ليش ياترى!!!!!

[أم الوليد]

يسعد صباحكم جميعا

مبارح كنت بجلسة بنات وكان اغلب الحديث عن الي بدها تصبغ شعرها، والي عملت دايت، والي بدها تحط لينسز ، والي مش عاجبها طولها ، وغيرو كتيييييييييييييييير من حكي البنات، حلو كتير نهتم بمظهرنا الخارجي ونسعى للكمال فيه، بس ياترى ليش ماحد بدور عالجوهر!!!!

الجمال الداخلي؟؟؟ او مابنشغل بالنا حتى كيف او ممكن نضيف لنفسنا جمال داخلي ينعكس عشكلنا الخارجي!

ليش ماحد بهمو يحسن حالو من جواتو كإنسان!!!

هل بنعتقد انو الناس مش شايفة منا إلا القشرة الخارجية!!!

او بنعتقد اذا كان شكلنا حلو ذنبنا مغفور!!!ورح يشغل الناس عن تفاهة المضمون!!!

الجمال الخارجي بكملو جمال داخلي ولا غلط!!!

ومابظن بكفي او بغطي الشكل عالمضمون الي بنكشف بسرعة انو فااااااااااااااضي ومزوء من بره بس !!!

حابة اسمع رايكم

[لالا-فلسطين 48]

ام الوليد بدي احيكي كتييييييييير لانك عنجد طرختي قضية وتساؤلات اللي عنجد كنت كتيييييير اطرحها واتسائلها لحد ما تبينلي انو زي ما في ناس فاضية من جوا وبتحاول توحي انها مليانة بشكلها الخارجي فطالما انها فاضية، اكيد حكيها وكلامها رح يكون فاضي بالزبط زي مضمونهم الفاضي فهو منبع الحكي. وز ما منعرف حكي الشخص هو مرآة تعكس ما بداخله وبترسملنا شخصيتو.......

بس في المقابل في ناس بتقعدي معها ويا الله شو بتبسطي لحكيها اللي بالمرة ما بكون فاضي وبعكس شخصية انسان بعيش الحياة بكل تفاصيلها....... بتحسي انو عم يخاطبك من جواتك......

يعني مع الزمن بتصيري تميزي بين الناس وتعرفي شو كل جماعة عم تحكي وشو شاغلها بدون ما تكوني بينهم حتى..

وبالاخر بحب ازكر انو حلو انو الواحد يحكي عن الشكل والستايل والكولكشن بس بالمعقول ازا الاشي زاد عن حدو بصير تافه وسخيف.....
وانا فلسفتي اللي عنجد مؤمنة فيها انو قد ما يكون الشكل الخارجي حلو رح يلفتنا كبداية بس وبنتهي شغلو (من هون بأكد انو في اهمية للشكل الخارجي) بس بعدين بيجي الشكل الداخلي، الشخصية والمضمون، يا انو يقوي وبعزز الشكل الخارجي او بشوهو!!!!!!!!

ورح اقتبس من حكيك جملة حلوة عجبتني كتييير:
"مابنشغل بالنا حتى كيف او ممكن نضيف لنفسنا جمال داخلي ينعكس عشكلنا الخارجي!"

تحياتي لالك..
لالا-فلسطين 48.

وسوري ازا طولت!

[قاهر الصعاب]

الاخت ام الوليد موضوع جميل شكرا لك

المظهر العام يترك انطباع شخصي عن الشخص امام الاخرين وهو مهم والمهم في نظري اكثر هو المضمون والجمال الداخلي والاخلاق الحسنة .
لكن ذلك لا يلغي اهمية ان يسعى الانسان وخاصة المراة للجمال ولكن ليس الى درجة مبالغ بها وملفته للنظر 0 لان في بنات يكون قصدها الاغراء للناس في الشوارع ) وهذا خاطيء.

