لماذا لا نسامح ؟؟

[عاشقة الليل]

السلام عليكم ورحمة الله وبركاته ..
هنا اقف عاجزة عن معرفة جواب لسؤالي ..
اقف لأردد مجرد كلمات تاهت في مجموعة افكاري ..
واسأل نفسي .. لماذا لا نسامح؟؟
لماذا عندما يخطئ الشاب ويتوب نقول ( نزوة )
وعندما تخطئ الفتاة وتتوب نبقيها اسيرة لهذا الخطأ ..؟؟
لماذا نجعل انفسنا سجناء لعادات وتقاليد نحن وضعناها ؟؟
لماذا ننسى اننا مسلمين .. وان الله هو الرحمن الرحيم ؟؟
فإذا كان الله العظيم يسامح عبده لماذا نحن لا نسامح ؟؟
اتمنى أن اعرف رأيكم في هذا الموضوع ..

[- أبوالوليد]

أنا بأديك في هالتساؤلات
بس أنا ما عندي جواب
لأني بعترف بغلطي مش زي غيري

[محمود]

أختي ....

كلامك صحيح ..ومنطقي جدا ..

ممكن تكون الفتاه ضحيه العادات والتقاليد ..

لكن هذا الامر ينطبق من اتجاه اخر على الشاب ..

والله يا اختي ..

كلامك بنعيشه اليوم .. الانسان بخطأ وبتوب عند ربه ..

لكن الواحد ما بلاقي الا الجحود من اهل الارض .. والمعايره في الخطأ ..

كأنهم بدهم يعطوه درس جديد في الأدب .. مهو خلاص الانسان تاب يعني بدل العتاب ..

في اشي اسمه نصيحة بالأول ..وتاني وتالت كمان .. يعني الانسان الي يكون مرتكب ذنب

وبشوف هاد الجحود من البشر ممكن يتمادى فيه لشغل الدقارة والعناد .. والناس ما بترحم حدا

وبتنسى الخير الي في الانسان وبتقف عند بداية نقطة سودا وبتغمقها .. للأسف طبعا ..

بدل ما يصلحو في الانسان بدمروه .. واذا كان الانسان ماشي في طريق الهداية ،، من خلال

كلامهم بحفروا اله حفر يوقعوه فيها ...والله حرام ..

وشكرا لك موضوع مهم جدا .. وياريت الكل يستوعب هاد الاشي ..

[عاشقة الليل]

انا بأيدك في كلامك أخ محمود
بس حتى لو كان الشب ضحية
بس البنت دايما هي العنصر المظلوم في المجتمع
وفعلا الناس بتخلي الشخص يتمادى لانها ما بترحم حد

[ابن الانتفاضة]

المسامحة شي حلو ، بس عندي تعليق على كلامك ، العرب يا اختي لما اعطو البنت القدر الاكبر من شرفهم وحملوها ثقل كبير وهو الشرف ما كان لانه الشاب مش عم يقدر يحمله ، بل لانكم البنات يعني ، اغلا ما نملك ، وللحفاظ عليكن من عيون العالم والناس الاخرين ، لان البنات هم الضلع القاصر والعضو الاضعف بصراحه يعني ما بتقدر البنت تدافع عن حالها ، لكن يعني اي شاب بيحاول يعتدي على بنت بفكر مليون مرة لانه بيعرف انه حسابه رح يكون عسير ، اما انه الشاب نزوة غلطته والبنت عمرنا ما بننساها ، فبالنسبة الي التنين سواسية ، حتى في الدين الاسلامي الاحكام هي هي للشاب والبنت بالمساواة ، يعني الشاب الزاني الاعزب 80 جلدة والبنت كمان ، ما راح الاسلام ضرب الشاب واعدم البنت ، لكن لانه زي ما حكيتلك البنت حملت امانه الشرف الكبرى صارت تتحمل مسؤولية الحفاظ عليها
تحيتي لموضوعك ومواضيك المميزة كلها

[عاشقة الليل]

اخي حنين يمكن عندك انت البنت والشب سواسية
بس في مجتمعنا ما بسامح البنت على اي غلط كان
بس الشب بنسوا اخطاؤو

[ابن الانتفاضة]

لا مش الكل هيك يا عاشقة
بعدين انا قلتلك فوق ليش بيعاملو البنت هيك

[عاشقة الليل]

اخ حنين بعرف انو مش الكل هيك
بس الاغلب
وانا مع رأيك بس برضو هاد مش سبب
لانو الناس لما ما ينسوا خطأ البنت بتصير تحكي فبالها
ما هي خربانة خربانة .. صح

[ابن الانتفاضة]

معك حق والله
بس يعني الا ما يكون في شي داخلي
يعني الانسان لما بيعرف انه هاد خطا ما يكرره
يعني ما لازم اعمل الخطا عشان اعاند المجتمع والناس
بالنهاية بعمل الاشيا اللي بتوافق قناعاتي مش الناس

[عاشقة الليل]

يا اخ حنين ما في انسان معصوم من الخطأ
ولا تنسى انو كل ممنوع مرغوب خاصة في سن المراهقة
لانها بتكون مرحلة طيش لكل من الشباب والبنات