لـدي حــــق الفــيــتـــو " ...{{يـاسـيـن}}..."

[PaLeStiNe FlOwEr]

أكيد ما في بيت الا في مشاكل،، يمكن تكون من جهة اهل الزوجين ويمكن بسبب تربية الابناء او حتى عدم تفاهم الزوجين مع بعضهم..

بس بحس الطلاق مو حل،، يعني الأزواج المفروض اخر شي يفكروا في الطلاق،، وابغض الحلال عند الله الطلاق،،

يعني لازم يكون في تفاهم بيناتهم ولو تدخل أهلهم رح تخرب الدنيا الا ازا هما ما عرفوا يحلوا مشاكلهم ممكن يستعينوا بحد بفهمممممممممممم،،


بس برضوا كترة المشاكل بتعقد الابناء وحالتهم النفسية رح تكون تعيسة جدا،،فلازم يتجنبوا المشاكل امام ابنائهم،،

يعني لو مرت السنين وما توصلوا لحل ممكن يتطلقوا بس قبل كل شي لازم يفكروا بأولادهم ويحاولوا يضحوا عشانهم،،

يعني من كتر القصص الي بنسمعها ما في مرت أب طيبة الا القليل القليل القلييييييييييل


رح فكر بحكي كمان وراجعة

[.. ليآل ~]

يعني لازم يكون في تفاهم بيناتهم ولو تدخل أهلهم رح تخرب الدنيا الا ازا هما ما عرفوا يحلوا مشاكلهم ممكن يستعينوا بحد بفهمممممممممممم،،

شفتو انو كلامي صح

[قسامي غزة]

محجوز
النت عندي ضعيف وراجع ارد
ما حدا يوخد الكرسي بتاعي

[Arabian girl]

بسير احكي رأيي بالموضوع ولا لأ ؟

[PaLeStiNe FlOwEr]

طبعا بسير،، هينا احنا بنحكي

[PaLeSt!Ne SouL]

المشاركة الأصلية كتبت بواسطة AMJAD

هيني جيت ..
أول اشي بشكر القائمين عالموضوع .. وبتمنى تكون جلسة ممتعة ومفيدة بنفس الوقت .. وبطلب من الحضور الهدوء والانضباط ..
الأصير أُدام .. والطويل وره ... (وما حد يحكيلي ما عندهم مشاكل بالبيت) ما في بيت ما فيه مشاكل .. وللعلم المشاكل في البيت ظاهرة صحية .. بس مش كل يوم طبعاً!!!
(اللهم لا سهل إلا ما جعلته سهلاً، وأنت تجعل الحزن إذا ما شئت سهلاً)

أنا أدام حتى أدام كتير

و الله يا امجد ضحكتني من قلبي

شو دخل فيمتو بالموضوع

شكلك بتحبو كتير

[Arabian girl]

اوك يسلمو ^^
برأيي انو كل علاقة ممكن توجه صعوبات ومشاكل
وخصيصا العلاقة الزوجة وهادي المشاكل ممكن تكون ناتجة عن وضع مادي او تفريغ للغضب او تقصير من احد الطرفين او مجرد وسوسة شيطان على شيء تافه
بس الموضوع بكمن بكيفية مواجهتها يعني كلا الطرفني ما لازم ييأسو من العلاقة بسهولة ويختارو اما يعيشو بتعاسة او الطلاق
بالعكس لازم يكافحو عشان هادي العلاقة مو بس عشانهم عشان الاطفال (طبعا ازا كان بالموضوع اطفال ^^)
والطريقة هي الحوار او ممكن تذكيرهم لبعض بمسؤوليتهم واحترامهم لبعض
وكل واحد يعرف واجبو ويقوم فيو
يعني كل مشكلة والها حل :)

[PaLeSt!Ne SouL]

هلأ القصة مش كيف يحلوا مشاكلهم
القصة إنو خلص ما في مجال للتفاهم

و لا الحوار و لا حد يتدخل و يصلح بينهم

يضلهم بالهم هاد مشان أولادهم أو خوف من كلمة مطلق/ة بالمجتمع

و لا يطلقوا و يفرقوا الاسرة و الله أعلم بمصير الاولاد

[أم الوليد]

رح خبرك من تجربتي الخاصة بالموضوع...احيانا بتوصل المشاكل بين الأهل لطريق مسدود وخلافات لايمكن حلها...وهون بصير العبأ علينا احنا كأولاد...كل طرف فيهم بحاول يجذبك الو...وبصير ضغط نفسي كبير..فاحنا بس رحنا المحكمة ليسمع القاضي قبل الطلاق رأينا كبنات الطرفين....والله العظيم كأنو مبارح بالحرف خبرنا: عمو افصلهم وطلقهم وريحنا...كانت فترة عصيبة جدا...مابخبرك سهل القرار ..بس افضل من المشاكل الي عشنا فيها 6شهور...صحيح الطلاق كان كأنك بتختار بين عينيك الاتنين بس بالنهاية لازم حل..والاصلاح فشل فيه كل الي تدخلو اهل بابا واهل ماما واصحابهم ...سبحان الله (ليغني الله كلا من سعته) وصحيح هلا عايشين بس مش متل ابل في فرررررررررررررق كبير، ومابعرف اذا غلطنا بهيك قرار بس كان لازم نقرر وئتها ..الحمدلله عكل حال...وبنشوف ماما وبنحكيها...وعلاقتنا طيبة....بس بعاد ...ذكرتوني الله يسامحكم....

[أبومجاهد]

الحياة بلا مشاكل ما بتكون حياة

لازم كل واحد منا يكون إليه نصيب من المشاكل والنكد للي يكر عليه صفو حياته

وبدك الصحيح الخيارات صعبــة جدا ً

بس بدي اقول انو ما في مشكلة إلا و إلها حل

يعطيكم العافيـــة ،،،