مع التحية

[اجمل احساس]

هلا حلو انو البنت تهتم بشكلها طبعا لانو هاي بالفطرة والإنسان بشكل عام سواء ذكر او انثى بيحب انو يظهر بشكل لائق وحلو طيب انا فاهمة شو قصدك بالحكي ومن خلال اموضوع بس حبيت احكي هالكلمتين استفتح فيهم،،،

من شي اسبوع كنت قاعدة جمعة بنات وبرضو كان اغلب الحكي عن الستايل والمكياج وووو

بصراحة كنت اناقش معهم بعض هاي المواضيع وبعدين لئيت القصة طولت زهئت قمت غيرت الموضوع ههه صرت احكي عن الجامعة والشغل
بلاش ما اكتر حكي هلأ واطول عليكي بس فعلا لازم الواحد يهتم بالداخل لانو المظهر الخارجي عطول رح يتلاشى ،، في عنا واحد بالعيلة كان بدو يتجوز بنت ملكة جمال وضل يدور يدور المهم لقى بنت عجبتو وبدون ما يسأل عن تفكيرها وطريقة حكيها واسلوبها بالنقاش راح اتجوزها وهلأ قاعد بيعاني منها لانها مو قد المسؤولية يعني ايلي بدي احكيه هلأ انو مو كل شي الشكل الخارجي لا طبعا لازم الواحد يهتم بالجوهر متل ما حكيتي ملك

معلش طولت عليكي كتير بعرف بس الموضوع عجبني وهو فعلا من الواقع

تحياتي إلك حبيبتي

[أم الوليد]

المشاركة الأصلية كتبت بواسطة لالا-فلسطين 48 ام الوليد بدي احيكي كتييييييييير لانك عنجد طرختي قضية وتساؤلات اللي عنجد كنت كتيييييير اطرحها واتسائلها لحد ما تبينلي انو زي ما في ناس فاضية من جوا وبتحاول توحي انها مليانة بشكلها الخارجي فطالما انها فاضية، اكيد حكيها وكلامها رح يكون فاضي بالزبط زي مضمونهم الفاضي فهو منبع الحكي. وز ما منعرف حكي الشخص هو مرآة تعكس ما بداخله وبترسملنا شخصيتو.......

بس في المقابل في ناس بتقعدي معها ويا الله شو بتبسطي لحكيها اللي بالمرة ما بكون فاضي وبعكس شخصية انسان بعيش الحياة بكل تفاصيلها....... بتحسي انو عم يخاطبك من جواتك......

يعني مع الزمن بتصيري تميزي بين الناس وتعرفي شو كل جماعة عم تحكي وشو شاغلها بدون ما تكوني بينهم حتى..

وبالاخر بحب ازكر انو حلو انو الواحد يحكي عن الشكل والستايل والكولكشن بس بالمعقول ازا الاشي زاد عن حدو بصير تافه وسخيف.....
وانا فلسفتي اللي عنجد مؤمنة فيها انو قد ما يكون الشكل الخارجي حلو رح يلفتنا كبداية بس وبنتهي شغلو (من هون بأكد انو في اهمية للشكل الخارجي) بس بعدين بيجي الشكل الداخلي، الشخصية والمضمون، يا انو يقوي وبعزز الشكل الخارجي او بشوهو!!!!!!!!

ورح اقتبس من حكيك جملة حلوة عجبتني كتييير:
"مابنشغل بالنا حتى كيف او ممكن نضيف لنفسنا جمال داخلي ينعكس عشكلنا الخارجي!"

تحياتي لالك..
لالا-فلسطين 48.

وسوري ازا طولت!

