت و شخصيتهم اجتماعية ..

بس كل انسان بحاجة لـ وقت يقعد فيه مع نفسو

يحاسبها

و كمان مشان يفهم حالو اكتر ..

بس الوحدة لمدة طويلة كتير مؤلمة و سلبية ..

و من ايجابياتها انها بتخلي الانسان يعتمد ع نفسهـ ..

يعطيك العافية خيّو ..

صحيح كلامك .. بترجع لشخصية الانسان ازا انطوائي او اجتماعي ..

يسلمو ع المرور الحان نورتي ..

[السيف عدي]

المشاركة الأصلية كتبت بواسطة أنين

لا وتحت لا ألأف خط

مافي ايجابيات ., والي بحكي في ., هاد عمره ماعرف شو يعني الوحده بجد

وكمان قصة مراجعه الحسابات ., طيب اليوم راجعت حساباتي وبكرا والي بعده والي بعد بعده .,

وبعدين ؟؟

رح نرجع للشعور بالوحده ., وحقيقة انو مافي انسان قريب منا حتى لو كان الكل حولينا

ومعنى الوحده مشوش عند ناس كتير

الوحده يعني لما تبكي ما تلاقي مين يمسح دمعتك او يسمع همك او يكون بفرحتك جنبك

هاي الوحده ., مو انو اقعد ساعتين لحالي بالبيت هي ئلها تعريف تاني

وسلامتكم ^^

جامدة ورئيسة قسم هههههه .. حلو انك قدرتي تميزي المفهومين عن بعض لاني خلطتهم جواة بعض ..

انا مع حكيك .. واحيانا الوحدة ضرورية او ازا بدك سميها الخلوة مع النفس .

ما ننحرم من طلتك انين ..

[السيف عدي]

المشاركة الأصلية كتبت بواسطة ليـــــــــــــال :shababsmile223:

لا أبداً ،، مالها ولا ايجابيه وحده

الوحده احساس بشع وقاسي كتير

يمكن بعد فتره بيتحول هالإحساس لتعود او [حاله] صعب الواحد يطلع منها

وبيصير الواحد يحب يئعد لحالو ،،

ومتل ما انت حكيت اصعب شي بالفعل انك تكون حاسس بالوحده بين اهلك والناس الي بتحبهم وبحبوك

اما الوحده بحد ذاتها احساس بشع ومالو ايجابيات بالمره

بالعكس بيعلم الواحد يكون منطوي ،، وبيفقد الثقه بحالو ،، وببطل يعرف يتعامل مع الناس


::

إزا على محاسبه النفس ،، بيئدر الواحد يعملها كل يوم ئبل ماينام وخلص :shababsmile240:


::


موضوع حلو

شكرا حســـآم

ههههههه ... معك حق .. الواحد يحاسب نفسة قبل النوم وخلص شو بدو بالوحدة ..

بس مرات الخلوة بالنفس ضرورية متل ما قالت دمعة اسى ..

تسلمي ع المرور والراي الحلو .. منورة ..