هل تفكيري صحيح؟

[شمعة الايمان]

السلام عليكم


مابعرف اول مادخلت توجيهي وانا حاسه حالي ضايعه تايهه مابعرف شو بدي اليوم بضيع من دون ماادرس شي لحد هلا ما درست ماده منيح مابعرف ليش بسير معي هيك حاسه انو في حمل تقيل على قلبي انا مو خايفه بلعكس منهج علمي تانيه سنوي اصعب من منهج علمي توجيهي انا مبسوطه من المنهج ليش بسير معي هيك انصحوني؟

[PaLeSt!Ne SouL]

عضو ة جديدة في مجموعة التوجيهي عنا

أهلا و سهلا فيكي

حبيبتي هاد شي طبيعي لأنو الناس بيفكروا توجيهي شي صعب

لكن مو المنهج اللي صعب

الصعب إنك تحافظ على أعصابك و نفسيتك

إهتمام اللي حواليك بك و تمنيهم تجيبي معدل بيرفع الراس بيحسسك بالضغط و المسؤولية

لكن لازم كون واثقين أنو اللي الله كاتبه بيصير

و الثقة بالله و الإيمان بما قدره الله لنا بيخلي الإنسان يشعر براحة اكبر و طمأنينة

و هاد شي عادي إنو الإنسان يحس فيه بفترة معينة

لكن لو طول رح يأثر سلبي عليكي

الله يوفقك يا رب
و ما تنسينا من التحلاية يوم النتائج

[.: بو جاسم :.]

... نفس الحالة ..:( ... بس انا مع كل درس ادرسه بيومه ... والباقي على الله .... وبعد دراسة عادية مرور عادي على كل الدروس ...


الله يوفقنا وياج ان شاء الله ... والتوجيهي صحيح محتاج دراسة زيادة ... لكن التوفيق بيد الله ... فنصيحتي ... ادرس اللي تقدرين عليه .. لانج لو درستي بدون نفس ما راح تستوعبين شيء من اللي تدرسينه ... وتوكلي على الله ... ومن يتوكل على الله فهو حسبه

دمتي بود

[أنثـــى]

لأنك سمحت لأفكار الخوف أن تتسرب إليك وتضيع تعبك وسهرك

اطردي تلك الأفكار ولا تضغطي على نفسك

بالتوفيق :)

[&نسيم الروح&]

بصراحه ما بئدر اعطيكي نصيحه انا كنت متلك وما كنت بحب الدراسه بالمره

مع اني كنت متحمسه لدرسي والسنه الي انا فيها كنت معتمده على عئلي وبس والاشياء التانيه مت همتني بالمره

بس انتي استعيذي بالله من الشيطان وما تهكلي هم بالمره وضلي اقراي قران وصلاتك لا تنسيها

بلكي رتحتي والله ينجحك يا رب

[اجمل احساس]

ما بصير تسمحي انو يضيع وقتك اكتر من هيك لانو فتحي وغمضي الا السنة خلصت حبيبتي لازم تشدي حيلك من اولها عشان تجيبي المعدل ايلي بتحلمي فيه وترفعي راسك وراس اهلك فيكي ،، كل ما تحسي بخوف قومي صلي ركعتين وادعي انو ربنا يوفقك صدقيني رح ترجعي على مكتبك وانتي حاسة بتفاؤل


كلنا مرئنا بالتوجيهي وحسينا انو في علينا ضغط ومسؤولية بس بالأخر متل كل سنة بدنا نخلصها وايلي كاتبو ربنا حيصير لكن شدي حيلك وادرسي اول بأول عشان تلحقي حالك


اسفة لاني طولت عليكي اصلا لسه عندي حكي كتير هههه بس بكفي ما بدي اوجعلك راسك وانتي هلا محتاجة راسك للدراسة يلا قومي استهدي بالله وادرسيلك كلمتين ينفعوكي ههههه


الله يوفقك ويسهل التوجيهي بين ايديكي يااااااااااارب