بالعكس شرفتي وخدي راحتك لانو حكيك واقعي وصحيح نورتي حبيبتي

[أم الوليد]

المشاركة الأصلية كتبت بواسطة قاهر الصعاب الاخت ام الوليد موضوع جميل شكرا لك

المظهر العام يترك انطباع شخصي عن الشخص امام الاخرين وهو مهم والمهم في نظري اكثر هو المضمون والجمال الداخلي والاخلاق الحسنة .
لكن ذلك لا يلغي اهمية ان يسعى الانسان وخاصة المراة للجمال ولكن ليس الى درجة مبالغ بها وملفته للنظر 0 لان في بنات يكون قصدها الاغراء للناس في الشوارع ) وهذا خاطيء.

مع التحية

هاد الاصد اخي انو مانزيد اهتمامنا بالخارجي ونركز عليه مع انو فطرة المرأت انها بتحب الجمال والزينة بس كمان ماتكون فاضية من جواها...شرفتني بوجودك الاجمل

[أم الوليد]

المشاركة الأصلية كتبت بواسطة اجمل احساس هلا حلو انو البنت تهتم بشكلها طبعا لانو هاي بالفطرة والإنسان بشكل عام سواء ذكر او انثى بيحب انو يظهر بشكل لائق وحلو طيب انا فاهمة شو قصدك بالحكي ومن خلال اموضوع بس حبيت احكي هالكلمتين استفتح فيهم،،،

من شي اسبوع كنت قاعدة جمعة بنات وبرضو كان اغلب الحكي عن الستايل والمكياج وووو

بصراحة كنت اناقش معهم بعض هاي المواضيع وبعدين لئيت القصة طولت زهئت قمت غيرت الموضوع ههه صرت احكي عن الجامعة والشغل
بلاش ما اكتر حكي هلأ واطول عليكي بس فعلا لازم الواحد يهتم بالداخل لانو المظهر الخارجي عطول رح يتلاشى ،، في عنا واحد بالعيلة كان بدو يتجوز بنت ملكة جمال وضل يدور يدور المهم لقى بنت عجبتو وبدون ما يسأل عن تفكيرها وطريقة حكيها واسلوبها بالنقاش راح اتجوزها وهلأ قاعد بيعاني منها لانها مو قد المسؤولية يعني ايلي بدي احكيه هلأ انو مو كل شي الشكل الخارجي لا طبعا لازم الواحد يهتم بالجوهر متل ما حكيتي ملك

معلش طولت عليكي كتير بعرف بس الموضوع عجبني وهو فعلا من الواقع

تحياتي إلك حبيبتي :shababsmile240:

بالعكس حبيبتي خدي راحتك لانو كملتي الي بدي احكيه تمام وهاد الاصد من الحكي وخير دليل تجربة قريبك ( بيني وبينك بحس هالقعدات صارت تافهة جدا يعني مش كل الدنيا موضة وميك اب وشعر صحيح احنا بنات بس مش هيك في قضايا كتير اهم وكل وقت الو اذان شرفتي ياقمر)

[بنت غزه]

مرحبا ام الوليد



والله مشكلتي بحب الاناقه والجمال والترتيب وبحب الناس المهتمين بحالهم واللي دايما لابسين بدل رسميه ^_^


وياريت الكل يكون حلو من بره ومن جوه لانه الجمال الداخلي وحده لايكفي والخارجي ايضا لايكفي

فلا بد من الاثنين

[أم الوليد]

شرفتي حبيبتي ماهو هاد الاصد لايطغى الجانب الخارجي عحساب الداخلي، ولايكون الواحد مبهدل لازم يكملو بعض

[نسمة بلادي]

فعلا متل ما ذكرتي حبيبتي وهيك اغلب حكي البنات

وانا ما بنكر انو أنا نفسي بهمني الشكل الخارجي وعندي اهتمام لذلك

بس ازا الحكي بكتفي ع الأناقة والاشكاليات هادي الشغلة بتصير مملة

والبنت اللي بهمها بس شكلها الخارجي بنظري بتكون تافهة ..

في امور بحياتنا أو بالأحرى واقعنا لازمنا نتناوله كموضوع نتناقش فيه ..

تشكري يا غالية ع الموضوع